影片
更多
2008-08-05
16 瀏覽
呢間粥麵算係ＩＦＣ比較平民化既食肆，所以就算偏貴都座無虛席。我係第一次黎呢度食，感覺裝修豪華，咁岩有卡位座都幾舒服，侍應都ＯＫ細心，我地覺得太凍佢都肯幫我地關冷氣。講返食物，叫左四樣野：1)魚翅水餃撈麵(上枱時水餃都俾麵蓋住，仲以為黎錯左添！水餃味道唔錯，不過就唔多覺魚翅，都預左架喇。而麵質亦彈牙，算合格啦！)2)肉丸粥(粥身綿軟，但肉丸唔夠熟，味道亦偏淡，個人覺得同樣食物黃枝記好食Ｄ喇！)3)炸雲吞(雲吞細細粒，炸得香脆，食落唔膩，當小食一流！)4)炸兩(聽其他食友講呢度炸兩好好食，就試下啦。油條係脆，但耐左真係會變硬，影響食味，而粉皮亦太薄，得一層，帶唔出炸兩應有既滑同脆既雙重口感，下次都係去海皇食好Ｄ喇)以食物種類睇價錢真係偏貴，如果係遊客既話都會覺得幾有特色既。下次再試下其他食店先得！
我係第一次黎呢度食，感覺裝修豪華，咁岩有卡位座都幾舒服，侍應都ＯＫ細心，我地覺得太凍佢都肯幫我地關冷氣。
講返食物，叫左四樣野：
1)魚翅水餃撈麵(上枱時水餃都俾麵蓋住，仲以為黎錯左添！水餃味道唔錯，不過就唔多覺魚翅，都預左架喇。而麵質亦彈牙，算合格啦！)
2)肉丸粥(粥身綿軟，但肉丸唔夠熟，味道亦偏淡，個人覺得同樣食物黃枝記好食Ｄ喇！)
3)炸雲吞(雲吞細細粒，炸得香脆，食落唔膩，當小食一流！)
4)炸兩(聽其他食友講呢度炸兩好好食，就試下啦。油條係脆，但耐左真係會變硬，影響食味，而粉皮亦太薄，得一層，帶唔出炸兩應有既滑同脆既雙重口感，下次都係去海皇食好Ｄ喇)
以食物種類睇價錢真係偏貴，如果係遊客既話都會覺得幾有特色既。下次再試下其他食店先得！
張貼
