殿 大喜屋

營業中

休息中

N年冇吃日式放題， 有人被網上影片燒著，就拉我來試😆。適逢今期做緊午市二人同行一人半價錢， 食足三個鐘，據說午市食杯款式同晚市一樣，所以性價比十分之高👍。雖然午市是12點鐘開始， 但我地12：05分到達入座時已經差不多滿席， 估計大部份人都提前來排隊😅。入座後服務員有詳解點單流程及餐廳佈置格局， 都幾禮貌。點單好簡單，掃QR Code網上點單， 全部看圖識字。我地頭盤當然先點刺身及寿司啦。因為怕一次過堆埋會太迫， 所以我地想一round一round慢慢食。飲品都係自助任飲， 款式其多有二、三十款， 嗜酒的我就有清酒、梅酒，啤酒有Asahi等選擇， 雖然是光天化日之下， 我都忍唔住飲左幾合德利嘅清酒。餐廳上菜都幾快手， 下單等了十零分鐘就開始有野食， 而且上菜非常準確， 完全冇錯單。佢地嘅刺身大部份都好味，質素算唔錯， 不過章紅魚就嫌太薄太細件，食唔出味。寿司就必食和牛炙燒，好滑，牛脂味香濃。剛吃完刺身， 服務員走過來說可以去寿司部拿海膽手卷， 每人可取兩件。海膽雖然唔expect是什麼高檔貨， 但都算鮮甜，紫菜亦脆口，唔錯喎。建議不要一直encore刺身寿司， 事關佢地嘅熟食都好高質，

好耐好耐冇食過放題 原來有咁多野食 自助出去夾嘅熟食 有薯格 瑞士雞翼 牛油粟米等等 飲品款式都好多汽水茶酒都有 岩晒唔同人仲有椰子雞湯添飲落好香椰子味唔似平時嘅味精湯刺身三文魚好厚都幾肥美 帶子我就最鍾意夠晒鮮甜 仲有長腳蟹添 每隻都幾多肉壽司款式都唔少 掛住食有啲都冇影🤣 花之戀壽司 略嫌佢太多沙律醬 左口魚壽司油份啱啱好 好味 熟食蜜椒一口牛 一碟都有五六舊 有牛味唔會韌燒牛舌 好香口 唔錯 芝麻雞翼 炸得岩岩好 外皮脆脆入面雞肉仲好嫩滑 吉列蠔 蠔嘅size唔算細 推介呢個 醉鮑魚 淡淡嘅酒味都唔錯 麻辣酸菜滑魚鍋 平時都少見 但有驚喜 魚塊好滑同湯底都好夾 微微嘅辣度 如果有米線就好啦最後點少得甜品 好多款可以揀 雪糕最吸引我 movenpick haagendazs milktop 都有 真係好正呀 大滿足😋 呢個價錢絕對回到本🤪

話說我自己都已經很久沒有吃日式放題, 為何今次興起約朋友一齊去食，因為見到他們有二人同行一人半價的午市放題優惠，加埋一都是455/2人。而且殿大喜屋在大喜屋系列比較高級，一直都好想試，所以就趁著有優惠就去試下這個日式放題吧! 當日是星期六，一去到已經見到長長的人龍walk in, 幸好我們已經早幾天打電話預約好, 這個放題是由中午12點開始食到下午3點。總共食3小時。座位方面，如果四個人去會比較闊落，全部座位都是卡位，都坐得比較舒服。但如果兩個人去的話，我見到座位都會比較窄，枱都會比較細。落單形式都係以手機落單為主，一開始當然點刺身先吧! 刺身方面都多款選擇，除了基本大眾口味的刺身外，這裏還有拖羅食! 和比較特色小小的有鱆紅魚, 針魚和泰式生蝦。刺身都是有用冰托住上，可以保持溫度慢慢食，不錯! 大部份刺身都非常厚切大大件，絕不孤寒。和我們有數過刺身的數量和我們所點的一樣，沒有漏單的! 值得一讚。🥢不得不讚他們的拖羅真是非常肥美! 顏色呈淡淡的粉紅，而且油脂都好豐厚，食蕩魚油都好香必叫! 👍👍👍 🥢還有三文魚和油甘魚，這兩款也是厚切的，魚油香都比較濃郁。仲有甜蝦都大大只好鮮甜，其次有en

最近見宣傳午市放題二人同行一人半價趁有時間就來試一試佢當中係俾佢嘅拖羅吸引咗一開始嘅時候所有嘢都冇咩大嘅問題而且總括嚟講食物嘅質素算唔錯飲品同甜品都非常多選擇花雕醉鮑魚 入口有酒味 而且鮑魚一啲都唔會un海膽手卷要喺出面自己排隊拎分量唔算多每人每次只限拎兩個海膽質素可接受相信好多人食放題為嘅都係刺身第一盤刺身係黎曬所有熟食之後先至到但由於有其他熟食所以我冇特別計住等咗幾耐而且份量同我點嘅絕對係cut左至少一半拖羅質素係幾好但略嫌太細舊蟹腳都算好特別而且好多肉其他壽司質素都算幾好但之後再嗌第二次刺身就開始勞氣等咗半個鐘都仲未有第二次嘅刺身盤再追單先至黎 本身由於驚叫得太多食唔晒所以每次都係少少哋咁樣嗌 點知一等就等咗半個鐘到第三次叫刺身嘅時候等咗35分鐘再追單 staff俾咗張紙我哋填（本身係自己掃QR code係電話落單）個staff話可以一次過填多啲之後大約3-4分鐘就會到咁我就照填咗結果我係等咗三至四個字然後我叫左6-7款刺身分量一半都冇 款式又冇咗一半 無蝦無蟹腳 拖羅我叫左10件 下面張圖見到得兩件 仲要散到見到都唔開胃我問個Staff 佢再比過張紙我叫我填過我叫左10件拖羅

今日放假，同男朋友去左食殿大喜屋，聽講佢最近做緊星期一至日2人同行，第二位半價，咁抵食😍，想試左好耐，今日就bk 左去食😍。去到人流好多，佢嘢食嘅種類有好多款，首先我哋點左刺身壽司炸物串燒等等🙈，佢仲有得排隊拎海膽手卷🙈，好多人排隊呀我都唔執輸🤩，嘢食方面每樣都新鮮好食，刺身亦擺得好靚👍🏻。2個人食得吾多，樣樣食啲，最緊要唔好浪費嘢食，食得晒先好嗌⚠️，佢啲串燒熱辣辣，榴槤炸彈嘩好好食呀🙈榴槤控必點😍🙈，嘢飲種類都好多，佢仲有清酒梅酒好多吾同酒，另外佢哋有沙律區，熟食區😍，見到個雪糕櫃好興奮，有Häagen-Dazs，movepick，正呀，食多兩杯就回到本🤪。整體而言以呢個價錢食到放題都好抵食，以食物質素黎講，絕對值回票價👍🏻。。

好耐好耐冇食放題，呢日朋友話『殿·大喜屋』做緊promotion，二人同行，一人半價，就咁挑起條『放題』筋，一於約埋朋友一齊去喇。首先，依舊有『海膽手卷』，要自己出去攞，即整，每人每次限两客，甜品，生菓，飲品，沙律亦都自取，其他就嘟QR code點嘢，非常方便，而且一次都冇漏單。刺身係我嘅頭盤，首先點咗甜蝦，海赤蝦，帶子，三文魚，希靈魚，北寄貝，赤貝等等，海赤蝦好好味，好鮮甜，彈牙，實encore嘅食物。刺身出色，一品料理，燒物，壽司，卷物，軍艦都一樣出色，例如花雕醉鮑魚，避風塘炒蟹，蒜蓉花枝珊瑚蚌炒西蘭花，黑松露什綿海鮮軍艦……燒溫宣甜菠蘿，encore再encore。而甜品馬卡龍，自家製海鹽雪糕都好好味，奈何個肚裝唔多咁多嘢。燒香草羊鞍已推介畀朋友，我自己就一件已足够，唔係唔好食，而係太飽之故。

佢依家做緊優惠，第二位半價，星期六過到黎多人到不得了，十分墟冚，疫情未完之下都幾得人驚，喺疫情期間都有幫襯過幾次，但係從來未見過有咁多人，證明佢呢個優惠都幾吸客嘢食嘅質素都保持到嘅，但係如果想拎海膽手卷就建議真係食到差唔多一點先出去拎，因為拎海膽手卷嗰條龍真係打晒蛇餅，海膽手卷嘅海膽都有鮮味嘅，雖然係細啲因為我同朋友身形都比較大，就希望可以安排坐卡位，但係店員話一定要三至四人先可以坐卡位，但係後來見到我身後嘅兩張卡位都係得兩個人坐，個人感覺就覺得好差囉，而且店員嘅態度都唔係咁友善，好似唔憂做咁座位亦都十分之狹窄，而佢嘅清潔又唔係做得咁好，枱邊都仲有好多豉油漬，朋友坐入去梳化位嘅時候搞到條牛仔褲都污糟晒，我哋再用濕紙巾抹，可見張濕紙巾都抹到非常之污糟，好似黎幫襯仲要幫佢做埋清潔咁另外可能因為太多人幫襯嘅關係，壽司準備好就咁放咗喺度，未有店員去上菜嘅時候，食物就咁放喺度感覺風險都有啲大

突然興起好耐冇食放題，一向食開質素唔錯嘅殿 大喜屋，就去食返轉！去到原來做緊優惠！星期一至日，二人同行一人半價🤩抵到呢～快快脆脆坐好scan QR code電話落單，勁方便又環保，就出去拎野食😆限時限量嘅海膽手卷，都唔駛點等，拎咗幾轉🤣仲有多款甜品、生果、飲品、生律吧、熱湯、小食等等，重點雪糕係Haagen-Daz, Movenpick, Melona等等☺️超級多選擇😚基本上落咗一轉order，每款試少少，都已經飽咗🙈先嚟盤豐盛刺身，新鮮之餘最幸福嘅係...拖羅都係任點！仲有大大隻赤海蝦、蟹腳、三文魚腩☺️壽司有炙燒左口魚，大大條海鰻等等🥰和風黑松露他他，推介😋燒物方面，鹽燒牛舌、燒香草羊鞍、雞軟骨、蒲燒鰻魚都冇得輸，全部上枱都熱辣辣，鰻魚又厚又軟熟，忍唔住encore咗2次☺️海燕窩椰汁燉木瓜👍🏻👍🏻

我好鍾意食日本嘢，依日肚空空好想喪食，梗係去食放題最好啦🥳 殿 大喜屋午市放題4月份有優惠呀（原價$278）🎉 二人同行一人半價 呀🎉午市放題由12:00到15:00💗沒有限時💗12點入座，可以食到3點正先走，真係飽到捧住個肚🥳用QR code 落單好清楚又方便，上菜超快👍🏼食到冇得停👍🏼服務生又好勤快有禮👍🏼放題選擇好豐富，淨係食刺身都回本💗仲有好多正嘢～◾️刺身拼盤有三文魚丶拖羅丶北海道帶子丶海赤蝦丶甜蝦丶松葉蟹腳等等⋯全部都好新鮮💗我最鍾意松葉蟹腳，肉質好鮮甜👍🏼◾️避風塘炒蟹聽服務生講係剛剛新加嘅菜式🥳叫咗1客有半隻～上面鋪滿超多避風塘蒜酥，炒蟹入味又鮮甜，好香脆惹味💗食完即刻點多轉。◾️花雕醉鮑魚又係最近嘅放題新菜式🥳隻鮑魚都唔細隻，醬汁甜甜地～唔算好醉，唔使驚酒味好濃。一次過食咗幾隻，好滿足👍🏼◾️海膽手卷出去壽司枱排隊攞，每次可以攞2件😋即叫即做，好新鮮👍🏼海膽好鮮甜💗正！◾️蟲草花煲花膠烏雞湯湯好鮮味，花膠好大塊很軟腍，用料好足！◾️泰式虎蝦刺身生蝦配以泰式辣汁好有風味，肉質爽彈👍🏼◾️燒香草羊鞍羊鞍燒得恰恰好，好有羊味又一啲都唔騷👍🏼肉質好嫩，夾著香草香～好惹味💗◾️榴槤炸彈熱辣辣剛

好想食大量嘅刺身壽司！我哋同時間都諗到食放題😎 就去食返一間之前食過幾好味嘅放題～晏晝食價錢仲會平啲！午市放題 ($278) 淨係食刺身都抵😍第一時間梗係叫左刺身先，刺身全部都厚切大大件夠新鮮！覺得呢度嘅油甘魚特別好味😋另外呢間放題雖然比出面貴少少，但係呢度有拖羅可以叫，真係做到入口即溶嗰種感覺！我自己覺得好食過壽司郎啲拖羅🥲 另外因為有啲款刺身冇所以就叫咗壽司，例如芝士玉子，芝士蟹柳等等，雖然係比較普通嘅食材但係真係好好味🤣除咗刺身同壽司之外呢度都有好出色嘅串燒，燒牛舌，燒雞軟骨同埋燒雞翼都好正😍 串燒比炸物出色好多～ 炸物有少少冧左啲啲色暗左呢度熱食都好多選擇，我哋揀咗雪花牛肉鍋，然後仲有酸菜魚，叫左兩三樣已經超級飽，甜品都冇食🤣

今日同朋友上網見到依間放題嘅餐廳，一於過嚟試下，地理位置好方便，喺尖沙咀地鐵站一出，行冇幾耐就到，離到餐廳都算幾乾淨，幾乾淨😆一嚟到梗係二話不說係咁食啦！依度嘅食物種類好豐富，有齊晒前菜，刺身、主菜同埋嘢飲🧃我哋叫咗超多超多嘢食！放題來講都算幾抵食！包括有蒲燒鰻魚、北海道帆立貝、鵝肝帶子壽司、魚子花之戀、鹽燒三文魚腩壽司，睇返我哋真係食咗勁多壽司🤣特別推介嘅係依度嘅和風黑松露吞拿魚他他，黑松露味唔錯，配上吞拿魚好新鮮，絕對高質，絕對新鮮！另外呢度嘅三文魚親子軍艦都好正，份量好多，勁足料，食到好飽，三文魚仲要好大塊，超級正💕總括嚟講呢間餐廳都幾好，各位嚟到尖沙咀嘅朋友都可以試吓，推介😀

每次想食日本料理食得盡興😋，都會選擇放題，而每次食放題都會選擇殿~大喜屋。這裏食物種類非常多，食物質素高又新鮮。今次午市剛剛好做緊優惠二人同行一人半價。場外還有一些小食，冷盤及飲品選擇👍三文魚刺身：三文魚厚切而且新鮮，食落非常鮮甜肥美。北寄貝刺身：色澤紅潤又爽口。帶子刺身：帶子晶凝通透，食落很鮮甜美味。海膽手卷：海膽是原粒上，而且鮮甜海膽味濃郁，質素不錯👍泰式虎蝦刺身肉質爽口，配埋蒜蓉辣椒一齊食再沾上泰式辣醬，跟提升下蝦的味道。花雕醉鮑魚這種凍食鮑魚都是第一次食的，花雕吸入鮑魚味道不錯👍肉質又爽囗。薑蔥爆鱔球魚肉炸得脆卜卜，內皮香脆可口，魚肉嫩滑，醬汁甜甜地好惹味😋鮑魚雞粥粥底煲得軟綿綿，雞肉嫩滑再加入鮑魚，好鮮甜😋

殿 大喜屋尖沙咀金巴利道26號1樓講起放題第一時間一定係唸起<大喜屋>集團，知道最近係尖沙咀既<殿 大喜屋>做緊優惠📢星期一至日午市，二人同行一人半價🎊真係好抵呀，所以即刻book檯約朋友黎開餐啦第一次黎呢間分店，估唔到係好Grand， 而且座位之間好闊落唔會覺得迫夾，真係幾舒服，今次2個人黎餐廳都安排左4人檯，值得一讚呢到刺身既款式真係好多，除左普通最基本既三文魚，希靈魚，赤貝，帶子，甜蝦，北寄貝，螺片之外，呢到仲有大大隻又鮮甜既牡丹蝦，肥美既拖羅同埋蟹腳🦀，而且餐廳好大方，試左幾轉點幾多都比足晒，完全無走數漏單既情況而壽司方面都好吸引，自己最鍾意既就係火炙壽司，睇見個特長鰻魚火炙壽司都流曬口水呀🤤另一個驚喜一定係海膽手卷，呢個係外面睇住師傅即整既，夠晒新鮮，大大pat海膽，非常吸引熟食方面水準都好高，最鐘意係燒羊架， 和牛薄燒🥩一口牛柳。。 另外芝士焗帶子同埋芝士焗開邊蝦都好正，而女士門就一定要試下海燕窩椰汁燉木瓜， 非常滋補養顏除左落order既食物之外，餐廳仲有幾款熟食同埋好豐富既沙律吧，可以係外面自取，種類都幾多架飲品方面，除左有幾個大雪櫃放滿

呢排想鬆下，所以就決定請半日假食番個豐富既午餐，而呢間餐廳亦都係我一直都我想食😆午市一位大概$26x同晚市一樣，不過就可以二人同行，一人半價，而家仲可以食足三個鐘🤩呢度用qr code落單，方便又環保，漏單機會就大大減少啦，而我呢次就冇漏到單👍🏻👍🏻首先一開始叫啲刺身先，三文魚 帶子 赤蝦就必須嗌，除此之外，佢仲有拖羅嗌😍成盤上就擺得非常靚，食物溫度啱啱好，鮮甜美味，合乎我心目中嘅水準😘都嗌咗兩round~~壽司就推介火炙系列，左口魚邊經過燒一燒，擺落口度就立刻融化，齒頜留香🤤熟食都一樣出色，燒芝士大蝦 味噌燴虎蝦各有特色，前者芝士香濃，後者就虎蝦爽口，容易食😚串燒就即叫即燒，所以都要等耐少少，鹽燒雞軟骨就我個最愛，燒到卜卜脆，但仲有啲雞脂肪，脆中帶香👍🏻最後就不得不提吓個和牛薄燒，我地兩個人都夾埋食咗十塊以上，肉質又淋又滑，再有啲炸蒜片同燒汁俾你配搭食，真係食極都唔會厭😚😚食咗兩個幾鐘，就梗係食番個雪糕收尾啦，movenpick Haagen Dazs 任君選擇，包你實有樣嘢啱你，最後食咗好幾杯先捨得走了😆😆

早一星期訂枱， 自選兩小時， 每人差不多三百埋單， 由於當日唔太好胃口， 食左既都係精選， 如下叫左既未到可以出去食左唔同既前菜先， 有好幾款沙律啦、炸薯塊、薑蔥雞同是日例湯。 樣樣都唔錯，好味； 由其個例湯： 椰子雞湯真係好順喉，唔似係味精湯，足料呀刺身嚟講， 款唔算多8-10款， 好新鮮，無雪味，但又無咩味咁.. 唔知點形容 算係唔錯既～上面兩款都係限定料理， 個燒吞拿魚睇落無咩特別，但點埋醬汁食落又好嫩口有魚味，讚一個另一創作料理， 第一次食由昆布包的親子軍艦，都幾特別，少少喊咁限量海膽手卷， 因為好味所以限定（押韻下）， 一口一個， 食左4個都唔夠喉 但唔再拎啦， 留番比其他人啦以上都係熱食、燒物， 不過不失，胃有空檔食多幾件無坊是日食既唯一一個甜品， 係有點失望既，木瓜係無事既，但個糖水就朋友同我，飲左尼堆， 試左幾款新野整體來說是滿意既， 電話網上落單都無漏兼快到， 所以2小時都夠時間食唔會趕， 質素是的～ 推介啊