殿 大喜屋

營業中

休息中

今日同男朋友五週年紀念，最後就我地就簡左我地最中意食嘅放題做晚餐，未食過殿 大喜屋，所以就簡左呢間啦！呢間大喜比我地平時食嘅放題，多左好多新款，獨特嘅食物！事不宜遲，講下我食左d咩特別野先先黎左個壽司拼盤先！淨係個賣相就已經好靚！淨係花之戀都有幾款口味，有龍蝦、燕窩、芒果😋整得都幾精緻仲有冷盤海鮮，松葉蟹腳都好鮮甜，凍海蝦好大隻，仲有凍海螺🐚吉品鮑汁燴花膠，花膠好入味，又滑又大件，食多幾件補補身😂和牛薄燒，入口即溶，點埋個秘制醬汁，真係幾正我男朋友仲出去排隊拎海膽手卷，一睇已經覺得正，食落口好鮮甜，勁多海膽，一d都唔腥，我男朋友係咁出去拎蒜麵豉炒虎蝦，睇落就幾精緻，蝦好爽口，又大隻，味道夠特別創新北海道燒帆立貝，味道唔錯，個醬汁整得幾好，帆立貝都大隻鮮甜最後就緊係食甜品，多款甜品雪糕任食！正！仲有呢個燕窩椰汁燉木瓜，真係幾正，只能說一定要食

我bb話未食過殿大喜屋，好想試下，所以今次我就book位帶佢食，佢表示非常開心☺️好彩有book到位，因為大喜屋通常都好full，坐位都幾舒適，出面亦有好多野食拎，如沙律吧、熟食、甜品同飲品等等先叫左個刺身先，傳說中嘅三文魚真係好厚切，仲要係腩位，好肥美！北海道鮮帶子好鮮甜，呢到拖羅都唔錯，好新鮮，出曬油，正仲有我bb最愛嘅浦燒鰻魚，燒得好甜，好香，好夠味之餘，仲不失鰻魚味呢個叫鯨龍薄切伴海葡萄，切等好薄，但食落口一d都唔腥，試埋海葡萄，未食過，覺得都幾得意，口感唔錯黑椒蜜汁一口牛，都唔錯，甜甜地，好入味，又有咬口，呢個真係要再食多幾件清酒香菜煮花甲，d花甲好大隻，肉質好肥美，配上清酒同莞茜嘅調味，令花甲更加入味最後就緊係要食埋雪糕啦！最正嘅係多款雪糕係任食！！仲要係Häagen-Dazs、milk top、movenpick 等，大牌雪糕任食，食佢幾杯都回本今次真係食到好滿足咁返屋企

刺身新鮮，又有拖羅。其他壽司、串燒、煮物，出品都幾好，基本無覺得唔好吃的。海膽手卷，大大啖海膽，不過飯有D多。同附近同公司的「極尚大喜屋」對比，環境舒服D，座位無咁逼。

心郁郁想食放題，知道大喜屋係放題界嘅王者，喺尖沙咀附近都有兩間分店，每一次夜晚經過極上大喜屋門口都係有着長長的人龍，知道殿大喜屋屋係三間大喜屋入邊最高級嘅一間，今日啱啱出糧，就留住個肚同男朋友去試吓。我哋去食夜晚八點半後嗰轉，8:20左右去到門口等，攞咗飛，等一陣就可以上去。等嘅同時店員會拎嘢飲出嚟俾你，招呼都算周到。一入到去門口已經有唔同嘅自助餐食物，當然我嘅着眼點就唔係放喺呢度，而係餐牌上唔同嘅美食。同其他大喜屋分店唔同嘅嘢係，呢一度嘅刺身係有拖羅揀。而且仲有赤貝、甜蝦、北海道帆立貝、油甘魚、三文魚等等都好新鮮，每一件都係厚切，上碟速度快。重點魚生而且唔會有雪味。淨係呢一碟，我同男朋友都覺得已經值回票價。另外，都試咗好多唔同嘅熟食，兩個人試嘅款式始終好有限，所以每一樣都係一兩件為主，篇幅所限，就講一啲我地推介嘅款式。第一款一定要推介就係薄燒和牛，呢一個熟食喺放題店嘅單張都有介紹過。當和牛切開咗薄薄一片之後加上汁燒，有淡淡的焦香味，而且肉質鮮嫩，膠咗香蔥同蒜片之後味道好惹味，值得一試。蟹肉燉蛋呢個好滑，而且加上一絲一絲嘅蟹肉，令到整個燉蛋嘅味道都好鮮甜。海南椰子雞湯可能有啲人會話，食

上星期4 同兩個同事約左期待已久想食既日式放題，終於食到！呢間殿。大喜屋既裝修同佈置，其實同酒店真係無咩分別，環境幾靚，位置方便，地鐵站行過去都係5mins, 而且可以容納既人都幾多，人多人少都有合適既檯！餐廳以日式食品為主，主打刺身，壽司，日式料理，串燒等，每張檯應該有兩本落單紙，總共12 張，每張紙大約有3-4 樣選擇，由生既到熟既都有好多選擇！ 肚既空間有限，但每樣都好吸引，真係唔知點揀好！haha大家千祈唔好意為只係得落單紙咁簡單，我覺得係比較靚同好食既野先會有落單紙，其他簡單既食物會喺出面自助bar檯度出現，例如芝麻8爪魚，泡菜，沙律等小食，都可以喺呢度揾到！而飲品都係勁多選擇，連維他檸檬茶都有！ 當然又點會少得啤酒汽水呢d基本野，喺汽水櫃對面其實仲有清酒提供，而且都係自助形式，飲幾多都無問題，啱晒飲得之人！甜品櫃先至誇張，足足有4 個雪櫃咁多，各式各樣生果，餅，奶凍，鬆餅都有供應，我估酒店自助餐都無咁多選擇！除左甜品同生果外，仲有雪糕！而雪糕都係d大牌子，例如'哈根大師' 咁，即係食多兩個都抵返嗰隻！行完一個圈返嚟，頭先落單既食品都陸續送到，先嚟有極美味既刺身類同壽司，估唔

老人家生日，提早訂位，已說明有人生日，根據這幾年來過那麼多次的經驗，提早說明有人生日，比埋壽星個名，便會有碟生日朱古力球甜品送，更附上壽星名字及點埋焟燭，壽星許願後，有個細鎚仔打爛個朱古力球。我好老定的疊埋心水，沒再額外訂旦糕，結果瀨曬嘢，原來這店已停止送生日甜品，大家一心諗住去慶祝生日的朋友，您們都要注意了!/講番這兒的食品，大致上都沒甚麼大轉變，今次嚟多了冬菇花膠，兩者都炆得好淋，味道唔錯。除了一直都有既榴槤炸彈外，現更多一款榴槤糯米滋，榴槤味道唔會很假，喜歡吃榴槤的朋友，可以試試。海膽手卷一如以往冇欺場，海膽份量不少，食過咁多次，即使覺得食到悶了，但到目前為止，仍然找不到比它更好的。😂

the first time Purplish of 2018quite curious to find the Tono Daikiya On Kimberley street 🤓I am happy the most worthy Tora ever served on buffet baseFirst class food Middle class price delicious grilled eel Sweet Hot Tender Teppanyakigoose liver cold with green apple sandwichedPlum saka and fresh coffee chocolate soft brownies Crab 1 long leg snow ❄️ crab legs 1 small crab congee hot little Urchin on a sweet raw prawns sushi 🍣 Good Very worthy lunch at the Tono Even the steam common Cantonese fi

朋友升職請食飯，開心事當然要食豪D，一於去殿大喜屋。點左野食未黎之前有D小食，蟹鉗質數唔錯。鯨龍薄切配海葡萄海雲之前冇食過呢款刺身，切得晶瑩剔透，味道清新，配埋帶海水味既海葡萄，不錯。卷物拖羅蓉火山卷，芒果軟殼蟹。軟殼蟹炸得香而酥脆，充滿鮮甜的蟹肉，非常飽滿，不油不膩，我非常喜歡。刺身我覺得呢間選擇比其他放題多，有蟹腳、池魚、拖羅、三文魚、油甘魚、帶子、甜蝦、北寄貝、希靈魚等等，鮮味十足。不停食刺身之後想飲湯暖下胃，海南椰子雞湯清甜可口，我飲左兩碗，如果有更多湯飲就更好，冬天食食下刺身總係想飲湯。食食下突然搖鈴一響，原來係海膽手卷，即刻出去排隊。每份手卷都分量十足，冇腥味而且完整，為左海膽手卷我應該會黎食多次。北海道燒帆立貝帆立貝的裙邊非常爽脆，肉質香嫩多汁，加埋醬汁焗至金黃色，好味。最後當然食雪糕，有haagendazs、movenpick同milk top任食。甜品都有好多選擇。

午市套餐是第一次吃，之前來過幾次都是食放題。來這裏，我比較推薦大家來食的是舒適的環境、因為容易搵位，店內大部分是卡位，有多款日式套餐，可以選擇刺身類或料理類的午市套餐，而且價格合理，由$58起。午市套餐其實不過不失，味道可以接受，但又沒有驚喜，如果你食過殿的放題，你應該也知道味道方面是如何；如果未食過，也會推介你來親身試一下，之後再考慮食不食放題😊今次，我點了1個黑蒜叉燒拉麵加壽司套餐。先說那個壽司，有鵝肝帶子、黑松露油甘魚、三文魚和赤蝦，新鮮程度可以接受，亦是餐廳的招牌壽司。至於叉燒拉麵，我覺得幾好，叉燒看似很肥，但食落又不是很肥，拉麵質感也不錯，細細碗份量剛剛好。套餐還包括了前菜的沙律，麵豉湯和一款自選的罐裝飲品。

食過咁多間日式放題，殿大喜屋比我感覺真係超級高質素！好有誠意嘅一間放題！呢度嘅空間感非常充足，格調高貴！全場的裝飾品有好多隻熊仔！我哋都非常欣賞！呢度飲品好多款之外仲有梅酒清酒仲有cocktail！連cocktail都有，重要整到咁靚，夠曬誠意! 另外佢隻清酒都幾好飲，清甜幾滑幾易入口。點解我地會揀黎殿大喜屋呢？係因為佢有拖羅刺身 又有海膽手捲任食！ 大拖羅，究竟有邊間放題有得食呢？印像中就好似冇乜，除咗殿大喜屋！ 平時出街食大拖羅好貴，黎到呢度可以叫多幾round 唔使就住就住！ 另外海膽手捲都好新鮮鮮甜，我見住師傅即整架！仲有呢度竟然有醋汁鱆紅魚！ 我最鍾意呢種酸酸甜甜嘅味道，隔離仲有海葡萄，我自己一個都可以食到幾碟呢度有好多壽司款式， 細細件好的骰精美， 我哋忍唔住食咗好多件壽司！鮑汁花膠都有女士補身一流！呢到啲鍋物都有幾多唔同款，但我一見到酸菜魚即刻叫返個，幾有驚喜係佢個酸辣汁做得幾好！最最最最正就係佢啲雪糕 ，有我最愛嘅哈根大師櫻花味同埋milk top海鹽價錢比起一般放題貴少少，加埋一360蚊一位但係質素真係好好！ 而且上菜快冇漏單服務幾好！

呢間大喜屋一直係我同朋友至愛！就實習喇當然要食好少少！食物：刺身係我食過咁多間最新鮮,質素最穩定，帶子好鮮甜！食左兩次！三文魚、拖羅肥美，赤貝、赤蝦冇鯹味。椰子雞湯一坐低當然要飲d熱野暖下胃，中湯好清甜，好有盅氣，飲左兩次！係我至愛！蜆湯清甜-蜆肉彈牙夠6點半就可以出去拎手卷海膽手卷好rich 唔覺鯹，都幾大份！和牛薄燒係另一樣我覺得好好食既，牛肉好juicy,薄薄地唔覺韌！不過建議大家叫兩份好，因為都幾大份！燒壽司-飯係暖既、大小適中，炙燒三文魚🍣油脂豐富燒物：燒秋葵加上茴香（孜然），微辣，更為惹味翠玉瓜多汁爽甜燒鰻魚厚肉多汁、燒汁份量恰好甜品除了雪糕仲有好多選擇！大愛幼滑既puff!環境：寬敞，我地早到所以有卡位坐！服務：一到餐廳幾乎全部員工都會一齊歡迎你，下單收收碟好快；成晚都冇漏單情況

慶功宴，一定要食放題先夠完美，不過年紀大咗，開始食唔落太多嘢。係精挑細選之下選擇左殿大喜屋放題！看了食物照片覺得殿大喜屋實在喺太吸引啦，覺得淨係食雪糕都值回票價呀！到咗今晚食夜場8:45開始，一去到真係嘆為觀止。因為食物種類真係多，除咗一般放題畫紙仔食物外，仲有甜品﹑飲品﹑自助小食多到食唔到全部。不過多也不是重點，重點是食物的味道。現在市面有太多放題，質素都參差不齊。殿大喜屋能夠做到保持食物的高質素實屬難得。食物太多不能一一介紹，小弟就精選部分介紹一下。重點推介限時海膽手卷，每次每人可以拎2件，無限拎！每一次都好足料，絕無揸流灘，味道沒有任何腥臭味，的確抵讃！ 刺身選擇都有好多，有埋拖羅，池魚王添，唔係度度放題都有。拖羅好肥美，魚油度都唔錯，而北寄貝好爽口，仲好彈牙。呢個海燕窩椰汁燉木瓜，小弟都覺得要一提，佢無爛溶溶既感覺，吃起上來很有奶味，感覺十分養生。鰻魚每啖都好惹味，醬油夠多，軟腍腍。黑椒蜜汁一口牛，唔稱得上好彈牙，有入口即溶感覺，但個汁好濃，好juicy，都幾惹味，不過一碟份量都好多。粟米超大份，撈左蜜糖，食落甜甜地，有點奇怪，大太份，三人都食唔晒。食左三款唔同口味雪糕，結束今

小妹今晚嚟到呢間放題，覺得選擇多，夠衛生，又無漏單，真心唔錯。剌身有好多選擇: 拖羅， 三文魚，赤海蝦都好肥美，自己就最中意赤海蝦，好鮮甜，另外，拖羅都唔錯，魚油份算高，食完响口腔不散，好味。不過，帶子係柱貝咁細，建議多點，一啖幾粒!如果冇食過燕窩壽司就定要食燕窩魚籽花之戀，好特別! 必食! 都算好新鮮，細細件唔怕食多幾款。而鵝肝帶子隻帶子比剌身大, 鐘意帶子既就一定要試!蟹肉蟹膏軍艦，用左雪昆布而唔係紫菜包，蟹膏好鮮甜，而蟹子壽司D紫菜，嚟到時仲脆，軍艦都值得一試! 牛肉芝士玉子必食! 咸牛肉，芝士，玉子三樣野簡直係perfect match!最特別係，場內有任食即製海膽手卷，海膽出奇地新鮮，完全一D腥都無，帶鮮甜，而紫菜仲係好脆。最後，除左有多款自家甜品，亦有雪糕，仲要係haagen dazs添，有limited edition 的櫻花味同士多啤梨揀。試左個櫻花味，甜甜地，清新帶花香，奶味都幾重。

如果吃日放你問十個九個人都會答你 - 大喜屋殿 大喜屋是旗下最貴的一間終於可以一嘗價錢真的十分之貴...接近酒店自助餐的價位北海道燒帆立貝印象中其他大喜屋也有那些醬很好吃 但很容易飽肚刺身(拖羅、三文魚、油甘魚、池魚王、北海道帶子、北寄貝、象拔蚌、希靈魚、甜蝦、赤海蝦)拖羅最好吃 是必叫的 其他試試很可咸牛肉芝士玉子SIZE偏大 原本想試少少這個較另一款好吃 味道濃點松葉蟹腳逐條點的, 有些腳很細條蒲燒鰻魚很肥美 好吃 吃太多很易飽限時供應的"海膽手卷"每人只可以拿到兩舊供應時會有職員四處搖手上的響鈴通知本人很愛吃海膽 覺得算靚 苦味不重明太子香蔥玉子味道偏淡 不突出蟹肉日式蒸蛋上層有很厚的汁和些少蟹肉下層的蒸蛋很深 有很多蒜麵豉炒虎蝦配啤酒啫哩賣相十分精美虎蝦是好吃的但啫哩非常難吃... 一陣牙膏味殿之霸王蟹有點辣 部份蟹殼已經打碎 易吃有些漏了拍照...輕輕一提飲品吧有隻罐裝椰子水很好飲 只有一款 不會拿錯其實在場很多酒精飲品 但已經戒了!甜品方面, 專心吃名貴雪糕我沒有試其他手製的甜品有隻沖繩雪糕非常好吃 極重牛奶味 雖說上面寫著海鹽味, 但吃不出的亦有一隻雪條是日本牛奶味 又是

一直都未有時間寫食評..到今日先醒起...一直都勁想試呢間既放題....有次終於的起心肝去試..畢竟佢價錢都唔算係平, 所以都唔係禁捨得, 一上到發覺..地方好光猛, 而且好寬敞, 凳方面係梳化凳, 坐得都好舒服, 食物方面都算多種類...而且出面又有小食bar...飲品同甜品都有好多選擇, 次身新鮮特別推介榴槤炸彈,唔會好油..好食..有機會一定會再試