殿 大喜屋

營業中

休息中

放題抵吃人氣之選✨✨以高CP值取勝的殿大喜屋✨✨以星期五晚價錢計算：成人$338 兒童$168 （另要加1）星期一至四會便宜小小😜食物種類多，刺身有拖羅是賣點！😍海膽手卷亦是人氣之選，海膽的味道也okay☺️壽司卷物也很多選擇，且味道也不錯！👍🏻👍🏻炙燒左口魚邊👍🏻👍🏻👍🏻章紅魚薄切配海膽醬很好吃呀！魚也算新鮮！✨✨✨✨✨推介和牛薄燒，很好味呀！💕💕💕醉鮑魚大大隻😌😌😌飲品和自助沙律區也很豐富😍甜品、雪糕也有很多選擇👍🏻還有清酒🍶環境也坐得舒服，坐位寬敞✨✨總結，CP值極高👍🏻👍🏻

近排成日喺社交平台睇自助餐放題group，見到好多人都post呢間，見佢哋影得勁靚，地方又好似好大，所以就book咗枱同成班friend食。去到覺得個環境好新淨，原來係啱啱裝修完，所以比起其他嘅放題都闊落啲。同埋佢嘅食物種類都多啲咁～除咗有非常罕見嘅拖羅之外，仲有海膽手卷。我就鍾意食個壽喜燒，湯頭甜，而且都幾大碗。嘢飲方面仲有好少見嘅Apple Cider同啤酒😍甜品方面除咗間間放題都有嘅軟雪糕機之外，仲有得任食Häagen-Dazs同Milk Top! 另外都仲有好多甜品選擇。

放題已經喺香港登陸左多年一直深受大眾愛好而我以前亦都好鍾意一成班朋友一齊出嚟食放題唯疫情之下，近年已經好少一大班朋友出嚟食飯難得今日男朋友我要陪我我突發奇想想吃日式放題我哋揀選左殿大喜屋聽聞食物種類偏多及高質你起以前食放題，覺得依度覺得更加寬躺我哋兩個人，佢最後俾咗張四人枱我哋食物是用DR CODE點餐上菜了速度尚算快第一Round刺身吾洗10分鐘就到左盡量都跟足落order最驚喜嘅係連拖羅都有任食大快朵頤就當然最值回票價食到中段，俾我哋發現到原來出邊有海膽手卷同樣都可以任食，海膽味道略嫌唔夠但係一啲都唔腥另外仲有好多熱食，當中極度推介避風塘炒蟹蒜香味十足，而且真係熱辣辣Encore左幾次出邊仲有好多款唔同類型嘅雪糕同埋甜品可以自取

喜歡食放題既朋友一定要黎試下尖沙咀既殿大喜屋，雖然係同一個集團，不過殿大喜屋係最高質而且性格比最強既一間日式放題，雖然食物質素好好，但價錢唔算太貴。餐廳佔地廣，新裝修環境，令人享受美食之餘仲坐得舒服。刺身：新鮮，甜蝦大大隻唔痴殻；三文魚有紋，夠晒肥美。壽司亦都好精緻，反而細細舊先會愈食愈想食。熟食方面，推介燒比目魚，上台仲好熱，而且一啲都無魚既腥味，肉質滑嫩。殿大喜屋既燒物同樣出色，推介燒牛脷，燒既火喉剛好，爽口得黎唔會太鞋口。甜品方面除左有各種甜點同蛋糕之外，仲有好受歡迎既Haagen daz同Movenpick雪糕，忍唔住食返兩三杯！

呢間喺尖沙咀嘅殿·大喜屋可算係CP值好高，入面食物種類繁多，刺身，壽司，日本料理，燒物，炸物，天婦羅，甜品講得出嘅都有。但係有幾款就一定一定要食，可算係個人重點推介：首先第一款係刺身嘅拖羅，喺放題仍能食到油腴肥嫩，入口即溶嘅口感。第二款係即叫即做嘅海膽手卷，海膽份量好足，海膽味道夠哂鮮甜。第三款係花雕醉鮑魚，鮑魚大大粒，夠哂入味，有濃郁嘅花雕酒酒香，而口感仍保持爽口彈牙。第四款係和牛薄燒，即叫即燒，牛肉肉味好濃，肉質嫩滑，滿滿鐵板嘅香氣。第五款係海燕窩椰汁燉木瓜，原個木瓜燉製，用料十足，甜度適中，夠哂清潤。最尾第六款係各式各樣嘅貴價牌子嘅雪糕，好似有movenpick，haagen-dazs，milk top ，同埋韓國嘅雪條，都係回本之選。

見到網上好多人話食物質素差，環境污糟逼夾，服務態度差。而網上傳聞話好食嘅文章或者相片都係打手。但係我見到啲相都幾吸引，唔信邪，決定睇吓係咪網上講到咁差。去到發覺基本上全部嘅侍應態度都非常之好。非常之有善。收碟又快。有禮貌。座位好寬躺。晚餐自訂2少時，350$一位。已加一。拖羅同海膽好味。新鮮。須然拖羅切到好細但真係好味。不過我地4個人，無論點幾多片拖羅佢每次都只會出4-5片⋯基本上所有刺身都新鮮。熟食和牛片好味。牛舌好好味。其實冇咩唔好味。

《殿 大喜屋》好耐冇食日式放題，因為以前都同同一班frd 去過呢度食放題，佢地話再去老地方咁就跟埋去啦🙈 因為新裝修完關係，所以地方變到好闊落～ 最特別係飲品多到⋯ 除咗凍飲櫃，仲有熱維他奶櫃，即沖熱咖啡機，果汁汽水機⋯ 仲有酒飲！落單餐單比較特別既係有避風塘炒蟹、花雕醉鮑魚、酸菜魚湯等～ 除咗可以落單任點，出面仲有熱食、沙律、小食、炸物、甜品、雪糕等～ 包你食到飽！🍭必食推介刺身必推拖羅！好少可日式放題有得任點拖羅！我就因為驚腸胃頂唔順唔係好敢食生嘢🥲 唔係我應該會瘋狂食🤣 小食就推蒜片薄燒黃牛～ 好好食我叫咗幾round! 燒物推翠玉瓜同燒菠蘿，兩者都燒得剛好同好多汁！甜品就推木瓜燉燕窩同macaron~~ 仲有焦糖味哈根大師都正！

疫情下第一次同屋企人（六人枱）聚會公眾假期「自選兩小時」19:30-21:30同其他大喜屋分店相比，該店兩大特式：1. 飲品Bar免費提供兩款日本白酒（不過其他飲品種類太少）。2. 雪糕櫃可任食「哈根大師雪糕」（兩至三款味）及movenpick雪糕（一款味）。*當日有我至愛嘅movenpick士多啤梨雪糕（簡直覺得值回票價）用手機Scan QR code 下單，落單後大約5分鐘已經有野食。避風塘炒蟹都好正，值得推介魚生新鮮，但切得偏薄

今日去左殿大喜屋，殿大喜屋係中價位放題。野食都唔同啲，質素幾高。餐廳華麗裝修，好似係新裝修，坐得舒服。呢度野食好多元化，有沙律吧、中西湯、熱葷、小食、飲品、酒、甜品，自己出去任拎。刺身、壽司、鍋物、天婦羅嗰啲就QR code 落單，方便及無漏單情況出現。刺身種類多，加上呢度有拖羅，食多幾件已經回本，仲要係好食的。壽司最欣賞係創作壽司，每款都細細件又好味。另外羊架同蒜蓉花枝珊瑚蚌炒西蘭花都再encore，平時唔食羊嘅我都食左兩件，因為完全無羊氈味，煎得岩岩好肉質好嫩。西蘭花又炒得香口。呢度連酸菜魚同避風塘炒蟹炒都有，厲害。燒物同我最愛既芝士年糕。其它食物質素都好高質，好味到唔記得留肚食甜品，😢Haagen Dazs 同沖繩海鹽雪糕都食唔落，下次要再黎試。

大喜屋真係食咗好多年，近年開多咗好多唔同路線嘅分店，今次帶埋小朋友去尖沙咀金巴利道嘅殿大喜屋，我唔係好知屬邊個等級，但應該都中上，食品種類好多好有驚喜一出𨋢全層都係佢地，門口等侯區空間唔大，但職員好快手安大家入座，所以唔會出現人山人海逼係到等嘅畫面。一入去已經係自助區，自助區地方好大，唔同種類嘅食品唔會堆埋一齊。所以攞嘢食嘅時侯都好舒服唔會人撞人。炸物有炸雞、小丸子同埋麥麥雞，小朋友最愛雪糕位好有誠意，有兩款口味，朱古力同抹茶，仲有足足十款配料topping可以加入，小朋友見到超興奮！唔單止咁，仲有好多款名牌雪糕雪條任食，竟然有movenpick同哈根大師😱淨係食雪糕都回晒本。刺身壽司就keep到一向水準，上菜都好快，平均唔洗5-10分鐘就會上檯。熟食全部都好熱辣辣，推介茶碗蛋。濃濃的鏗魚湯味令茶碗蛋鮮㕦木大增，蛋非常非常的滑，蛋面舖上黑松露醬，原來好夾喎！醉鮑魚又係做得好出色，醃咗香香的酒味，肉質爽嫩彈牙。值得一讚飲品種類都好多，最驚喜係凍梅酒、清酒🍶任飲！！老公飲咗好多！今餐真係飲飽食醉😙

食放題第一時間就會諗起大吉屋，食親都唔會令人失望，尤其是係尖沙咀呢間殿。野食多款式多唔在講，食放題而可以食到咁高質素真係得呢一間，仲要係賣相都好細緻同精緻，唔會諗到放題有咁早質素。我同朋友一行二人食左多野，每樣野食都有叫黎試下，野食每次黎嘅份量唔會好多，岩曬我想食曬所有野又無咁大個胃嘅人，而且值得一提餐廳用qrcode 落單，上菜速度好快，而且出餐又齊叫咩都有全部黎到，所以唔好眼闊肚窄，廢事晒野。美食極多不能盡錄，食放題先講下佢d刺身壽司，份份新鮮肥美，好吸引。串燒炸物熱辣辣，唔似放好耐。特別提下鮑魚好好食，我仲叫多幾次食添。另一樣好推介係牛肉壽喜燒，牛肉煮得岩岩好熟，又淋又滑，而且味濃，非常好食。仲有一大發現係竟然有酸菜魚食，質素仲要好好，真係估唔到。咁嘅價錢有咁高水準真係不得了，要食放題真係要黎呢到食反咁嘅質素！

環境又好服務又好嘢食又好食嘅日本放題呢一間放題魚生夠新鮮夠肥美👍🏻炸嘅嘢食又多又好食💪🏻飲品充足任君選擇👍🏻海膽手卷無限供應💪🏻所有熟悉即叫即做 全部都好好❤️除咗用電話落單之外還有好多食物可以自己出去攞💪🏻最過癮嘅 可以夾糖食 過完手癮又過口癮😂就算連甜品生果 都照顧周到 絕無冷場😉環境舒適 就算全間餐廳滿座你都唔會覺得太過迫 環境好服務好野好食😉就算你有10個八個朋友一齊佢都可以安排給隔離有親密嘅感覺💪🏻所以話 喺香港如果做得好嘅餐廳 一定唔怕冇人幫襯 但係記住早幾日要預約因為實在太好唔係咁容易有位㗎

見到好耐冇食放題，又好掛住日式放題，今次揀咗尖沙咀呢間日式放題試吓～佢星期一至四自選時段兩小時任食，每人$318，有唔同款式嘅嘢食，餐廳環境幾大幾闊落，幾正！壽司類有好多唔同種類嘅壽司，包括赤身立魚魚子之花壽司🍣卷得好靚，食落覺得外層嘅三文魚幾新鮮，入面嘅餡料好豐富～另外黑松露油金魚壽司表面有黑松露醬，幾香，壽司好食😋海膽手卷每人每次只限拎兩份手卷，有豐富嘅海膽，食落幾香，仲有紫菜包住，唔錯避風塘炒蟹炒得好香嘅蟹，有濃郁嘅蒜香味🧄鹹鹹地，感覺炒得好有鑊氣，仲有好多蟹肉添花雕醉鮑魚一大舊鮑魚，配埋花雕酒，鮑魚幾有咬口，煙煙韌韌燒香草羊鞍大大嚿燒羊架，燒得好香，半肥瘦嘅羊肉，唔會有好重嘅羊羶味，幾好食😋北海道燒帆立貝好大隻帆立貝，仲有好多芝士喺面，配埋沙律醬，醬汁好多，幾新鮮海燕窩椰汁燉木瓜好香甜嘅木瓜～中間嘅椰汁好濃郁，仲有燕窩，好豐富！幾鍾意啲木瓜肉，幾淋甜，超級推介呢個甜品！Häagen-Dazs 雪糕有唔同口味嘅雪糕選擇，仲可以任食添～超級正！

真係好鍾意食日式放題，因為唔係太貴又可以食好多款唔同嘅食物～呢間尖沙咀嘅殿大喜屋，食物款式好多，比其他分店更加好食同埋高級！刺身、壽司、一品料理、炸物、燒物、鍋物前菜、各種飲品及甜品，咩都有呀！落單好方便自己用QR code order，上菜速度都快，唔使等嚟等去浪費時間，而且唔漏單，我叫咗嘅嘢全部都有～佢仲有一個自助區可以自取各種有酒精或者冇酒精飲品，款式選擇都好多，仲有沙律吧、甜品、炸物同埋熱食。重點就係連雪糕都係可以自取㗎，Häagen-Dazs/movnpick/Dreyer’s 都有，不限數量拎幾多都得！以下係我推薦嘅食物：各款刺身-竟然拖羅都有得任食！仲要質素都OK～其他刺身款式都好新鮮，油甘魚同埋三文魚都好好食。芝麻雞翼-炸得好香脆，而且係雞中翼連埋雞翼尖，口感特別好～燒牛舌-薄薄地，燒得好惹味，朋友仔食咗六串😝燒羊架-啖啖肉，啲邊位又有啲焦香，肉質唔會硬。香芋球-我嘅至愛，煙煙韌韌地瓜丸入面包住香芋泥，雖然好飽，但係忍唔住食完又食！燒比目魚-魚肉好滑，油香十足，配搭沙律醬一流～

晚上約左朋友去係尖沙咀食放題，餐廳環境好大，座位都好闊落。用電話scan QR code落單，十分方便。自助區有前菜、海鮮(蝦同青口)、多種自選甜品同雪糕雪條放題。仲有限定海膽手卷，海膽味道正常。食物種類都幾多元化。呢到仲有得叫拖羅刺身，幾肥美，有魚香。紅魚薄切配海膽醬油都特別，魚肉淡身，配濃味海膽醬啱啱好。花雕醉鮑魚賣相幾靚，鮑魚有淡淡花雕酒味。避風塘炒蟹鑊氣夠，蟹腳位都多蟹肉。雪糕有movenpick同haagen dazs，無限任食好正。