殿 大喜屋

營業中

休息中

來過殿大喜屋無數次，每次想食日式放題都會諗起呢間，因這兒的食物選擇較多，對我而言，地點也算方便。我們在致電訂位時有說明有人生日，所以，有送生日朱古力球。上兩次來的時候，冇咗MilkTop既沖繩海鹽雪糕，呢兩次嚟食又有番了，這是我必食的。另拖羅，炸蝦天婦羅，啤酒啫喱虎蝦，滑溜既左口魚邊壽司，和牛薄燒，黑毛豬火腿配薯蓉，也是我每次必食的。刺身方面，以往叫開的超大隻既蝦刺身，都冇咗，有點失望。同時，點菜紙與以往的，也有些微改動了，不知道是否與港島果間開咗而有所影響??吃了咁多次，都開始有點悶了，看來，係時候搵定另一間更精彩的放題了。

聽說大喜屋系列的頂級水準是殿,果然6時開始人龍便形成,需要排隊入座。職員都十分殷勤,似乎已訓練有素,主動拿落單紙和提供服務。刺身的獨特之處,就是罕有地提供拖羅,可說是比其他日式放題食店吸引。而且質素有一定水準,厚度和鮮甜度都比一般預期好。必嚐款式是甘蝦和牡丹蝦,完全沒有腥味,只有鮮味。但話說回來,拖羅始終以赤身為主,不夠肥美。其他如帶子及赤貝則十分美味。另一綽頭是近年大熱的海膽手卷,不會由店員送上,而是排隊即叫即做即拿,保證第一時間享受最新鮮的食材,又不怕浪費。份量的確很多,擺滿飯頂,但略嫌有點腥。海葡萄是沖繩特產,在香港很難吃到,所以有驚喜。這裏的飲品及甜點款式一大堆,最吸引我的是這款啤酒,有點像jolly shandy.整體來說食物是高質的,但距離頂級還差一點點。

一年容易又莊聚，班腦細話今次想食放題，咁未同佢地揀一間又就腳又有返咁上下質素嘅殿大喜屋囉！殿大喜屋係尖沙咀諾士佛台下面，非常近地鐵站，啱晒班大帝食完放題去飲嘢！一入到去殿大喜屋，感覺上以為自己去咗日本啲風旅懷石料理餐廳，幾乎所有位置部係卡位！呢度嘅裝修靚到我仲以為去咗酒店食飯！呢度嘅職員都多到，隨時可以俾你最優質服務！行入去水吧枱同埋食物區你就會見到有好多飲品免費俾你飲，包括cocktail、sake、大量罐裝汽水同埋果汁！行過啲你仲會見到雪櫃裏面有大量嘅生果，係切晒一份份俾你唔使搣皮擺入口即刻食既生果！再行過啲，你又會見到好多好多杯雪糕杯，又有Haagen-Dazs ,又有movenpick，真係爭啲以為食晒D雪糕都已經夠為皮！行左咁耐終於都坐低食正餐！首先出台嘅係我哋嘅魚生拼盤！三文魚腩、吞拿魚腩、油甘魚、劍魚、長腳蟹、深海大海老，帶子！每一塊都係厚切！有幾厚？差唔多你成隻手指咁厚！睇下menu，呢度有個殿堂推介！梗係即刻叫！呢個叫做鯨龍薄切伴海葡萄(土佐酢水雲)，唔執輸會我地梗係叫埋去啦！嘩！碟魚生一送上黎，我地就知咩叫矜貴！一眼望落去度，仲以為有幾條錦鯉魚係隻碟度游嚟游去！呢一

好耐冇食到放題啦，覺得食放題係要一大班friend先夠好食嘅，今日終於約到班好耐冇見嘅中同，食返餐放題啦。嚟到呢間殿大喜屋，話明殿，緊係好多選擇啦，就嚟乜都有得食啦，刺身，壽司，燒物一般的都有，反而熟食煮條菜加冬菇丫，燉湯丫都有，好多元化。刺身大至上都好新鮮，個人推介拖羅，都幾鮮甜，入口即溶，吾錯，三文魚同樣吾衰得嘅食物之一，同樣新鮮，仲有北海道鮮帶子，大大粒，食多幾粒都夠回本。海膽手卷係我必食之一，佢嘅海膽少有咁新鮮，一舊舊原整，好鮮甜，creamy好正，我食左兩舊。頭先講過燉湯要介紹下，食左個椰子粟米湯，清清甜甜，好有丫媽煲湯feel，幾好飲。雞翼同燒菠蘿我都好喜歡食，有次有間放題冇燒菠蘿我都失望左一陣，今次食返夠本。雪糕好多隻味，值得一讚，haagan dazs嚟，正。食得好飽嘅一餐。

大喜屋一直都係我食放題嘅first choice. 今次同朋友book左殿大喜屋，聽講係比一般大喜屋仲要高級，所以我就滿懷期待咁去左試😆一去到就緊係叫左個刺身先喇，選擇都幾多，除左三文魚、油甘魚等普通放題都有嘅刺身之外，仲有拖羅呢類價位較高嘅刺身刺身都相當厚身，非常新鮮，食落鮮味十足。餐廳壽司選擇亦相當多，各種各樣嘅壽司同創意小卷都有，我就每樣叫左一啲黎試下。個人非常鍾意黑松露油甘魚壽司，肥美嘅油甘魚同黑松露簡直係perfect match,真係諗起都流晒口水。呢款係我有再encore嘅蟹膏軍艦，食落非常鮮美有蟹味，正呀。除左壽司同刺身，燒物亦都係我食放題必叫嘅。呢度嘅燒海蝦非常大隻，蝦頭入面亦有好多蝦膏，岩晒我。燒牛吞分量岩岩好，但係如果可以燒得腍少少會好啲。呢個燒牛肉真係超好食，食落唔會太un有牛味，仲有片片炸蒜，食落非常香口。bar果到有得攞cocktail同梅酒等，味道都相當唔錯。最後食完所有野，就緊係用另一個胃黎食甜品喇我攞左沖繩海鹽味雪糕，好好味呀。

朋友生日，大家決定去試下，我地食頭一場，6pm開始。首先來一盤刺身拼盤，各類刺身都OK，另外有海膽手卷，海膽份量多，味道OK。熱盤食物水準平均。雪糕有Movempick , Häagen-Dazs及Milk top.當我地食到差唔多一半，侍應就問我地需唔需要截停已入單的食物，我覺得呢個服務都幾好，因為一開頭大家一定不停落order ,咁樣做可以唔使浪費食物。由於食頭場，侍應好早已經執拾地方，時間好似好趕咁，所以個係稍為唔滿意嘅地方。

之前食過一次大喜屋覺得唔錯，今次終於約左同事一齊黎食個高級版<殿大喜屋>。一開始未叫刺身之前出左去出面拎下野食先，夾左件巴馬火腿蜜瓜同兩件米紙卷。米紙卷因為冇點到汁黎食所以味道比較淡，個巴馬火腿蜜瓜就岩岩好，冇太咸之餘，舊蜜瓜仲好甜。野飲方面就拎左細細杯梅酒試下，因為本身唔係特別鐘意飲杯，點知出到黎杯酒都好易入口，唔算太勁酒味，平時冇飲開酒嘅人都可以試下。刺身方面好多款都叫左黎試下，包括三文魚、北海道鮮帶子、甜蝦、拖羅、油甘魚同赤貝。整體都好新鮮，特別貝類都算新鮮爽口，不過另外就對泡魚王有點失望，雖然切得好薄好靚，但味道唔算特別鮮甜。值得一提係食到咁上下會有侍應可以將刺身夾開先，因為下面D冰溶左就會好易好細菌。比起刺身呢到更多壽司可以簡，我地簡左黃金蟹棒、蒲燒饅魚、海盬燒左口魚邊、海盬赤蝦同雪昆布松葉蟹膏軍艦，唔錯! 唔錯!燒物只係叫左盬燒牛舌同燒菠蘿，牛舌燒得幾香，但略嫌有小小硬，反而我對菠蘿就相當滿意，酸酸甜甜。唔只菠蘿，因為本身非常鐘意食榴槤，所以炸物叫左個榴槤炸彈試下，本身冇咩大期望，點知竟然有驚喜，個炸粉冇太厚之餘，仲唔會有好大陣油味蓋過陣榴槤味，雖然個榴槤炸

家姐升職，話要請我地食餐好既，甘我當然簡放題，反正唔洗自己俾，就話去食殿 大喜屋。平日夜晚已經好多人，侍應人數算多，唔怕會冇人理。漏單情況可以話係冇，不錯。未寫紙之前就出去拎野飲同小食，野飲都算多。小食幾高質！有Parma ham，好大粒既八爪魚等等。呢度叫壽司會有d好靚既擺盤，唔會好似出面個d甘hea。甘多款壽司中，最中意係黃金塔同燕窩花之戀，因為呢個口感豐富得黎係知食緊咩加上三文魚勁肥美！帶子都好味，但鵝肝唔出。然後6點半可以排隊拎海膽手卷，一開始都幾多人，但師傅幾快手唔洗排太耐。海膽勁多唔腥，一定要排黎食！熱食一向都最中意，呢度有樣出面放題好少見既玉子燒！芝士真心麻麻，但另外嗰個明太子香蔥玉子燒真心正，明太子多到瀉出黎，蛋又滑唔會過熟！芝士燒帆立貝，帆立貝幾大粒又新鮮，同沙律同芝士好夾，食左幾隻😂。另外仲叫左d雞翼，芝士年糕，蟹肉蒸蛋，天婦羅等等，味道都幾好食！雪糕除左食我最愛movenpick既chocolate chips外，仲試左milktop既沖繩海鹽。好特別！唔大甜又咸咸都幾好食！

因其他大喜屋已食多次放題今次真的忍不住寫食評，今次和閨蜜慶祝生日所以選間最貴的！但食物水準真的太令人失望！現只是指出其中最差幾樣食物出來批評！刺生併盆全小塊片而且放置少少凌亂求其插束絲花！就算忙也要保持質素！串燒牛舌應該好像已燒了很久再返燒或再放焗爐加熱所以很乾很硬！網燒薄切和牛，沒上汁全無味！椰子㷛雞湯超咸！最離譜是那個海燕窩燉椰汁木瓜，不知是否椰奶變壞或加了某些東西，味道是BB嘔奶的味！食了一啖已好嘔心！其他食物也是平平無奇！甜品完全不吸引除了有高級雪糕！如果提高價錢$360連加一只是為了提供hoegaarden啤酒和Asahi貴價啤酒，那對不飮酒的客人是否不公平！

最近工作忙碌，好一段日子無去食過日本野，今次又係時候好好獎勵一下自己，試了殿堂級的放題——殿·大喜屋！裝潢優雅，環境光猛，感覺很有氣勢，雖然座位略迫，不過都算坐得舒服！「廣告時間」有獨立包裝的紙巾和濕紙巾，感覺衛生乾淨，而且又可以介紹給其他朋友😛😛「廣告時間」有個自助吧，落單等待時間可以先去飽肚一下，有沙律，炸薯角，前菜等等，款式也不少！不過refill速度略慢，沙律沽清後行了兩圈後也未有補給！個人喜歡海哲和芝麻八爪魚，後者大大粒，開胃前菜佳品！😁😁刺身拼盤，和女朋友兩個人吃未能點得太多，不過我們重質不重量，油甘魚和呑拿魚也很肥美新鮮，比外間的放題店壽司店高質素，而且還有坊間少見的松葉蟹腳，值得一試！😋😋燒帆立貝，即叫即燒，足料好味！小弟眼見每枱人都必會點吃，侍應們都忙過不停在送，必點食物呢！平時吃帆立貝都不便宜，吃多幾隻可以回本！😝😝他他牛料理，將生牛肉沾上黑醋和洋蔥吃，感覺清新特別，不過牛肉是生的關係，有點韌和難咬！女人看見血淋淋的生牛肉，大叫怕怕不敢吃呢！😆然後就是限時派發的手卷，要排隊等待師父的即場製造，拖羅手卷和海膽手卷！拖羅和海膽算是較名貴的食材，但質素一點也不馬虎，正！😋

10月份係生日月，搞到成日都想食好d🤔今次就黎好耐好耐之前就想食既殿。大喜屋食。因爲唔想太夜食就簡左6點去食，去到拎完飛要係街等到6點職員先會俾人入😂😂🙈飲品，無糖既選擇不多，但可以自己沖熱茶👍🏻蘋果汁亦夠酸，另外仲拎左杯cocktail都幾好飲又易入口🤓永遠都係食生野先，就每款刺身都叫左幾件黎食☺️最驚喜係蟹腳，勁大件又厚肉赤貝都唔錯有海水味☺️其他刺身都新鮮大份唔差👍🏻之後就到壽司同卷物，唔知點解人地d擺碟靚d😟可能我地叫得唔多🤔👍🏻👍🏻最最最好味就係蟹膏蟹肉軍艦，好濃味又鮮甜！encore左2次！熟食都有好多選擇，最surprise既一定係燒鰻魚！好厚好多油香味又冇骨！又會入口即融😆其他食物好似榴連炸彈，芝麻雞翼，燒海蝦就同其集團其他放題一樣，質素也不俗！唯獨羊架燒得太耐，但調味反而更重味，有得必有失吧😂😂甜品要左hagandize前排新出既strawberry yogurt ice cream，真係好fresh好好食！同叫左個燕窩燉木瓜，勁香甜又潤喉！

好朋友非常喜歡殿大喜屋嘅去皮燒菠蘿，話一定要同我黎試試，但係呢度嘅放題點只咁簡單價錢黎講，星期一至三308蚊一位，時段可選6:00或8:45食兩個半鐘。首輪刺身有大甜蝦，油甘魚，拖羅，帶子，赤貝，馬刀貝，三文魚，長腳蟹。招牌貨拖羅真材實料，非常肥美，略帶少少筋，任食質素嚟講已經超哂班，值得不停安哥。鯨龍魚刺身入口甘香，好特別。6點半開始可以攞特大海膽手卷，每次可以攞兩件，一開始要排一陣，期間秩序良好，好快就有得攞，個海膽真係超大件，好鮮甜，海膽愛好者表示大大大滿足，小心手卷d飯好大舊，好易飽。雖然話限定，但份量充足，之後再去攞已經可以唔使排隊。燒牛舌燒得好香，肉質爽嫩，牛脂香爆發，正。蒜片和牛薄燒，肉質好嫩，配燒汁食好味!燒鰻魚係今晚嘅驚喜，好厚肉，肉質新鮮彈牙，呢碟已經係安哥六件食左咁多生冷野，有啖靚湯就啱哂，每人一盅椰子燉雞湯，好香椰子味，熱辣辣夠暖胃。安哥嘅拖羅依然肥美，無跌volt。雪糕質素仍然係殿堂級，有haagen daz 士多啤梨乳酪味，北海道milk top沖繩海鹽牛奶，movenpick 嘅朱古力雪糕，三款都係品牌皇牌，而且全部可以任攞!!! 勁! 有清酒梅酒coc

今日一行13人幫襯午市放題，12入座，唔係太滿場，食物質素同另外幾間大喜屋差不多，沒有傳聞的驚喜，侍應態度一般，出食物速度比較慢，而且追單要追幾次，12：10落單燒牛舌+燒鰻魚，13：00都未有，向侍應追單回覆一句“全場客第一round都未出”差不多到13：20才到，未夠14：15已經要埋單，中間漏單情況都幾嚴重。

這間日本料理值得再次介紹，因為用料新鲜，服務又好，對比他們集團的大喜屋優勝多了，雖然價格高了一點但不需要排隊，而且東西又快又準，而銅鑼湾那間慢好多，差不多要半個小時。

不用等， 因好多空位。 已幫襯了好多次, 但今天好大改. 拖羅變赤身。 12:00食. 但13:00 入的單有８成拖到14:00 要你埋單仍未來。 若咁以後不來了