武士拉麵 (已結業)

以往經常來九展睇戲，假期最後一日，睇完早場時間剛剛到食午餐時間，知道九展二樓最近開左條食街，雖然暫時未完全開幕，但都知道已有幾間餐廳進駐，行行下見到指示牌有間拉麵店，於是就決定食日式拉麵。去到餐廳見到仍然有位，就立即坐低睇下餐牌有咩好食，拉麵選擇唔多，主要係不同的湯底來區分，自己就揀左個黑蒜油豬骨湯底，然後仲可以選擇麵的軟硬度及湯的濃度，落左單等左陣，碗麵就即刻送到，先試左啖湯，好香黑蒜味，而豬骨湯又唔太咸啱啱好，麵又夠煙韌，叉燒煮得好淋，再加半隻溫泉蛋，全部我都好鍾意食，好耐無食過咁好味的拉麵。估唔到九展突然有間隱世拉麵，下次睇完戲再來食過

今天在九龍灣打拳，晚上再去看戲，中間有這麼長的空檔，當然是去吃飯填飽肚子了。曾經在九龍灣上班，搵食與其說熟路，不如說是很厭了。所以今天遠離那幾個熟路的shopping mall,去了九展搵食！經商場指引通過超市會有一條食街，但大概是發展中?所以有點冷清。幸好看到這間拉麵店，最近又有點對拉麵愛火重燃。沾麵基本上是我首選，點了武士沾麵 (柚子魚介Wasabi沾麵)，濃湯，麵質點了普通。麵質煙UN，正合我心意，點完了想了下還怕沒有選硬麵會不夠口感，還好選對了！這個沾麵的湯比較濃，帶點魚香還是肉香?原諒我嗅覺不算靈敏，反正是一種讓我食慾增加的香氣。除了有叉燒，湯裡面也有很多內粒，很足料而已有咬口。朋友點了 武士將軍拉麵 (北海道牛乳拉麵)依舊點了濃湯。是很重芝士牛油味的拉麵，奶白色的湯和撲鼻的芝士香，非常開胃。蟹棒和叉燒沾了濃湯後更加惹味，湯底果然是拉麵的靈魂。再加上溏心蛋，既邪惡又滿足！另外點了日式煎餃 (5隻)，兩個人分就剛剛好。皮薄餡料多， 肉汁也香，味道不錯。明太子雞翼，有點小驚喜，因為入面的明太子實在是很飽滿。而且想到它的製作過程就覺得很考功夫吧！去骨後加入明太子，份量多之餘還要剛剛

今日開完會係九龍灣展貿睇戲，未諗到食咩情況下，受自稱'拉麵小王子'既男朋友影響下，見係佢要求，所以少有地去試下係展貿既'武士拉麵'。可能因為地段關係，店裡面唔係太多人，心諗可能又中伏🤦🏻‍♂係香港食拉麵真心比較少，大部分香港拉麵都做唔到日本所食特色湯底既精粹，，而日本佢地係湯底都比一般香港店清澈沒有過多油膩～就算係大形連鎖店'一蘭'都係一樣。入到去感覺都唔錯😍，但座位細咗少少，佢哋嘅Menu就好得意所有拉麵嘅名都好有特色，店員出奇地非常之Nice好有耐性介紹唔同嘅名有咩特色👍🏻值得一讚我地兩個人叫左四國香蔥醬油湯底既'豐臣將軍拉麵' 同 柚子魚介Wasabi湯既'武士沾麵'！未食拉麵前我地分別叫左兩個小食，煎餃子同明太子雞翼，小食都做得唔錯，食落仲有外脆內軟口感，但並不至驚為天人有大驚喜。到兩碗拉麵上場既時候，反而有點喜出望外！兩碗拉麵外形吸引，有濃郁湯底香味。由於我地都喜歡較硬食麵質，所以叫左硬度高，麵質爽口彈牙，而湯底方面唔會太油膩，對於喜歡濃味但驚油膩既我都覺得認真唔錯！而最喜出望外既就係湯底，一般市面上食到既拉麵店都標榜唔同湯底味道，但一般都冇乜分別，只係湯油上有所唔同，但係今

2017.03.14【 3.14 拉麵之道 武士拉麵】 師奶仔就係可以任性， 做得唔開心，可以唔做，等人養， 可以成日SHOPPING， 佢知道EMAX有名牌OUTLET就約我去行。 行到攰，就帶我去食拉麵， 武士拉麵，讓我想起KIMI的結他武士， 明碼實價，冇加一。 喜歡佢粉紅色嘅迷彩。 有Bar枱， 但師奶仔有好多戰利品， 所以唔方便得坐Bar枱。 2個小食都係我叫嘅香口嘢， 忌廉蟹肉薯餅同芝士炸蝦粒 忌廉蟹肉薯餅 (2件) $22 忌廉、蟹肉、薯餅都係我鍾意， 仲要吉列咗， 十分愛 芝士炸蝦粒(5粒) $35 蝦肉包住流心芝士，正呀! 我嘅選擇唔錯。 拉麵湯底、麵條粗幼、麵質軟硬度，都有得揀 真田將軍拉麵 $98 (豬軟骨拉麵) 師奶仔話流心蛋好正， 豬軟骨好腍， 湯好濃。 武田將軍拉麵 $118 (北海道牛乳拉麵) 湯好香奶味， 豬腩肉肥而不膩， 蟹棒好鮮，仲有好多粟米， 好食。 盛惠HKD$273 人均HKD$137 短評: Shopping後， 最啱靜靜地食吓好嘢， 補充體力， 呢度符合要求。 整體 味道：♥♥♥♥♡ 環境：♥♥♥♡♡ 服務：♥♥♥♥

約左老公睇戲，7點多入場，入場前搵間餐廳醫肚，於是搵到這間拉面館，見之前啲食評唔錯，決定一試。不過可能地方較大，搵左一輪先搵到，原來要經過間百佳先到～6點半左右到左，見一個人都無，我同老公好似包場，不過啲侍應好好禮貌，好用心教我點餐，如咩湯底，面嘅軟硬度等…由於時間關係，好快就決定order碗面加薯餅~可能無人，所以上菜好快，咁都好，可以快食後睇戲～～拉面湯味濃郁，魚鮮味十足，再加隻糖心蛋，一流～薯餅外脆內軟~~

叫左個期間限定, 坂上將軍拉麵, 即係番茄豬骨湯底, 68蚊無SERVICE CHARGE, 湯底, 麵條粗幼, 麵身軟硬度都可以畀我自己話晒事, 另外追加個5隻日式煎餃子, 都係22蚊一碗麵好唔好食, 除了麵的質感外，湯底也非常重要, 呢碗湯, 湯的顏色較豐富, 飲起來清清爽爽，又帶點酸酸甜甜的味道, 相當令人享受, 很新鮮而又沒有任何味精 , 茄味濃得化不開，味道調校亦好麵身軟硬適中, 好掛湯, 入口有啖啖番茄茸日式煎餃子, 煎餃皮都很脆, 餡料非常豐富, 煎餃皮薄柔軟，內餡汁多, 正

今餐自己一個食 自己一個食時好怕去人多地方 所以openrice見到呢間係e-max就想去試下（呢排好想食日本拉麵 fit曬）以我估計 所有拉麵名都以日本將軍名命名 而且可以跟據個人喜好自選配搭 我今次叫左豐臣將軍拉麵配餃子碗麵好靚 好有日本風格 因為我點左蔥油湯底麵 所以尤其多蔥同香 流心蛋做得好 蛋黃湧出黎咁 亦因爲我點左濃湯底 所以食完個口特別渴下次會再幫襯

去emax, 考保險試之前, 就輕食個午餐先啦, 上左去2樓, 見到新開嗰間武士拉麵,  個價錢都係58蚊, 非常之抵食喎!叫咗碗足利將軍拉麵, 即係黑醬油豬骨湯底拉麵, 一陣間又送到啦, 好快手, 個拉麵湯底非常之好飲, 差不多畀我飲曬啲湯, HEHE, 拉麵軟硬度適中稍候, IN IN UM UM, 有咬口!!!流心蛋 , 顏色金黃, 非常誘人, 蛋香非常之濃郁,  蛋黃味濃郁又香, 正呀另外, 再叫多個小食, 就係明太子雞翼, 外面炸得好脆口, 裏面嘅明太子辣辣哋, 非常之惹味喎!!

哈哈今日去九展睇戲, 順便食個飯先, 行行下行左上去2樓, 呢到都好大, 不過有好多吉舖係到, 要隔好遠先見到一間食肆, 開頭諗唔知有冇野好食, 點知行到差不多尾段見到有間拉麵店, 望望餐牌都好吸引咁, 一於食呢間啦. 裹面都可以坐好多人, 仲有BAR枱設計TIM.一打開餐牌, 主要係叉燒為主菜, 只係湯底唔同, 另外會有一款豬軟骨, 點菜時係選用自助型式的, 朋友叫左個足利將軍拉麵(黑蒜油豬骨湯底)$98, 嘩...一上枱已傳來陣陣黑蒜香味, 另外他選了粗麵, 再加左唐心蛋, 首先緊係試左淡湯先啦, 厚厚的豬骨濃湯再加了黑蒜油既味道好香, 貼心既店員也介紹了枱面呢支自家制既魚油, 他說落少少落湯到會令到湯更加鮮, 哈哈, 我地緊係試下啦, 哦?! 真係架喎, 會令到味道變得更鮮. 而拉麵軟硬度適中, 叉燒更入口即溶, 唐心蛋食完一隻仲想食多隻呀, 哈哈.而我就叫左武士沾麵$118, 呢個湯底好特別, 係用左柚子魚介+WASABI而成, 我選左濃味, 飲落去有少少WASABI再帶點辣味, 店員介紹用粗麵沾湯會比較好食, 所以我選左粗麵, 向來不喜歡食粗麵既我, 今日令我改變了, 又真係

今日去左九展拎野俾個客，個客話最近開左好多新餐廳，咁岩我想食拉麵，佢話有間武士拉麵開左不過間餐廳我搵左一段時間，因為成個food street仲整緊，好多板封住左，不過好彩最後都搵到拉麵款式都有好幾款，真係唔知食邊款好.....服務員好細心，主動過黎向我介紹，我話想食淡味d，佢就推介我食香蔥油湯底四國香蔥油湯底 $98個湯好香濃，但唔會好油膩，而且香味撲鼻塊豚肉既表面有微微燒過，所以特別香明太子雞翼 $28釀左明太子係裡面，明太子有少少辣味，但好惹味

平時都係係九龍灣番學，好少時間會行到去九展度食野不過聽人講九展依家有好多outlet，咁就去行下順便食下野啦其實武士拉麵既位置比較入，我地都轉左一個圈先見到係邊~武士沾麵($118)其實我就好少食沾麵既，因為覺得分開食同夾埋好似冇咩分別哈哈今次就試多次食沾麵啦，亦都係店員推薦既佢麵有得揀粗度同硬度，都幾貼心，個人比較鍾意粗身既拉麵呢度既拉麵就唔算好粗，不過都好彈身，唔會淋晒個湯底就唔係濃到"傑"個D，不過都比平時拉麵既濃，同拉麵一齊好夾芝士炸蝦丸($35)我地覺得就咁食拉麵就過唔到口癮既，就叫多左兩樣小食呢個芝士炸蝦丸既重點應該係芝士而唔係炸蝦丸哈哈芝士可以拉出黎拉到好長，而外皮都炸得好脆不過真係要趁熱食，耐左既話芝士就變左一舊拉唔到絲，冇得玩架啦~最後就係唐揚魷魚($36)我覺得唐揚魷魚比芝士炸蝦丸好食，因為佢係好似炸又唔似炸咁好香口，同埋唔會好硬，好易咬開不過都係最好趁熱食既~整體黎講拉麵同小食都整得好好，唔會話忽視左小食既質素不過呢度應該就係新開既，人流都唔多，唔洗等位

看電影是週末熱門活動之一，在九展買了晚上的電影票，怕吃完晚飯才去搭接駁車到九展時間太趕，還是早些過去先晚餐。時間尚早，不想頹吃快餐，於是到處逛逛看有沒有其他餐廳。在2樓見到武士拉麵廣告指示牌，喜見原來這裡也有日式拉麵店，而且不像旺區般經常排長龍，便進去用餐。看著餐牌，有約10款拉麵，都是用了將軍的名，挺有趣。選了四國香蔥油拉麵，朋友則點了招牌武士沾麵。可自選湯底濃淡、麵條粗幼等配搭，不過見到有店長推薦配搭，自然選擇信任店長啦。不消一會湯麵便端上，用上普通粗幼的麵，湯底帶有很香的蔥味，與本身的湯底相配。糖心蛋半流心的，蛋味濃。兩片叉燒薄薄的，簡單的用黑胡椒煎香，肥瘦適中。試了沾麵，湯底很濃，帶著魚香味、少許芥末但不會搶去原有的湯底味道，配以粗身及略硬的麵條，很有口感。跟香蔥油湯麵截然不同的風味，各有特色。另再點了兩個小食，明太子雞翼釀了很多明太子，絕對是考功夫之作，非常惹味。日式煎餃子相比起其他食物平淡些，不過餡多，送拉麵佳品。想不到一向被標籤為無野行無野食的九展都有出色的拉麵店，此行有驚喜。

下午要睇戲所以黎左九展.當時入面得一兩個人，可能九展太偏僻了。食左一個蕃茄湯粗拉麵，個湯好味，麵質叫左硬，覺得硬度好合口味。而湯叫左淡味，但都好夠味！而男朋友叫左香葱油幼拉麵，我覺得粗拉麵好食d，但佢既湯比我好味。下次可以試下其他湯。小食叫左明太子雞翼，好普通，有d辣，不太特別。食完好飽。

九展食肆陸續開張，又唔鐘意迫，見到fb呢度開在very food court ,走去試下，天寒地凍食碗熱騰騰拉麵都唔錯，選左呢兩款香蒜同香蔥味，味道不錯，麵質彈牙，軟硬適中，叉燒又諗又香，送餐速度快，加8蚊仲可追加柚子蜜，。服務員有禮。

九龍灣都有武士拉麵啦 本來喺尖沙咀見到 已經好想食 點知九龍灣都有 梗要去食下先啦去到係午餐時段 真係唔係講笑 都幾多人下 我地2個人都要等一等至有位 估唔到拉麵舖都有lunch set 午餐價平過平時20蚊不等 真係有啲扺 仲要唔洗加一 仲有得加小食餃子餃子皮唔厚 係薄薄q彈質感 好食 個餃子汁好似有特別調過 不過就冇平時嗰啲咁酸 反而多咗少少香 22蚊五隻黎講 真係幾扺食嘅豐臣將軍拉麵拉麵有得揀麵既粗幼 同煮得偏硬定軟 湯既濃度 如果有選擇困難症 仲可以揀廚師推薦😂 拉麵份量不少 湯頭都頗清 唔會好重味 豚肉有2塊 唔會太肥 食落去唔會好油 食拉麵 可以同紫菜一齊食 咁就又有紫菜味 又有湯底味 不過真係食到人超飽