殿 大喜屋

營業中

休息中

一直都聽到身邊係尖沙咀返工既朋友話殿大喜屋午市有幾抵食，今日終於有機會親身去試下話說個半價優惠係要下午一時三十分後入座先有，黎個時候已經過咗lunch peak hour唔洗等位以為無乜人，入到去先發覺原來坐滿好多客人，睇黎真係好受歡迎 侍應帶位及講解可以去拿小食及沙律吧(限1碟)飲品(限1罐),特別講明甜品吧要另外加錢:坐低用wechat scan個 QR Code就可以點餐，非常方便:點完餐就先去拿沙律同飲品，食咗一陣我既牛肉飯同串燒就到啦，見到個size開始懷疑人生～點解可以咁大份，比我平時去吃既日本料理大份:開始擔心食唔哂，味道方面幾好吃，牛肉份量好足，加埋串燒真係淡淡肉:吃飽飽最後吃埋個甜品真係大滿足:餐廳俾我吃到3點，埋單半價唔過50, 無得輸:

食放題，我相信大喜屋既集團已經操控左香港大部分既市場，有不同質素同價格俾你揀，幸好既係，質素整體黎講都唔係差今次食間高級啲既殿 大喜屋，聲稱刺身夠鮮，種類多而仲有海膽手卷、蟹腳咁用手機落單方便又清楚，仲有得睇下個食物既賣相先叫好吸引飲品自取，茶啤酒汽水之餘，仲有果汁先生，仲有紅白酒，而最後揀咗熱清酒🍶先叫左個花膠蟲草花煲雞湯，本身都係諗住飲個湯先開始食，點知上台勁足料，花膠好多又腍又滑雞湯味入到花膠，而都幾好味個湯都好膠又夠濃，第一味就好impressed主角之一刺身隨後就上，大大盆又砌個好靚，刺身種類確實比平時放題多好多，但我見枱枱其實又係叫返差唔多個啲刺身，可能香港人都始終唔太好食其他魚既刺身款款都試過後，勞蘇食會先推介赤海蝦、三文魚、帶子、呑拿魚，相當先而味美蟹腳都還ok既，都夠新鮮可以成條拎出黎，但始終松葉蟹同阿拉斯加或者加拿大蟹腳size同口感唔同，無咁滿足而必食既係甜蝦、拖羅！！甜蝦比一般大隻、甜而有蝦味而拖羅就無得輸啦肥美肉質又正，魚味濃，放題有拖羅實在無辦法唔狂食帶住興奮嘅心情進入第二round試下季節限定同一啲吸晴既熟食，泰式生蝦(其實唔明點解泰式生蝦係季節限定)，賣

上星期男朋友生日打算吃放題慶祝，一去到地方很闊落，可能是禮拜一的關係不算太多客人，座位坐得很舒服。整體來說款式很多，壽司的配撘很特別，大部份都有驚喜，刺身方面不過不失吧。另外出去拿的限定海膽手卷很新鮮，紫菜算脆口的。之後叫了一些炸物等小食，印象較深刻的有燒鰻魚，避風塘瀬尿蝦都不錯。不過本身不是太餓，很快就吃不下了，有多款式我們都還沒有試到飲品和甜品選擇都很多，特別是雪糕櫃，可惜不能多吃幾款吃到一半手機剩下很少電量，這裡還有尿袋借用服務，放下一百元按金就可以拿尿袋充到夠。

食放題都無乜點特別去影相📸️5個大胃王去食野，2個鐘完全唔夠一落場已經叫到成枱野，清完一輪又再點刺身生蝦都好新鮮，海膽鮮甜又唔會有臭味壽司刺身性價比高，點完一輪又一輪炸物天婦羅🍤我地無咩點叫前菜/炒菜/鍋物/串燒就叫左1輪反而有再點芝士焗蝦同芝士焗帆立貝有個花膠雞湯超好飲，食得多凍野最岩叫返個黎飲，暖暖身子甜品有蛋糕/豆腐花/雪糕🍦雪糕種類都好多，我地每樣拎左兩個大家share一齊食幾啖試下味最後就一人點一個燕窩燉木瓜做結尾雖然未係好飽，但都好滿足😋

嚟到9月尾疫情下放緩少少，加上食肆再可以4人，終於隔了一年去訂食放題放鬆一下，日日係屋企度過食嘢嘅日子。不過大家都做足防疫措施，公快都預備多啲，口罩外出行入都不離身。首先幾日前預訂，加上預先有講有其中一日生日，叫佢哋安排蛋糕，問定還有香檳嗎？員工初初話未必有。我地訂早段食7點，嚟到開始食已經滿座，各位都揀選想食嘅嘢，種類繁多。落Order大部份都有到齊，刺身，海膽同埋海鮮都新鮮入味（例如松葉🦀，🦐，象拔蚌等），加上有足料嘅薄燒和牛，花膠烏雞湯，原隻鮑魚粥，燕窩椰汁燉木瓜等暖身俾長者食。所以每人都飽飽的 ！，一落app order速度算快，等唔係太耐。上菜都到尾聲last call送上蛋糕時有幸送埋香檳，實在很開心!

結婚週年，吃放題， 性價比十分高！ 最想讚嘅係職員服務態度， 有時真係唔想做大嘥鬼， 但唔小心叫了重複的魚生， 吃正剩餘兩三隻蝦六七片魚生， 不敢叫其他嘢吃，希望盡量吃完它。 有個職員走過來 有禮貌地說： 放熱咗啦，不要吃啦！便取走了魚生盤。 真心覺得感謝， 惠顧客的健康著想！

之前都食過幾間大喜屋，質量唔錯、服務態度ok、漏單情況甚少，咁就想試埋間殿大喜屋。唔食仲好、一食把幾火。諗住用QR code落單、又方便，又唔會好似其他放題咁漏單。結果四個人點刺生都可以點八件上三、四件就算，有時都明白廚房忙上唔齊。反正放題任食呢轉唔到等下轉。估唔到我真係太天真，2小時放題剩係叫佢追單，都追成廿幾三十分鐘可以無新野上台。終於等到上台啦，個侍應忙到「飛」碟落台，如果唔係碟野飛落黎有水花我都想比十分滿分個侍應，竟然係餐廳都體驗到澳牛既服務質素。最可惜係碟野食我地無叫過，仲要係隔離台問我地拎反。漏單嚴重到無話可說，落左三次order，漏既野隨時仲多過食既野，追單追到最後30分鐘last call想再落都無得落。千等萬等，等到歡樂今宵都重播，先上第二碟。算啦都叫有野落肚、結果點得一兩件既肉啊熟食啊都雙倍上比我地，實行填鴨式飽肚。想叫反侍應拎走，sorry，佢地真係忙到飛起，除左入座同表演「飛碟」根本無人理你。見時間真係差唔多，但又無咩野落過肚，等左咁耐第二輪D野先上得一兩個。雖然知追單都無意義，但比得每人幾百蚊出黎，我都想比食茶餐廳好少少既。我真係無諗過個侍應：「食埋啦食埋啦比

兩、三個人聚會，有性格西餐廳是最好；一大班人聚會，上酒樓擺返圍是最好；而在四至六人之間，想來想去，原來食放題是最佳的選擇。這一次，又是久未聚頭的老友飯局，一行五人啊，朋友的建議是食放題，食有質素的放題。而朋友推介的，是尖沙咀的《殿大喜屋》。他說，這是高一層次的放題，保證好。我們在外等到人齊後才一起上來，始於都是按慣性，人齊才一起入座比較好。然而，當我們一出升降機門，看見了一個比一般放題店華麗的餐室，已經感覺到，這是一個可以舒適任食，慢慢嘆的一餐。首先，是自助的酒水。汽水果汁任飲是小事，幾乎間間放題都有。但清酒任飲就的確只有比較高級的放題店才有的服務。清酒，有熱也有凍；除清酒外，也有梅酒可供選擇。任飲啊，但要量力，不要喝醉。以前去放題，無論高級或是 MK 式，都要在紙仔剔剔剔。現在，已經是 digital 的年代。用手機 scan 了檯上的 QR code，就可以 log in 到他們的網頁，以手機下單，環保了許多。然而，首先來的並不是魚生，而是我們點的一大堆炸物。當中有吉列蠔，榴槤烤彈，紫心香芋丸，等等的香口東西，也有芝麻雞翼。係好食，但這些東西都好容易令人飽，吃一兩口就好了。來食放題

朋友請食生日大餐，佢就介紹呢間中午真係平靚正，因為疫情嘅關係所以唔多人食，咁樣仲好我哋叫幾多嚟幾多，而且上得好快，主打刺身叫咗兩轉，甜蝦真係鮮甜無比，海膽手卷啲海膽大大份，亦鮮甜冇腥味，因為食物嘅品種太多，樣樣試一些都飽到行唔郁，最正就係有很多唔同品種嘅雪糕同雪條任食，包括我最鍾意嘅Häagen-Dazs雪糕

食物：用料唔錯所以食物質素好，選擇種類夠多，外面仲有唔同嘢食可以攞（各式沙律配料，少量海鮮，各種小食等等），魚生燒物都值得一讚，另外仲有海膽手圈喺外面可以即場整新鮮即食，甜品就少咗啲不過呢個唔係重點所以冇所謂飲品：夠多選擇，有凍有唔凍服務：電子落單冇走單情況，服務員服務正常衛生：睇落都乾淨企理，外面自助有跌咗既食物都有人清理環境：未至於好闊落但位唔算逼價錢：5點嗰輪300+唔算平但有咁既質素絕對可以接受

朋友聚會大家一致想食殿大喜屋日本料理， 餐廳位於尖沙咀金巴利道26號1樓， 星期六八點半入座大約三百幾蚊一位，自助吧檯上有凍雪糕、甜品、飲料和酒類， 一去到第一件事就點刺身和壽司， 飲品櫃還有很多不同種類的飲品， 啤酒、梅酒、Sake、汽水、果汁、茶類，選擇多。 刺身種類有三文魚，劍魚腩，北寄貝，甜蝦和帶子， 全部都非常新鮮。 壽司🍣和軍艦🍣 都點一些來試試。 手捲好似要出去出面攞， 我們沒有攞到。之後就到羊架、黃金燒帆立貝、鹽燒牛舌 、燒蝦、菠蘿。羊架有點硬，帆立貝的味道正， 鹽燒牛舌好硬， 燒得比較乾身， 燒蝦大大隻很新鮮， 燒菠蘿味道清甜，好味！ 現在還是疫情的關係， 每次出去自助吧檯攞食物都需要配戴口罩， 所以我們懶得去攞甜品了， 唯有期待下次吧！整體而言我覺得食物質素ok，但座位就比較狹窄，餐枱上不能擺放太多的食物， 點餐使用QR code落單， 但當晚漏單情況非常嚴重， 我們點的食物點了很多轉都沒有來， 到埋單的時候都是放棄了。

🔺殿大喜屋放題好耐好耐冇食放題了🙈早排父親節 男友家人話想食放題就一齊去咗啦😗.呢度食物款式都有好多選擇😛串燒、窩物、壽司、刺身、甜品、生果🤗出面仲有熟食、涼拌、海鮮、清酒任飲任食🤑.個人覺得燒物做得唔錯👍🏻尤其係燒鰻魚、芝士海蝦、扇貝😻刺身方面拖羅口感入口即融😽帶子雖然細細粒不過都幾鮮甜👏🏻清酒好好飲好易入口👍🏻

提起大喜屋，大家都會諗起佢既放題，但估唔到原來佢既午市套餐都相當精彩，不下於佢既晚餐放題，而且價錢平一大截。今次黎到呢間係喺尖沙咀既殿．大喜屋，入座時你可以揀食set lunch(+沙津bar) 或者午餐放題，咁我揀左前者。我個餐嘅主菜係肥牛鍋，味道中規中矩，似一般嘅壽喜燒，再配以刺身小碟及自助沙律吧。以午餐既沙津吧黎講，湯類有中式日式，沙津菜類都有幾款配料，前菜類有中華沙津、蒜辣螺肉及泡菜等等，以及魚蛋炸薯角等兩三款小食，都算係應有盡有。雖然食物質素唔算特別好，但以咁既價錢喺尖沙咀黎講，仲要附送一份飲品及甜品，性價比絕對算係中上。

有個朋友今個月生日去咗食放題，仲要送咗蛋糕香檳，啲刺身好新鮮🤤仲有任飲清酒🥰八個人去啱啱好唔過限聚令，服務員很貼心將兩張四人枱拍埋一齊😉另外仲有海膽手卷，個手卷唔係好多飯，海膽都多

我們吃5:30-7:30時段7時便開始截單 不能再點菜點菜的方式是眸手機掃描QR code來下單的 不用再寫紙食物方面 款式有很多漏單情況也不算太嚴重只是有部分食物遲上 便以為漏單了 於是再點 但後來同時上菜了 食物數量便重疊了點了兩盤刺身 有帶子、三文魚、象拔蚌、北寄貝、甜蝦 鮮甜肥美 推介甜蝦👍🏻出去排隊拿海膽手卷 每人限取兩卷 師傅很快弄好 海膽非常新鮮 我吃了三件 不錯不錯～～還有芝士燒開邊蝦也十分好吃 推介👍🏻甜品方面 我吃了小燕窩木瓜 燕窩好像吃不到 但木瓜算是頗甜 也健康雪櫃的甜品在門附近 截單了也能出去選取 雪糕雪條款底有很多 我吃了榴連雪條 好吃！