正斗粥麵專家 (國際金融中心商場)

營業中

休息中

考慮價錢和味道來說,正斗算是IFC吃LUNCH的好選擇啦豬潤肉丸粥,粥底夠綿而且鮮甜,豬潤好滑無筋,肉丸也有豬肉的鮮甜味,而且好大碗,女仔可能吃不完呢炸兩,油條好脆,腸粉又薄又滑,香濃的甜豉油是分開上的,不會浸淋炸兩,好吃啊黃金流沙奶黃包,餡真的做得好流,而且很香蛋味,是數一數二的水準真的沒有介紹錯呢

在陸羽的生日飯局之前，與太座在IFC閒逛。肚子有點餓，等不及豬肺湯、鷓鴣粥及雲腿鴿甫等等的誘惑，先來這兒吃碗雲吞麵暖暖胃....雲吞麵一小碗，盛惠二十八大洋。連裝修、舖租等成本在內，再加上這兒的名氣，是差不多要收這個價錢了....銀絲細麵是夠彈牙的，但很遺憾地吃得出有一點鹼水味；湯很清但味淡，喝不出大地魚的鮮味；雲吞是傳统的拖着一條小尾巴，餡是全蝦的，沒有半點肥豬肉，不是小弟的那杯茶，但起碼那蝦是挺新鮮的，爽、鮮而且彈口，還吃得過....是一碗不太差的麵，但若可選擇，小弟還是寧願到大光燈去吃碗雲吞牛腩雙併麵，二十大洋而已，而且水準也猶有過之.....太座感冒未癒，只能吃碗魚腩粥。粥底夠綿而且帶點魚鮮味；魚腩也很新鮮，嚿嚿鮮甜，水準是出奇地高，甚至比馳名的"細蓉"有過之而無不及...看見鄰枱叫了點心，很吸引，但為了留肚去應付陸羽的佳餚，只能望門興嘆了

呢間粥麵算係ＩＦＣ比較平民化既食肆，所以就算偏貴都座無虛席。我係第一次黎呢度食，感覺裝修豪華，咁岩有卡位座都幾舒服，侍應都ＯＫ細心，我地覺得太凍佢都肯幫我地關冷氣。講返食物，叫左四樣野：1)魚翅水餃撈麵(上枱時水餃都俾麵蓋住，仲以為黎錯左添！水餃味道唔錯，不過就唔多覺魚翅，都預左架喇。而麵質亦彈牙，算合格啦！)2)肉丸粥(粥身綿軟，但肉丸唔夠熟，味道亦偏淡，個人覺得同樣食物黃枝記好食Ｄ喇！)3)炸雲吞(雲吞細細粒，炸得香脆，食落唔膩，當小食一流！)4)炸兩(聽其他食友講呢度炸兩好好食，就試下啦。油條係脆，但耐左真係會變硬，影響食味，而粉皮亦太薄，得一層，帶唔出炸兩應有既滑同脆既雙重口感，下次都係去海皇食好Ｄ喇)以食物種類睇價錢真係偏貴，如果係遊客既話都會覺得幾有特色既。下次再試下其他食店先得！

食過北菇雞粥和xo醬炒腸粉之前外賣很正很抵北菇雞粥好有雞味,腸粉小辣,份量很足,好惹味,連d甜醬同花生醬都特別好味幾日後去堂食同一個腸粉腸粉排得好靚煎得好靚,好有心機,食落去脆脆地,口感一流但堂食...... xo醬腸粉外賣$3x堂食$42+$3茶錢+10%服務費=$49.5埋單收$50好唔老實找錢時我給100佢找番$40+$5+$2+$2+$1服務態度又唔係特別好搏人去高級場所充豪客給貼士唉 之前外賣真係好好味但係堂食佢比唔齊醬我又份量少好多...

味道只是一般, 但卻是非一般的價錢。以一碗雲吞面為例, 雲吞細細粒都算, 食落口其實和一般檔口十六蚊碗冇分別, 頂多都係個湯底清少少。

我們三個同事叫了雲吞面,炸兩和流沙包, 三款都是質素不錯的,當然價錢貴少少,但地方寬敞舒適,是個不會趕住要你走的地方

於IFC內，不知道吃什麼好。便來了這裡，兩人也要等上一會兒。入內感覺很好，很光猛。本來被安排入座圓桌，但之後經理問我們要不要轉到卡位，也好。叫了燉湯，是西洋菜鴨腎湯，一人一碗。份量頗多，味道清甜，知該有少許味精，但並不嚴重。內裡還有西洋菜和鴨腎，通通都給我清掉。雲吞麵，麵是幼身的，爽口，沒有過腍。湯底只有淡淡的蝦籽味，也沒有麻油的香味，有進步的空間。雲吞並不是散尾的，但味道不錯。南乳炆豬手，炆得入味，吃著那豐富的膠質，十分美味。蒜蓉唐生菜，唐生菜新鮮甜美，蒜蓉下得夠，不是很油。服務不錯，侍應們都很有耐性。眼見很多人叫叉燒炒蛋飯，賣相很好。

lunch time飲了友人的意大利手信白酒，一直wing wing地，直到睇完戲仍然是。好渣!　兩個人於是找地方抖，見新開的正斗環境似乎不錯，決定一試。進去發覺餐廳內部裝飾比外面更靚，而且時值四點零五點多，人不多更覺寧靜舒服。換了是午市或晚市時段，肯定完全不一樣吧?　這頓下午茶，我們叫了兩款食物：　招牌鮮蝦雲吞麵($28)-湯底十分鮮，麵又很有口感，只有雲吞雖味美，卻太太細粒，只有$10硬幣大小，令人不太心足啊...　黃金流沙奶黃包($25)-上檯時有點失望的，因為只得3隻瘦瘦的、不甚飽滿的包。不過這幾隻瘦小的包，居然有意想不到的洶湧流心，而且流心餡不但又熱又濃，甜香中還有陣陣蛋香，十分美味。　吃點暖的，又飲了多杯茶，終於解了酒，愉快舒服的離去。再一個錯位驚喜推介：流沙包!

在香港, 要食到靚麵唔難, 但要係地方清潔, 環境靚D既地方就少啦, 而呢間就係啦!!前兩日去中環IFC 睇戲, 見未夠鐘, 找餐\廳食飯諗住找間平平地既餐\廳食飯, 一路搭FU 手電梯上去俾我找到這間食麵既, 一碗麵平均都係三十幾蚊. 在中環來講, 都算平GA LA ... 所以決定入去一試二個人, 叫了三樣野. 麵: 幾有咬感牛腩: 夠\"林\", 仲有好多TIM AR ..雲吞: d 蝦夠爽, 有5 粒環境好清潔, D野都來得幾快, 如果有外國朋友就一定會帶佢\去試下^-^

在人家的主場嬴波非奇事，還慨贈其成廿場最大的輸波比數，又唔知幾多場的主場最多失球又...呢份新年禮物，好好keep住帶去08年啦。總之心情極之正斗，如這裡的店名！又開夜，又要等人交功課。時近十時半，百無聊賴，不時近截單，又就來打烊，全店得我一個客人，這裡長期「爆場」，相信此等情景，也真少見，就要了碗細蓉及炸兩。先來細蓉，麵在上，雲吞墊底，如果再放匙羹在下面，就真的是滿分了。麵幼身，吃起來口感偏腍，不夠爽口彈牙，份量也不太多，幾口吃完，絕對配合「細蓉」之名。雲吞非散尾，餡還是嫌下得多了一點，輕一點就更好了。湯底聞起起滿有麻油及蝦籽的香味，喝起來卻是淡淡的，明顯蝦籽的品質不算上佳，但至少味精下得不多，都收貨；炸兩是即叫即製，新鮮熱辣。腸粉皮薄滑溜，對辦，而晚上的油條也新鮮鬆脆，雖然沒有了靚油條應有的實在口感，但臨近打烊時間，在IFC也吃得到這個水準的炸兩，是相當的不俗了。店員的服務，還是十分周到，也值得一讚。當然，以30蚊一碟炸兩的價位，要求也可以高一點的。埋單60蚊，不便宜，但也算是吃得滿意。

今日有老友來中環找我食LUNCH, 都唔知食咩好, 事旦食, 就去了正斗, 係IFC食餛飩麵都知唔係平, 不過估唔到碟芥蘭會送頭髮3條; 幸好上帝保守, 我食菜前用湯沖洗一下D油先食, 如果唔係同D蠔油撈埋點睇到呀~~老友食到2條, 我食到一條。「炸兩」都OK水準既。不過我估今世都唔會再去幫襯。

在IFC找平易近人的飯店有翡翠拉麵/及正斗﹐3人選了後者。當中有2人餓鬼投胎﹐1人減肥﹐選了﹕-貴妃雞半隻($90﹐賣晒)-鮑汁鵝掌($45兩隻﹐無貨)-滑蛋蝦仁炒飯﹕蛋漿很滑﹐不會過鹹。蝦好大隻﹐爽口但略欠鮮味。-蝦子柚子皮﹕好入味﹐幾得意。-淨牛腩(可與筋自由配搭)﹕我喜歡吃筋﹐好重膠質﹐正-蒜蓉唐生菜﹕掂-白灼菜心﹕掂-炸兩一碟﹕即製﹐豉油及醬料另上﹐有水準-即炸油炸鬼一條﹕熱辣辣﹐略嫌有點硬(甚至有點界口感覺)﹐不夠鬆化。-北孤滑雞粥﹕粥底夠杰夠鮮。東菇隻隻厚身﹐真材實料。服務員態度非常友善﹐期間自動斟茶換碟。3人僅僅可以消滅以上食物﹐唯獨油炸鬼攤凍了變得更硬﹐濟銷。埋單$360﹐唔算貴。

病了！在家無事做，決定整理一吓pending已久的食評。病人當然要食粥，所以便由這「粥評」開始。上星期約了成年無見的舊同事吃飯，選了來IFC的正斗，全因樓下便是東涌綫，回家方便。早已領教過這裡頗沒水準的雲吞麵，是晚當然學乖了，專攻一向有水準的粥品。皮蛋牛肉粥十分真材實料，粥底充滿米香，夠滑夠杰，應該沒下味精。牛肉略帶鮮味，皮蛋份量亦唔少，推介！友人的炸醬麵賣相非常卡通，肉絲沾滿了螢光燈色的醬，問他味道如何？他笑言：「普通啦！」。埋單$80元，環境好，係IFC的經濟之選。

要了一個雲吞撈麵。$45麵是爽口的，也沒有鹼水味。但除此之外，一點味道都沒有！名店銀絲麵的蛋香一點都找不到！雲吞是好的，皮滑也有蝦味。但如果要以最高標準來評價，味道不夠濃厚！湯有應有的大地魚味和蝦子味，但和雲吞一樣，味道不夠濃厚！而最敗筆是完全沒有韭黃！一點都沒有！沒有了這靈魂，這雲吞麵如何夠味呢？埋單連加一（雲吞麵店也要加一！！！！）$50。老實說如果這是小店$30一碟的撈麵，我會覺得ok。但當你收了我差不多雙倍的價錢，水準卻停留在$30的水平，我就覺得完全不值了！

It wasn't my choice to lunch at this food shop. There was plenty of space a bit before 12pm. There was no mention of service at this venue...The food is bad and not worth the money. I venture to say that some street congee shops serve much better food and offer 200% of their service manner.