正宗上海生煎皇 (已結業)

月頭開張既新舖, 由前藝人主理, 主打正宗上海小食, 生煎, 小籠包.落order要睇時間, 有時候時間唔啱, 分分鐘要等好耐, 好似今次就要等30mins......係附近兜個圈返黎, 一底生煎啱啱整好, 一客有四件~賣相跟上海既差唔多, 不過蔥同芝麻就較上海既少, 眼見當地既師傅大把大把咁落, 呢度就比較含蓄~皮煎得脆口, 厚薄亦都適中, 不錯至於味道, 都跟上海差唔多, 但湯汁就唔太夠上海既生煎, 每一粒都有近一匙羹既汁, 不過呢度就得少少, 要加以改進~總體成個包就係爭左係D汁度, 其餘既都幾好~