正宗上海生煎皇 (已結業)

小弟有幸到過上海食 小楊生煎 和 蔡記生煎得知香港都開了一間生煎，行開旺角順道試一試去到 6:35，要 6:50 才出爐，照等吧到 6:50 開餐1. 生煎太燶了........ (就好似樓下 grace0721hk 的照片差不多) 2. 入面幾乎無肉汁無湯 要知道生煎的精髓就係包內的湯/肉汁 如果各位有到過上海食真正生煎，便可以知道相差有多遠 假如該店普通出售生煎包都沒有話可說，但現在打正牌是正宗上海生煎皇太燶一定絕對不能接受，所以店主請在此下功夫改善另外亦應該研究如何增加包內之湯水肉汁，在上海的生煎，肉汁比在香港平時食到的小籠包還要更多小弟極希望能在香港吃到如同上海生煎一樣，期望這天到來

月頭開張既新舖, 由前藝人主理, 主打正宗上海小食, 生煎, 小籠包.落order要睇時間, 有時候時間唔啱, 分分鐘要等好耐, 好似今次就要等30mins......係附近兜個圈返黎, 一底生煎啱啱整好, 一客有四件~賣相跟上海既差唔多, 不過蔥同芝麻就較上海既少, 眼見當地既師傅大把大把咁落, 呢度就比較含蓄~皮煎得脆口, 厚薄亦都適中, 不錯至於味道, 都跟上海差唔多, 但湯汁就唔太夠上海既生煎, 每一粒都有近一匙羹既汁, 不過呢度就得少少, 要加以改進~總體成個包就係爭左係D汁度, 其餘既都幾好~

實在好懶寫較長既食評，呢篇簡短既快快手手寫左先~ 是日夜晚去bbq，但係bbq前我都迫左係太子附近做野既banban買上海生煎皇俾我食，佢去買既時候好似係剛剛出爐，而且佢仲話唔係好多人添。$18/4個，望落唔算好大個，都幾好，唔會食一個已經飽哂~ 不過一打開覺得D生煎包個底好燶下喎~雖然係新鮮出爐，但食落都只係微暖 (雖然我估天氣凍都有D關係)，無個種熱辣辣既感覺。個皮唔算好厚，都算厚薄適中而且都幾軟熟下~ 咬落即刻有肉汁流出，肉餡都算幾鮮味，味道唔差的。不過個底除左燶之外，都好似唔係太脆呢~其實我都仲有興趣試下其他野，是日就試左生煎包先，覺得味道唔差但又唔係話非常好食，但係附近都可以一試的。呢個係banban送俾我既聖誕禮物，哈哈，love***=)

幾年前去上海旅行, 印象不太好, 只記得食過一間叫做"小楊生煎飽", 非常好食, 我自己一次過食o左8個生煎飽.o係香港食過幾間, 都食唔番呢個味道.上期 "u" magazine 介紹呢間"正宗上海生煎皇", 就o黎試一試 ~原來係外賣店, 無座位o既.門口擠滿人, 原來生煎飽每個鐘先出爐 (逢踏正), 而香酥餅又即叫即做, 所以門口有好多人等 ~ 生煎飽 ($18 / 4隻)跟上海o既小楊生煎包有八成似, 皮脆肉汁鮮, 好食 芝士煙肉香酥餅 ($15)中西fusion, 味道都幾夾, 好食 ~ 唯一唔好係無坐位, 買完都唔知去邊度食.希望遲d 生意再好d, 擴張鋪頭, 有座位坐會好d ~~想食正宗生煎包, 唔駛去上海啦, 可以去旺角止下咳先 ~~ 哈哈 ~

星期日同仔仔去元朗玩完,之後就出左去旺角啦~~我本身係好鐘意食水餃,包點,咁岩聽到有間新店有我鐘意既生煎包,所以捉埋爸be同仔仔一齊去,第一轉5:50爸be都話重飽,所以只叫左一客生煎飽.不過收銀姐姐話生煎飽要6:05先出爐,不過可以落左單先!!夠鐘啦,去到姐姐話重未得呀,等多陣啦之後.................等.等.再等/////見到其他人都有啦,點解我重未有既........我再問既時候原來有得拎,只不過...可能我聽吾到叫號碼,所以佢地包好放左一邊..........我接左之後馬上行出門口企埋一邊食,嘩,好香,脆脆地,而且一咬真係bi哂d肉汁出黎,好好味呀(不過個人認為咸左小小),試食完一次,我地決定試埋其他,今次叫左生煎飽x1,香酥餅x1,蒜泥白肉x1,手撕雞x1,涼伴青瓜(蒜蓉)x1,雖然我係拎到返大埔先食,不過芝士洋蔥香酥餅重好好味,好香,而且佢地個包裝好好,吾會食到成手都係油,蒜泥白肉對我黎講太辣,爸be話d肉太"鞋"手撕雞我覺得好正,味道適中,雞肉吾會太咸,(不過爸be都係覺得肉太"鞋")涼伴青瓜(蒜蓉),我以為叫蒜蓉係吾辣既,點知都係辣.......我都食左好

　　難得今日有朋友約我黎試一試呢間既生煎包，梗係點都試一試啦！可惜個胃唔夠大食得好少　＞﹏＜生煎包　：　一口一粒既份量，幾適合香港人既ＳＴＹＬＥ。不過ＦＯＲ女仔黎講可能唔會咁鐘意呢Ｄ有油既食物香酥餅　：　叫左芝士＆煙肉，可能我係好鐘意食呢一類酥餅既人（包括印度酥餅），個口味幾啱我。細胃口既人注意加左芝士會好滯小籠包　：　平時係屋企已經成日買超級市場個Ｄ小籠包去蒸黎食，食材新鮮而且個小籠包有肉汁流出黎　但係同其他人一樣個小籠包黏住晒，一分開個陣有機會整穿個小籠包　囧　　整體黎講算唔差既，有鎮江醋俾人點小籠包黎食（不過薑絲去左邊呢），而且都見到店主都好用心經營。友人話平安夜個晚再去試過（仲有好多野想試）

在上海生活了一段時間，對上海食品有一種情意結，由這間店開張之後，就跟朋友們擾擾攘攘說要去光顧一下，而且香港也難得有這類型的店。這晚時間許可，就跟三五知己來找生煎包王子oscar了。我們一行六人，點了不少食物。上海生煎包：點了三客，老闆Oscar還很好客地送多了2個。據我得知，生煎包的皮跟叉燒包、菜肉包等中式包點都不一樣，厚薄要適中，吃起來會發現厚度剛好包著肉汁，這個生煎包絕對合格！只是略為少了一點點芝麻。北京小餛飩：朋友說它的皮很薄很滑，她一個人差不多吃了一客。紅油抄手：吃起來有點冷，醬汁跟港式的不一樣，聽Oscar解釋他們做的是最傳統的口味，不同香港人習慣吃的那種改過的，所以因應各人口味不同，或許有些人喜歡有些人覺得不太習慣。香酥餅：一開始沒有芝士存貨，叫了一份肉鬆加香腸，個餅很香，又不像台式的油膩，之後Oscar補了芝士，叫我們要試下芝士，口感會更好。我們再叫了兩份芝士加煙肉。芝士夾在香酥餅內混在一起的味道，香而不漏。　大家都認為香酥餅是本店最好吃的食品！鎮江黑醋排骨：有點冷，味道不錯但略嫌不夠醋味，有點乾。香蒜涼伴青瓜：上海食品其實都偏油，吃點冷盤可以令口腔感覺沒那麼油膩，加上這

早前在微博得知某藝人在旺角開了生煎包店，還說他曾到上海學了三年，誠意十足，加上本身也愛吃這些上海包點，沒有不去嚐一嚐的理由。看了開飯喇說營業時間是早上十點到晚上十二點，所以當天十一點就到了，可是門是沒有開的.......唯有到附近麥記坐一下，打算十二點再過去，誰知道十二點還是沒開，可以鐵閘開了一點點，就過去看看。老闆穿著廚師服走過來蹲著跟我說還沒開，問我吃甚麼，叫我逛一下半個小時再去。感覺他人很好的。原來這家店地方很小，只有立食，那通道也沒有很寬，拿走吃會吃得比較舒服，可是我總覺得外帶的東西就沒有那麼好吃。一來是冷了，二來是有倒汗水的問題。小籠包一客四個十八塊，在整理照片的時候才突然發現我的那一籠有五隻?!0_0哈哈，可能是老闆看我等了這麼久所以請我多吃一個吧，謝謝。小籠包小小的一顆，皮很薄，夾起來的時候很容易破掉。湯汁不是很多，而且豬肉有點瘦，吃起來會沒有那麼順滑，如果多一點點肥肉可能會好一點，不過肉很鮮味。另外那個醋是對味的，如果有一點薑絲會更好吃。生煎包也是一客四件十八塊，似乎是此店名物。生煎包每一顆都是漲鼓鼓的，底部是金黃色的，脆脆的。生煎包的肉汁比較多，可是明明看著師傅用同一

今日十分凍，屋企又冇野食諗住出去行下睇睇買咩食咁岩就見到呢間之前眾多明星係微博極SELL既上海生煎皇！原來就係屋企附近！諗住試試，反正今日好凍，都想食d熱d既野嗌左一個香酥餅，要青瓜同煙肉，同埋一客招牌生煎包生煎包要等差唔多十五分鐘。。。係咁吹住冷風都真係唔好講笑。。。先講香酥餅，個餅真係好好食！好食過係餐館嗌個d！又唔會感覺好油膩。青瓜同煙肉冇咩特別，正正常常啦生煎包拎到番屋企食已經凍左少少啦不過仲暖既我平時唔係特別鐘意食生煎包，通常食一至兩個就唔想再食但今次食哂四個（一客有四個）都覺得ok wor哈哈，俾個叻佢估唔到老細oscar真係親力親為！好多路人見到都有指指點點不過鋪位比較細同埋都要預番d時間等出爐整體滿意！下次我會試三骨大湯飽！：）

由於之前聽到收音機同睇報紙得知旺角開設左一間由明星主理既生煎包店~所以一直都好好奇,想去試下,今晚終於有機會朋友去試食la,初初都係唸住襯吓熱鬧睇吓撞唔撞到明星就算~對食物冇乜期望點知食落去出奇地幾正比得上嗰啲小籠包生煎包專門店仲有一個紅油抄手,隻隻都好大隻!不過由於我掛住食,食哂先醒起唔記得映其實仲有好多野好想試,例如老闆大力推薦既小籠包,香酥餅,同埋三骨大湯包~(不過由於我太夜去既關係,整湯包個師傅收左工 T^T~~~下次真係要早少少去)講起小籠包~真係要提一提,當我見到客人每order一份小籠包,廚師兼老闆既Oscar都會好細心咁將每一份cup落個碟再慢慢放入個'食杯'度,我就好八卦咁走埋去問佢:咦,點解d小籠包唔直接倒入個杯度ㄚ?佢就答:喔~咁樣一泥賣相唔靚,二泥怕d客人會夾得唔方便ㄚ麻咁有誠意又好味既小店,真係值得一試由於食得太飽既關係,試唔哂其他招牌小食~下次真係要帶多幾個frd試混哂佢

今朝一早連早餐都冇食就自己一隻揸車死咗出城做嘢兩點幾做完嘢揸咗架車落太子諗住去金華買杯凍茶少甜&菠蘿油+蛋撻做午餐,點知太子多車到呢....想搵個車位都冇架車由弼街轉入西洋菜南街剛好喺椰林閣門口有個位停一停到車,諗緊偷唔偷雞放底架車跑去金華嘅時候見到對面呢間舖有朋友都同我講過可以一試.於是就九秒八五出跑咗過去買咗個生煎包&小籠包外賣上車食(生煎包好味多肉汁,小籠包尚算皮薄個肉汁冇生煎包咁多.....幾好幾好咁喇,老細問我意見後即同師父提出問題,下次食應該可有改善)食到一半咁啱有得泊咪表泊好車入去店內再叫咗個三骨大湯包(呢個包只係飲啲湯唔食包皮架,幾得意可以一試)喺等個湯包嘅同時叫多咗個生煎包&麻辣涼拌青瓜(青瓜夠凍正!)一路食一路同老細喺度吹水,硬係覺得個老細熟口熟面老細聽到只係笑咗一笑,再之後老細即叫即煎咗個芝士雞蛋香酥餅(呢個得,好味,不如芝士太漏喇下次試下其他配料)俾我最後叫多咗一個北京水餃(味道ok),一路食一路同老細嘅時候,佢俾咗佢張卡片我,我一望原來老細係SILLY THING嘅OSCAR.....(魚爆!!!同人地講好熟口面)之後好滿腹咁揸車離開~~~~環境：地方唔算大得

早前在微博看到這店的介紹，昨天下班有空就去試試，結果很滿意，讓我這個從未在openrice寫食評的人，把第一篇食評送給這間誠意小店吧!收銀機旁會寫明下次生煎包的出爐時間，今次好彩，等了幾分鐘就ok，外賣了以下幾樣食物﹕1. 生煎包既然是主打，一定要試。原本想外賣回家才吃，但因為要等湯包，就堂食了一客生煎包，外面煎得脆，裏面有湯汁，熱辣辣很好吃啊，即時再追加一客外賣!2. 酸辣湯這個很合我口味，好像才十元一碗，多料微辣，買回家不夠分，下次要買兩碗才行，俾個讚佢 !3. 三併這個是$25的套餐，我選擇了紅油抄手、口水雞和蒜泥白肉(原本想選青瓜，但賣哂啦)。 紅油抄手的汁醬幾特別，不像其他的由肥淋淋的紅油浸著，這個醬有點花生味，初吃不覺辣，食完才感到有暗辣，不錯啊!蒜泥白肉普普通通，覺得肥肉的部份比較多，不敢吃太多。口水雞被家人吃光了，沒有試到，下次再吃。4. 湯包這個只能堂食，第一次吃這款食物，原來就是用飲管飲包裏面的湯，要小心熱，慢慢飲。那個湯不知是什麼湯，不太合我口味，所以覺得普通啦!也許是昨日去的時候人不太多，這店給人的感覺很親切，店員和大廚都很友善，食物也有質素，如果不用排隊等太久

呢排微博,fb都有好多朋友推介.今日終於有時間同朋友過黎試試.原來生煎包係每個鐘既搭正先新鮮出爐,店員溫馨提示我地買左飛轉頭番黎就一定有得食.朋友要左一份生煎包,我要左芝士煙肉香酥餅.香酥餅係即叫即做,所以好熱,但好好味. 本來一心想試埋生煎包,但食完個香酥餅已經好飽.不過見到佢新鮮出爐好香好吸引,加上朋友大讚,下次一定會再黎食P.S. 見到OSCAR 整每份食物都好有誠意好俾心機去整.唔會因為多人等緊而快快手hea整.絕對值得一試

近日在微博上得知，有一藝人會在旺角開一家賣生煎包的小店。重點是這藝人特地前往上海學藝三年，說賣的是正宗的上海生煎包。這店在十二月八日開張，我大約在晚上七時去到。門前的行人路都擺滿了DJ、藝人送來的花籃…這店叫生煎皇，當然要試生煎，無奈門前已擠滿等候生煎的客人，收銀說要等二十分鐘…有店員推介蒜泥白肉，但蒜泥白肉是川菜啊，會做得好嗎？我說趕時間，收銀說小籠包還有一份，結果我就買了灌湯小籠包。門口實在有太多人，店內在讓客人立食的地方，但也擠滿人了…我唯有到橋底那邊吃。一打開，小籠包東歪西倒了…東歪西倒也罷，不影響食味，但小籠包一個黏著一個…在街邊，我很難有技術地把他們分開，結果都穿了。不過，這也不打緊，因為根本就沒有湯汁…小籠包雖然無汁，但味道是不差的，吃得出餡料的豬絞肉很新鮮…第一天開業當然沒有隔夜貨可賣！（笑）我決定要試一試這裡的生煎包才寫食評！翌日，我希望避開放工的人潮，特地在下午五時左右去吃生煎包。當時店內有雜誌記者在採訪…我問收銀有沒有生煎包，他說還有一份。我心想，不是新鮮煎好的…就問想等下一次煎好的生煎包要等多久，答案是三十分鐘…當然，我還是要了那一份預先煎好的…這次我在店內立食