權發飯店 (已結業)

上個月屋企人生日，走去食番圍菜。D 菜式同普通酒家冇乜分別，例牌野啦。不過佢勝在價錢實惠，又大大碟，味道ok啦。此處實在係一家人聚餐經濟之選。

上星期六與家人食飯,好彩有訂位,如果唔係要等好耐.雖然人多但唔會催你落單,可以慢慢揀.叫以下菜式:蒜香- 皮脆炸蟹拑- 夠大兼真材實料芝士蝦伊麵- 味濃但蝦普通五菇掌翼- 料足但味普通生炒骨- 味道唔錯什菜煲- 好大煲炒西蘭花- 夠清唔油荷葉飯- 好香料多布甸- 好大碟埋單只係$660,真係唔食唔知咁抵,食過一定番尋味.

打電話去訂位: 「唔好意思呀, 我地要8 個人先可以訂位」接聽態度冇問題, 如果5 係就5 會有惡夢開始。去到要上樓梯, 條樓梯好跣, 小心。座位好迫, 檯密密麻麻。碗筷好污穢! 我要洗兩次先敢用!1. 冬瓜盅←ok, 幾清淡; 不過落田雞! 仲要我食先知! 真係「頂」!!!!!!!2. 炸蟹鉗←好正, 啖啖肉, 最好味呢個。3. 咩咩煎蝦←平平無奇。4. 豉汁咩鱔←完全冇味!5. 避風塘大肉蟹(保證兩斤) $208/隻←最谷氣係呢個! 炒埋一碟一斤都5 知有冇! 炒蒜蓉多過乜! 蟹冇肉! 真係食到我想嘔!6. 3 枝生力7. 1 可樂8. 1 白飯←好大陣味9. 送6 豆沙糖水←開頭話紅豆沙(隔離都係咁情況), 不過好沙, ok, 幾好食。5 個人食, 埋單$594。仲要5 找$。雖然我都係諗住俾埋佢, 因為佢免茶芥免加1; but 你直情5 找就5 得囉!埋單時仲攪笑, 佢拎張單埋大大聲聲咁話:「免茶芥免加1 呀! 」5 單止係我地, 隔離都係咁; 個女仔直情好似攪笑咁話:「亞叔你恐嚇緊我喎...」第一次嗌時, 嗌一個, 有兩個走埋; 諗住嗌三個先, 個女人就"廟" 咀"廟" 舌。

每次假期和bf到香港區時, 多數會來這裡吃飯, 因為實在好吃和大碟夾抵食, 又唔收茶錢和加一, 真實惠呀. 昨晚7點半到, 要等位呀, 等了約20分鐘就有位了, 我們order左二個,蜜椒骨,以為係青椒, 原來係黑椒, 但都好好味,椒鹽鮮魷, 唔UN, 又鮮味, 本想ORDER多一個, 但bf話已夠了, 睇d食評話蟹鉗好味, 下次一定要試下

今次是第4次，每次分別與不同的party來。豉油皇鵝腸-鵝腸勁爽口，沒有羶味。而豉油夠香唔會過鹹，所以墊底的芽菜好好味。生炒骨-雖然賣相幾靚，但食落已知唔夠鑊氣，排骨炸得唔脆，完全唔係新鮮炸起。一班兩味的炆班腩及炒班球，我較欣賞炆班腩，最重要就係茨汁唔多，但班腩極之入味，配角的豆腐亦好夠滑；而炒班球肉質結實，配菜的西芹亦較老及多油。海味雜菜煲-大大煲，材料十足，而粉絲就最好食，因為吸晒海味的鮮味。4個人連飯、粥及啤酒，每人唔駛90蚊，食到個肚飩飽。

之前跟另外的食友討論過權發，意見是「只是街坊食肆，賣大碟抵食，不值得專誠拉隊來試」，這是我為東區街坊三十幾年的意見。在西灣河室內運動場打完羽毛球，打完波的聯同剛收工的，一行十一人就行多兩步來了吃飯。街坊食肆，煙霧彌漫，不過這一點都是預料之內。隨便叫幾個菜，首先當然是咕嚕肉及其好朋友生炒骨，前者更要了加大的，另外要了煎藕餅、炸大腸、魚湯浸四寶、蝦干蝦醬蒸豬肉、琵琶豆腐、豉汁蝦干蒸茄子、焗魚腸及麵醬油麥菜。菜色來得快，大家舉機影了相，就一二三舉筷。咕嚕肉及生炒骨一大一小，要了加大的果然是雙倍份量，街坊小店在份量上絕少欺場。阿叔剎有介事的說「這碟咕嚕肉，這碟生炒骨」，但吃咕嚕肉，還是吃到不少有骨的。專兄就的對，應該是一齊炒，但又分不清的。做得略酸，味道刺鼻了一點，還餘一點脆口，配菜及菠蘿、青紅椒、洋蔥片等都落足，都算是交了功課；煎藕餅是我與另一煮友的心水，因為整過此味的都知，功夫頗多的。這裡的只是一片蓮藕疊在鯪魚餅下去炸，絕非用蓮藕蓉式蓮藕醉製成的藕餅，吃得人啼笑皆非，一心吃藕餅的，可以不吃這個；炸大腸份量少，但口感卻不錯。是客家的炸法，處理得好全沒有異味，腸皮亦厚厚的，幾豐腴，可以一試；魚

又食到好飽!男友話呢度好多人黎食，所以我地黎呢度晚飯。叫了三碟，先後悔，碟頭好大。不過煮得真係好味。西蘭花爽脆，個汁鮮甜。魚雲香好鮮味。好好味。仲有糖水。仲有見到人地食果d又好好味。。。。

食左三個菜1) 日式香芒焗銀雪魚- 魚係焗, 確實不太油, 但實在唔明點解係式, 基本上呢排野係沙律醬魚, $882) 魚湯四寶- 四寶係銀杏, 金菇, 勝瓜, 鮮腐竹, 幾清甜仲有火爐底, 正正! $493) 蜜汁子薑炒雞- 成個味道幾特別, 正! $55總評:1) 無加一, 抵!!!2) 銀雪魚都好大份, 但沙律醬太多, 嚇親3) 服務好好, 亞叔拎番件外套俾我

父親大人生日一家人相約去了權發食飯說真的去權發食飯大家都有了指定的偏愛菜式細妹的沙拉骨阿媽的炸大腸老豆的黃金蝦我今次就叫了半隻招牌雞家姐就係金銀旦莧菜就係這種家常小菜feel令我地每次都感到非常滿足聽說權發在北角七姐妹道開分店對我們來說真的是最好不過了以後出門走幾步就可以去權發開餐了

晚飯去叫左冬瓜盅, 葡汁四蔬, 豬頸肉, 生炒骨分量好大, 四個人食到好飽冬瓜盅好足料, 有蟹肉, 帶子, 田雞...用黎消暑就最好不過葡汁四蔬同飯簡直係絕配, 不知不覺間已經食左好多飯豬頸肉整得好脆好入味, 不過有少少咸生炒骨即叫即整, 好開胃, 細細粒容易入口仲要多個芒果布甸, 一d都吳酸, 又滑, 吳錯d野又大, 又不收加一茶錢, 可以再去

之前成日係下面叫餸外賣(極力推介九肚魚),噚晚第一次堂食,三大兩細叫咗招牌蒜香雞半隻,大海魚兩味,西芹腰果蝦仁& 沙爹金菇肥牛煲, 估唔到碟碟都咁大碟!蒜香雞脆皮肉滑,勁正,西芹腰果蝦仁好夠火候,沙爹金菇肥牛粉絲煲好多金菇粉絲,但肥牛'un'咗啲,最衰有碟魚又係配西芹,攪到好似有兩大碟西芹,所以落單前最好問定魚嘅配菜係咩!無論如何,碟碟有水準,值得一試

1行7人,點了8個餸(+4支啤酒),無一失望,好滿足的一餐.石斑2味黑椒牛仔骨XX什菜煲蜜桃大蝦球薑蔥鵝腸乳鴨2隻鼓椒排骨炒面每個餸都份量十足,啱晒我地幾個大胃王,而且味道都做得很好,上菜速度更加要一讚,好快,一次過上晒咁多樣餸,唔駛等,當晚仲要係全場爆滿喎,估唔到星期三都咁多人幫趁. 埋單$630,送綠豆沙,味道不太甜,不過太飽了,只吃了半碗.

5月2日18:55在權發門外，邊等巴士邊食飽。見有懷舊小菜外賣，廿蚊一砵，要了面豉偶片炆肉片。內有薄而爽的偶片，沙葛片和肉片，加入面豉醬炆，幾入味。經濟抵食，食完家中又多個砵用。

權發一向生意不俗原因是他的食物不錯價錢是偏貴了一點但是一份錢一分貨曾去過好多地方連條魚都蒸過了火侯但是權發的魚每一次也令人非常滿意還有他的招牌蒜香雞都是必吃之作

一個月總有一次帮襯！！同屋企人去多數食班尾、菜膽雞、沙拉骨、金銀旦茸菜、雞絲翅....四個餸加個翅，埋單都只係四百幾，仲想點？？？？？一句話講晒：超抵！！！