殿 大喜屋

營業中

休息中

昨天下午訂位（7pm－9pm），晚上七時到，等左十分鐘左右有位。門口個知客態度超串，啲人又無秩序。有位入去，環境唔太乾淨。電話落單，點魚生過左一個鐘都無，點多次都無，要揾經理落單先有。其他電話落單都好多漏送。食物質素一般。8：00pm要你埋單，8：30pm收晒你啲野想趕你走。

好耐冇食放題，印象中殿大喜屋食過唔錯所以揀返依間。但估唔到原來裝修過，環境好過以後好多，成個格局舒服過以前。等左唔係好耐，好快就入到去。落單直接用電話scan QR code落，餐廳有wifi提供。野食有好多唔同種類，比其他餐廳唔同既係，依度既野食比較高級。我就叫左一堆刺身同特色壽司，刺身方面，拖羅入口即融，最緊要係冇筋，好好食。而香港人最常叫既三文魚做到厚切得黎易入口。比得依個價真係要好好享受。壽司方面我叫左鮑魚壽司，鵝肝壽司等等既特色美食，依幾隻壽司其他鋪真係叫唔到。食物方面真係幾好甜品我就試左海燕窩椰汁木瓜，但原來海燕窩同燕窩係兩樣野黎又學到新野，但都幾好食。最後會送每人一杯movenpick/haagen dazs雪糕，食完好滿足

殿大喜屋既放題一向高質，知佢新裝修完，特登約朋友再黎食過一入黎就覺得餐廳裝修後比以前更加闊落，光線好充足，感覺上更加淨潔食物大多數係電話用QR code落單，出面會有甜品、飲品、沙律同小食拎各款刺身三文魚、拖羅同油甘魚都切得勁厚身，其中既拖羅重要係入口即溶鮑魚蟹膏雪昆布山整個放入口食，整體重昆布味（外面層皮一路疑惑緊食唔食得😂）赤身粒魚魚子花好味又好睇七彩鵝肝帶子唔太食到鵝肝味，但帶子好鮮甜花雕醉鮑魚酒味唔係好重，鮑魚已經處理好唔食得既部份，直接放入口食就得蒜蓉花枝珊瑚蚌炒西蘭花為左食菜而叫，唔錯蒜香味噌煎虎蝦🦐蝦好大隻爽口，而且已經拆左殼，方便食用薄切燒和牛🐮和牛燒到大約六成熟，配上炸蒜片同甜甜既醬油，十分濃牛味，推薦👍🏻豉椒汁炒蜆豉椒味幾重，欣賞佢唔多空殼😂避風塘炒蟹🦀枱面有工具可以幫手拆肉，唔洗擔心咬崩牙😂海燕窩椰汁燉木瓜養顏滋潤，冬天食岩哂榴槤炸彈💣一如往常既「臭」紫心香芋丸香芋味重芝麻雞翼🐔熱辣辣，皮脆肉滑燒菠蘿🍍多汁清甜，好解膩軟雪糕加軟糖🍨雪糕夠凍，放左一陣都唔會溶得好勁各款甜品🍮🍩🧁全部味道都唔錯，最有驚喜係杯裝布丁燒同朱古力布朗尼👍🏻

適逢朋友仔生日都會去食放題，今次簡左一間位於尖沙咀既「殿大喜屋」，話明放題緊係要盡情食個飽！我哋食17:30-19:30 $278，需另收加一服務費。自助區有小食提供，有炸雞和煎餃子，味道不錯。靚靚壽司，好特別啊！竟然有鮑魚壽司食。好少放題係有花雕醉鮑魚食，重點係鮑魚好大隻、又彈牙，而且很入味。一次過食2粒都唔過份😂得我一個食刺身，叫少少就夠啦。拖羅刺身真係好好味，幾乎係入口即溶。三文魚勁厚切，厚得太誇張。炸物類，我真係好鍾意食榴槤炸彈，每次去食放題都必叫。見到有糖果區，忍唔住夾咗幾粒糖返去食😂甜品嘅種類好多，有不同種類的蛋糕。幾乎每一款都試過。有movenpick同Haagen dazs 既雪糕，係任食。裝修後的「殿大喜屋」環境寬敞，枱與枱之間唔會太迫，坐得舒服。

人越大越覺得食放題，其實係貴精不貴多，所以一定要揀一間食物有高質素嘅放題店先去食。尖沙咀嘅🌸殿大喜屋🌸係我嘅至愛之一，近排更加裝修完令到空間感更大，坐落好舒服而且食物種類更加多😃。呢度嘅魚生係十分之出色，可能比出面一般嘅壽司店可能更佳。放題並唔常見有厚切toro吞拿魚腩，佢入口即溶油脂十足🍣。章紅魚薄切半海膽醬油刺身更加驚喜，魚味鮮味都十足😍。呢度既燒物好似鰻魚，羊架，同西京燒比目魚都超級引，香氣同味道都好出色👍🏼。料理方面我覺得最正既係避風塘炒蟹，超多炸蒜，調味十足，食落好香口。總括黎講殿大嘉屋真係勝價比高，唔怪得長期爆滿，想食記得 book 呀！

先講刺身- 刺身上盤速度極慢，平均20分鐘先會來一盤- 終於上盤，幾乎全部都係喺腥，接近酸臭，暗啞- 第一次見全部三文魚都係厚切但連皮切- 爭鮮都好食過佢- 搞笑既係佢海報寫魚的鮮味係魚既生命#諗緊報吾報食環熟食- 前半段上盤速度極快- 後半段叫極都唔上，8點左右落單，8點35 分左右到飲品甜品- 甜品無食，但見到有movenpig- 飲左蘋果汁，吾要求高，正正常常。另外，見到有清酒飲，無試到服務- 食7 - 9黃金時段，8點就叫人賣單，5分鐘內收卡簽卡比單，賣單速度快過食物上盤速度- 強烈懷疑員工掛住買單而忽略了食物送盤嘅人手- 執碟速度正常環境- 張4人檯幾大，坐得舒服

星期六食最早時段 (5:30 - 7:30pm)，其實兩個鐘都好足夠喇⋯⋯ 呢度QR code落單，上菜都好快同埋冇咩漏單嘅情況。唯獨海膽手卷就要出去排隊攞，每人每次限攞兩個，海膽大大片，未至於好鮮甜，不過味道都OK嘅😋刺身唔錯，有拖羅揀 (好少放題會有)，推介拖羅、三文魚、赤貝👍🏼壽司🍣就一般般。炸物方面，推介炸榴連丸同炸芋頭丸👍🏼燒物：雞翼、雞軟骨、牛舌好味😋 羊架就麻麻🥺 另外，醉鮑魚都唔錯⋯⋯ 其他食物就不過不失啦！呢度環境幾好，坐得唔會好迫，同埋都幾光猛。員工禮貌就冇咩㗎喇，不過收碟算快手。埋單每位$288再收加一服務費，以放題嚟講質素算唔錯👍🏼

After introducing Hong Kong style, time to talk something about our second home, Japan! There is no need to explain how Hong Kong people love Japanese culture, and especially its food. Here is a good option if you hope to eat sushi and sashimi with no limit quantity – . Kind Reminder: The restaurant is always full booking. Remember to book earlier, at least a month in advance!There are a wide variety types of sashimi you can choose and order, like tuna, salmon and shrimp etc. The sashimi is very

是日吃的週六午市放題，可吃3小時，沒折扣價每人$278. 選這裡是看了YT某頻道介紹，以前吃過銅鑼灣組長、創興大滿喜，這次試新的，對比下總括質素算可以，但未如其他兩間。我吃東西不貪多，只希望焦點食物有驚喜，但食評重點介紹的食品不過一般般，因此也提不起勁拍照。以下本人各方面評價:~環境: 3間來說這間座位最舒適，4人坐一個很寬大的卡位~飲品: 選擇最充裕，除一般飲品，包自助清酒、白酒和啤酒，沒媽喜歡的檸水，但有㗎啡機，㗎啡不錯~時間: 3句鐘，最長~人地重點推介: 花雕鮑魚，小鲜鮑一隻，但不是我至愛~人地重點推介: 鼓椒炒蜆一汁多如放湯，蜆偏小~人地重點推介: 焗扇貝一汁多肉少，汁偏酸~珊瑚蝦:鮮味，不錯，但不覺驚喜~一口牛: 太靱~自助凍蝦:家人說不錯~椰子鷄湯: 見到不少椰子，但醎了些~羊架: 本來是我至愛，但胡椒味太重，奪了羊味，沒添吃~燒和牛片: 推介，比一口牛好得多，一人還给兩片，有炸蒜片~燒鱈魚: 食味可以，但偏薄也太焦了一點~燒鳗魚: 不錯，合預期~炸蠔:人地食評說蠔偏小，所以預左，但咬下去很香蠔味，喜歡!~炸物一芝士年糕、香芋及榴槤波波: 推介!~天婦羅: 非常失望! 炸

今日男朋友帶我去食尖沙咀嘅殿大喜屋 係香港叱吒一時嘅高級日式放題店 餐廳六七點已經幾乎全場爆滿 非常受歡迎 被安排咗坐四人卡位 非常闊落 一入門口已經有自助沙律吧 炸物 飲品區 雪糕區 都係任飲任食你食放題點可以唔食刺身呀 三文魚超級肥美 竟然仲有大拖羅都係任食 非常肥美魚油味香濃卷物同壽司都淺嚐一番 鰻魚芝士卷 配搭唔錯 和牛壽司肉質鬆軟有牛肉味薄切燒和牛 牛肉味極濃 做到五成熟嘅效果 配埋炸蒜片一齊食 非常滋味花膠雞湯煲 花膠大大片好養顏呀各類嘅燒物包括 燒羊架 鰻魚 黃金扇貝等等 質素唔錯 食過返尋味仲有唔少嘅貴價食材包括章紅魚同花雕鮑魚 回本話咁易啦食到最尾竟然有haagen dazs雪糕任食 我唔執輸都食番兩三杯 哈哈

🌕Hello我係Moon🌕好耐都冇食過放題啦，今次嚟到尖沙咀殿大喜屋，上一次食的時候，😗出品質素都係高質，今晚來到食18:30-20:30，由於肚仔有D餓，即刻去自助區，😆攞咗青口同埋蝦有D生菓，解決肚餓問題，用手機掃code慢慢睇吓，有沒有自己喜歡嘅食物，點了幾樣野食！🥳好快就來刺身先，😏將三文魚放入口D魚油好香肉質好鮮嫩，劍魚腩同樣都係出色，燒羊架燒得外層焦香，入面肉質好鮮嫩，😊真係超級好味！😆燒比目魚嗰D魚油香肉嫩，😎避風塘炒蟹肉質鮮美無比，冒著我條脷會有損，😛都要食多兩三隻，實在太好食！😍花膠雞鍋花膠還保持有少少咬口，😏骨膠原豐富，需要補充因為已經係秋天，😆對於皮膚是有幫助！🤓呢度啲高級雪糕係任食，😬我都好少食雪糕，但係我連續食咗幾個味道！😂雪糕嘅款式選擇真係好多！！😚🌕最後MoonMoon覺得比較之前係有進步，而且服務態度提升咗好多！😍店員嘅上菜速度好快，啲嘢食送餐嘅時候都係熱辣辣！🤣希望下次再嚟會有驚喜！🌕

在一些特別慶祝日子起動所以選了這間放題去試試，店名又有個好意頭和是這集團最顶级的一間 ， 殿堂級大喜訊店切合主题呀。 因只有2人，座位編排了單邊卡位， 只是尚可，但好彩都有四個座位， 算足夠可以放食物， 點餐是經手機apps點的，方便環保！食物種類分為六七大類， 大部分都跟單送到，唔知係咪因為坐係比較靠邊的，第一round刺身要追，後再用紙去補救，才來到。 其實食物質素算ok啦， 不過不得冇什麼大驚喜， 總括而言有幾樣都算ok的，如刺身算新鲜，有魚味， 壽司有幾款算特別，還有其他一些熱食，如醉酒鮑魚是我最推介的， 煮得夠淋而有香味， 賣相亦極精緻！ 整個放題，其實我最欣賞是雪糕那部份有多款選擇而最特別有軟雪糕，非常美味！

同朋友出到尖沙咀，又有咁多餐廳，真係唔知點選擇。今日決定選一間既有串燒，又有魚生，仲有炸物既餐廳一入門口，見到新裝修既環境，比之前大左，而且好整潔。入座係一張既白又舒服既沙發，比人一種好賓至如歸既感覺。我地一定要刷餐勁既，好好享受依度既環境同食物。嘩，既有炸物，又有多款不同種類既魚生同壽司，真係食物既天堂。壽司既款項好多，特別係火炙燒牛肉壽司，好食到一個點牙！佢地有比較少見既日式蒸蛋，熱得黎又滑又香。原來出面counter可以攞海膽手卷。睇多兩睇，原來仲有甜品，大大既飲品區域同埋多款雪糕。真無係睇錯佢！樣樣都有，以後真係唔洗左諗右諗，就去呢間啦！

打破固有“放題”概念, 唔知係我自己嘅感覺，定係大家都係咁諗， 好多時食放題嘅食物質素都冇居酒屋咁好，尤其是刺身壽司都會畀下價嘅食材嘅俾客人。最好嘅例子係全城放題都係吞拿魚選擇嘅時候，呢度係畀拖羅客人選擇的，油脂味勁香， 向香港真係好少買嚟食，因為自己真係唔捨得！   壽司又有好多款，仲要係創意壽司，唔同嘅配答，最特別嘅係連三色椒切粒都做到壽司，好味‘特別又健康！仲有白松露吞拿魚壽司，左口魚裙邊壽司等等都想吸引！啲熟食，我哋點的全部都好正！ 羊架係瘦的，唔會只得肥膏💕 冇諗過煮磯燒鮑魚， 都係無限任嗌！ 除咗啤酒，仲有清酒同白酒任飲～ 雪櫃仲有 Hoegaarden嘅Rose同埋Somersby 嘅apple cider！飲品都有成三十款，有啲響超市唔捨得買嘅都可以響依度試到！ 甜品有西餅，豆腐花，乳酪，各款牌子嘅雪糕同軟雪糕，真係冒求大家食到爆肚為止呢～

香港人最鍾意自助餐放題，仲要係日本野😍😍唔怪之得平日都座無虛席😋 唔駛一定要大食，最緊要餐廳多選擇🤩呢度絕對無得頂！先係手機點菜。我哋點咗一盤刺身，三文魚、北寄貝、油甘魚、帆立貝、象拔蚌等， 色澤鮮艷，厚切大件，都幾新鮮。 壽司方面，有好多創意特色，例如鮑魚蟹膏雪昆布、鵝肝帶子、柚子胡椒和牛等～～～味道都幾夾。喜歡海膽嘅朋友一定唔失望，因為有任食嘅海膽手卷😋至於熟食方面， 花雕醉鮑魚，無論賣相同味道都吸引。另外串燒、燒物、天婦羅、炸物等都好出色🥰🥰甜品仲有多款雪糕雪條，又有軟雪糕，各款甜品，亦有必試養顏嘅海燕窩椰汁燉木瓜！