正宗上海生煎皇 (已結業)

炎炎夏日.7:00幾已經放咗工,本應同女友人想行去買魚糧.但見到呢個招牌幾次,雖然天氣實在太熱,都想試一試OSCAR既出品!(女友人都AGREE)望一望門口個MENU.叫左個紅油抄手10只+兩款冷盤(口水雞同蒜泥白肉)X2由於只有企位.所以我企咗近門口既位置.10分鐘後,個SET攞得4分:好似D雜誌話,D紅油由內而外.差D辣到嘴我地兩個食一個SET唔夠WOO.嚟多ROUND招牌生煎包$20 4只.4.5分肉汁唔算好多但好 JUICY.個包煎得好香脆,但就因為細個D.所以4 只唔係太多,小食啱啱好.OSCAR果然有番兩度.OK.出發買魚糧啦!

老公想試好耐架0刺, 所以今日放工我就提議黎食下...不過因為食物種類唔多, 我地唯有當係晚飯前0既小食...可能時間尚早, 入面一個人都冇...落左ORDER, 要4隻小籠包 + 4隻生煎包, TOTAL $40....堂食係冇位坐0既, 大家要企响度食...等下等下, 出面門口開始聚集左好多人0刺, D人都係外賣多...講返食物先...小籠包 - 皮略嫌厚左D, 冇乜肉0既鮮味, 呢個一般...生煎包 - 岩岩煎起, 個皮脆卜卜, 幾好味, 不過入面個肉汁就好似唔多夠味...因為聽聞老闆係特登走去學師, 令我有D期望過高... 整體上我覺得質素一般....

遲來的報告收左工見咁耐冇去過，一於再去食～～黎得正宗上海生煎皇，唔叫生煎包就笨啦內部肉汁一如以往，肉汁鮮而多，底部脆卜卜，十分香口不過大家請過一會才吃，小心燙嘴叫左個香酥餅，肉鬆配芝士，出奇地配合，好味！下次要試下其他食品先得～～

再一次去食,e然都係咁多人,我再一次等,原來你值得的,因為今次真係比我等到新鮮出爐既生煎,好好食,同埋仲有其他餃都試過,好好食,香酥餅又係好好食,我會再黎來的...支持!!!!!!

今日誤打誤撞下揾到呢間上海點心鋪頭仔，咁啱我又的起條根想食小籠包，就係咁入了呢間鋪頭仔。本想食小籠包，但櫃台姐姐sell生煎包剛出爐hau hau chi,我就叫了生煎包，後尾先知道原來佢想sell我食both。想我變大肥仔咩，no way!鋪頭細細，只得企位，我唔mind,反而很欣賞這種feel，很有上海街頭小店風範。呢頭俾完錢，呢頭就有生煎包食，果真剛剛出爐。生煎包賣相一般，不過我還是滿心期待它的味道多於一切。chap chap chap,好失望呀，塊皮不知是否overcooked 的關係，口感不是太好，不是我食開的那種柔軟得來又煙煙韌韌的那種。內裏的豬肉味道還可以，不過我嫌它不夠熱，我不消一分鐘就把四只生煎包吃完，剛剛出爐的效果不應這樣。在食嘢的途中看到貼在牆上的報導，先知道原來這店是我曾幾何時的偶像oscar開的，怪不得剛才好nice地提點我加醋的店員這麼面膳和有型，當下不禁對這小店加了不少分數。Oscar加油啊！我下次過來時一定會食暈你鋪頭的其他食物，到時再寫一個詳細的食評。

今日行開旺角去咗試試呢間出名生煎包店，因為本身自己非常起歡食生煎包、小籠包同窩貼，到門口時正寫上生煎包將出爐，咁就先買飛再行個圈再返呢，返呢後發覺多了6、7個人在等，過咗陣出爐哪，我要咗4隻生煎包喺堂食，當接過發現幾細隻，因為從小到大食嘅都係起碼有半個拳頭咁大，不過都試吓先，食落去個皮幾薄薄過窩貼個底幾脆，而個餡味道可以不太咸但係無咩汁，食第二個時加少少醋就好味Ｄ，其實食落有Ｄ似食生煎小籠包多Ｄ，可能正宗生煎包係咁皮薄哪，不過我都係喜歡食平時上海舖同街市邊較厚皮嘅生煎包，因為較有咬口同滿足感大Ｄ，不過都值得試吓

早前從雜誌知道旺角開了一間好比美上海的生煎館，感覺非常興奮，心想終於可以不用離開香港卻吃到正宗的生煎風味。畢竟旺角不是我經常出沒的地方，昨天因有要事到銀行中心一趟，哈哈，這次一定不可以錯過到訪正宗上海生煎皇的機會。下午兩時多去到，鋪頭內外也沒有人，可會因為地點始終較小食集中地例如登打士街有點遠？又可能很多港人在此復活假期雜港，因我覺得昨日的旺角比起平時的週末少人？又或者有其他原因？管他的，既然一場來到，就來一客$20四隻的生煎飽，及一個自選餡料的燒餅啦。柯打後見店內無人，就來個即場立食。其實店鋪的裝修不俗，全用上啡色調子加上少許古式的木雕，感覺帶有中國風。而且更有數張海報講解生煎飽、小籠飽及其他店內產品的來源，可見誠意，加上有Oscar也在我身後搓麵粉，印象還是不錯的！還是說回食物吧，生煎飽差不多即叫即有，職員說剛剛煎好，體積比起我在上海吃過的細，看得出面軟底脆，面頭撒有少量蔥及芝麻，(雖然個人覺得少了一點)，表面看來也算正宗。立即咬一口，噢，失望的感覺馬上湧來，我望著我先生，打了一個眼色，外皮沒有彈性，而且欠缺了其應有的甜味，豬肉的肉香也沒有，最後，生煎飽最重要的一環，肉汁，是完全欠

團購咗正宗上海生煎皇，包一客生煎包 + 一個酥餅。買咗2張。但水準唔太穩定。可能跟這店子有緣，兩次去到都唔使等。一客生煎包有4粒，比正常的細一點。酥餅裡是肉鬆生菜。老實講：第一次食，皮厚了點，煮唔透，咬落有點硬同粉，肉汁好多，新鮮熱辣，底脆脆的，o.k丫。 酥餅加生菜，不太配合，可能大廚覺得香港人出街少食菜，所以給大家一點心意吧。肉鬆咸咸甜甜味道都唔錯。第二次食，皮薄了，肉汁漏出來，差點燙到咀，比上次好味。 酥餅同樣即做，味道同樣，都唔錯！用心、有進步的店子，下次會試下其它款式。加油 Oscar~

團購咗正宗上海生煎皇，仲買咗3張。但有點後悔，因為真係唔多好食。最慘係我幾日前喺TW食咗d超有水準嘅生煎包，正宗上海生煎皇嘅生煎包就變得非常遜色。個團購係包一客生煎包 + 一個酥餅。一客生煎包有4粒，賣相對版，唔會太大粒。但食落就真係唔多對路，個皮太厚啦，又吸油喎，肯定用咗好多油去煎啦。！個餡都唔掂，唔juicy 唔單止，仲好多肥豬肉，又唔香。個酥餅都係好似食油咁，同TW嘅蔥抓餅差好遠囉。完全唔香，超oily，食咗2啖都放棄了~食咗2張coupon jar, 仲有1張，都唔知仲食唔食好~

行左去旺角試正宗上海生煎皇 , order左份生煎包, 但未出得切爐, 所以要左半份, 一向無對依d食物感興趣的我, 只附陪食心態. 一試味道係唔錯的, 喜歡個底煎得厚脆, 但最好都係個醋, 要食就一定要加埋食. 最少$20/4pcs, 我要得一半.

放學太肚餓, 出旺角買野,順便搵食醫肚！餓就當然要食飽,一個香酥餅,快而飽！18蚊一個,兩種料！（貴左少少..）今次試左芝士配雞蛋！香酥餅好香又趣卜卜...美味！！等香酥餅期間,生煎包新鮮出爐,但得自己一個食唔到咁多, 好想試,唯有等下次...

沒有看清楚地址就出了旺角, 搵咗差不多半個鐘, 原來在旺角尾太子頭, 剛剛下午茶時段, 沒有太多人排隊, 叫了一客四粒的生煎包, 加多一枝豆漿, 煎得底好脆, 但感到底部的粉過厚, 基本上可以減半, 可能更好味, 包內也有適當份量的肉汁, 肉質也軟軟, 可惜不夠熱, 可能是煎起太耐, 豆漿豆味一般, 下次要等一等, 要買剛煎起的.

這間「正宗上海生煎皇」，開業初期人流暢旺，生意滔滔，想不到熱潮冷卻之後，要在這小小的店子裡找個空位堂食竟然毫無難度。話說這夜在附近的「民華」吃了一頓一肚氣的晚餐後，想起這間「正宗上海生煎皇」就在不遠，於是過來打算叫一客招牌「生煎包」嚐嚐，化憤怒為食量，一消怒氣。可惜來得不是時候，要等15分鐘生煎包才出爐。因為不想等待，所以退而求其次，叫了一客四隻的「上海小籠包」再祭五臟廟。這店是十分細小的，但店內卻有不少人，除了老闆前歌手奧斯卡親力親為送來「小籠包」外，店內還有一位妙齡少女坐在店前的櫃面收錢落單，一位中年女包點師傅在包包子餡和兩個青年男子在等生煎包出爐待客。這裡的裝修陳設也偏簡單，最吸引人目光的就只是牆上掛著的三幅有關上海包點的掛畫。在店內站著等不多久，一客四隻的「小籠包」已然送上。這小籠包質素一般，包皮算不得薄，肉餡鮮味也未算濃，而且湯汁也不多。此外，這裡蘸小籠包吃的醋也沒有薑絲奉上，也使人感覺不夠正宗。下次到來的話，還是試試招牌上海生煎包和其他食品好了。

只是進駐旺角不到半年的"上海生煎皇",其主理人的背景,大家也應該知道,所以無須再說太多.或者是帶點演藝界背景,一直以來也是區內其中一間人氣小店.上一次與火兄等人,在龍鳳廚坊晚飯過後,便來到此一帶掃街,來到上海生煎皇,我便"割禾青".這天在太子有點事辦,便來一試由歌手Oscar主理的生煎包.剛好預上新鮮出爐的生煎包,來得正合時,生煎包四個賣$20,平日的黃昏,等候者不多,不用兩分鐘我的生煎包便奉上.包身不大厚,底部煎得香脆,包面上的芝麻,粒粒脆而香.一咬之下,熱燙的肉汁在口內爆發,味道香甜,豬肉餡有濃濃的肉香,水準實在不錯,值得一吃.除了店主之外,連打扮入時的女店員也很面善,好像是年前曾與裕美合唱過的范xx,我不敢肯定.論條件也可在演藝界立足的他,洗盡鉛華來弄生煎包,外人眼看可能會比較負面,香港人大多勢利嘛,但人各有志,或者這是他喜愛的生活方式呢..

同朋友食完野行佐一陣甘岩經過呢到忍唔住試下佢個生煎飽$20 4個ok啦，唔算平講返個包都夠熱都多汁但係唔係最正宗呢我唔敢講但佢唔係我食過既甘好食可能佢煎得個底無人地甘香