段純貞牛肉麵 (如心廣場一期)

營業中

休息中

門面就以書法字體寫上段純貞，也選用木質做成的窗戶和桌椅，坐得舒服，顯出中式的懷舊感。蒜醬油麥菜油麥菜帶有微微蒜香和醬油，口感爽脆清甜。滷味豬耳花生酸菜有鹹香的小吃風味，滷味豬耳夠入味，豬耳軟骨咬落還有點微脆。三星蔥肉鍋餅煎香嘅鍋餅，係薄脆口感，夾入三星葱，又香又脆亦唔油膩。濃湯燉雞麵湯底唔油雞湯清甜，每條幼麵索到雞湯的精華，雞髀肉口感滑溜。青花椒香手撕雞乾拌麵拌勻麵條入口就感覺有麻辣香味，麻辣味啱啱好，唔會過辣，雞肉嫩嫩，花生碎香脆連同流心嘅溏心蛋，滿足晒味蕾又好味。芒果QQ芒果味夠香，珍珠同椰果煙韌咬口，甜度適中。荔枝紅茶荔枝香味同紅茶調教平均，紅茶不會蓋過荔枝味，比較清香，飲落舒服。

想喺香港搵到地道嘅台灣味道，咁你一定要去荃灣嘅段純貞牛肉麵試吓！呢間來自台灣新竹市嘅知名牛肉麵店，已經喺香港開咗幾間分店！一入到店，我哋首先點咗兩款地道台灣小食——麻辣鴨血冬粉同鹽酥雞。麻辣鴨血冬粉嘅辣度係小辣，啱晒唔係好食得辣但又想試吓嘅朋友。鴨血口感Q彈順滑，冬粉吸滿咗麻辣湯汁，食落非常過癮！至於鹽酥雞，外皮香脆，內裡肉質juicy，完全唔會乾柴，係台灣夜市嘅經典味道！當然，嚟到段純貞，點可以唔試吓佢哋嘅招牌紅燒腱心牛肉麵呢？湯底用牛骨熬煮足足8小時，香氣濃郁，湯頭厚實，每一啖都充滿住牛肉嘅鮮味。麵底可以揀手工麵或者細麵，我個人就特別鍾意佢哋嘅手工麵，煙煙靭靭，口感十足！腱心牛肉煮得軟腍入味，入口即化，真係令人回味無窮。另外，我哋仲試咗胡椒湯酸菜豬腳麵。呢款麵只可以揀細麵，酸菜味較濃，湯底帶有微微嘅胡椒香氣，豬腳煮得軟腍，膠質豐富，麵質Q彈，食落非常滿足。如果你鍾意酸菜嘅味道，呢款麵絕對係你嘅不二之選！當然要飲返杯台式飲品啦！我哋點咗仙草鮮奶同太極厚奶奶茶。仙草鮮奶入面有勁多仙草，口感滑溜，鮮奶香濃，係消暑解膩嘅好選擇。而太極厚奶奶茶則係茶香奶醇，口感綿密，飲落非常順滑，絕對係台式

呢間台灣餐廳出名食牛肉麵，除咗牛肉麵其他菜式都唔錯👍🏻午市去食坐得唔錯，而且餐牌都好多選擇！我哋叫咗小食同埋主食一齊食～～首先滷水鴨舌，肉質香嫩。加上耐心熬煮出嚟嘅滷汁，好入味。藥膳雞翼一份3隻，肉質幾嫩，每一口都感受到藥材嘅清香，好養生～～至於佢哋嘅招牌菜色，紅燒腱心牛肉麵配料十足。牛肉既鮮嫩又柔軟，麵條Q彈～～滿滿嘅牛肉香氣。胡椒湯酸菜豬腳麵就清香可口，豬腳嫩嫩，配合酸爽嘅酸菜，好開胃～～

台灣過江龍《段純貞》在香港已開了多間分店，隨時隨地都可以吃到一碗正宗台灣牛肉麵🥢招牌紅燒腱心牛肉麵選用筋肉比例完美嘅牛腱心，口感軟腍，配上精心熬製嘅牛肉湯底，甜而不膩，湯濃味厚，而麵條就有手工麵和細麵選擇🥢青花椒香手撕雞乾拌麵乾拌麵只可配細麵，但因為麵條氣孔多，容易沾滿醬汁，椒香味十足，配料有手撕雞、溏心蛋和花生碎等，份量豐富🥢鹽酥雞炸到金黃酥脆，大大嚿雞肉，嫩滑多汁，做得頗出色的一道台灣經典小食🥢三星蔥肉鍋餅外皮金黃脆甜，蔥香滿溢，餡料雖不多，但簡簡單單已經好好味🥢蒜醬西生菜 想食得健康也可以，這裡有蒜醬油麥菜或西生菜選擇🧋抹茶拿鐵入口濃醇，澀味恰好，口感還算順滑🧋黑糖珍珠鮮奶黑糖珍珠煙煙韌韌，黑糖味香濃，甜度恰好，推介！

📍段純貞牛肉麵@荃灣如心廣場一期小編好掛住台灣牛肉麵的味道，咁啱行過如心廣場見到，就入去試一試☺️星期六6pm入座，不用等位，店舖環境舒適，座位寬敞，坐得舒服👍🏻三寶麵（腱心、牛肚、牛筋）濃郁的湯底，充滿牛肉的香氣，份量足夠。牛腱心有口感，肉質嫩滑；牛肚爽口；牛筋有咬口但唔韌。手工麵，粗切條，煙煙韌韌，第一次試呢種麵，口感幾特別！⭐️⭐️⭐️⭐️（4/5⭐️）招牌紅燒腱心牛肉麵⭐️⭐️⭐️⭐️（⭐️4/5）涼拌小黃瓜+季節醬炒青菜涼拌小黃瓜入口清涼，爽口；炒菜配以醬汁好入味。但兩樣份量略嫌較少！⭐️⭐️⭐️⭐️（⭐️4/5）荔枝紅茶+仙草奶茶兩款飲品配合濃郁湯底的牛肉麵，好開胃，好fresh☺️⭐️⭐️⭐️⭐️（4/5⭐️）總括而言，呢一間會回頭再吃的牛肉麵，大家可以一試！

星期五夜晚八點幾，難得冇人排隊，終於有機會試下既然呢間出名食牛肉麵，冇理由唔試下，套餐都幾抵食，包左一碗麵，一個小食同埋一杯飲品，我哋叫咗一個嫩五花牛肉麵，紅燒腱心半筋半肉牛肉麵，小食就揀咗炸雞扒同埋雞湯炒手，飲品就揀咗珍珠奶茶同埋鳳梨愛玉😋兩碗麵，我哋都揀咗手工麵，手工麵係比較闊身，同埋都有啲厚度，食落去煙煙韌韌。嫩五花有少少似肥牛，食落都幾有牛味，因為我麻麻哋鍾意食牛筋，所以我就冇食到牛筋，不過男朋友話牛筋好食過牛肉，個湯飲落有少少辣辣地，幾啱冬天食，食完之後暖笠笠🥰兩款小食，都有驚喜，雞湯抄手，抄手都幾多肉，雞湯味道濃郁。至於雞扒，份量取勝，比想像中大件好多，雖然佢嘅炸粉都唔薄🤣結果要打包兩杯飲品就普普通通，鳳梨就有小小酸，愛玉淋咗少少，珍珠奶茶的珍珠唔夠煙靭🥲不過以呢個價錢嚟講，都算幾抵食，有機會都會再幫襯👍

食嘢除咗食物質素之外，服務態度同環境都好影響用餐感受⋯今日約咗朋友喺荃灣西行街⋯突然思鄉想食台灣嘢⋯就行咗入去段純貞⋯喺門口就有個男職員好Nice咁同我打招呼問幾多位⋯安排咗我哋入去坐之後，仲同我哋簡單介紹個餐牌，同埋有咩推介⋯我就叫咗個雞肉拌麵，我朋友就食擔擔麵⋯食物質素中規中矩，真係有待改善⋯我有喺其他地方食過段純真⋯味道就好過呢間⋯係用餐期間，我見佢啲職員都好有禮貌咁招待客人⋯尤其是個男職員（好似係經理）好有心機，用英文介紹食物俾個客人聽⋯呢樣真係值得一讚⋯

荃灣好多好嘢食， 尤其是而家荃灣西開咗好多間餐廳。 今日我就去咗喺如心廣場嘅段純貞， 呢間嘢之前好多人排隊，試下呢間餐廳啲牛肉麵正唔正宗。店內環境好舒服， 枱唔會擺到好逼， 足夠放到好多食物。 餐廳主打牛肉麵， 我哋就叫咗兩個麵加一個小食。送餐速度都好快， 食物擺盤都好靚， 而且份量都好多， 牛肉炆得好軟淋， 肉質鮮嫩， 好入味，麵質都好爽口， 每一條麵都好掛汁，好食！另外口水雞好符合香港人的口味， 唔會太辣， 滋味無窮！ 無論食物同環境都好台灣feel， 好適合三五知己去聚聚。 值得推介！

段純貞係來自台灣新竹市，非常有名氣嘅牛肉麵舖，佢哋嘅牛骨湯底以精選牛大骨及多達23種的中藥材及香料慢火細燉，香醇撲鼻。除了人氣嘅牛肉麵之外，其他麵類都好受歡迎。❤️紅燒腱心半筋半肉牛肉麵（手工麵） $88一送上嚟，濃郁的牛肉香氣和香料味流晒口水，湯底微辣，濃郁而不油膩牛腱心經過長時間燉煮，吸收晒湯底嘅味，肉質嫩滑鬆軟，筋好重膠質，唔會韌，冇咬唔開。手工麵條粗條，好有口感，本身睇落麵量唔多，點知食落好飽啊❤️燉濃湯雞麵 (細麵) $88清香嘅雞湯做湯底，即刻飲兩啖，暖笠笠🥰雞脾好大隻，好肥美啖啖肉！正到顛細麵幼細，淋身，好似雞絲煨麵嗰種質感兩者比較，我較喜歡手工麵❤️香芋珍珠奶茶 $32作為香芋fans嘅我，覺得略為遜色，係開奶粉嗰種味，我還是喜歡芋泥嗰種味道❤️金橘蜂蜜綠茶 $32清甜潤喉，有微微酸梅味道，開胃解膩，幾好飲📍荃灣如心廣場一期1樓105-107號舖

本身想食嘅鋪頭執咗笠，咁就求其搵間嘢食，見呢間幾多人就入咗去。108蚊一碗麵連嘢飲，但呢碗麵真係唔值。叫蕃茄湯牛肉麵，蕃茄湯冇蕃茄味，得啲一罐罐辣椒醬嘅味，一舊蕃茄同冇牛肉味嘅牛肉。佢嘅優點只可以講牛肉冧到無牙都食得同杯珍珠奶茶幾好飲。雖然知用QRcode落單係香港都係要收加一嘅，但都係要講句：淨係遞碗麵就收加一係憑咩。只可以講一碗嘢食最失敗嘅地方就係佢碗嘢入面所有食材都係各自有未但味道不能融合成一個整體。總結：未到難食但一啲都唔好食。

好耐冇去台灣，好掛念住台灣的牛肉麵味道，經過荃灣如心廣場，就去段純貞食牛肉麵🍜🍜紅燒腱半筋半肉牛肉麵$88湯頭非常深色，以為會好鹹，但入口清甜，唔係濃郁。半筋半腱炆得非常腍，入口溶化。手工麵有咬口。整體味道幾好👍🏻有回頭

因為想食牛肉麵所以試吓呢一間段純真見到都幾多人排隊一入去員工都好好叫左兩碗麵一碗係微辣牛肉細麵同一碗手工牛肉麵另外叫左兩杯奶茶香芋奶茶嗌咗少甜走冰味道啱啱好珍珠奶茶無少甜，所以有少少過甜牛肉麵湯底味道啱啱好唔會太濃或者太淡

姐姐🧍‍♀️放假🏖️，原本諗住老掌櫃，但要等100分鐘，放棄。最後揀段純貞，用埋$30 coupon，等15分鐘自取，點知行行下大雨☔️，撞倒流動垃圾袋男，佢以為我係同行，大家寒暄咗幾句。其實個紙袋太細拎兩碗面🍜都塞爆，行到半路斷埋繩，突然間明白到女士斷繩既感受，好彩☺️我眼明手快安全降落🪂地面再捧底返屋企，但冇手㩒𨋢同DO八達通，皓狼狽😅段純貞變咗斷純貞了。叫咗麻辣🌶️蒜味🧄腱心半筋半肉面🍜（手工面中辣）（$89.25），真係好辣🌶️，d肉好足料，酥炸排骨面（$79.05），珍珠奶茶🧋（$30.6），原來紙飲管係督唔穿膠膜既😅我要用木筷子🥢大力插個窿先，奶茶🥤偏甜啱我，珍珠都甜

行街求其揀咗一間餐廳食 點知有驚喜！啲肉質口感好好！湯底亦調得唔錯，啱啱好，味道出但又唔會有味精味！服務有禮，自助落單好方便，唔洗等！店舖整體感覺都好乾淨，坐得舒服

今次就係荃灣試試圖下呢間過江龍-段純貞牛肉麵‼️ 見評語唔錯，所以一直都好想去試下，食物質素確實不錯😋👍👍但價錢偏貴。❇️招牌紅燒腱心牛肉麵湯底係用牛大骨熬煮，味道都幾濃郁，唔係死鹹。手工面偏粗身，有少少似刀削麵，幾有咬感，可以煮耐一點會更好。牛腱係半筋半肉，煮得非常腍，入口即化😋✨✨❇️燉蕃茄腱心牛肉麵🍅🍅🍅比較少見蕃茄湯底既牛肉麵，蕃茄酸味都幾重，味道偏鹹，牛味對比之下比較淡口，湯底仲有少少辣，味道幾開胃。牛肉質素一樣，肉質都係幾軟淋同夠入味😋😋❇️珍珠奶茶🧋，奶味比茶味濃