影片
更多
2020-10-06
29 瀏覽
觀塘工廈區平時多數去買啲開倉嘢，估唔到原來都有咁多餐廳，今次同朋友一齊去食呢間轉轉串燒嘅放題任食，人均價錢都係二百鬆啲，平日仲可以坐成三個鐘頭咁多，啱曬同啲姊妹一齊食嘢聚會。地方環境都幾闊落，坐得都幾舒服，食物方面就係自助形式，不過就有啲熟食可以落單。嗌咗個迷你軟殼蟹漢堡試下，軟殼蟹即炸，味道唔錯，細細粒一啖過。另外每檯客人都送咗個燒茄子同青口，都幾香口惹味。前菜就主要有啲日式小食、泰式鳳爪等等，正常水準。串燒就有好多款，例如泰式雞肉、五花腩、羊肉串、牛柳、牛舌、鴨腎，或者台式香腸、丸、菇類等等，當然要每樣都試下啦！串燒一擺落個爐，就會跟住自己喺度轉，非常方便，等食就得，最啱我呢啲懶人。可以按需要調較爐溫，但其實都唔需要太大火，因為本身個爐都幾有力，好快都燒得熟啲食物。鴨腎同雞翼都係我嘅至愛，燒到個皮同個邊邊位脆脆哋，加埋啲孜然粉同醬汁，食落香口，而且份量一啖一粒，食多幾串都唔怕。燒菠蘿非常香，台式腸完全係台灣夜市食嗰種，就算無得去旅行，食返兩串都好。五花腩好juicy，好多肉汁，羊肉好滑，一啲都唔騷。食咗好多串嘅串燒，都有成八分飽，梗係要食下甜品啦，呢度主要都係一啲自家製嘅甜品，同一
地方環境都幾闊落，坐得都幾舒服，食物方面就係自助形式，不過就有啲熟食可以落單。
嗌咗個迷你軟殼蟹漢堡試下，軟殼蟹即炸，味道唔錯，細細粒一啖過。另外每檯客人都送咗個燒茄子同青口，都幾香口惹味。
前菜就主要有啲日式小食、泰式鳳爪等等，正常水準。
串燒就有好多款，例如泰式雞肉、五花腩、羊肉串、牛柳、牛舌、鴨腎，或者台式香腸、丸、菇類等等，當然要每樣都試下啦！
串燒一擺落個爐，就會跟住自己喺度轉，非常方便，等食就得，最啱我呢啲懶人。
可以按需要調較爐溫，但其實都唔需要太大火，因為本身個爐都幾有力，好快都燒得熟啲食物。
鴨腎同雞翼都係我嘅至愛，燒到個皮同個邊邊位脆脆哋，加埋啲孜然粉同醬汁，食落香口，而且份量一啖一粒，食多幾串都唔怕。
燒菠蘿非常香，台式腸完全係台灣夜市食嗰種，就算無得去旅行，食返兩串都好。
五花腩好juicy，好多肉汁，羊肉好滑，一啲都唔騷。
食咗好多串嘅串燒，都有成八分飽，梗係要食下甜品啦，呢度主要都係一啲自家製嘅甜品，同一啲雪糕雪條等，都多款式嘅，呢個提子乳酪雪條味道唔錯，不過就比較硬，好似食冰咁，朋友個雪糕就比較正常。
人均價錢大約二百零蚊，同一般出面嘅放題價錢相約，但係就坐得耐，加上可以用懶人燒烤嘅方式，都幾特別，整體食物質素都唔錯，下次都可以再食！
張貼
