正宗山西刀削麵皇

營業中

休息中

呢間已經成為左我成日食開嘅飯堂🤣刀削麵真係見到個師傅即削出來 而且配菜份量又超級多 齋嗌麻辣刀削麵都唔使另外嗌小食！而我特別鍾意食撈嘅 呢度冷撈熱拌都有 滿足曬你嘅選擇🍜麻辣牛肚刀削麵💰53刀削麵可以揀轉年糕或者拉麵 不過我都係最鍾意夠曬煙韌嘅刀削麵！麻辣牛肚係我最推薦嘅配菜 牛肚份量夠多 蒜同麻辣醬擺係碟嘅一邊所以可以按自己口味來揀辣度😛牛肚每條都又長又厚 特別爽口！🍜麻辣豬軟骨刀削麵💰53好少見豬軟骨都會有麻辣 不過都幾唔錯 刀削湯麵雖然會被湯浸住 但係都唔會少佢應有嘅爽口度 ！🍝麻醬手撕雞冷撈刀削麵💰62呢隻配菜係佢default嘅菜式 如果想食其他餸都可以自己揀 汁都可以揀口水醬同麻辣醬 但係呢隻真係唔錯！佢嘅麻醬係日本胡麻醬 所以食落唔會覺得特別漏 撈埋手撕雞同青瓜都特別清甜 底下都會有D辣醬 不過就係象徵式嘅味道 越食越想食🤣整體來講呢度選擇都幾多 而且份量夠食 得閒想食D清新D嘅超推薦呢度嘅冷撈刀削麵！ 平時D客人都幾多 而且鋪面唔算好大所以會有小小迫～📌 正宗山西刀削麵皇 (荃灣)荃灣荃興徑15號地下

有一晚OT到好夜🥹收工好肚餓但又已經冇咩好揀咁就去左喺路德圍嘅📍正宗山西刀削麵皇我地一人嗌左一碗麵，再嗌左幾碟小食有燻蹄、牛展、豬頸肉大家都飽到暈😋同埋全部都重蒜🧄🧄🧄🧄🧄🧄我地食完之後個口都好臭，超正😆大推🔥麻辣燻蹄✨

雖然係叫麻辣但係佢嘅湯底並唔係麻辣 反而係配菜另上 所以食唔食辣 食幾辣都可以自己控制 叫咗麻辣豬扒 牛肚 今次仲咗口水雞佢比雞髀肉 所以好嫩好惹味豆腐就凍飲都係免費嘅 所以成餐都好抵食🫶🏻

跟朋友吃食由觀塘坐車去荃灣，但係間野剛好裝修所以我朋友帶左我去一間佢覺得OK既店。店內人流也算不少，我們等了約20分鐘才能進去店內。我們分別各自點了一個餐再加一客餃子及蒜泥白肉分享。他們的麵跟配料是分開的，我很欣賞這個做法，可以吃到原汁原味的配料。我們都吃辣的，所以剛好全部人也點了辣的配料。配料份量十足而且新鮮。比起很多店只有4,5片配料而言真的十分佛心。蒜泥白肉十分出色，但剛好沒有拍到。餃子就普通，可能這家不是餃子店。

愛店，已經食過好多次，每星期都要食❤️.🤍麻辣豬頸肉刀削麵 $50佢既麻辣唔係湯底，係配料到，辣味比較重不太麻，蒜頭好香辣惹味。豬頸肉以前肉質好啲，而家小乾但入味。所以而家我就轉左食豬軟骨，腍好多又大件又入哂味！最愛佢既刀削麵，即時整，超彈牙超有咬口，愛佢愛到每星期都要食一次，唔食就會諗佢😂，但食過咁多次之後發現，以前每次唔分湯都冇問題，麵依然煙靭，依排外賣既話就一定要分湯，唔係既話番到去就會唔煙韌腍哂咖喇。

Lunch一於喺位於荃灣嘅路德圍附近有邊一間山西刀削麵，呢一間之前都成日去食，今日行過見到冇乜人終於可以去回味下，一坐低就即刻叫咗個麻辣牛腩、麻辣牛肚同刀削麵，另外飲嘢方面就係凍檸茶同埋凍豆漿，食完個牛肚同牛腩覺得個麻辣醬汁係唔錯，D刀削麵有口感我都唔多講，最緊要係個刀削麵嘅湯底啦，呢碗湯底清得黎係好濃郁，所以食完覺得會上咗癮，會再去食多幾次，如果想食呢間分店，最緊要識揀時間去食，因為荃灣呢間分店係最正宗，繁忙嘅時間係最多人排隊。

放工返到嚟路德圍，呢間 正宗山西刀削麵皇 是帶點特別風味嘅選項，畢竟喺香港專食刀削麵嘅鋪頭總少過米線，而標榜正宗山西味道都自然有點特色。今次叫個招牌級嘅組合：麻辣手撕雞X上湯刀削麵！未食主食先加一分，碗麵係連埋一杯豆漿，其實不必太費周章，只要令客人飲到杯襯到主食嘅飲品已經好好，算是細節位吧。手撕雞我叫咗大辣（提提嗜辣嘅同好，真係唔太辣，呢個都只係換算番小辣嘅程度），呢隻辣辣得有啲普通，沒有麻/香嘅感覺。手撕雞中等偏上，略為鞋口。拌碟上有青瓜平衡清新口感，建議加點脆口東西如花生可以再昇華。湯麵平平實實，湯底嘅香味唔太出，豉油味佔大半，還有就是芫荽等。麵質雖說是手工麵，但質感就似麵團，扎實到唔似麵條可以晃一晃。整體來講不差，但本著正宗嘅旗號，期望較高，而出品可以發揮得更加好。刀削麵賣相：⭐️⭐️⭐️味道：⭐️⭐️⭐️價錢：⭐️⭐️⭐️麻辣手撕雞賣相：⭐️⭐️⭐️味道：⭐️⭐️⭐️價錢：⭐️⭐️⭐️

/ 「無飯」情侶收工之後又要諗買咩外賣好，行下行下，見到荃灣有間刀削麵好似幾出名，就決定試一試佢🙆🏻‍♀️📍(唔辣)麻醬手撕雞冷撈刀削麵 ($60)💬同男朋友都唔想食湯既刀削麵，所以一齊揀左冷撈，又估佢唔到，都幾出色，幾好食😋，可能本身我地都好鐘意食麻醬既野食，所以覺得好好食，撈刀削麵都幾特別⋯不過食到碗底就有小小「漏」既感覺🙈整體上唔錯，不過就覺得略貴，CP值唔太高，但味道都幾好，店員服務唔錯👍🏻

我喺香港搵到一間刀削麵唔難，不過要高質素既就……（呢日去食既呢間刀削麵 ok啦☺️）呢日去左位於荃灣既正宗山西刀削麵皇，座位唔多（食得刀削麵就唔好講求環境…☺️）最緊要啲嘢食係咪掂啦（大家睇埋落去 唔好行開呀🧸）

10點半 女友接收工 本來諗住路德圍食米線 但去到路德圍 發覺宵夜選擇都唔少 最終揀左山西刀削麵 以前都係荃灣食過刀削麵 不過係捐血站隔離果間 （已結業）10點9去到都滿座咁濟2個人 叫左一碗刀削麵（木耳，大腸） 加 涼拌萵筍 再加個豬肚絲 一杯凍奶茶先講萵筍 爽爽既口感 加埋啲汁 係好味既個豬肚絲 啲鎮江醋落得太重手 淨係食到醋味呢個扣啲分 主角 刀削麵 本身喜歡麵質口感煙煙靭靭配埋個湯底一絕 下次可以試埋個拉麵 值得推介 可以再來 唯獨 地方不算大 枱細細張的 有點迫 但整體都滿足的

還記得在學時期在附近讀書，經常吃這家店刀削麵、湯年糕，畢業後就很少來荃灣，自然也沒有光顧。遍佈全港，主打賣刀削麵的店家並不多，然而有賣的又我吃過卻沒有這家好。因此，路過荃灣特意來此家再嘗嘗有沒有退步。店面不太，但枱不少，有點擠迫。燈光明亮，裝修簡單，整體乾淨。正如店名，主打刀削麵，亦可轉拉麵、米線或年糕。除此之外，亦有菜飯可吃。大部份麵食都跟豆漿。由於每個人的口味都各不相同，故味道方面不作詳述。(請參考附圖)

由於係荃灣番工既關係，久不久就會去路德圍食下刀削麵，貪佢大大碗實夠飽，冬天食碗湯麵又暖粒粒😊而且佢味道都算唔錯，刀削麵好彈牙有口感菜肉雲吞+豬手，湯刀削麵 $53 包豆漿一杯👍🏻

麵癮起，去左呢間食個麵暖暖胃😌🍜牛𦟌糖心蛋刀削麵 $53見好多人都推薦牛 俾個個湯底顏色呃左🤓雖然好深色，以為會好鹹，但一啲都唔會！鍾意重口味既可能要揀其他餸會好啲🤣至於個麵質，好彈牙。望著叔叔用神器削麵，條條厚薄不一架！同埋超多麵，真心飽😌套餐仲包一杯野飲，好抵食😆

今日去咗荃灣嗰邊睇醫生，睇完醫生就去咗搵嘢食，見路德圍咁多嘢食，諗住去嗰邊行吓睇吓食邊間好朋友覺得天口熱，最後都係揀咗食湯麵，清清地開胃啲入到去麵館，都冇咩人招呼，自己搵咗個位就坐低同阿姐落完單，轉頭比番張單你，張單阿姐係要飛過嚟，真係冇咩禮貌牛展酸菜刀削麵$53朋友叫咗個牛展酸菜刀削麵，個刀削麵都幾煙in 嘅牛展都夠入味，酸菜就普通啦滷水雞翼魚蛋拉麵$53滷水雞翼滷得幾入味，雞肉同埋雞骨好容易分離，唔會食得好狼狽幾鍾意佢個拉麵，有陣梘水味有幾煙韌麻辣雙拼$62呢個麻辣雙拼其實係滷水拼盤再加左麻辣醬，滷水嘢係幾入味豬大腸同埋牛肚都滷得幾出色

荃灣路德圍一向多野食 無論想掃街 搵小店食正餐選擇都多不勝數 上次食完元帥麵館 今次試下差唔多類型嘅正宗山西刀削麵皇🍜麻辣牛腱刀削湯麵套餐(奉送豆漿)💰52可以見到師傅當面攞刀削一大舊麵餅 果然見到湯麵入面嘅刀削麵全部細長 而且份量好多！刀削麵好有韌勁 有咬口 一條接住一條咁😙至於麻辣牛腱就係另外有碟上的 份量都真係好多 可以當小食食好耐！而且口感煙韌 配埋香蒜辣汁分外開胃！🍝特色冷撈刀削麵(牛肉絲)💰60個人就特別鍾意撈麵 成日覺得湯麵分外清淡🤣但係呢隻除左下面嘅口水汁以外仲有面頭好大pat嘅沙律醬 雖然係更清甜但係會好漏 所以我撥開左好多🥲麵條撈勻後條條都點上辣汁 非常有韌勁！牛肉絲就係牛腱切碎後嘅樣 都好入味！青瓜絲更加增添一分清爽！🥩麻辣牛肚(小)💰39呢度應該碟碟份量都非常可觀 牛肚食左好耐都食唔晒 都係牛腱嘅麻辣汁 而牛肚每一條都係又粗又長 好有咬口同埋好入味！整體來講價錢唔算貴 而且份量真係好抵食 偶爾想食下清淡或者麻辣都可以來支持下小店！另外真係好推薦拌面 係特別有味D🤣小食樣樣都好好食！暫時覺得牛肚同牛腱係最抵食的！📌 正宗山西刀削麵皇 (荃灣)荃灣荃興徑15號地下