殿 大喜屋

營業中

休息中

今日lunch放題，坐1號枱，剛坐下冇耐，就有隻甴曱爬上枱面，有叫服務員處理。再食食下，第2隻甴曱又爬上枱面，都有叫服務員處理。但服務員用紙巾弄死甴曱後，是跨過滿枱食物把屍体拿走，如果屍体半途跌返落D食物到，或者本身是否不應把包著曱甴的紙巾跨過食物咁吾衛生？算吧，沒打算投訴。但剛回到家，打門開背囊，第3隻曱甴走了出來，我食lunch時把背囊放在卡座上。我忍無可忍，真係要寫出來。做飲食嘅，食物好吾好食，見仁見智，但食物和環境衛生就一定一定要攪好，專重客人。

首先，人多及費用昂貴，食物質素差，牛舌似橡根，刺身不新鮮。 其次，服務態度非常惡劣，加上座位空間十分窄，令本人受傷 。如果你是想試伏十分推介，但食好西唔了。 還有裝修設計像大陸cheap 雞扮土豪餐廳，十分老土。

呢間🇯🇵日式🏯放題其中一個😍吸引我嘅地方係佢有🐟拖羅🤤任食！呢度環境都算企理，坐得👌幾舒服😌。刺身🐟款式🤩十分之多，其中我比較中意😍油甘魚、帆立貝，同埋甜蝦🦐。油甘魚🐟油脂幾足幾鮮味，帆立貝幾☺️甘甜爽口，佢哋啲甜蝦🦐算係幾大隻👍。呢度🤩最正係有😍拖羅🐟任食，任食來講質素都算👌ok，鮮甜又無乜渣而且都😋肥美，不過上枱嘅時候都仲有少少🤏硬身未完全解凍😂。鱆紅魚🐟又幾有驚喜🤩，鮮甜得來沾埋佢配嘅海膽醬油一齊食好滋味🤤。芝士🧀焗帆立貝我哋都幾中意食🤤，勁多🧀芝士汁而且焗得好香，不過肉就🤏細粒咗啲😂。🌼花雕🍶醉鮑魚🤩上枱賣相幾好，鮑魚肉嫩 juicy 幾鮮味，不過花雕酒🍶味未算太突出，反而有少少🤏偏甜。我哋幾個人不停追加拖羅🐟，雖然有時候出得慢咗少少🤏，但都有出齊👍無甩單。甜品🍨我最欣賞係有 macaroon 😍，雖然質素一般般，但都算👌ok嘅。最正🤩係有 Häagen-Dazs 同埋 Movenpick 😋，而且 Häagen-Dazs 味道都有好幾款可以揀👍！總結來講呢度🇯🇵放題幾抵食🤤，特別係有拖羅🐟、Häagen-Dazs 同埋 Movenpick 😋，食物質素整體唔錯，而且款式十分之多

我係禮拜六去食既，之前見到網上面寫午市第二位半價既優惠，果陣打電話去booking既時候有再確認過，而果陣職員係話都有呢個優惠。但今日去到先知話星期六日無呢個優惠…只可惜我無錄低當時既對話。講番今日既質素，首先手卷佢地寫佐係12:00開始有得拎，但最後12:15先有得拎。我認為雖然時間相差唔多，只係15分鐘，但都係欺騙顧客既行為，絕對有必要檢討下！另外海膽手卷既質素真係差佐好多，啲飯係熱既，啲海膽既份量仲要少佐好多。另一樣就係海鹽雪糕一拎番位已經係軟曬，溶佐咁，食完唔肚痛真係已經好好彩。總括就係呢間既質素真係差佐好多，性價比完全唔相等，質素下降佐好多好多

放題店我就食得多啦，但係任食又好食嘅海膽真係好少。入邊有新鮮嘅海膽手卷，師傅即叫即整，海膽入口即溶，仲有鮮甜嘅味道，令人讚不絕口，食到停唔到口。佢放題嘅款式無論係熟食定係刺身壽司等等，種類都係非常多。最值得一讚嘅係，佢嘅芝士焗蝦真係非常好食。蝦係開邊，大隻之餘仲好有彈性，證明食材品質真係非常高，加埋香濃嘅芝士，真係唔食返十隻八隻對唔住自己。喺甜品方面我最鍾意就係佢嘅木瓜燉鮮奶，木瓜非常鮮甜，配搭住香滑嘅牛奶，同埋紅棗，絕對補身暖胃 。

第一次寫差評真心覺得唔係咁好食🌚 果然新假期推薦啲餐廳比較中伏啲刺身賣相一啲都唔吸引，影響晒食慾🙄🙄三文魚同拖羅極度唔新鮮，勁林，冇魚味甜蝦冇鮮味，好似雪藏左好耐🤮仲比我見到佢有綠色既物體（一定唔係芥末）每件刺身都切得好薄🌚羊鞍勁柴，又冇乜味🌚肉勁少比較最正常係：燒鰻魚，西籣花，燒帆立貝熟食等等比較伏既係：羊鞍，牛脷，刺身，鵝干壽司，鮑魚$308一位仲要加一，真心貴左啲🤮從來未試過咁伏既日式放題👎🏻👎🏻👎🏻👎🏻試過一次唔會再去

本身都唔係好鍾意食放題，因為通常食物質素麻麻地，同事話做晒research，話呢間放題高質，咁19號果日紅日去食lunch啦。12-3時段。首先講食物，就真係唔係高質，刺身有正常質素都有d係好腥嘅，普通放題咁嘅質素，不過都預咗。再嚟講環境，地下油林林，d枱呀，卡位梳化都唔係好乾淨，都算！我地一行4人坐卡位，食食下有中size嘅曱甴，個身長長果種，喺我個位果幅牆度行，勁驚！即刻叫侍應捉咗佢，佢用佢果塊藍色用嚟抹枱嘅布捉咗佢，成餐飯已經食得好不安，跟住無幾耐，又一隻！！跟住就同個侍應講又有一隻啦，佢好似無乜野咁又用佢張抹枱布捉咗佢。侍應俾我嘅感覺係應該成日都好多曱甴周圍行，佢地都見怪不怪果個感覺，仲要連唔好意思呀，對唔住呀果種感覺都無。捉完曱甴一句野都無講就行開。我明白放題任食係不能要求高，但都唔係咁樣同d曱甴一齊食飯都覺得係正常卦。真係好差囉！

太耐冇食放題，諗住同朋友一齊試吓，喺網上見到佢嘅食評好似唔錯就同朋友選擇咗去依到食。點知去到簡直晴天霹靂。食物完全不外如是，環境衛生亦一般，食物感覺放咗好耐，員工服務態度差，喺食緊嘅途中餐廳員工竟然把放滿廚餘同放滿其他人用過嘅碗碟餐具車放喺我哋餐枱旁邊，一啲衛生意識都冇。而且食物選擇少，刺身感覺並不新鮮，甜品選擇唔多，味道亦相當之怪，飲品種類選擇還可以，但全部都唔凍，同朋友很失望嘅一次經驗，冇諗過食物質素同網上評語落差咁大！

經過這一年的疫情少咗出街食飯今日趁着好心情就同朋友去食午市放題任食難得「殿 大喜屋」做緊推廣優惠星期一至日午市二人同行一人半價計吓條數即係兩個人$500有找真係好抵食 二話不說book咗去食😋鍾意佢點餐方式夠晒方便只需要用手機掃描QR code即可下單入面食物仲要圖文並茂一目了然 簡易操作環保之餘 仲可以減少人與人嘅接觸令我食得安心又放心🤗⊰⊹════════════════⊹⊱✎ 食後感 ：✨刺身「拖羅」絕無僅有的放題會有拖羅食仲要係任食超級正呀就咁睇個色澤係粉紅色難怪食落去入口即溶吖刺身「甜蝦」雖然細細隻，但係食落去好鮮甜爽口，一次過食咗十幾廿隻。「手握壽司」同埋「軍艦」款式都多元化。細細件好的骰，食落口一啖就食晒，好味道。海鹽燒左口魚邊壽司同樣地非常新鮮，帶點軟口爽脆嘅感覺。另外牛油果軟殼蟹卷每一件都放左2-3片牛油果在上面，配以卷物入面嘅軟殼蟹卷，軟殻蟹炸得好香口，非常滋味。「和牛薄燒」煎到五成熟，食落去有一點入口即溶的口感，入面仲要好多蔥粒同埋蒜片，真係夠晒滋味😋。「串燒」方面，新鮮即燒，「牛舌」同埋「燒雞翼」都好好食，燒得恰度好處，而且好夠味道，必食之選。「燒羊架」同樣都係

同朋友心血來潮想食放題，本來想食極尚嘅，因為之前食過覺得質素差咗，諗住試吓同集團其他分店啦，就揀咗都係尖沙咀嘅殿大喜屋，諗住佢係高級過極上啦，食物品質應該好啲啦，點知嚟到仲失望壽司🍣唔凍，唔算新鮮，片到超薄，飯又乾身刺身都係唔凍，無咩鮮味醉鮑魚：過甜，無酒味牛脷串：太乾同太薄甜品我未食過，不過欣賞佢有迷你豆腐花，應該無乜人會食🤭正常食物如下：西蘭花炒花之片全場最好味係炸榴槤，同雪糕人均消費好似$320左右，真係唔太值呢個價🤔由於希望愈大，失望愈大，所以無心機影相，請見諒！

大喜屋嘅午市定食真係好平而家做緊優惠午市放題第二位半價，$268一位，第二位半價連埋+1服務費兩位嘅放題都係四百幾咋不過我都係覺得大喜屋嘅午市定食比較便宜，大概六十幾50幾蚊，一位定食，我今次叫咗$45嘅炸蝦壽司配熱湯烏冬，炸蝦壽司一啲都唔馬虎，竟然有八嚿咁多，而且有芝士同埋蟹子喺面，點少少豉油已經好正，芝士睇得出用火燒過，確實幾香熱湯烏冬夠熱，烏冬彈牙，雖然沒有配料但係有幾塊昆布 我覺得都幾好食😋朋友叫咗牛肉鍋，配飯，另外仲有三文魚🍣不過睇得出三文魚唔算好新鮮最抵食嘅係大家叫完午市定食之後仲可以出去食任食沙律🥗，小食，每人一個飲品連埋+1服務費呢度只需要$100多啲咋食到非常飽

去完血拼就係附近搵左呢間殿 大喜屋放題😋有自助飲品，甜品，熟食區🤪飲品款式好多汽水我🍵揀無糖茶，仲有好多果汁，中日韓台飲品，鴻福堂都有😆啤酒、清酒🍺🥃🍶熟食方面我拎左個雪耳燉鮮奶 好正 唔會太甜🥛好香濃QR code 落單 方便又環 仲有得睇自己落左啲咩刺身壽司🍣手卷軍艦三文魚必點，長腳蟹添、赤蝦，樣樣都點啲，不浪費😉留肚食其他野熟食 有分自助款 同電子落單兩類Order左甜椒一口牛 ，各種串燒：芝麻雞、炸生蠔、一口炸日式年糕、芋丸、雞軟骨同牛舌碟碟啲份量岩數量岩 味道都唔錯 仲叫炒蟹炒蜆 青口 鮑魚..... 我仲叫左雞粥 暖下胃 唔知係咪人大左 覺得自己食力差左 🤣甜品 🍮凍櫃有好多小cake 可以揀 ,雪糕雪條呢啲就必食啦 最吸引我 movenpick haagendazs milktop 海鹽味真係好正呀 大滿足🍣😆環境都舒適 唔會坐得迫 店員 上菜快 冇漏單

與孩子午前放題，這間可算有質素保證，起碼沒有一樣覺得難食。十二時正，已有許多人，可能遲了訂位，座位四人來說是正常，但有些可能早訂，座位寬敞舒適，特別是二人坐的卡位，真的很好哩！先叫轉刺身，款式十分多啊！一送來，真的覺得「靠得住」，魚生厚切不在話下，而且質地爽而鮮，排得靚靚。放題來說，認真有質素。我哋也叫了兩轉。不過蟹腳就一般，有點難完整地弄出，味道也一般。天婦羅蝦是孩子至愛，香脆而不覺得粉厚，很不錯。最抵覺得是鮑魚，我自己食了8隻。我很鍾愛的燒牛舌，不過我嫌略鹹及少少靭。阿仔最想食羊鞍，但有點失望，因為叫了三轉，除了第一轉的肉嫩味香，其他的都靭，孩子覺得難咬。我們也多次品嚐燒牛片，很香和嫩，可自行沾特製的汁料，我喜歡食淡啲，唔沾汁可食到鮮肉味，很滿足。這店的食物選擇繁多，我們不大食，還有許多未試哩！這是我第二次光顧，記得第一次是被它的甜品櫃吸引極，今次光看是吸引的，但當中的甜品，只可以「唔難食」作評價，款式雖算多，但味道很相似，餅底淋。不過，韓國雪條及H字頭雪糕補返晒啦😋⋯⋯除非遇到更好的，不然我都會選擇這店，食物好，服務有禮。

午餐時，比朋友捉左去殿大喜屋食午餐放題。原來依家好抵食，星期一至日午市二人同行, 一人半價，勁吸引殿堂級既放題果然係唔同d，食物既種類都多d，高級d。平時午餐都無甘豪過，今次係新體驗。首先，個人認為必點花雕酒煮鮑魚。陣陣酒香提高食慾。彈牙既鮑味突顯鮮味，正！而且午餐時段，可以任拎海膽手券。海膽多過飯，食落口滿滿既鮮甜味。當然，一件起兩件止，先有空位食其他好西。係刺身方面，質素絕對上品，單單厚切三文魚，見到飽滿既油脂分布，一食落口爆發既魚脂香，令人停不了口。拖羅既嫩，入口即溶既感覺，食得好幸福。仲有虎蝦，牡丹蝦萬萬不能錯過。魚生片都要一一嘗試熟食方面，火炙和牛卷必試，簿簿既一片，但充滿牛味，入口既細膩感，既不飽肚，又滋味十足。如果想重口味啲，仲可以試避風塘炒蟹。因為風味十足，夠惹味又唔怕肉太多會飽肚。鐘意既可叫燒白鱔，夠香，夠滑，入口即溶，回味無窮。魚脂香回盪係口中，層次豐富。個人仲推介燒牛舌，烤羊架同燒菠蘿。其實每樣都不錯。都想打哂出嚟。但呢三樣係我認為最出色既！一百分滿分既話，殿至少有90分啦！

母親節媽咪話想食日式放題，所以揀選咗間有質素嘅日式餐廳。《殿 大喜屋》我個人認為呢個價錢，真係食得過。刺身新鮮又肥美，仲有海膽手卷。熟食款式都多選擇，避風塘辣蟹丶黑椒羊架丶椰汁雪耳燉木瓜丶燒菠蘿等...都唔錯。依家5月份做緊優惠$268/1位(+10%)，第二位半價，真係超值。