歡喜燒 (已結業)

雖然疫市在家變廚神，但有啲嘢我屋企整唔到，係串燒呀！朋友約食飯，即刻提出食串燒！🍢🍢佢上網搵到呢間無火串燒放題「歡喜燒」，聽到「放題」即時心動💓因平時去串燒店每串由十幾至幾十蚊不等，埋單都幾貴架！今次放題就唔洗就住就住嘞～～🤘🏻🥳仲做緊優惠，送多一小時，即係三小時任食～仲有仲有送原條燒茄子🍆及海鮮拼盤🤩熱辣辣～好香蒜蓉味😋串燒款式都唔小，有三十幾款🤩各式豬牛雞、翼、丸、腸、菠蘿、鴨胸、粟米、菇、秋葵等燒賣，試吓有無氣炸鍋感覺😆蒜蓉包、棉花糖！燒嘢食款式喎😝職員會教你點放，仲有三款醬料比大家選擇！雖然無火但都會feel到塊面㷫😅職員介紹完三隻醬我已經唔係太記得邊隻打邊隻，淨係記得三隻都好食囉🤣🤣襯咩食物都得，都係好夾！串燒自轉中，我又出去轉個圈～有甜品、生果、飲品無限供應～出面有啲熟食自己拎～味道不錯👍🏻但我主力係串燒😆另外有紙可落order, 即叫即整！店員推介蝦春卷！真係好食喎！😋👍🏻食左三轉，開始飽，有位店員走埋嚟收拾嘅時候好親切咁問我需唔需要水或茶，合我心意！我老人家好鍾意飲茶😆😍再食兩件cake仔～外表平平，但好食！甜度適中！🌟🌟🌟🌟🌟🌟🌟🌟🌟🌟🌟🌟🌟🌟😋整體食物質素、味道，好

朋友帶我嚟到駱駝漆 食自助嘅自轉串燒 傾下偈吹下水 邊講邊食又唔錯喎🤗🤗價錢二百零蚊 ，平日仲可以 食足三個鐘 👍👍老闆好細心 菜類清清地解油膩，咁又可以再食過 🤣🤣串燒除咗腸類丸類之外 有牛仔粒 、豬腩肉 都係值得推介嘅 材料沒有醃過 食到原汁原味 👍👍仲有孜然粉可以自行加添 ，個蒜香辣粉都好正㗎，不妨一試！醬汁方面我就比較鍾意 泰式醬汁，辣辣辣地好開胃 😬😬熟食都唔錯，春捲特別正，鮮蝦春捲細細條，熱辣辣好鬆脆呀 🤭🤭啲蝦仲好彈牙添 食食下店員拎咗兩碟蒸海鮮同茄仔過嚟，兩樣都好正呀🤩🤩蒜蓉粉絲蒸扇貝、青口 鮮甜 👍好新鮮 👍蒜香茄子超巨型 ，真係好有心思，而且服務非常之好 ，感覺很親切 值得回頭的一間 🤩🤩同事朋友過嚟傾計真係一流呀

觀塘工廈區平時多數去買啲開倉嘢，估唔到原來都有咁多餐廳，今次同朋友一齊去食呢間轉轉串燒嘅放題任食，人均價錢都係二百鬆啲，平日仲可以坐成三個鐘頭咁多，啱曬同啲姊妹一齊食嘢聚會。地方環境都幾闊落，坐得都幾舒服，食物方面就係自助形式，不過就有啲熟食可以落單。嗌咗個迷你軟殼蟹漢堡試下，軟殼蟹即炸，味道唔錯，細細粒一啖過。另外每檯客人都送咗個燒茄子同青口，都幾香口惹味。前菜就主要有啲日式小食、泰式鳳爪等等，正常水準。串燒就有好多款，例如泰式雞肉、五花腩、羊肉串、牛柳、牛舌、鴨腎，或者台式香腸、丸、菇類等等，當然要每樣都試下啦！串燒一擺落個爐，就會跟住自己喺度轉，非常方便，等食就得，最啱我呢啲懶人。可以按需要調較爐溫，但其實都唔需要太大火，因為本身個爐都幾有力，好快都燒得熟啲食物。鴨腎同雞翼都係我嘅至愛，燒到個皮同個邊邊位脆脆哋，加埋啲孜然粉同醬汁，食落香口，而且份量一啖一粒，食多幾串都唔怕。燒菠蘿非常香，台式腸完全係台灣夜市食嗰種，就算無得去旅行，食返兩串都好。五花腩好juicy，好多肉汁，羊肉好滑，一啲都唔騷。食咗好多串嘅串燒，都有成八分飽，梗係要食下甜品啦，呢度主要都係一啲自家製嘅甜品，同一

今日嚟到觀塘食自助串燒放題，串燒係放係爐上面就會自動轉，唔洗自己燒非常方便，岩曬我啲啲懶人，燒到差唔多就可以拎上嚟食熱辣辣嘅串燒😋芝麻雞軟骨、紐西蘭羊肉、美國豬梅頭、泰式雞肉、單骨雞翼、一品叉燒，都係我推介之一，而且餐廳有唔同嘅醬汁俾我哋選擇，包括有泰式辣醬、燒汁、沙嗲醬。泰式辣將酸酸甜甜好開胃。而且仲有孜然粉、自家製香粉灑上串燒上邊，食落更加嘢味啊😋。前菜方面有酸辣鳳爪八爪魚螺肉等等任食。而且舖頭仲會送上一條蒜蓉燒茄子，茄子好嘢味、好食👍🏻甜品方面有幾款唔同口味嘅蛋糕、雪糕、雪條，仲有生果杯。

對上一次食自助式餐廳已經有一段時間，晚市堂食開放返之後可以去返食一直想試嘅自助烤轉轉串燒，係香港未食過。餐廳裡面餐廳環境好大，由於係無火串燒，內裏空氣唔會受油煙影響。價錢價錢可接受，最抵係星期一至四仲要送多1小時，即係有180分鐘，一定夠食！餐紙類老闆話因為疫情關係，衛生起見，部分自助式嘅食物改為用餐紙點餐，留肚食串燒，所以只係試左芝士焗金菇、炸雞中翼、烤南瓜同牛油粟米杯，芝士焗金菇熱度夠，面頭有白汁有芝士，幾香，其餘上枱都唔熱，但南瓜夠甜，能夠熱騰騰上枱就好。出面自助區有數款熟食，由於留肚關係就無試。串燒類種類五藏雖小、麻雀俱全，菜類、肉類以至麵包、棉花糖都有。一嚟就要食牛肉串，仲有蜜糖醬、沙嗲醬、孜然粉等6種配料比你自己調味，食串燒當然要加孜然粉，呢個係精髓所在，鍾意食辣嘅要灑上辣味嘅孜然粉或小店自家製嘅辣粉，更有風味。除咗牛肉，唔少得羊肉、雞軟骨、雞翼等等，不過雞翼係一開二，食落肉唔算大份，唔夠喉，要燒多幾隻。至於菜類有翠玉瓜、粟米、雞脾菇、秋葵等等。甜品飲品類選擇唔算好多，不過我主力食串燒，所以都冇乜肚再食甜品。

疫情關係，真係少咗好多出街食飯，近呢半年都寫得好少食評，得幾篇。呢餐嘅放題類食物亦係久違嘅一餐，皆因我一直都好想試香港嘅轉轉串燒，對上一次食已經係係澳洲，當時係澳洲嘅餐廳一試愛上，但香港仲未有，呢一年終於引入，亦愈開愈多呢類型嘅餐廳，今次揀咗間新開不久嘅串燒放題餐廳。環境座落駱駝漆大廈一期，唔好去錯賣Outlet，永遠好多人等𨋢果棟，果棟係第三期，因為我都成日記錯，等左5分鐘𨋢先醒起唔係第一期😂餐廳環境都幾寬敞，加上係無火串燒，現場完全無油煙。價目表無火串燒放題 120分鐘(黃金時段$218+10%；優惠時段$188 +10%)星期一至四仲送多1小時，即係可以食3小時咁耐！包括頭盤+串燒+料理+炸物+甜品+ 飲品 + 雪糕。自助區有料理、甜品及飲品。自助料理只有幾款，因為疫情關係改咗幾款用紙點。有炒蜆、西蘭花、魚蛋，食物味道正常，可惜食物保溫度唔夠，呢點需要改善。串燒種類二十多款，蔬菜至菜類，有我最鍾意嘅羊肉，可惜羊味不夠突出，紅肉仲有牛柳條、厚切牛舌粒，反而肉類之中我鍾意食豬肉串，已經醃好，燒完之後肉質唔韌，亦醃得入味，當然唔少得燒雞翼。蔬菜有我愛嘅秋葵、雞脾菇等等。唔少得燒蒜蓉麵包

入秋最想做乜? 係BBQ呀!以前有時都會去D 燒烤場BBQ, 可惜係限聚令下, 又唔想山長水遠咁去BBQ.搵到呢間係公司附近 可以放工就黎BBQ.最緊要係... 唔駛自己黎.. 唔會整臭自己, 又可以方便吹水...正呀!我地7點去, 人頭$218. 120分鐘, 一至四重多一個鐘!!!野食都係平時大路BBQ 野.. 丸我就少食既. 我LIKE 既波羅,  雞軟骨, 雞腎, 泰式雞肉, 雞亦, 鴨胸.幾得意有窩筍燒..除左要燒既都有D 熟食.呢個送既. 本身唔太好茄子, 不過呢個都OK.. 呢D 係出面可以羅既熟食.. 未燒好就餓就可以頂住先.另外重有D ORDER 即食既野, 泰式春卷同牛油粟米係我最愛.飲品都有好多選擇. 唔想要凍既可以叫店員畀熱茶.話說呢度配既調味有唔同既孜然粉. 泰式醬, 芥末, 燒汁?但就冇蜜糖, 哈哈哈, 但原來係可以問老闆娘羅家..你問就有GA LA!老闆娘好NICE, 又好傾!疲情下呢段日子真係唔易!!食飽重有雪糕食... 比較特別既係玄米茶雪糕. 唔會太甜.最後呢堆係我地既戰利品. 食得唔係好多, 純粹出黎聚下見下面!

疫情近排少咗個案於是約返朋友食飯，難得約到當然要食飽啲，搵到嚟呢個乜都有嘅串燒店，有頭盤、串燒、料理、炸物、甜品、雪糕，爽呀！而家送原條燒茄子同青口-茄子充滿蒜蓉好入味飲品甜品區有可樂檸檬茶等正路嘢，甜品有奶凍蛋糕仔，都幾吸引小食揀咗：蝦春卷-春卷有驚喜，好脆薄芝士魚肉豆腐-芝士味不太濃無咁覺滯熟食有魚蛋、蜆、西蘭花等啱晒啲餓底重點串燒超多種類，咩肉都有，亦有丸腸蔬菜類條籤有個齒輪放係爐邊邊條帶就可以拎支籤轉下轉下，好搞野肉類醃得唔錯，亦可以點汁食，雞軟骨好有咬口，芝士丸燒到流心好正埋單每人$240，食到咁多嘢都幾抵

放假前夕，真係要善待自己... 報復性放食食食夠本... 今晚去左串燒放題。除咗串燒，仲有好多熟食同其他餐前小食選擇，坐定剔紙落柯打又得，或者响出面自己夾又得，熟食都好好食好高質，特別係蜜糖雞翼皮脆香口串燒嘅選擇都好多，每款都食一串應該都食唔晒，肉類嘅質素好高，羊肉肉質夠林又唔會騷，牛肉粒都好好味，咬落有肉汁，入口鬆軟，另外蔬菜種類都好多，唔怕食太多肉太燥仲有燒烤最愛嘅粟米，同少見但總係想食一兩片嘅燒菠蘿呢種燒烤都幾方便，自動會轉，受熱均勻，唔係明火，唔會怕肉類搶火有危險，放低就可以等食，等食期間又可以食住熟食先其實仲有雪糕同好多種甜品，但真係食得太飽，所以都無機會試下

最近放寛咗，所以都想出去，所以去咗燒烤放題大解放，座位好夠闊，同其他檯都有足夠距離星期五放工嚟到見人唔多，不過坐低之後就越來越多人，有多調味料，孜然粉都有三款，另外仲有蜜糖燒汁、泰式辣雞汁 同沙嗲汁一坐低無耐就上咗海鮮同茄子，有燒青口同扇貝，扇貝好鮮甜，上面嘅粉絲吸收晒鮮味，茄子蒜香好濃，加d孜然粉就更加惹味到主腳串燒啦～ 不.... 係串燒既燒烤爐先係主腳... 係呢度燒烤爐係自動轉，只要掛好串燒係中間，唔洗睇火就可原汁原味品嘗到d 地道串燒。真係又好玩又好味~ 巧得意😍😍

好耐都冇約朋友出嚟食飯，今晚就約咗個朋友食駱駝漆一間串燒店慢慢燒慢慢食，平日黃金時段連加一每位$240任飲任食，仲送海鮮拼盤同原條燒茄子，好吸引！原條燒茄子-蒜味十足茄子入口即溶，正青口-比起茄子對於失色，但都夠味重點無火串燒好有gimmicky 有三種唔同嘅醬汁點，店員窩心提示等到食物八成熟就可以點啦串燒區肉類豬牛羊雞齊晒，好豐富，仲有菜如秋葵、菇等一路睇住啲食物轉呀轉好得意，至愛牛舌粒，燒落好爽脆，雞翼無得輸夠嫩滑除咗串燒仲有炸物、小食等風味脆薯條-必點！炸到熱辣辣好香脆，加埋沙律醬甜甜地最後當然唔少得甜品，食咗個牛奶糖雪糕感覺似雲尼拿，都唔錯

歡喜燒網上訂座即賺里數 網址: https://s.openrice.com/QrbS0nYeA00~uXpYHAA地址: 觀塘開源道62號駱駝漆大廈1座5樓C號舖電話: 28162820 港式串燒bbqall u can eat 每台自己一個爐，無煙燒，但個爐比較細呀，計落每個鐘燒到4-6轉啦，線如果係燒肉類，加上個火唔夠猛，自動轉串燒反面，爐仔用盡空間放到10-12串食物左右食物就出冷櫃拎，基本又燒好好食，雞軟骨都推薦的。牛豬雞腸仔丸類都有，都幾多款架，，仲有蔬菜都好多，脆玉瓜車里茄三色椒幸好有熟食供應，都是炸物為誰，邊燒邊食頂住，如雞翼薯條飲品都是任飲架，仲有甜品，有黑森林，芝士蛋糕，抹茶蛋糕，jelly ,生果，奶凍，味道都可以的。有出面小見品牌架雪糕雪條。有三款調味粉同調味醬，抹在肉上燒好滋味。當日送青口同燒茄子$218 一位燒串食足2個鐘，如果食悶左日式放題，價不多價位可以試下呢間串燒，有新鮮感

突然黃雨，一於喺公司附近食埋嘢先返屋企啦🤭🤭順便 避一避雨 吾使做落湯雞😂😂駱駝漆大廈不嬲都係美食集中地 👍👍好多隱世餐廳 落雨天有啲涼 ，見到呢間自助燒烤店 ，任飲任食 🤗🤗室內bbq都係第一次 入到去地方企理、乾淨而且全部座位都好大 😍😍坐得舒服，非常適合聚餐 呢度嘅服務做非常好㖭👍👍嘢食方面除咗串燒之外 ：仲有好多炸物、熟食、甜品、沙律 、糖水都有呀🤩🤩哈哈 有啲似自助餐串燒方面選擇亦都唔少最好食豬腩片 ，非常之Juice香口半肥瘦，台灣腸，非常香口好味😋仲有丸類燒菠蘿🍍炸物方面炸榴槤波波蝦春卷真係冇得輸！非常足料而且熱辣辣即叫即做！好有誠意！食嘢食到一半時間已經好飽肚 🤣🤣嘢飲方面 除咗汽水之外 仲有茶類，都算多選擇🤭🤭每人再送蒸海鮮添 聽老闆娘講 佢哋定期就會更換 真係唔錯呀埋單$240人頭，真係回本🤭🤭

之前已經黎過駱駝漆大廈，知道有好多好野食，見到呢間無火自轉串燒放題好似幾得意咁，就上左去試下。放題食品種類款式都好多，主打當然係串燒，雞、牛、豬、羊、牛舌當然係必食，仲有丸類、蔬菜等。食材已事先串好，客人可以隨意選擇，既衛生又方便，另外每檯仲有燒扇貝，青口和茄子送。係等燒串燒既時候，仲可以試下即叫即製的熱食，必食推介係薯條，配酸忌廉醬汁，非常好食。除左串燒外，熟食，糖水，生果，甜品，雪糕，飲品都係任食。呢度既雪糕竟然係香港品牌，外面冇得賣，非常特別。店員亦非常友善，經常提醒我地食物不要烤燶。

今晚去左觀塘食串燒放題, 每人$238, 價錢唔貴, 而且選擇比想像中更多款式, 味道唔錯添! 座位唔迫, 侍應有禮貌, 地方仲好乾淨! 呢點做得唔錯!坐底後即刻送上什錦海鮮(扇貝同青口)同蒜茸茄子, 好好味, 尤其是個茄子, 入晒味!因為係用電爐, 所以環境氣溫唔係火爐咁熱, 不過都要小心爐邊金屬好熱. 爐用車鍊機關, 會帶動串燒自動自轉, 咁就可以燒得平均, 非常好!醬料有好多款, 有沙爹, 叉燒醬, 泰式甜辣醬, 原味孜然粉, 自家製香辣粉, 辣味孜然粉等等… 一路燒一路落醬, 有街邊串燒感覺.串燒款式勁多, 大大話話有50種, 每款都好吸引, 任食當然全部試晒! 雞翼, 台灣腸, 羊架肉, 叉燒都好好味, 仲有疏菜同綿花糖可以燒! 除左串燒, 仲有好多款熟食可以揀, 仲有炸物, 粥麵, 店員推介秘製醬炸薯條, 個醬酸酸甜甜, 好夾薯條. 當然唔少得任食甜品, 雪糕同任飲, 絕對超值!