影片
更多
2017-10-10
518 瀏覽
好朋友非常喜歡殿大喜屋嘅去皮燒菠蘿，話一定要同我黎試試，但係呢度嘅放題點只咁簡單價錢黎講，星期一至三308蚊一位，時段可選6:00或8:45食兩個半鐘。首輪刺身有大甜蝦，油甘魚，拖羅，帶子，赤貝，馬刀貝，三文魚，長腳蟹。招牌貨拖羅真材實料，非常肥美，略帶少少筋，任食質素嚟講已經超哂班，值得不停安哥。鯨龍魚刺身入口甘香，好特別。6點半開始可以攞特大海膽手卷，每次可以攞兩件，一開始要排一陣，期間秩序良好，好快就有得攞，個海膽真係超大件，好鮮甜，海膽愛好者表示大大大滿足，小心手卷d飯好大舊，好易飽。雖然話限定，但份量充足，之後再去攞已經可以唔使排隊。燒牛舌燒得好香，肉質爽嫩，牛脂香爆發，正。蒜片和牛薄燒，肉質好嫩，配燒汁食好味!燒鰻魚係今晚嘅驚喜，好厚肉，肉質新鮮彈牙，呢碟已經係安哥六件食左咁多生冷野，有啖靚湯就啱哂，每人一盅椰子燉雞湯，好香椰子味，熱辣辣夠暖胃。安哥嘅拖羅依然肥美，無跌volt。雪糕質素仍然係殿堂級，有haagen daz 士多啤梨乳酪味，北海道milk top沖繩海鹽牛奶，movenpick 嘅朱古力雪糕，三款都係品牌皇牌，而且全部可以任攞!!! 勁! 有清酒梅酒coc
首輪刺身有大甜蝦，油甘魚，拖羅，帶子，赤貝，馬刀貝，三文魚，長腳蟹。招牌貨拖羅真材實料，非常肥美，略帶少少筋，任食質素嚟講已經超哂班，值得不停安哥。
鯨龍魚刺身入口甘香，好特別。
6點半開始可以攞特大海膽手卷，每次可以攞兩件，一開始要排一陣，期間秩序良好，好快就有得攞，個海膽真係超大件，好鮮甜，海膽愛好者表示大大大滿足，小心手卷d飯好大舊，好易飽。雖然話限定，但份量充足，之後再去攞已經可以唔使排隊。
燒牛舌燒得好香，肉質爽嫩，牛脂香爆發，正。
蒜片和牛薄燒，肉質好嫩，配燒汁食好味!
燒鰻魚係今晚嘅驚喜，好厚肉，肉質新鮮彈牙，呢碟已經係安哥六件
食左咁多生冷野，有啖靚湯就啱哂，每人一盅椰子燉雞湯，好香椰子味，熱辣辣夠暖胃。
安哥嘅拖羅依然肥美，無跌volt。
雪糕質素仍然係殿堂級，有haagen daz 士多啤梨乳酪味，北海道milk top沖繩海鹽牛奶，movenpick 嘅朱古力雪糕，三款都係品牌皇牌，而且全部可以任攞!!! 勁!
有清酒梅酒cocktail 自己歁。
308一位，淨係海膽同拖羅任食已經非常回本，而且服務好，無漏單，收碟快，仲有人定時幫你換碟，全場都係卡位，坐得舒服，值得一黎再黎。
張貼
