歡樂海鮮酒家

營業中

休息中

本人連同3位好友,山長水遠入到去,報紙雜誌經常報導此處,有位年青的廚神, 煮菜一流gel酒家食晚飯, 加上'大名令人太有期望. 最終係失望"此店食物尚可接受, 但呢度的侍應服務其差, 叫唔該佢望住你照行,一副你吹咩係唔理你呀!(gel樣......) 剩係猛係度講食神係度呀....食咩啦!食咩啦!.....我嚟食野咋,煩唔煩呀你?以後都唔好信哂d報紙雜誌報導 (少年廚神..........算啦!!)- 黃金蝦~(蝦肉確實大大舊, 可惜蛋黃多係多,但無咩味道) $328 (6 隻) - 龍蝦+麵底~(ok啦!但唔係報紙雜誌報導咁好味囉!) $825 - 食神炒飯~(不油不膩, 料尚算多) $88- 蒜子抄菜~(一般家庭小菜) $58 - 聖子~(一般大排檔的菜式, 沒有太大的分別,但夠在乾身味濃) $110- 炸生蠔~(要本地蠔係無gel ,最後佢地推薦美國蠔,無咩味道之餘,仲要4隻都唔同 Size先搞笑) $100 (4隻)- 啤酒~(1支細黑啤 / 1支大啤 ) $50- 汽水~(2 支) $20 埋單成為$1780最後.... 好貴!早知

山長水又遠咁o黎到呢度食海鮮一家大細海鮮餐!!! gogogo呢間店o既規模好大啊~ 主店坐滿客之後會"車"你去另外d鋪位食海鮮啊~堅!!!不過當你去到d鋪位仔食飯o既時候, 佢地係完全唔夠staff所以好多野都係要等等等, 同自己動身做lee樣真係有待改善 白灼蜆類, cool!!! 好鮮味wor出奇地, d肉亦好肥美, 奈何就多左d黑色應該係蜆d排泄物 lee度要扣d分, 不過粒粒都冇沙, 抵讚!!! 只係點少少辣椒鼓油已經足夠, yummy!串串蠔真係好好味, 連我lee個唔鍾意食蠔o既人都成隻食哂, 當然因為佢首先係熟啦~ 而且佢o既味道好濃郁又有蠔o既鮮味, wow.................唔錯!!! 不過隻隻size參差, 要同屋企人爭o黎食, 哈哈........超級細隻o既乳鴿, 味道只屬一般, ,而且肉好少, 太瘦啦~~~不過突然想食就無計啦~~~ 但味道唔錯o既~芝士龍蝦麵底...lee個真係打個突~~~因為出奇地貴, 食左成千蚊就o向度啦~~~ 唔明白, 完全唔明白龍蝦可以貴成咁 >.< 以後唔食!!! 因為都無乜特別之處, 而且太啖啖肉唔

今日同老公仔駕車走入流浮山一趟,為了嘗試最近人氣熱爆的神童㕑神的海鮮餐,我們準時去到歡樂酒家,在門口已見到大㕑B哥在門口,而酒家的門外亦貼上很多招牌相,一定是這間酒家.但心想為何B哥為何不是在㕑房內?可能時間尚早,未開市啦!不過都已經6:00,都可入內準備點菜先,當入到酒家,如來已有幾枱人用膳,枱與枱之間不算太擠迫,環境都算清潔,不像別的酒家,地面會很油,容易滑倒.我們兩個人點了五味餸,包括1) 蒸超大元貝 (每隻$78) - 用蒜蓉粉絲蒸,好厚肉,很鮮.(2) 龍蝦+麵底 (龍瑕每兩$24) - 本地龍蝦,有9兩,此碟餸最貴,要$456,用了㕑神出名的煮法,但味道一般,麵底油太多,龍蝦炒起很少.(3) 油鹽奄仔蟹 (每隻$88) - 用鹽油煮,以前在西貢都吃過,但這裏好食d,蟹不算很大,但膏鮮味很多.(4) 蝦醬炒通菜 (每碟$56) - 差! 蝦膏不夠香,通菜很淋.(5) 蜜汁煎蠔 (每碟$72) - 好味,蠔好乾身,沒有醒味.等了一會兒,開始有餸到,首先就品嘗"蜜汁煎蠔",然後再吃"蒸超大元貝","龍蝦+麵底"及"蝦醬炒通菜",但"油鹽奄仔蟹"等了很久都未到,我們已催了幾

蜜汁燒山蠔: 帶甜, 帶濃陳皮蒸鮑魚: 大隻, 夠林粉絲蒸扇貝: 夠粉, 入味另外:腐乳生菜花之片我覺得略貴...一個午膳, 每人$250....想吃炸子雞..佢話無雞...只得海鮮...我地仲要坐出面...

一行5人, 食左以下7味, 埋單HK$1880, 排名分先後, 最高10分:上湯龍虾--- 9分超好味, 最難得係足秤, 睇下d相就知啦, 2斤半都有甘多, 啖啖肉, 津津有味, 雖然價錢好貴($22/兩), 物有所值嘅, 肉爽入味, 上品, 上品. 扣左1分因為汁如果送面就咸左d, anyway, 是必食的一味.奄仔蟹--- 8分88隻, 好多羔, 油鹽焗做法, 恰到好處, 能提味, 不會搶味, 不錯, 不錯, 美中不足的是上菜不夠熱(其他菜亦有此問題).食神炒飯--- 8分賣相精心(指蟹子的點綴), 結構分明(指每粒飯都炒得干身, 而且入味, 功力十足.)但係, 料略嫌不足, 只是幾粒虾及零星的菇粒, 要改進.酥炸生蠔--- 6分過口即忘, 不知是否本地蠔的蠔味不夠濃, 與常食的美國桶蠔比較, 蠔味不夠濃郁.辣酒煮花螺--- 5分酒有苦味 …瀨尿虾--- 5分本原想要椒鹽的, 上枱時變了 "麻香", 心已涼了, 吃完只覺, 沒有特色.炒蟶子--- 4 分上枱奇快, 心知不妙, 充分演繹 "冷靜與熱情之間" (即半冷半暖), 真箇 "食之無味, 棄之可惜".總評:1. 可專攻"招

從粉嶺開車到流浮山原來很方便。一家四口大約在下午一時到達歡樂，樓下開始時只有我們和另一枱，二樓就做團。我們叫了一個$480的二人套餐1. 蒜蓉蒸開邊龍蝦2. 果皮蒸大連鮑魚3. 油鹽焗奄仔蟹4. 豉椒炒聖子5. 蒜子上湯浸菜遠再加了6. 椒鹽賴尿蝦7. 食神炒飯所有食物，我們都非常滿意，大女還用佢部相機一路影一路食！太太最滿意之選：蒜蓉蒸開邊龍蝦，多肉，夠爽！大女最滿意之選：食神炒飯，自己都炒唔到咁好味。細女最滿意之選：果皮蒸大連鮑魚，好滑呀，重有無呀！自己最滿意之選：食神炒飯，夠料，夠乾身。

年三十公司春茗去左流浮山歡樂海鮮酒家食海鮮餐.好在有個老友做海鮮炸.今次呢餐如果唔識人買海鮮起碼要6.7千蚊呀.而家比一半錢就食到了.正.先黎一隻 ( 象拔蚌剌身 ) 好鮮味.好食不過就切得厚.如果切溥啲更好.再黎超大諜 ( 上湯龍蝦伊麵 .) 隻龍蝦起碼有4斤.淡淡肉.伊麵底級哂啲龍蝦上湯.超滿足.第三道係 ( 麻皇懶尿蝦 )老板推界.懶尿蝦炸得卜卜脆可以連蝦腳都食埋.味很香殼很易剝.好多肉多汁正.第四道唔係清蒸鮑鱼仔.係( 清蒸大鮑鱼 )隻隻都成個烟盒咁大.比出面酒樓果啲鮑鱼仔大一半.用刀差來食好有FEEL.第五道( 酥炸生蠔 ) 唔洗講野機芙枱怡都有一諜.生蠔炸得超鬆化入口即容.又不會好油.正第六道係.( 清蒸東星班 ) .應該有三斤半鱼肉好滑好有班時間蒸得光光好.不過吃唔哂......第七道豉 ( 豉椒炒聖子皇 ).隻隻長過手板架拆哂啲肉响面唔洗四圍巢的肉.不過真係好多肉又厚.豉椒炒得好有火氣.好入味.正正最後黎一個八人用傳說中的 ( 食神炒飯 )...好好味呀!!!!!!食神上身了...我可以講你在出面一唔可能食得到呢一種炒飯.有一種講同寫唔出的味道正.正.正各師兄師姐

朋友生日要食SEAFOOD,我最LIKE...1. 瀨尿蝦兩味 -一款椒鹽,一款係佢地O既特式,唔知咩麻香咁上下,不過個人都係認為椒鹽好食D,不過都係要鬧,我覺得佢地比D唔係好靚O既我地,因為D肉比較少,都唔FULL,不過我冇出聲,費是D FRIEND話我奄尖...2. 蝴蝶蜆 - 呢個好正,勁甜,,highly recommended.3. 鮑魚 - 呢個係我死敵,食餐都胃痛,所以我冇食,不過都幾大隻,68蚊一隻4. 油杉班 - WAITER介紹,HKD 500,有斤幾,唔貴,有驚喜,好滑,正5. 辣酒花螺, - 好後尾先黎,個個都飽飽,我都係鐘意食清烚多D6. 食神炒飯 - 唔錯啦,都OK 既7. 其他 - 菜呀,肉呀,普普通通..有朋友包底,所以唔知幾錢,當然比起西貢一定會平D,起碼唔使每碟SEAFOOD ON TOP幾十蚊油料錢,又唔使加一,不過好似西貢好食D

契囡囡第一次旅行, 學校揀咗e間海鮮酒家. 跟團都預咗d野食會麻麻地架la, so冇咩期望.估唔到有鮑魚食喎, 味道都ok. 最搞笑係last有碟遠睇似炒聖子,就連d汁既味都似, 但原來係炒"茄"子最好味都係d橙, 好甜, 囡囡都食咗3片

哥哥快要返澳洲，今日我哋一行十人嚟呢度 farewell 佢。雖然呢度唔多就腳，環境又一般，但勝在海鮮靚，煮得又唔錯，Service都幾好，所以揀呢度。炒班球 - 班球是黄皮老虎班，魚皮爽口彈牙，肉質爽爽哋又唔韌，十分好味炆班頭腩 - 我哋好鐘意食呢度嘅大班兩味，尤其是班頭腩 ，做得很出色，炸得班腩脆脆哋，再燴番個汁，正！班腩也有很多肉。今次水準比以前差咗D，有部份班腩唔夠脆，但味道也不錯。上湯龍蝦 - 很大碟喎，龍蝦很爽口，雖然龍蝦味淡咗D，但有鮮味，有炒麵喺底，炒麵很脆，加上龍蝦上湯，好好味呀蒸鮑魚 - 幾大隻喎，口感唔錯，又唔韌，不錯。蒜蓉粉絲蒸聖子皇 - 聖子皇好鮮甜又爽口，粉絲就一般啦海鮮湯 - 唔知有咩嘢料，但好鮮甜，好味道。油鹽焗奄仔蟹 - 奄仔蟹喺我的最愛，以往每次都好正，今次D膏就少咗D，又唔夠香，好失望呀，雖然唔太差，但同以前有差別。炸子鳼 - 有雞味，外脆內滑，食落口咸咸香香咁，味道很好。炒菜 - 菜心又腍又甜，味道不錯。食神炒飯 - 炒得夠乾身，好味道，飽都要食番碗。最後仲有果盤, 埋單$3999，價錢都OK。

昨晚朋友來到我家,家住天水圍附近, 朋友來到食晚飯又不想去元朗就走入去流浮山食海鮮, 入去當然是試下廚神有幾好, 3人行食了一個清蒸花甲味道清甜(佢賣點係冇沙泥)真係好好味, 辣酒花螺味道香螺夠大, 煱酒有辣而不搶 但螺未夠入味, 麻香瀨尿蝦芝麻在殼面, 蝦是冇味, 味在殼面, 清蒸膏蟹原汁原味, 食完以上都已經10:25分PM, 覺得未夠再叫侍應來個廚神炒飯, 點知原來他們剛收爐, 但班侍應沒有告知我們LAST ORDER, 但最後他們都做給我, 出來就是一個加了蟹子,魷魚, 牛肉, 菜粒頭炒旱身的飯, 我們的蟹子比其他食客少, 可能我們是最後, 所以要快.

下午不知搞什麼, 網又上唔到, 嘢又做唔到, 唯有暫時放下, 無聊之際…收到老公來電, 今晚入白泥看日落兼慶祝!海鮮餐廳…就近歡樂吧, 人不多, 原本想叫金蠔, 可惜只在冬天供應, 又不想食瀨尿蝦/龍蝦, 女伙計叫我們出門口看看魚缸吧, 佢介紹了黑瓜子, $18/兩, 另一條是三刀, $48/兩, 前者平宜一點, 但後者卻是渴望品嚐已久的海魚, 正當我們猶疑之際, 佢話野生嫁, 仲話免收加一, 於是就扑鎚了! 灼菜心, $48, 上次在附近酒家試過非常爽甜, 這裡的菜心也有菜味, 但略硬了一點點!清蒸三刀, 十二兩, 魚肉滑, 魚味不及鰣魚的濃, 但魚油重, 蒸魚豉油鮮甜, 不鹹, 不懂得是否真的野生海魚, 但論品質, 卻也是值此價!除以上兩道餸外, 其他…如白飯較硬, 前菜有酸蘿蔔及花生, 西瓜及橙則較普通!

第三次食, 今次係提早慶祝父親節飯一行共9 個大人兩個BB 去..食咗:辣酒煮花螺: 味道唔錯, d 螺都甜, 但好似細隻咗小小豉椒炒聖子: 我的至愛, 炒得幾好味又大碟, 佢地將d 肉起出來洗到好乾淨二十斤重的龍躉炒兩味: 正正正...條龍躉好大, d 皮勁厚....肉質好正....炸生蠔: 手掌咁大隻的蠔, 用生菜包住食...其實隻蠔好好味, 不過太大隻, 加上係炸, 有點漏雞: 麻麻地, 唔太好食糖"好" : 個菜反而幾好味炒飯: 個人覺得硬咗小小同埋油得滯仲有一味海鮮不過唔記得咗了....總括, quite good....呢度食海鮮點都抵過西貢, 同布袋澳比就各有各好啦埋單$2,200 唔貴

團餐係度食海鮮晚餐。海鮮湯有 d 腥。冬菇扒時菜 and 油菜都抄得好爽。中式豬扒有驚喜！鮑魚 un 左少少同唔夠洗得乾淨。白灼蝦無鮮味。Steamed fish is ok。豉油雞 = 冰鮮雞差劣版，隔離檯仲唔熟透添，蔥油仲有死蚊....飯係用保溫箱裝，好似唔太衛生咁...A waiter spilled soy sauce on my white t-shirt in a hurry.......I guess he could react better by giving me wet napkins to clean up instead of me asking for it...Anyways, he came back to apologise.P.S. Don't use the portable toilets at the backyard....its really disgusting...use the one in the restaurant.

四個水魚的經歷。這酒家獲得五個劣的原因絕對不是因為海鮮的價錢貴，最重要是味道差、品質劣；放上檯的食物無論其煮法是豉椒、麻辣或者蒜蓉，都只有咸味，完全吃不到海鮮應有的鮮味；幾百蚊條海斑沒有魚味而且肉質口感很差，同一時間聽見鄰臺的客人也在控訴著海斑是“養”魚，可想而知這間酒家的食物品質是一致的……劣。最驚嚇的是條魚不是太熟，侍應竟然提議拿進廚房再蒸一會，其專業程度可見一斑! 我們拒絕他的提議後，他又建議我們先吃了熟的部份，然後再將未熟的部份拿回廚房煮熟，大家當時只有你眼望我眼，不發一言。至於侍應極力推薦的鎮店之寶 ，除賣相花了點心思外，味道連茶餐廳也不如，沒有鑊氣又沒有味道，好像是把所有材料撈勻便上碟。4個人用了千多元吃了一肚火，唯有即刻埋單去吃別處食番碗糖水潤一潤。