殿 大喜屋

營業中

休息中

殿 大喜屋尖沙咀金巴利道26號1樓大喜屋系列既放題餐廳，永遠都係同屋企人或者朋友聚會既最佳地點，因為貪佢呢到咩食物既選擇好多, 有刺身，壽司，鍋物，串燒，炸物，天婦羅，沙律，甜品，緊有幾款岩食既，可以滿足到唔同人既要求，今日趁放假我地就黎左位於尖沙咀既<殿 大喜屋>幫襯，悠悠閒閒食返個lunch放題第一輪當然係叫左盤刺身先啦，呢到既選擇好多，自己習慣第1 round通常都會樣樣都叫d睇下當日邊樣最新鮮，第2 round就可以再encore啦，我地今日都試左好多款，分別有劍魚腩，三文魚，油甘魚，北寄貝，帶子 赤背，象拔蚌，赤蝦。。。而自己最鐘意既當然係得呢間分店獨有既拖羅啦，雖然餐廳切得比較細舊，但係食得出除左新鮮之外，仲好肥美，正呀呢到除左刺身壽司之外，其實熟食都好出色架，我地當然要試下啦，今日試左蒲燒鰻魚，燒牛舌，一口和牛，燒比目魚，燒羊鞍仲有牛肉鍋，真係好難得食左咁多年，分店愈開愈多，但食物質素都無下降，值得一讚飲品方面，呢到除左有4個大雪櫃擺滿左啤酒，汽水，茶類飲品外，另外仲有個檯位係專擺清酒，果汁。。最後當然要食埋甜品先走啦，餐廳有供應movenpick同ha

突然之間好想食放題食，經過見到佢，下晏就book左位去食去到覺得個門口算係幾華麗再行入d就覺得好多人路好窄坐低個位好勉強先入到去坐然後見到佢出面攞野食就好闊，幾好佢d野食全部都好的骰，可以叫多幾款試其他野食食物品質係ok可以唔錯佢個水煮辣魚真係要讚仲有個和牛薄燒，太正太正所以我諗我應該都會再黎食多次既。見佢依加裝修緊，希望佢裝修完d位可以闊d啦評分時間。環境分數 50/100，行入位都好勉強味道分數 85/100，都係高上品質服務分數 80/100，放題黎講不過不失

昨日去咗做老襯。訂了房間坐16人，但房間經常被職員及顧客用作捷徑穿梭來回。飲品衹得個暖字。衹准兩小時享用餐。5點半準時入坐。5點35分落單叫了食物，到6點半都衹得兩三款食物到枱。叫了16件拖勞，上枱衹得4件。職員匆匆經過，你叫他，他懶得回應你。約6時35分，職員前來說7點截數。我說大部份食物未到。她拿了落單紙給我們叫我們手寫落單。她會直接拎去㕑房會快啲。我說之前叫咗啲食物會幾時到，因為我不想浪費。她說手機落單要排隊唔知幾時到，若果你排第200,你就等第200個。叫了兩三次俾碟我地，因為生日切蛋糕，但最後都是自己取碗代替。好似走難咁，食到一肚氣。貨不對辦，除了未有適時送上食物，食品質素一般，以往食物大小都算ok,但現在一件魚生一開三，非常袖珍。免費都不再去。原本諗住再訂12人於兩星期後再光顧都怕怕了。

第一次食大喜屋，亦係第一次一家人食放題，當天下午打電話去book晚上食，疫情下衛生措施算係做得唔錯，大家都會自律戴口罩出去攞食物職員收碟收得都快，外面既甜品前菜放題refill速度就一般，甜品櫃每度門都有點問題成日差點就夾到手，希望可改善就好。飲品方面有極多選擇，熱飲咖啡latte茶清酒維他奶都有，冷飲唔使講紙包罐裝，仲有清酒梅酒雜果賓治，最欣賞有細細支既茶飲，份量唔會太多可以試多幾款又衛生食物方面用電話落order後都算快到，每次落單都會相隔一段時間先可再落單，上菜速度算快且冇漏單，十分滿意因為屋企人唔多食生野所以冇咩點叫到刺身，反而比熱食吸引了，估唔到放題都有咁多熱葷可選擇，有鮑魚蟹花膠蝦蜆上到黎既食物熱葷都係夠熱有質素，最欣賞有個蝦既菜式，但全名唔記得左，有埋擺盤唔係求其上碟就咁比客，同出面中菜餐廳絕對有得揮！至愛仲有比目魚同埋芝士焗帆立貝，上到枱都仲係熱辣辣好好味不停encore。因為食得心急好多都冇影到相，但值得讚既係佢地會幾款食物安排晒響一隻碟上，節省左好多空間同地方。甜品都算多款式，一般蛋糕芝士餅都有，個人覺得最好食係朱古力蛋糕。估唔到乳酪同豆腐花都可以細細杯，份量少岩岩

香港人鐘意食壽司，而日式放題店隨處可見，但有質數有水準嘅真係少至又少，而殿大喜屋絶對可以算得係一間有水準有質數的放題店，佢有海膽手捲同軍艦，又有拖羅手捲同軍艦，單係依兩樣就已經係值回票價，其他食物刺身有水準，刺身溶雪處理得宜又新鮮，壽司又唔係大大件要質飽你，啲侍應勤快，但您知啦放題店你都唔會要求佢有禮，係啲坐迫啲啫。我重點講下有啲乜野好食喇。海膽手捲 - 必order，佢係無得用apps落單，要去門口排隊，師父都好快手咁整，完全無拖時間，分量都算多，但唔係好夠甜，但絶對唔苦嘅。章紅魚刺身 - 刀工幾好，夠薄，酸汁與章紅魚刺身好夾，又係必食。原條穴子壽司 - 原條大大條，食後好滿足呢。刺身 - 睇相就知佢哋嘅刺身都係靚貨嚟，放心order。其他放題店有嘅野佢都有，只會係更多，更好食，300內食個日式放題又要有啲水準嘅，殿大喜屋係一個好好嘅選擇。

同朋友慶祝生日，一行12人去食放題食物質素還可以，拖羅不錯，甜蝦蝦頭微黑但肉質ok, 有甜味，帶子都甜既同厚，唔會係透光嗰種。熱食就中規中矩，無咩突別大既問題但係衛生真係差，行出去拎野飲見到地下有小強🪳行過，雖然唔係好大隻嗰種，但係都有啲恐怖地下黐立立，隻鞋會黐住地下，感覺有點難受坐嗰個位地下有垃圾同食物殘渣，就算食物幾好食都冇用，有坐立不安既感覺我見全場爆滿，明白侍應係好忙，但而家疫情非常時期，衛生係應該做得更好，冇野比衛生更重要

攞咗假陪亞仔放暑假，終於可以試吓午市放題，始終小朋友唔食得多，會抵食D。呢度格局比較光猛、有水晶燈、有獨立嘅房間，大部分梳化座，坐得好舒適。拎野食都好集中方便，氹氹圈就見到有熱食、炸物、手卷、飲品、甜品、沙律吧、水果、雪糕區。雖然係放題，但唔想浪費，又心思思想試多啲野食，想食嘅先點一件，啱食先再點。食物方面較驚喜嘅係有蟹腳食，尺寸都唔細，味道鮮甜。蜜汁一口牛同燒牛都係必點之選，牛味香濃配埋唔同醬汁，各有風味。銀鱈魚亦好嫩滑亦有魚香，點完又點。如果食榴連嘅，炸榴連亦係必點的，食落好香榴連味，暖笠笠少少拉絲。呢度嘅甜品都有多款選擇，一口一件啱曬，雪糕都有數款高檔品牌，亦沒有數量限制。飲品最喜歡還是清酒，配刺身一絕，暖暖甜甜的。飲飽食醉真係身心滿足又放鬆，簡簡單單已一樂也！

殿可謂係我一再光顧既放題。食物選擇多，上野快，質素唔錯，仲有梅酒，清酒提供星期五，六，日，下午時段5點就開啦，大家Walk in記得早D去拿位。餐廳會Update餐牌，記得上次黎有一款燉湯，今次黎已經無左。雪條雪糕選擇少左，之前有便利店賣十幾，二十蚊條既韓國雪條，而家除左兩款大牌，只有幾款唔知黎自邊度既雪條雪糕，大牌亦只有一個口味，稍微失望。熟食推介一款短既台灣黑椒腸鮑魚，和牛薄燒，燒菠蘿，榴莲炸彈，芝士年糕，encore之選99％甜品（只有一款黑朱古力批ok）大部分雪糕雪條，糖味太重

一入去就覺得好cheap，book位要同唔book位嘅人一齊等，排隊排到出門。頭兩次淨係落刺身就好地地，之後落左啲熟食就淨係黎熟食，成個鐘冇黎過刺身！12點九落，落左三次，一點九仲未有！曬錢！成個鐘淨係度食串燒，好似淨係黎食零食咁，乜都飽曬啦，唔知想點。加上啲位好逼，沙發位條隙都要坐人，一個booth明明應該擺兩張檯最舒服，但係就有三張檯，啲檯細到。食物只可以話中規中矩，唔難食，但未到好食，都唔係話特別新鮮。自助吧就好多選擇，飲品選擇夠多，好多前菜。

上網睇8月有優惠: 二人同行，1人半價 (只限午市及星期一至五)! 於是同朋友book左星期四12點! 限食3小時~相信大家聽過大喜屋, 質素都幾好既! 見佢做優惠, 平均每個人都係$236! 平時晚市每人加埋一都係300幾蚊架!咁梗係無執輸, 去試下啦! 影左好多相 最推介既係拖羅刺身!!! 難得可以任食拖羅, 梗係瘋狂嗌啦! 不過可恉既係 我地無論嗌 4/6/8年, 佢都係俾2件渣不過唔緊要, 話明任食, 我都encore左好多輪! 拖羅都算中上啦, 但唔夠肥美, 而且有少少筋, 咁任食放題, 俾到拖羅食算好好架啦~跟住有海膽心卷, 無苦味, 但亦都唔多甜味, 不過細細舊, 唔會飽到食唔到其他野,  任食之餘而且D紫菜都係脆既, 要求就唔好太高啦~另外, 比較推介既熟食有芝麻雞翼同鰻魚, 因為都幾大塊, 亦都整得好入味! 其他既食物就普通啦, 因為選擇實在太多! 所以我都無每項陳述出黎啦~俾各位網友去慢慢欣賞啦!飲品方面, 都有好多道地烏龍茶+道地綠茶! 而且亦都任飲!而甜品方面 (無影到相呀sorry), 除左好多唔同款式既cake, 亦都有haagen dazs (有藍莓+脆餅

我記得我中學嗰陣已經開始食放題，嗰陣第一次食飯同真係食到飽咁濟，依家我係讀緊大專嘅時候食都食咗好多次我諗最少都十次喺佢嘅分店，但唔知係咪因為疫情之後會情況好似每況愈下，一般般

大喜屋中"殿"的級數是高一級的。食材選擇確係多一點，高級一點，比如有鮑魚，蟹脚，泰蝦刺身，吞拿魚…清酒任飲. 用QR code 點餐，8月優惠，二人同行，一人半價，但食材的質素好明顯係將貸就價刺身的質量参差，叫多幾輪就好明顯分辦到，但整體也新鮮肥美。壽司賣相吸引，細細件，不會浪費，可以試多幾款，但係食材一般。蟹腳有海水鹹味和雪藏味， 但係因為太細條，所以 肉量不多，或者要每人叫最小3條，才可試不同部位。鮑魚反而有驚喜，size中等，彈牙又淋，再配 杞子，花雕調味，不錯。醬汁蝦羊架用黑椒燒，很入味。燒椒鹽雞翼，味道不錯。燒菠蘿香甜多汁，巳去皮燉木瓜~味道怪怪，感覺麻麻。雪條類有很多選擇，賣點係movenpick朱古力雪糕，其餘雪條味道都超甜。食後感2人同人，一人半價，又確係幾抵上菜速度一般，但食3小時，也可回本。但衛生方面，整體感覺麻麻，自助區，地面某些位凹凸不平， 濕立立影響觀感

開開心心去食飯，點知食到有驚喜！袋子刺身帶發泡膠粒，搵經理話佢話再點過一碟食啦！果然係高級處理手法👍👍👍全店每張台貼張客人離座時間紙，搞到成個80年代咁，唔識用電腦代替嗎？果然夠經典！整體又逼，台又細，絕對冇下次！

難得放星期一，又知道有第2個半價就去訂位。12點正到，閒日都爆場。門口企滿人，無工作人員指示，無訂位有訂位的都排一條隊。好多人問點排比較亂。入座被派半邊卡位，左右都有人出入超迫，嘢食好多唔熱。魚生唔得唔新鮮。大拖垃圾，食唔到。其實除了帶子ok, 其他都麻麻。串燒唔熱，好難食。飲品多選擇，但長期雪櫃被人打開，所以大部分飲品都唔夠凍。人數太多，員工不夠，好多時齋坐等食，收碟又慢，張枱又細，兩位埋單都$455左右。唉！總結同樣價錢寧願食x氣,司壽x好過。起碼啲食物質素，服務和環境更好。

早排食過尖沙咀極上大喜屋（大pizza）隔離個間，食物質素同員工服務都好好，有幾款刺身壽司例如toro仲拍得住omakase的質素。咁食過好味，就諗住再揀貴d 以間殿大喜屋，諗住一定會再好味d，點知惡夢黎啦。。。。。。首先，一入到餐廳，感覺已不好，因為前台阿姐大大聲話你一個人呀？好似歧視人咁，令人十分尷尬😳跟住入到位，好大陣 ‘up’ 味，已經覺得想走，嚴重影響食囉。。。。。。落完order，唔夠一分鐘，waiter已經端上壽司數司數件😓 令人好懷疑食物質素，放落口，唔難食，亦唔好味，但同之前極尚的好味壽司極大對比！跟住上刺身，正常嘅，但有d俾少，有d又比多。重頭戲黎啦，個件赤身花之戀，嘩，真係難食到嘔咗出黎lor! 痴線！今時今日仲有d咁難食的東西！跟住再食個d海膽，已難嚥下，仲有一舊舊不知所謂的壽司。。。。。。熱食也是不知所謂，燒牛肉，凍的，雞湯，充滿著飛水的揸阻。。。。。。仲有！落完第一次order，d 食物等了十五分鐘才漫漫來，你話好味用心煮就話，真係食都罷食，係度打以篇文！仲要唔只三百蚊，係305蚊！😤😤😤