正九清湯腩 (常安樓)

營業中

休息中

呢晚喺油麻地，要買外賣番屋企開餐，經過呢度，見到係食清湯腩，咁我咁鍾意食牛腩😆，又未食過呢間小店，又見到似乎幾啱口胃，咁都唔使諗啦，一於決定入去買嚟開餐😆叫咗 $74嘅「清湯牛三寶撈伊麵」，$51嘅「口水雞」同埋 $41嘅「淨菜肉雲吞」😋-「清湯牛三寶撈伊麵」：牛腩、牛筋、牛肚都好好牛味🐂，特別係牛腩， 炆煮得好腍😋；伊麵 已經好耐冇食，有少少彈牙兼煙韌，好味😋-「口水雞」：味道濃郁，唔算好辣，食落非常開胃😋-「淨菜肉雲吞」：豬肉肥瘦適中，撈埋蔬菜整雲吞，簡單得嚟幾鮮味幾好食😋仲有，份量都幾多，街坊價錢，抵食🤩

之前去過正九清湯腩觀塘店食過，啲牛腩係幾好味，經過油麻地見佢開左分店，一於再支持下，但都食唔到我想試下既罕有美食。咖哩牛腩飯牛腩好腍，咖喱好香唔太辣，餸飯一流。牛腩份量都幾多，有成十舊八舊。👍👍個飯仲跟左碗湯，幾清甜。口水雞🐔同麻辣白肉🐷雞肉嫩滑，白肉就半肥瘦，兩個汁都有少少辣但好香口。我想試既係牛肉羹，出面粉麵店好少見到有得叫。師傅用傳統做法，牛肉用牛頸脊和大腿內側做，呢兩個部位既牛比較少，所以呢個羹係限量。今次黎都賣唒😭，下次要早啲黎。

位於油麻地的清湯腩店，觀塘有家總店的，專門吃清湯牛腩、特色牛肉羹、崩沙腩粉麵等，還有飯類。餐廳鄰近地鐵站，燈光光猛，環境簡潔，蠻容易找到的。淨食：淨菜肉雲吞每粒菜肉雲吞都是脹鼓鼓的，薄薄的雲吞皮包裹著菜肉餡料，菜肉份量平均，入面的菜餡是菜粒，爽口感高。湯粉：清湯牛三寶米粉（牛腩／牛筋／牛肚）牛的份量多。牛腩炆得軟腍且入味，有肥有瘦，牛筋大顆，每顆都富有韌勁又爽口。牛肚彈牙韌口。整體口感豐富，湯底帶牛香，牛肉味濃郁，米粉都把湯汁精華吸收了。湯粉：紫菜三寶丸上海麵（墨丸／魚蛋／牛丸）原本是牛丸，墨丸及白魚蛋，不過轉了兩款魚丸，墨丸及白魚蛋，紫菜味道最突出，湯都變成紫菜湯。上海麵條很幼細。

天氣忽然凍，來一碗熱騰騰的清湯腩就好perfect!在油麻地文明里見到正九清湯腩，外賣2麵1小食回到家還是暖笠笠的。.清湯腩碗河粉是最佳拍擋，牛腩煮的腍身又入味，又可以選擇肥瘦，牛肉味香濃，是傳統的好滋味！湯底清清地又甘香，好滿足。.正香牛𦟌擔擔麵很很不錯，牛𦟌筋肉平均，有口感，加入擔擔麵的醬汁/配料更滋味呢。.二個人share一份醉雞剛剛好，雞肉夠醉，入味又嫩滑，如果喜歡也可以把醉雞汁飲完，滋潤又暖身呢！

🔸正九清湯腩🔸📍油麻地文明里11-13號常安樓地下1號舖今日經過油麻地嗰陣 好想食正宗嘅魚蛋 就比呢間吸引咗入去 呢間嘅店舖人流好旺 就算而家疫情 禁咗晚市堂食 仍然見到好多人買外賣！呢度主打清湯腩 亦都有河粉麵、魚蛋、小食等選擇食物即叫即出 唔使等太耐 價錢亦唔貴 選擇種類非常繁多！我叫咗個淨魚蛋 加$6可以叫兩粒牛丸魚蛋好爽口彈牙 白雪雪但係大大粒 魚蛋好有魚肉味 一睇就知新鮮 魚片好厚 一啲都唔吝嗇 牛丸都好入味 實淨硬身 食落去味道真係唔錯🙈再叫多咗個腐乳通菜 通菜好入味 爽口淋身 腐乳同通菜好夾 $19真係好抵食！

牛腩飯一直都係我其中一樣最愛因為係我嘅童年回憶成日同屋企人去屋企附近嘅大排檔食不過而家出咗嚟社會做嘢都好少去咁岩經過油麻地買完生果見到呢一間正九清湯腩間鋪同一隻食開嘅牛腩麵檔好唔同好似一間新式茶餐廳見到價錢又唔係好貴又幾多人就去試吓食咗佢哋嘅牛三寶飯有牛筋牛肚同牛腩牛筋有3條好滑好有骨膠原而牛肚亦都好乾淨彈牙得黎，幾好味主角牛腩因為都注重返健康叫咗佢俾啲瘦啲嘅我幾好夠瘦無咩根，牛味chung清湯都真係幾清蘿蔔好甜索埋d 湯正！開茶餐廳當然要試埋嗰啲奶茶咖啡咁就要杯凍鴛鴦一次過試晒佢茶底夠濃而且亦都飲得出咖啡嘅香味唔錯奶夠香滑正！

最近相約姊妹共聚，我和姊妹經過油麻地文明里，她帶我去「正九清湯腩」，食店人流很旺，被它的食物所吸引，現在晚巿禁堂食，打算進入外賣覓食。店中環境舒適，乾淨整潔，氣氛輕鬆，空間感很好，感覺舒服開揚。餐牌上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。我選擇了4款食物，包括有口水雞，凈菜肉雲吞，炸排骨及炸魚皮，外賣回家慢慢食。口水雞口水雞份量十足，鮮嫩有彈性，脂肪很少，食落不會太過油膩，十分香滑，香氣四溢，味道可口。凈菜肉雲吞凈菜肉雲吞份量多，賣相相當吸引，肉質鮮嫰爽滑，紮實彈牙，多吃都不妨，滿載的味道清新，別有一番風味。炸排骨單單看樣子已經令人唾涎，炸排骨口感非常香脆，彈牙有咬口，肉質鮮嫰爽滑，入口美味，剛好恰到好處，齒頰留香，饞嘴的我很想Encore。炸魚皮炸魚皮咬落脆卜卜，一口咬下去，香脆有彈性，非常爽口，口感層次豐富，細膩美味，讓人一試難忘。正九清湯腩（油麻地）地址：油麻地文明里11-13號常安樓地下1號舖

疫情下晚晚煮, 煮到頭都大埋. 今晚都係買外賣算, 諗起附近開左間幾大間既清湯腩, 裝修新淨光猛好似唔錯!清湯牛腩飯 $58好耐冇食清湯腩啦! 加$6就可以轉崩沙腩, 梗係轉啦!  一打開比湯浸住唔覺眼, 一不落去, 份量估唔到咁多, 好多舊呀崩沙腩有軟筋膜口感爽脆,  肉軟腍,有肉香 口感煙煙韌韌, 清湯香甜唔油膩, 正!  仲有白蘿蔔都係好野, 冇渣又甜。 醉雞飯 $53醉雞加$5就可以轉脾, 皮香肉滑就最夾花雕, 酒香突出, 入味之餘又有雞味, 好食。另外加碟油菜 $19, 都唔馬虎, 加左D腩汁又好味D。碗崩沙腩又多又高質, 覺得好抵~ 醉雞都好食, 150蚊有找, 快靚正好似好過自己煮~~

疫情愈來愈嚴峻，每天數以萬計香港人染疫，簡直失控，在這日日新高，人人自危的境況下，當然是少去堂食，多買外賣為妙。就像這一天，我外出回家，路過這間正店在觀塘首先開業，現時在油麻地開了分店的「正九清湯腩」，見店外宣傳海報上寫著的「正九牛肉羹」看來相當吸引，便決定外賣一個「正九牛肉羹」（$48/大，外賣+$2），再加一份「淨菜肉雲吞」（$39，外賣+$2）回家做午餐。看店舖介紹，這兒的招牌特色「正九牛肉羹」原來是福建晉江當地常見的菜式，用的是牛頸脊和大腿內側的部位，先把牛肉剁成蓉，再把蕃薯粉和鹽加到牛肉裡，一邊搓一邊加水，沒有添加味精或硼沙，功夫著實不少，所以每天只會限量供應。這「正九牛肉羹」份量不少，一條條大小不一，約如大拇指般大小的牛肉條，一看便知是人手搓成，肉質軟腍得來又有足夠的彈性，全部浸泡在比雲吞湯濃稠一點的牛腩茨汁調成的湯羹中，吃時把牛肉條以牙籤拮著放到店舖另行送上的陳醋裡，味道更好。除了多達二十餘條的牛肉條外，這牛肉羹內還有兩大塊蘿蔔、大量薑絲和蔥花，讓這牛肉羹的材料更加豐富。「淨菜肉雲吞」也不差，大大粒的菜肉雲吞，足有七八粒之多，全都飽滿鼓脹，不但餡料豐富，肉多菜多，而且味道

睇住開幕終於lunch試吓，都有d期望，唉⋯試完之後覺得好普通⋯先談奶茶，嘴啖奶茶味，天呀！個杯有一陣消毒味溝熱奶茶，真心有d似中毒，麵和牛肚、湯底、同一間普通雲吞店差唔多，無乜特別⋯渴底好清似雲吞湯底、牛肚就係牛肚、麵質一般，所以就係麻麻，自己又中伏，切勿再相信門面牌說咩牛腩專家店鋪。$48元不算平，又沒有令口感深刻yum yum 。

清湯腩在巿面上有好多地方都可以吃到，但要煮得夠好食又平宜，又不是周圍可以找到。看似很普通的一間粉麵店，賣相也沒太大驚喜，沒想到食物也有保證，確實有點意外。******************************粉麵店在香港的街上，很容易找到。就像力班之後下班，路過地鐵站入口，就遇上正九清湯腩粉麵店。正九清湯腩店舖光線充足，因為晚巿禁堂食，只做外賣，確實合適像我，加班完工，想快點吃個晚飯的都巿人。正九清湯腩主要賣牛類美食，包括牛腩、牛筋、牛肚、牛展，再配上清湯、咖喱麵或飯。除了牛類食物，還有丸類和雲吞等。麵類可以湯麵或撈麵底，還有擔擔麵或上海麵口味。不選粉麵也可以選擇淨食主食，其實選擇都不少。飲品都以一般餐茶飲品為主，無論食物或飲品都是大眾化收費，要注意外賣每款食物都要再加收HKD2外賣盒錢。紅油抄手 HKD22，一份紅油抄手都不少，細細隻一口剛剛好，紅油又不會太辣，幾合適香港人口味，想食辣又不能太辣的味道。五香牛展擔擔麵 HKD52，外賣是把湯和麵分開放，全部用上紙盒質地盒，回家只要翻熱湯，放入麵中剛剛好。沒想到擔擔麵吃上口有少少花生醬香味，選上少辣，又確實不會很辣，又有辣的味道，

油麻地呢間清湯腩成日都幫襯，外賣就未食過，今日放工經過睇下外賣仲好唔好食😋.🍴清湯牛筋撈伊麵$64佢叫既清湯腩牛腩牛筋係必點既，單拼平啲所以食單拼😆牛筋近乎入口即溶的口感，真係唔係間間都食到，叫撈麵貴少少，但份量多好多。.🍴排骨擔擔麵$47呢間牛腩鋪幾得意，有賣小海麵同擔擔麵，擔擔麵既麻醬係底，蔥油係麵，返到黎倒返個湯落去就👍🏻排骨係重點，炸到脆卜卜唔過火。.🍴淨墨魚丸$36 淨食6大粒都係$36，彈牙又爽口，仲食到粒粒墨魚粒。.外賣無另收盒錢，仲會自動分埋湯，唔會淋晒好有誠意既小店❤️

這天外勤到了油麻地一帶工作，疫情嚴峻，晚巿繼續禁堂食，加上近排菜價飈升，心情也不太好，所以，例不如買外賣算了吧。就在地鐵口附近，看見這一家「正九清湯腩 」，想想好像也很久沒吃過牛腩了，就來一晚牛腩晚餐。 如大多數得麵店，內裡燈光火猛，地方整潔乾淨，似是新店模樣。由於晚市沒有堂食，可見桌椅都擺出外賣的陣勢。正如店名，主打就是清湯腩，當然，還有很多選擇，如一般麵店的牛丸、魚蛋、墨丸，此外，更提供多款飯品，如炸雞翼、炸排骨、口水雞……等等，配飲品又有優惠。而店員亦很有禮貌，外賣盒一層疊好又一層，更叮囑小心拿起，就算如此「疫」境，予人感覺都充滿正能量。既然清湯腩是主角，當然要會一會，來一客「清湯牛三寶飯」（$68），包括了牛腩、牛筋、牛肚，餸料及飯量也非常之多，還加了蘿蔔，因為只需額外加$6而已。牛腩既鬆化，又有肉香，炆得十分入味，牛筋入口有韌勁，卻是軟軟滑滑的，很好吃，而牛肚柔韌有咬口，果然有質素。 另一道點了「醉雞飯」（$53），同樣又是份量十足，打開盒蓋已嗅到一股酒香，而雞肉處理得肉質非常嫩滑，雞皮帶有爽口感，皮下脂肪卻很少，從中滲出淡淡的酒香，很美味。飲品有加配優惠，故就要了熱奶茶（+

餐廳位置幾方便，喺油麻地地鐵站一出已經係，買完即刻返屋企，快靚正除咗一般清湯腩，牛腩，牛丸，魚蛋等等嘅湯麵撈麵之外，餐廳仲有飯，同一啲小食可以選擇，例如醉雞同炸排骨簡簡單單，我叫咗個清湯牛三寶撈麵😋😋+ 蘿蔔等候時間唔算耐， 5分鐘左右打開個盒，都好靚仔㗎😎😎牛三寶，係包括左牛腩，牛筋同埋牛肚呢三樣嘢都算好大路～啱晒我😁😁牛三寶非常入味！份量都唔少，夠晒滿足！尤其是係牛腩，牛肉香濃嘅味道，簡直係大爆發😁😁至於牛筋，就非常膠！直頭漿住個口♥️♥️配埋彈牙嘅麵，依個晚餐認真唔錯👍🏼👍🏼

今次食咗正九清湯腩既清湯牛腩飯，見到可以升級崩沙腩，梗係唔會錯過啦。崩沙腩係牛牛最後煙韌同最有口感既，對於牛魔王既我同鐘意食牛既你，當然係不二之選。👍🏻（只需要加6蚊，就可以食到，當然要試下啦）果然無失望，就算係外賣返屋企食，崩沙腩依然牛味香濃，咬口煙韌，肉質配合少少脂肪，一啖接一啖食唔停口，清湯牛腩飯（崩沙腩）入面仲配有爽口入味既蘿蔔，成份晚餐，滿足極了唷！Ps。蘿蔔控再叫多左一份蘿蔔小食 😍另外，朋友仔食咗醉雞飯（無錯，梗係有加5蚊轉雞髀啦）， 一打開外賣盒，不得了啊，雞髀光滑肉嫩口感十足 （男仔食可以試下免斬），啖啖酒味加上香蔥既點綴，唔係叫住佢要影相先，應該好快比佢食哂。😂