93
6
5
港鐵觀塘站 B1 出口, 步行約3分鐘 繼續閱讀
電話號碼
28162820
28162821
54134348 (Whatsapp)
開飯介紹
位於觀塘的港式串燒放題餐廳,主打自轉串燒,提供30款肉類、丸類、蔬菜等。食材已事先串好,十分方便,適合多人聚會。 繼續閱讀
營業時間
今日營業
12:00 - 16:00
17:00 - 23:30
星期一至五
17:00 - 23:30
星期六
17:00 - 23:30
12:00 - 16:00
星期日
12:00 - 16:00
17:00 - 23:30
公眾假期
17:00 - 23:30
12:00 - 16:00
公眾假期前夕
17:00 - 23:30
付款方式
Visa Master 現金
其他資料
網上訂座
Wi-Fi
電話訂座
賞訂座積分
有關獎賞計劃
食評 (116)
M佬今日突然同我講,佢好掛住去BBQ燒嘢食呀!不過,嚟到夏天A姐確實,熱!到!不!行!了!但你話如果可以嘆住冷氣,有人燒埋俾你食,咁我又唔驅呀!怕熱但又想食BBQ,其實一啲都唔矛盾。今日M佬就帶我嚟到觀塘嘅歡喜燒,食自動串燒放題,嘆住冷氣享受燒烤嘅味道,好滿足呀!串燒呢度嘅串燒選擇超過30款:包括雞肉、雞翼、羊肉、牛舌、一口牛、叉燒、腩肉、雞腎、雞軟骨、菠蘿、脆肉瓜、萵筍、粟米、丸類、紅腸、廚師腸、蒜蓉包、棉花糖等。攞完嘢食之後,只要將串燒放上爐,佢就會好有規律咁旋轉,除咗夠晒方便,燒出嚟嘅食物亦都非常均勻。我哋encore再encore嘅五大推介有:牛舌 - 厚切嘅牛舌經過燒烤之後,讓肉汁被鎖住,好有口感,牛嘅肉汁豐富濃厚腩肉 - 一層肥一層瘦嘅腩肉經過細火慢烤,將啲肥油迫晒出嚟,食嘅時候無咁大罪惡感,但仍可食到腩肉嘅juicy雞腎 - 非常爽口叉燒 - 超入味,又夠軟腍蒜蓉包 - 燒到脆卜卜,帶有濃郁嘅蒜蓉香味呢度嘅最大賣點係大部份食物都無經過預先醃製,但枱上放有日式蜜糖醬、馬來沙嗲醬、泰式辣醬、辣味孜然粉、孜然粉同自家製香辣粉,無論想食重口味,定係好似我哋鍾意淡口味嘅,都可以自行調味。小食、熟食係等緊串燒燒熟嘅時候,可以去到熟食自取區醫吓肚先。今日嘅熟食選擇有四樣,分別係蒜蓉炒西蘭花、咖喱魚蛋、蒜香雞翼同青口。至於小食就有芝麻八爪魚、中華沙律、蒜味螺肉、泰式鳳爪,全部都放喺雪櫃入邊,夠晒衛生。Order紙除咗自取區,呢度嘅order紙嘢食即叫即做。想食菜嘅朋友,今日就有蠔油菜心苗、蒜蓉炒生菜同腐乳通菜,邊個話食串燒就淨係食肉㗎?另外仲有炸蝦天婦羅同炸蠔等10幾款熟食,不過就略嫌炸蠔嘅炸粉太厚喇。另外,餐廳亦會每人送上一份茄子,茄子上面鋪滿炸蒜等香料,食嘅時候好香好好味。甜品、飲品櫃至於呢度嘅飲品都有唔少選擇,包括可樂、芬達、檸檬茶、菊花茶、芒果汁等等,當然唔少得無糖嘅茶類飲品啦!至於甜品,除咗香港製造嘅雪糕杯,仲可以order即叫即做嘅台式甜品,呢個晚餐真係夠晒滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-17
4791 瀏覽
上星期朋友黎食過話好食,所以今日book 左位,首先位置闊落,四人座位可以座得好疏同埋係係一張長形sofa,幾好坐一黎到時店員用左一分鐘講解下邊到有得拎野食同點用個爐。枱面上已經有辣味孜然粉、普通孜然粉、自家製香辣粉。野食種類都算多,而且大路野都齊,雞羊牛豬、雞腎、雞軟骨、菠蘿、脆肉瓜、丸、腸等等都有。除左串燒外,佢本身都準備左d熟食可以自己拎。汽水飲品同甜品都係自己任拎既。拎左第一轉野食之後店員就幫我地開爐,另外遞上左3款醬比我地。分別係蜜糖醬,沙嗲醬同泰式辣醬。之後仲送左一碟茄子比我地,切好晒有埋蒜蓉,整得幾好唔錯!整體黎講野食都唔錯,特別推介厚切牛舌!最特別既係,佢個爐同串燒既串串係有凹凸,爐邊有鐵鍊圍住轉,只要放左上去佢就會自己轉,所以超級方便,唔駛自己轉黎轉去,放上去等佢熟就得,唔會燒到好攰,好方便!而且仲有個menu可以叫小食 叫左幾款試下 依個mini版軟殼蟹burger 最正!通風做得幾好,食完都出到去都唔覺件衫話會好大陣味。最值得一讚係店員(可能係老闆😂)都好nice 服務態度超出我預期~遲d會再黎食多次! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
3223 瀏覽
歡喜燒係一間主打食轉轉串燒嘅放題店,雖然之前都有食過重慶燒放題,不過歡喜燒嘅串燒係放上爐之後識得自轉,唔洗自己反串燒,幾棧鬼咁,趁過開黎駱駝漆睇波鞋,就順便book枱黎試下。歡喜燒嘅晚市放題限時120分鐘,最貴嘅weekend黃金時段都係$238加一,除左串燒,都有小食、炸物、熱盤、甜品同雪糕,價錢唔算貴。一坐低先拎野飲,雖然冇韓牌野飲,不過都有維他、楊協成、道地同各式汽水,選擇唔算少。串燒方面有肉有菜,連菠蘿、蒜蓉包同棉花糖都有。另外亦有幾款熱盤。甜品除左雪櫃入面見倒嘅幾款,點菜紙亦有多款台式甜品。雪糕係港牌CoCoBerry,幾多唔同口味選擇,好似玄米茶、麻辣、特濃咖啡、咖啡、沖繩海鹽、牛奶糖同朱古力。每張枱都有多款調味料同醬汁,食客可以按個人喜好加喺串燒上面。每枱都會送一條燒茄子,燒茄子有成隻前臂咁長,上面放左好多蒜蓉同醬汁,入味得黎仲好juicy,都幾好食。每樣串燒拎左啲黎試,只要將串燒下面嘅花形齒輪放喺爐邊嘅凹槽入面,串燒就會識得自轉,燒得均勻之外,串燒嘅油份亦會滴晒落爐底度。雖然係平價任食串燒場,不過串燒質素都唔差,叉燒、羊肉都碟肉唔會太細粒。菠蘿冇渣,燒過之後香甜又多汁,同出面食幾十蚊一碟燒菠蘿質素唔差得遠。風味脆薯條係要喺點菜紙order,份量都唔算少,薯條係波娑粗薯,雖然唔算好脆,不過勝在夠厚肉有口感,上面仲有好多芝士同炸蒜粒。CoCoBerry雖然唔係咩貴價牌子,不過佢地嘅雪糕口味都做得幾真,我特別鍾意麻辣同沖繩海鹽,前者食得出辣辣地味,後者鹹鹹地都幾特別。總結,晚市放題價錢唔算貴,食材雖然唔係咩貴價貨,但質素都可以接受,轉轉串燒唔怕唔記得反串燒燒燶,好方便啱晒懶人。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-01
2036 瀏覽
平日好少出街食串燒,我好怕有火大煙污糟,最多三五知己去旅行或者夜麻麻行過紅磡醫肚先至會去食。今日小妹行開觀塘,見到有間叫歡喜燒嘅無火串燒放題幾吸引,黃金時段兩小時真心好吸引,星期一至四仲送多一小時,正!於是同死黨親身入去試吓得唔得再講。入到去第一件事見到大大個牌講所有頭盤,串燒,料理,炸物,甜品,雪糕任食!曬冷咁一眼睇曬!接待員好有禮貌咁請我去靚卡位(其實呢度全部都係卡位,超有心的安排),立即見到一個好得意嘅燒烤爐,咦?點解冇碳冇火冇油煙嘅?接下來店員會同我地開電串燒爐同講解點樣燒得好,喺要把串串的齒輪對正個鐵鏈等佢自己轉轉轉均勻烤熟,好得意好有mood,好似去咗泰國咁。店員仲提醒我地要睇曬點心紙仔叫小食,炸物,台式甜品等等,都係任叫任食!燒烤爐上面有三種醬汁,分別喺沙爹醬,泰式香辣汁同燒烤醬,而檯面仲有一個特別的三格兜放辣味孜然粉,原味孜然粉,自家製香辣粉,完全mix到街頭串燒味道,我特別推介辣味孜然粉配搭泰式香辣汁!我地超快速點了一set蘑菇羊肉串,雞翼串,一口番茄牛粒串,雞腎片串等排排隊上爐燒。在靜待火力調節好同燒熟之際,我地點了很精彩的醬油豆卜炒蜆,味道出眾,雖然有小鹹但正是燒烤店的風味,同普通火鍋店嘅炒蜆唔同,呢個要試。咖喱魚蛋好大粒,好好食但唔好食咁多,要留肚!呢度有最少三種無糖飲品,我揀了解茶同烏龍茶,貼心。首先一定要講羊肉串,好香冇騒味,除了新疆和田烤羊肉串之外呢隻真係唔騒,彈呀,香,掂!但各位要留意烤耐少少,60度火五分鐘以上剛好熟,八分鐘會有和田燒烤風味,記得落辣味孜然粉。第二要講嘅喺雞腎片串,真係快熟又超好食,估唔到咁新鮮又爽口,我同朋友都encore幾次不停食食食!雞翼一貫正常燒烤店的出色發揮,牛粒也是絕佳口感,點都要試!靚靚接待員好好咁同我keep住收碟等我地有更多空間放嘢食,超貼心吖!突然間端上烤全隻大茄子同蛋黃醬薯條,哇真係好魔鬼呀!店員仲叫我地趁熱食,我地真喺希望立即多幾個胃吖。。。茄子上的無限花生同調味真係絕,叫我地點留原味肚呢喂!輪到第n回合我地繼續返兜,仲點了串燒鮮冬菇,牛舌同窩筍串。鮮冬菇同窩筍值得一讚,因為不是切粒而是半塊大大舊,一口好有分量,清熱下火,大家記得食完再繼續下輪。牛舌要落自家製香辣粉,香噴噴加上微辣好正。最後我地食飽飽後輪到甜品環節,誠意推介沖繩海鹽雪糕,勁得,第一次食到小小鹹味又可口奶油味嘅飯後甜品呀!兩個字 滿足!黃金時段埋單每人都唔使250冇得唔試啦掛!題外話,我當晚見到呢間店員好有心機訓練新店員,全部店員都好有心機互相提點,有heart的服務,值得讚一下! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-29
1813 瀏覽
和朋友去了觀塘開源道62號駱駝漆大廈1座5樓歡喜燒食飯。這是一間專食串燒的餐廳,餐廳非常闊落,讓人坐得舒服。而且店員十分殷勤有禮和主動,安排我們到一張卡位安坐, 非常好有自成一角的感覺。這裏是串燒放題188蚊一位,連加一大概$207/每位。串燒款式相當多,已經一串串好,放在凍肉櫃裏,非常整齊,清晰。豬牛羊,丸類,蔬菜等都有。串燒放在串燒爐上會自動轉圈,好方便。差不多熟的時候可以塗上醬料,有燒烤醬,泰式雞醬和沙爹醬等。羊肉串非常好味,不會太騷羊味,夾雜了杏鮑菇口感非常好。另外牛肉亦十分好味,肉味濃郁有口感,中間 串了車厘茄,口味清新。雞腎和雞翼都市值得推介的串燒食物日期除了串燒外還有熟食,店員以為我們奉上薯條及燒茄子,外面還有一些小食魚蛋卜卜蜆等。甜品櫃外還有水果和一些蛋糕,十分齊全。西瓜起沙又甜,可以清一清燒烤的油膩感覺。雪櫃亦有雪糕和雪條可以選擇。至於飲品櫃方面,有十多款飲品選擇,可以選擇有含糖的汽水和不含糖的茶類,適合各類人的口味。總結:歡喜燒是一間非常好的串燒餐廳,串燒選擇多,其他食物亦有很多選擇,例如熟食和甜品方面,可以滿足到各人的口味,而且價錢合理,適合和朋友過嚟食下串燒,飲下,傾下偈😁👍👍 繼續閱讀
(以上食評乃用戶個人意見 , 並不代表OpenRice之觀點。)