段純貞X日出茶太 (MOKO新世紀廣場)

營業中

休息中

第二次食 因為唔駛等太耐 同埋天氣凍都想食有湯既野 所以就入左去啦！每次都點蕃茄湯底 好濃好味！次次都差不多飲曬 😄 叫開半筋半肉，幼面好食，份量剛好！，細食既可能會覺得有d多，每次必叫炒高麗菜，炒得好脆好好味！ 小食，食過煎餃但覺得麻麻，因為外皮有點淋 ，另外 鹽酥雞都好食，份量夠！ 而飲品係 日出茶太既台式飲品，選擇都幾多 但同一般台式飲品差不多，冇乜特別，不過好在有得揀走糖！QR code 落單，環境都ok，只係有少少迫。

同小朋友喺樓上玩完，諗食乜嘢啱小朋友最後揀咗呢間台灣麵不過睇食評話服務唔多好我又帶住小朋友都有啲擔心最後膽粗粗入咗嚟出奇地親切令我真係要寫一寫食評由於我小朋友仲細坐唔定店員攞咗啲小玩具俾小朋友玩好細心真係要加分全程好被關懷，超有禮貌，而家真係好少見最後忍唔住問呢個店員叫乜名臨走讚佢服務態度好好原來叫Lily真係要好好讚揚佢Lily加油講完服務講吓食物啦原味牛肉麵，微辣，牛肉軟滑入口如綿花口感燉雞麵，兩隻雞髀燉到好幼滑，一啲都唔鞋，連BB都咬到2個麵湯底濃，好正希望下次黎都見到連小朋友都中意既Lily小姐🤗

第一次幫襯段純貞牛肉麵係喺銅鑼灣嗰時真係留咗一個好好嘅印象，嘢食好食，店員嘅服務親切我以為自己有寫食評，後尾先發現冇，有時間過去補返先🤣第二次同第三次都係旺角新世紀廣場呢一間分店先講第二次，果次係夜晚六、七點左右嚟食，晚市時間真係幾多人雖然唔使等位就入到，不過我哋都應該係尾尾一兩台係咁樣樣，之後已經要排隊當日嘢食上桌，都係叫手工麵嘅牛肉麵，可能係好多人嘅關係，啲單做唔切，佢個面太硬、有啲生粉因為咁樣諗，所以我今日再嚟幫襯咗第三次今日食下午茶時間，全場得兩張枱今次食完我就知道，唔係人多人少嘅問題，而係個廚房嘅問題一樣點咗一個牛肉麵，要手工麵一路食，成碗麵有幾條啲麵係黐實咗嘅但係今次冇上次咁硬，黐實咗嗰啲麵有少少生粉同硬我分開咗下面，先醒起要影相，不過分開咗中間就見到佢中間係生嘅🥲染咗湯嘅顏色唔係好睇到🥲我對筷子就喺兩條麵中間穿過😂係咪應該話個廚房做嘢太求其？😂不過湯同埋牛肉都好食如果對牛筋冇執着嘅話，淨肉都幾好食，牛肉夠厚身、又夠腍個湯我仲飲晒添（天氣太凍啦🙈）冇酸菜嘅牛肉麵唔係牛肉麵，食台灣牛肉麵一定要加酸菜不過呢一度酸菜除咗原本嗰份之外，額外加嘅話要$15一份之前去另一間牛肉麵店係任

聽朋友講好想試下段純貞的牛肉麵，就一心期待…以為星期六中午會好多人，點知門口都無咩人排隊，諗住掃左安心出行先，就俾企門口收銀的男士訓斥我，話唔可以掃定先，我話我未掃針咭住，只係掃左安心出行都唔得？個男人就好大聲話都唔得！Ok我咩都唔掃好啦，已經覺得態度好差…到左入去叫個蕃茄燉半肉半筋手工麵同個雞絲伴麵，賣相都算可以，但點知個手工麵好硬，似唔太熟，牛肉湯味道唔係好，根本就唔係網上面講到甘好飲，個伴麵好乾無咩汁，兩杯野飲又麻麻，仲要遲左都未來，我地問侍應仲未有，個侍應話逐杯整架，我諗香港有好多好食的牛肉麵，我唔會再來段純貞食，又受氣又貴。

記得當年去台灣旅行 識到好NICE既台灣人 問佢推介咩牛肉麵 佢答我段純貞🤭🤭 而架香港都有得食啦😋😋 因為今次都唔係第一次食 之前已經食過牛肉麵，而且今次點餐嘅時候見到口水雞圖片 好似好吸引 自己又係偏好食辣 就選擇左口水雞配撈麵 $88 同埋要左‘’細麵‘’。之前試過食牛肉麵 配手工面，但手工麵我自己覺得太硬 麻麻地。今次呢個口水雞麵上枱嘅時候見碗麵面頭有啲手撕雞，以為店員俾錯我 但原來撈麵係會配埋手撕雞，感覺上好抵，好似有兩個餸咁🤭🤭🤭🤭口水雞上面嘅辣椒油同辣椒籽🌶️好香口 鹹鹹地 唔係得個油字，放啲落個撈麵度撈埋一齊食個麵重更加好食tim😋😋😋

叫左個青花椒香手撕雞拌麵 但講好既青花椒香味失蹤左好彩同行友人叫左口水雞拌麵 俾左啲口水汁🌶️ 感覺好食啲 拌麵跟既流心蛋就好好食另外叫左杯黑糖珍珠鮮奶 甜度雖然冇得揀 但就岩岩好 唔會過分甜 不過啲珍珠個芯有啲硬硬地咁⋯

👍 牛肉軟嫩，手工麵有驚喜-依間台式牛肉麵店喺香港分店唔算好多，但聽講都幾出名，今次就同朋友喺睇戲之前試試佢。-💛原味牛肉麵(手工麵) $82先講牛肉麵湯底，雖然話過程有加入23種中藥材拌炒，但藥材味一啲都唔重，相反牛骨高湯底濃郁，帶微辣，非常順口好飲。原味牛肉就十分軟嫩，每咬一口都覺得好好味，而麵底我就揀咗手工麵，個人好鍾意佢有厚度咬口，但朋友就覺得好似食緊麵粉?! 如果唔鐘意食帶韌性嘅麵條，就建議揀番細麵。個人覺得手工麵份量可以多番啲，相信CP 值會更高👍-題外話：餐廳開中午12點，我地11:45分到，已經見到門口有人排定隊等位。餐廳座位唔多，所以好快就滿座，如果想食中午時段，可能就要預番時間等位啦😄-回頭推介度：5/5食物質素： 5/5$$性價比： 4/5#香港#香港美食#hkfoodie#cheral_diary#台灣牛肉麵#旺角美食

第一次試段純貞想不到體驗這麼差！食物份量少！服務態度差！服務員對商場的優惠完全不清楚！本來已經等了好久，進去之後竟然麵的份量少得可憐！叫了手工麵，結果碗裡只有大概10條不夠的麵，有重又粗，但麵淡而無味，因為很重連筷子都不能好好的夾起一條麵。最令我唔開心嘅係服務員嘅態度！餐廳已經要用QR code點餐，如果唔小心叫錯，好多餐廳都會容許少少嘅改單，我地都唔係好過分，帶左老人家去食，佢地本身試用手機點餐，點完餐後發現自己本來想叫麵 + 飲品嘅餐，最後出單淨係得翻一個單點麵，同職員講可唔可以將單點麵改做麵+飲品餐，職員完全沒有想幫老人家改單的意思，只是不斷覆述我們叫了單點麵，沒有飲品。個麵本身已經好鹹，仲要無野飲，我地已經share左我地嘅野飲比佢，但係呢個係我最後決定唔再光顧呢間舖嘅原因之一。我地係本住餐廳係可以使用MOKO的$200「新地商場禮品卡」（官網有list到）才進去食，點知去到結帳嘅時候職員竟然話只有9折唔可以用張$200禮品卡，逼於無奈我們要先用信用卡結帳。但後來我們去了MOKO的詢問處問了段純貞是可以使用禮品卡的！覺得餐廳的職員非常不專業，不先了解清楚與商場合作的優惠內容就拒

無入店食麵，只是買咗兩杯外賣飲品。天氣熱，揀咗凍飲👇🏽500ml草莓歐蕾$34 & 500ml芋頭特調$34兩杯分量都好多，味道一般，無乜特別，但飲完已經飽晒，嘢都不用食😸

【 吃出滿滿的台灣風味 】 💕今日係旺角MOKO 新世紀廣場行完街，就去3樓「段純貞」食人氣台灣麵，回味一下台灣的風味。😋我哋2大2小叫咗三寶麵、蒜香手撕雞乾拌麵、燉濃湯雞麵，仲有小食三星蔥肉鍋餅和手工豬肉高麗菜雞湯水餃，最後飲埋招牌珍珠奶茶加椰果、鐵觀音拿鐵和水蜜桃紅茶，真係非常滿足！^_^^_^🍜「三寶牛肉麵」可以品嘗到腱心、牛肚、牛筋三個部位的滋味，牛筋和腱心好腍好入味，三款牛各有特色。牛肉麵湯頭採用了23種秘製藥材熬製，味道濃郁美味，有很高的營養價值，食完身體會覺得好溫暖呢！🧄爸爸最鍾意食「蒜香手撕雞乾拌麵」，手撕雞雞肉幼嫰，配上乾蒜和花生碎，攪拌一齊食真係好滋味，鹵水溫泉蛋令人回味無窮。🍗兩兄弟將一大碗的「燉濃湯雞麵」食晒，哥哥仲話隻大雞脾肉質嫰滑，好好味。細麵吸哂湯底香濃鮮雞味，清甜不油膩，唔怪之得兩兄弟咁鍾意食啦！🥟小食「三星蔥肉鍋餅 」紮實彈牙，食到滿滿的三星蔥香味，好味不油膩。「手工豬肉高麗菜雞湯水餃」豬肉肉質清甜，新鮮飽滿，令人食完一粒又一粒。🧋日出茶太的「招牌珍珠奶茶」茶香醇滑，珍珠好Q彈，我另外加了椰果，口感更豐富。「鐵觀音拿鐵」有香濃的鐵觀音茶味，「水蜜桃紅茶

第一次光顧段純貞當然要品嘗佢嘅招牌牛肉麵，紅燒腱心半筋半肉麵同牛三寶麵麵各有特色，牛筋同牛肉都煮得好入味好腍，又不失本身嘅牛肉味，配埋特有紅燒湯底，牛肉嘅香氣仲留係口腔之中，而麵條又吸滿左湯汁嘅香濃味道，整體都非常出色不過我個人比較喜歡幼麵多過粗麵，粗麵感覺太粗闊同較硬，似西式闊麵，食嘅時候會吸少左湯汁。另外仲點左鹽酥雞，雞肉炸完仲好多肉汁唔會乾，外表卜卜脆鹹度亦剛好飲品仲點左黑糖珍珠鮮奶同仙草凍鮮奶，兩樣都係佢推介而都算幾好飲。

在旺角新世紀廣場行街，晚飯時段見到【段純貞】特別多人，佢係台灣的人氣店，我哋一於入去試吓台灣好滋味。😍今次order咗三寶手工麵、燉濃湯雞細麵、蒜香手撕雞乾拌麵，小食揀咗新鮮豚肉鍋貼及鹽酥雞，飲品有招牌珍珠奶茶、太極珍珠厚奶同埋香蕉奶茶+草莓爆爆珠。😍三寶手工麵有牛筋、牛肚及牛腱心，牛骨湯底有豆瓣醬同埋其他藥膳味道已經好吸引，牛筋又腍又入味，牛肚就爽口味濃，牛腱心極罕有，肉質呈花紋形，同油脂分布平均，牛味足，肉香醇厚，連手打手工麵食一流。😋燉濃湯雞細麵個湯底係超濃郁鮮雞味，而且係大隻雞脾，完全吾肥，肉質嫰滑有新鮮雞味。😋蒜香手撕雞乾拌麵有1隻鹵水溫泉蛋，好味，幼嫰手撕雞配上特製醬汁及蒜香粒，加埋細麵食，每一啖都有吾同口感。😋新鮮豚肉鍋貼煎得外脆內軟，肉味鮮又juicy。鹽酥雞就甘香可口好惹味，好有台式風味。😋旺角店x日出茶太😋招牌珍珠奶茶: 茶香又滑，珍珠好QQ太極珍珠厚奶: 有珍珠及蒟蒻 草莓爆爆珠就生果味十足，大小朋友都鍾意

近排好多人都開始去旅行，我就好掛住台灣味食，除左滷肉飯、鳳梨素之外，就最喜歡紅燒牛肉麵，見旺角開左台灣新竹既過江龍段純貞牛肉麵一段時間，一家人去食先招牌紅燒腱心牛肉麵（手工麵）牛腱心係牛腱中筋肉，煮得入味而且軟嫩，手工麵比刀削麵粗身d，感覺煙韌仲有咬口，湯底用23種藥材加牛骨高湯熬製，濃郁得黎不會油膩，顏色較深色。蒜香手撕雞乾拌麵（幼麵）蒜➕蔥➕花生係我大愛，一上枱就香氣撲鼻，微微辣岩哂我lee個bb辣🤣，味道不會太濃，仲有大量手撕雞，仲有糖心滷水蛋添。燉濃湯雞麵（幼麵）雞湯底濃郁亦不油膩，大大隻厚身雞髀肉，雞肉嫩滑。新鮮豚肉鍋貼外層煎得微黃，都幾香脆，內裏鮮豚肉質夠juicy。鹽酥雞雞肉大件嫩滑多汁，外層酥脆，好惹味。旺角分店仲聯乘台式茶飲品牌「日出茶太」招牌珍奶黑糖珍珠鮮奶仙草凍鮮奶

每次經過段純貞都係門庭若市難得早左少少，當然即刻入座啦我都好耐無好好地嘆返碗牛肉麵三寶麵湯底很濃郁，湯頭已滲著秘制藥材香味，腱心很彈牙，牛肚爽口，咀嚼時不會過稔，牛筋很豐富的膠原，柔滑。手工麵粗條，望落去好似好少份量，但食落去又覺得很索汁，口感一流。燉番茄腱心半筋半肉麵始終牛肉跟蕃茄都係絕配，牛肉湯很有肉味甘甜，蕃茄濃味而酸甜，亦食到少許微辣。半筋半肉的牛里肌肉，油花分佈均勻，油脂含量低，肉質細嫩。仲有細麵非常幼滑，很吸汁。鹽酥雞外層酥脆，肉質鮮嫩幼滑，椒鹽灑在外層，很惹味，炸得很香脆。新鮮豚肉鍋貼鍋貼底部煎至微焦金黃，很香脆，餡料是鮮豚肉，很juicy 。夾起鍋貼，蘸上醋汁，很消膩。原來餐廳亦聯乘日出茶太，真想念台式手搖飲品太極厚奶加仙草，牛奶比起坊間的茶飲店很濃郁的奶香，口感極佳，仲有黑白雙色珍珠吸進嘴裡，每一口都在口中，很滿足。加上仙草的滑溜，具有多重口感。芒果QQ 加蒟蒻晶球芒果肉都可以吸吮，芒果酸甜很滋味，仲有煙韌黑珍珠，爽甜椰果條，仲有蒟蒻晶球的口感彈牙，感覺很爽呀

假期時和家人來過吃午餐，當時並沒有套餐點，但覺得牛肉麵非常好食，所以帶朋友再來～當天是平日，入咗後發現原來有午市套餐，$138 包括一個麵食、一份小食和飲品。我和朋友各點了一份套餐，小食share；我點了紅燒腱心半筋半肉牛肉麵、香麻醬涼拌豆腐和招牌珍珠奶茶🧋牛肉麵是一貫的台式風味，牛肉湯味香濃，牛肉不痴牙，而且份量沒有因為套餐而減少，抵食！香麻醬涼拌豆腐是一磚豆腐的份量，足夠二人分享，上面是少少辣的芽菜，是個不錯的小食。