段純貞牛肉麵 (如心廣場一期)

營業中

休息中

呢間餐廳有多款唔同既美食～今晚點了一客濃湯燉雞麵～相當豐盛～首先看到湯底是奶白色的，非常之濃郁，滿滿雞的精華，非常吸引。飲了一啖雞湯，清甜無比。而且仲有隻啖啖肉雞脾～雞脾一分為二，方便食用，雞脾又嫩又滑，啖啖肉，相當好味，又清甜又肉嫩！！另外麵條仲可以揀細麵或手工麵，我揀了手工麵～手工麵粗身的，相當有咬口，有質感，非常之特別。呢碗濃雞麵，最欣賞那個濃雞湯，啖啖肉嫩雞，正！台式肉燥飯～肉燥香濃，用來配飯吃一流，每一啖飯都盛着了惹味的肉燥和汁醬～非常開胃！而且肉燥飯份量很多，大大碗非常飽肚！仲有一隻溏心蛋！蛋香又甜又濃！一流！鹽酥雞～大大粒相當巨型，外皮金黃香脆，中間又嫩又多汁，作為小食來講非常出色，又惹味又大滿足，過下口癮。藥膳雞翼～藥膳味香濃，非常足料炮製！雞翼超級入味，而且肉質又腍身又香濃，不但帶有藥膳香味，而且肉質超級滑溜溜的，非常美味。而且仲有3隻雞翼呢，非常不錯。滷肉青菜～可以揀西生菜或油麥菜，我今次選擇了西生菜。西生菜大大塊的，西生菜爽脆美味，而且配上了滷肉汁，味道非常惹味，令平平無奇的西生菜都變得非常惹味，令人吃過不停。除了食物了得之外，這裏的飲品也相當出色及多元化。有多款

原來段純貞最近喺如心廣場開咗分店，依間餐廳以麵線聞名，我今晚就去咗段純貞食飯。蔥窩餅呢個鍋餅外皮好香脆，入口唔會覺得太油膩。紅燒牛肉麵牛肉嘅份量都唔少，牛肉燒得有少少焦香，加上充滿肉汁，調味又好恰當，所以非常之好味。麵線方面，我哋就揀咗手工麵，口感就比較彈牙，麵條本身亦都比較粗。濃湯燉雞麵雞湯非常之香濃，由於用上雞髀肉嘅關係，所以雞肉非常之彈牙。飲品方面，我就叫咗芒果QQ，入口有香甜嘅芒果味，味道好清新。整體嚟講，我覺得今餐都幾抵食，食物亦都好有特色。

[✨荃灣段純貞牛肉麵 ]#段純貞牛肉麵 #荃灣🔸蒜醬青菜(油麥菜或西生菜) $48 我地試左西生菜，好清脆新鮮，感覺好健康！🔸鹽酥雞 $48小食嚟講份量算多，仲要都幾大粒下，唔錯。🔸麻油素麵根椒麻皮蛋 $28 🥚麻油香氣配搭椒麻味，惹味得嚟又開胃，素麵根好有口感，又吸收哂啲醬油嘅味道，超好食👍🔸招牌紅燒腱心牛肉麵 $86湯底濃郁醇厚，帶點藥膳味道，個人勁鐘意；幼麵質地食落亦幾有口感，牛肉更加係燉煮得好軟嫩入味，好完美😚🔸青花椒香手撕雞乾拌麵 $78麻油香氣配搭椒麻味，惹味得嚟又開胃，麵根及皮蛋粒吸飽醬汁，口感彈牙，海量嘅手撒雞肉辣度適中，肉質細嫩👍🔸黑糖珍珠鮮奶 $35🔸哈密瓜奶綠 $30經典台式飲品，甜度適中好好飲👍。————————♡♡♡♡♡♡————————🔸總結餐廳位置係港鐵站附近，好方便嚟開荃灣嘅人；環境好乾淨坐得好舒服，店員都好貼心同有禮貌，加上食物水準高得嚟價格又合理，係一間好出色嘅台灣菜餐廳。📍段純貞牛肉麵🏠荃灣楊屋道8號如心廣場一期1樓105-107號舖

可能係復活節長假前一日，星期四既夜晚八點仍見到有一條人龍排隊。正正因為要排隊，先加強左我一定要食呢間過江龍既牛肉麵既決心。等左10分鐘左右就有位，望住個餐牌又開始選擇困難。太多太多野想食喇！最終我地選擇左：1.）蒜醬🧄油麥菜蒜醬🧄配上油麥菜，絕對係冇得輸既組合！濃郁既蒜油，滿滿既蒜末配上鮮嫩既油麥菜，連一向都唔多鐘意食菜既我都忍唔住不停食2.）蒜粒古早台灣腸蒜粒🧄再配上切成小粒既台灣腸以及酸菜，係非常好既開胃小食！3.）鹽酥雞台灣菜最常見既小食亦係食台菜必食之選。外脆內嫩且帶有紫蘇葉獨有香味，正👍🏻4.）紅燒牛筋麵湯頭濃郁，牛筋軟腍。麵條可以選擇手工麵定幼麵，我就選擇左手工麵。手工麵相當Q彈，每條麵條都沾上湯汁，極度惹味！非常推薦👍🏻👍🏻👍🏻5.）台式肉燥飯口味偏甜，肉塊適中，不會太碎影響口感。滷肉既味道香醇濃郁，一上枱已經聞到香噴噴既肉燥味。最後再飲埋食台菜必備既招牌珍奶同芒果QQ，絕對係超級大滿足！

段純貞牛肉麵喺台灣好多分店，荃灣如心廣場呢間香港店開咗亦有一段日子，特別想食牛肉麵嘅時候就會嚟呢度，因為呢度嘅牛肉質感特別好，整體食物價錢亦合理。✔️招牌紅燒腱心牛肉麵（微辣）（手工面）$86以炒香過的23種香料，混入高湯而成的湯頭好濃郁，微辣中回甘。牛腱心非常軟嫩，帶筋膠質感。手工麵闊闊扁扁，零舍有咀嚼感。難怪牛肉麵係呢度招牌菜。✔️台式肉燥飯$78肥瘦肉燥味道鹹鹹甜甜，淋上醬油浸透米飯，濕潤不膩，令米飯更易入口。同時配有一開二半熟蛋、青菜。✔️蒜醬青菜（西生菜）$48西生菜係看得見的翠綠飽滿，有足夠的清爽爽脆感。醬油的微甜與蒜末的温和辛辣味融合，做法簡介但好味。✔️鹽酥雞$48外皮鹹香酥脆，內裏肉嫩多汁，帶椒鹽與辣粉等調味料風味，仲有九層塔香氣。✔️麻油素麵筋椒麻皮蛋$28麵筋吸收晒醬汁味道，滋味又有彈性。皮蛋切細伴入菜式，表面淋有麻油增添香氣。✔️太極厚奶$34面層是厚厚的奶蓋，「太極」分別是指黑色的珍珠和白色的水晶波波，有兩種唔同嘅口感層次。手搖飲品用紙杯裝，方便顧客飲唔晒拎走繼續飲。✔️黑糖珍珠鮮奶$35鮮奶本身甜度不高，混和用黑糖煮過的珍珠，甜度亦合適。珍珠特別Q彈軟糯，又不黏牙。

排骨麵以前係好好食，炸排骨酥香，有肉汁。自從改良過之後，我食過一次，以為自己吾好彩，再去食多次，失望了，肉質又乾又硬，薄咗，炸粉又厚，希望貴公司可以改良返以前咁

台灣有名食店，段純貞牛肉麵，已經喺香港有3間分店，荃灣如心廣場店我比較多去食。🍜招牌紅燒腱心牛肉麵$86🐮湯底顏色較深，用牛骨湯熬製，隱約有點藥材味，味道溫和帶甜，牛腱心有3大件，炆得非常腍軟，手工麵比較特別粗身，非常有咬口。🍜胡椒湯酸菜豬腳麵$88 🐷湯底胡椒味香濃暖又胃，好味道👍🏻，豬腳已經去骨，肉質不會過於腍富彈性，連皮部份食落有膠質，滿滿骨膠原感覺。麵揀咗細麵，吸收晒湯汁。我比較喜歡胡椒湯底多於紅燒湯底😆🥢滷水鴨舌$68鴨舌滷得入味，肉質爽嫩，而配角花生🥜又腍身入味好食，反而更搶鏡。🥢麻辣鴨血冬粉$88麻辣湯底麻而不嗆，辣而不刺，溫而不火，冬粉吸晒麻辣湯底精華，鴨血軟嫩。🥬蒜醬油麥菜油麥菜份量十足，夠爽脆，少少蒜香醬油帶起甜味。🥤芒果QQ大大杯仲有珍珠同埋椰果。🧋仙草凍鮮奶勁多仙草入口滑捋捋。

屯馬沿線🚈找美食 ⇒ 荃灣西🚏C出口步行大約3-4分鐘🚶‍♀️今次👭到這間台灣過江龍🐉🥢環境簡約中國風 坐位寬闊舒適👍#招牌紅燒腱心牛肉麵 (✅️幼麵 / 手工麵)湯底濃郁 微微辛辣帶點麻香😚🍜 質感入口柔軟不失彈性 也能掛湯😆牛腱心鹵得入味 肉質軟腍Q嫰 含膠質又帶筋位❤️#清燉牛肉麵 (✅️幼麵 / 手工麵)湯底清甜不油膩👌帶筋牛𦟌鮮嫰有質感😚#麻辣鴨血冬粉湯底惹味麻香味十足😚 鴨血香濃入味 質感滑嫩又有彈性😋粉絲强力吸收咗湯汁裏面嘅精華 🤤# 三星蔥肉鍋餅蔥香撲鼻 外酥内嫩 如果再多🤏🤏葱 就更加 perfect😆#蒜醬清菜 (✅️油麥菜 / 西生菜)🥬清脆味甜 ➕️ 濃香🧄醬 最佳配搭😋聯成台式茶飲品牌 Chatime🧋#哈密瓜布丁西瓜奶茶#百香QQ

呢間來自台灣既牛肉麵，一直都想試，今晚難得放早，晚市早段時間唔洗排隊，終於可以一試。蒜醬油麥菜油麥菜清脆可口，蒜香濃郁卻不嗆辣。藥膳雞翼雞翼醃製與燉煮過程加入了當歸、枸杞等漢方食材，令雞肉不僅帶有淡淡的藥膳香氣，仲多了一股甘甜，吃起來完全不油膩，反而有種溫潤滋補的感覺。蒜粒古早台灣腸台灣腸煎得焦香，咬落去肉汁濃郁，肉質鬆脆。招牌紅燒腱心牛肉麵招牌紅燒腱心牛肉麵湯頭濃郁醇厚，以牛骨、豆瓣醬及多種香料長時間熬煮，呈現深褐色的醇厚湯汁，入口先是甘甜，隨後帶出微微的辛香與醬香，層次豐富卻不膩口，牛腱心燉煮得恰到好處，軟嫩卻不失嚼勁，筋肉紋理清晰，咬下時肉香四溢，且帶有膠質的黏口感，每一塊都飽吸湯汁精華。麵條可選細麵或手工寬麵，每一口麵條都充滿牛肉的鮮美。搭配的酸菜清脆爽口，平衡了湯頭的厚重感。台式肉燥飯台式肉燥飯的肉燥肥瘦比例完美，鹹甜適中，配上粒粒分明的米飯，簡單卻令人滿足。百香QQ、熱宇治今時奶茶百香QQ酸甜開胃，Q彈的口感帶來驚喜。熱宇治今時奶茶茶香濃郁，奶味溫潤。

💫招牌紅燒腱心牛肉麵湯底濃郁香醇, 牛腱香濃多汁, 每啖肉肥瘦均勻, 麵條吸收咗湯底嘅精華, 果然係招牌菜式😍💯💫台式肉燥飯 肉燥醬香濃郁, 鹹中帶甜, 與白飯融為一體, 溏心蛋半流心質感為口感增添了柔滑層次, 蛋黃的濃郁香氣提升了整體風味, 油麥菜清爽, 整體平衡返👍💫麻辣鴨血冬粉湯底麻辣適中, 鴨血滑嫩, 冬粉晶瑩剔透, 柔韌順滑, 充分吸收湯底嘅味道, 入口充滿辣香味, 超yummy😋💫鹽酥雞炸雞塊嘅外層香脆濃郁, 入口即有咸香同微辣嘅層次感, 雞肉鮮嫩多汁🧋仙草凍奶綠足夠Q彈的仙草凍與奶綠的香醇完美融合, 既食到仙草本身嘅回甘, 又不至於太過甜膩😛🧋招牌珍奶, 珍珠有咬口, 茶味香濃, 比例剛好, 正宗台灣風味👍必食招牌紅燒腱心牛肉麵

段純貞來自台灣地道手工麵，餐廳裝修以木飾面為主充滿台灣地道風味，依家仲有台式飲品可選擇的確幾吸引🥰💫蒜醬油麥菜🥬油麥菜清新可口，蒜香味十足，配合主菜健康之選✨💫鹽酥雞🐓外脆內嫩的鹽酥雞，調味恰到好處，大大件充滿香脆的口感，好滋味😌👍🏽💫藥膳雞翼雞翼肉質鮮嫩彈牙，藥膳的香氣撲鼻，每一啖感受到濃厚的中藥風味，有紅棗杞子帶有微微的甜香，吃起來不油膩😋💫胡椒湯酸菜豬腳麵🍲 + 夏日水果茶🥤食段純貞一定要揀手工麵，質感特別彈牙，豬腳嫩滑易入口，酸菜增添湯底口感略嫌濃味，不過搭配埋飲品就啱啱好👅💫濃湯燉雞麵🍲 +黑糖珍珠鮮奶🧋雞件嫩滑好味，再加上燉雞濃湯，手工麵特別彈牙，份量勁足料，味道幾特別，推薦可以一試☺️ 黑糖珍珠鮮奶的甜度也適中，完美搭配，整體餐點非常滿意💕

心血來潮想食台灣牛肉麵 就諗起依間😽無論係麵食定小食都好食 仲有得飲ChaTime 餐牌選擇甚多😚✿ 藥膳雞翼 $48 ✿藥膳味好重 雞翼肉嫩入味唔苦✿ 三星蔥肉鍋餅 ✿三星蔥好香蔥油味🤤煎到卜卜脆✿ 招牌紅燒腱心牛肉麵 $86 ✿之前黎食過蕃茄風味好好食🥹今日試下招牌既湯底 好濃郁 唔咸唔油 牛肉彈牙好入味麵底可選手工麵同幼麵 幼麵較稔但掛湯🍜✿ 濃湯燉雞麵 $88 ✿超大隻雞髀🍗！超肥美嫩滑😆😆湯底以慢火燉好長時間 奶白濃郁清甜✿ 蒜醬油麥菜 $48 ✿ 蒜醬油略帶甜😌

突然間好想食台灣牛肉麵，咁啱去開荃灣搵朋友食飯，佢提議我哋一齊去試呢間段純貞牛肉麵，睇menu發現原來呢間鋪頭好多我鐘意嘅台灣美食，不得之了，我地行完街立即入內一試喇！Menu好多選擇，選擇困難症又出現，最後我地揀咗兩款麵、兩款小食同埋兩杯飲品。蒜醬青菜：（可選：油麥菜 或 西生菜）選了油麥菜，爽口清甜，清清地又開胃又健康招牌紅燒腱心牛肉麵：招牌牛肉麵，我哋揀咗手工麵，個麵質勁彈牙，牛肉腱肉軟淋淋阻夠嫩，而且大大片，超掂濃湯燉雞手工麵：雞湯湯底超好味，清澈唔油膩，入口散發雞肉鮮味，仲有雞髀肉質細膩啖啖肉，配幼麵超滑吸晒啲雞湯，勁快食晒成碗湯麵飲晒麻辣鴨血冬粉勁大湯！鴨血爽勁有咬口，冬粉吸晒d湯充滿椒麻味，一吃麻味充滿口腔內，如果喜歡麻辣感這個必須要試黑糖珍珠鮮奶；用鮮奶沖嘅台灣珍珠奶茶，黑糖味香濃又唔會太甜芒果QQ 台式飲品：酸酸地配以QQ珠，口感清新，配台灣麵超夾

朋友剛去了台灣旅行，令我不其然也想吃吃台灣料理，荃灣一直是美食集中地，剛巧被我發現一傳統台灣店舖呢，當然要入內一試鹽酥雞雞粒大小適中，香脆而肉質嫰滑非常蒜醬青菜 (可選: 油麥菜 或 西生菜)選了西生菜，生菜爽口清甜，配餸一流蒜粒古早台灣腸台灣腸是台灣招牌料理，豈可不點，配上蒜粒一起吃，相得益彰招牌紅燒腱心牛肉麵招牌牛肉麵，可選手工麵或細麵，麵質彈牙，牛肉腱肉貿軟嫩，不會鞋口，而且大大片，湯底亦香濃青花椒香手撕雞乾拌麵麵質彈牙，充滿椒麻味，一吃麻味充滿口腔內，如果喜歡麻辣感這個必須點夏日水果茶甜甜酸酸，開胃非常荔枝紅茶解喝飲料，充滿荔枝味段純貞牛肉麵 (如心廣場一期)楊屋道8號如心廣場一期1樓105-107號舖

荃灣有「段純貞」係幸福嘅💕！心癮起附近就有得食台灣野，最重要唔洗同圍搵仲要係食到高質✌🏻，呢日就同屋企人食回味下台灣的味道～·♡ 招牌紅燒腱心牛肉麵 HKD$86鍾意呢度嘅牛肉麵湯頭帶點藥膳味道😽，濃得嚟唔會得個死鹹；揀咗食手工麵🍜，質地係比賽粗同厚身嘅寬麵，食落會更有口感😚；而主角腱心牛肉🐮口感軟腍，但又唔會腍到完全冇哂質感，拿挰得剛剛好🤤。·♡ 青花椒香手撕雞乾拌麵 HKD$78以青花椒調味，會帶點微辣味道🌶️，幾惹味。乾拌麵選用細麵會更掛汁💦，搭配手撕雞及花生一齊食，幾特別嘅組合。·♡ 滷豬耳 HKD$68滷味滷得好入味😋，睇啲色水就知；豬耳口感好爽脆😙，滷水味道好濃郁，就咁食會少少咸，配主食吃味道就會變得啱啱好。·♡ 蒜粒古早台灣腸 HKD$58台灣腸搭配蒜粒，兩層口感😚之餘仲係最佳嘅化學作用👍🏻，呢個味道由細食到大，好經典!!·♡ 蒜醬青菜（西生菜） HKD$48揀咗西生菜中和下膩感，西生菜🥬好大棵。·餐廳仲有得叫Chatime嘅台式手搖飲🧋🥤，完全係台灣的味道😍。揀咗🍉西瓜奶茶($30/R)、🧋黑糖珍珠鮮奶($35/R)，估唔到西瓜配奶茶會咁夾咁好飲😋，呢款係新品必點