權發飯店 (已結業)

Went there last night at 6pm and it was already packed!!!! We ordered 4 different dishes:豆府魚湯: not too bad... quite sweet.....but took long time to deliver南乳vegetable煲: the portion was huge!!!!.... we basically can only finish 1/3 of it...西蘭花班塊: very nice.... fish was good.... chewy... but would be better if less oily炸墨魚丸: THE BEST!!!!! can taste the real thing and well fried.... Quality chinese restuarant in 西灣河...

生日既日子仲要實習~本身同學話同我飲茶,我打算上興東試下..見到食評話唔錯,點知miss提議去權發飲茶~好~就試試~lunch time上到去,勁多人~本身我地十幾個人,坐左半張台,其他人就好快埋單讓俾我地~出去拎點心,好好~唔使慢慢畫等佢出~可以即刻睇岩就拎~d阿姐好好,係咁推介有咩好食,就叫我地試帶子燒賣...真係一試上癮~我地就再出去拎多一轉~本身好想試馬拉糕~佢話冇晒lu~再出去拎果時都冇~真矜貴,要搵次早d去叫家先XD仲有奶皇包~好好味~我平時好少食...但一試之後,真係好好味,流沙架~估唔到係咁好味~一讚!!!

星期二晚開了OT，同老婆去西灣河掃街，然後就搵個地方食晚飯．．．之前聽過人講呢間好味，但一直就係未試過，於是乎就同老婆上去試下啦。一上去侍應就帶我地去15號枱，因為近電視。睇o左個餐牌好耐都無乜頭緒，又見其中一個侍應咁好服務和好傾，於是乎就問下佢有乜好介紹．．．佢介紹我地食個龍蝦餐，大約二百幾，都幾抵架，但因為我地得兩個人，所以都係叫其他野啦．．．諗o左一陣之後，我地決定叫了豉椒炒蟶子、支竹蘿蔔清湯腩同埋菠蘿海鮮炒飯。聽講話呢度o既份量好大，我同老婆都擔心食唔晒．．．豉椒炒蟶子－o的蟶子呢，就好入味，仲有好多隻，最少有三四十隻，好多好好味．．．之但係呢，就係有少少沙囉。支竹蘿蔔清湯腩－非常精彩囉．．．有個酒精爐跟埋上，有個火陣住個瓦煲，但係呢，o的酒精份量就啱啱好，差不多個湯夠滾就自動熄o左，唔會煲乾水．．．o的牛腩好靚，切得厚薄適中，個湯好鮮，腩呢就，好腍．．．一個字－正！老婆話仲正過天后o既ｘ利！！！少少comment 就係蘿蔔未夠腍菠蘿海鮮炒飯－好香！出奇地有好多海鮮！有帶子啦、蝦啦等等，好好味又大碟！我地每人食o左d就好飽，打包番屋企仲有一盒tim！！！真係好享受好好食，侍應又

今天和公司同事晚飯，我們一行六人到了西灣河的權發開餐。這間飯店位於二樓，需拾級而上。飯店為一般新式酒家格局，紅地毯、白射燈，桌面餐具擺得齊齊整整，環境光亮潔淨。被飯店入口魚缸內的海鮮吸引了，不點下三數款也不行。 冬瓜盅：不像坊間的迷你版冬瓜盅，我們六人每人分得三四碗，份量十足。材料也豐富，瘦肉、冬菇、鮮蝦、瑤柱弄得滿滿，實屬消暑推介。 金牌蒜香雞：雞肉燒得外脆內軟，配上香口炸蒜，味道及口感皆一流。如果雞肉再嫩一些會更佳。 西蘭花炒斑球：用上大件新鮮斑球，肉質嫩滑，很好。 豉汁蟶子皇：巨型蟶子皇以豉汁蒸，蟶子爽口彈牙，略嫌不夠入味，似乎豉椒炒會更可取。 辣酒煮花螺：賣相一般但味道卻成反比。螺肉乾淨無沙，汁料雖不太辣，但完全滲進螺肉內，卻沒有蓋過本身鮮味；比其他食肆只靠香辣好得多。喜出望外的推介之選。 蒜蓉粉絲蒸扇貝：大隻扇貝以蒜蓉粉絲蒸，新鮮兼有咬口，不錯。 芝士焗龍蝦伊麵底：由坐下點菜到另加 order，店員一直在推銷龍蝦，最終棄上湯點了個比較穩當的芝士焗，可惜卻中了伏。龍蝦本身問題不大，尚算新鮮爽口，但似乎是白烚後加入芝士汁，沒有焗的感覺。芝士汁也不夠濃郁，顏色偏白，像忌

一行五人, 行完山上去晚飯, 都係得張細枱, 見到都鄰枱d餸巳好肚餓, 快叫金牌蒜香雞, 咕嚕肉, , 法國紅酒牛肋條 ,炒通菜 , beer小姐SELL了支BEER, d餸幾大碟, 5条友都的夠分, 味道唔差,不過人地金鎘海肅減價, 佢猶就加咗, 不過夠大碟抵消番, 建議多人去好d!!!

隔左幾個月再次幫襯，一樣係甘好味：金牌蒜香雞 ($98半隻)：雞肉嫩滑，蒜香野味香濃。豉汁南瓜炆雞 ($70)：原本唸住豉汁南瓜夾起黎會怪怪地，但老闆推介我地試下，估唔到又真係幾夾味，南瓜 “粉甜”，雞亦好入味。蒜茸牛仔骨 ($70)：牛仔骨肉唸，炒得好有 “火侯”，但無咩蒜茸香。金銀蛋莧菜 ($65)：呢碟菜好難會煮得難食……腿茸琵琶豆腐 ($70)：最有驚喜既菜式！外脆內軟，豆腐調味得好香！脆皮BB鴿 ($55兩隻)：較為遜色，無咩特別，味道也一般。呢度每碟菜既份量都好足，呢個價錢唔算貴，最適合一大班人聚餐。

和陳生家姐慶祝生日, 去了久違的權發!點了家常的蝦仁炒蛋, 咕嚕肉, 魚湯鮮菇雜菜煲, 西蘭花炒吊片, 蒜蓉開邊蒸龍蝦, 5個人食到勁飽, 仲要打包!裝修後既權發, 比以前舒適, 連碗筷都換了新, 但是餸菜依舊大大碟!蝦仁炒蛋: 十分滑, 自己o係屋企係唔會炒到既, 蝦仁又大大舊, 好味!咕嚕肉: 唔知係未侍應落單時聽到唔想要咁多骨, 結果件件肉, 好好味!蒜蓉開邊蒸龍蝦: 好抵, $128一斤, 要了3隻, 都算新鮮, 大大隻, 不錯!其他既都幾好味, 仲送糖水, 5個人連埋飯連埋汽水都係$500幾, 實在係大件夾抵食!

17-1-2009同好耐無見的大家食飯, 一行多人 10:00pm 0黎到, 不過仍然多人到打仗一樣, 訂了檯仍然要等位, 搞到成 10:45pm 先有得食:- 古法羊腩煲:「明爐」的, 不過個爐認真唔掂, 滾了半個鐘仍然無喱反應, 真係 -_-" 羊腩夠羶香, 肉腍, 帶點肥, 不錯; 枝竹就較硬; 生菜就唔夠搶, 無食.- 西蘭花炒桂花蚌: 桂花蚌幾嫩, 食落爽爽的又滑溜, 不過呢碟太唔夠熱了, 油溼溼溫溫吞吞, 麻麻.- 西芹炒班球: 一斑兩味之一, 條魚夠新鮮, 肉幾爽口; 西芹幾老0下, 食落硬硬的, 不過呢碟又係唔夠熱的問題, 油膩感大增, 印象麻麻.- 炆班腩: 一斑兩味之二, 呢個好食 d -- 班腩好入味, 幾濃蒜香, 芡汁唔會太杰, 幾好食.- 荔茸香酥帶子 (見圖): 用芋蓉包住帶子再蘸粉炸, 賣相如芋角, 炸得熱辣辣, 脆口, 唔油, 芋味香濃, 正! 亦因為芋香太突出, 帶子就反而淪為配角, 食落無乜味道, 可惜.- 蒜香雞: 據聞係招牌之一, 食了件雞翼, 雞皮算乾爽, 食落都脆口, 但蒜味呢? 肉質就幾乾又好0鞋. 唔知係佢失手定係點,

今年平安夜晚同老公、囡囡去權發食聖誕大餐，當晚我地點咗囡囡最鍾意嘅蟹鉗、墨魚餅同鴛鴦炒飯，加多一煲例湯，因為驚食唔哂，所以冇點到油鹽水大蜆講番個蟹鉗，大隻不特止，蟹肉咬落去彈牙，唔係一般貨色，從來都係去『飲』嘅時候嗰 d 蟹鉗先似樣嘅，但權發就從不欺場，次次去食都 keep 到水準墨魚餅內加咗 d 原粒墨魚，咬落有 d 煙 un 而且爽口，仲要係好厚肉，佢地 d 墨魚餅仲加咗少少蝦蛟一齊打，所以真係份外爽口鴛鴦炒飯真係好味到都唔駛講，d 蝦食落完全唔會覺得似係『bear』水蝦，料多汁多都係賣 70 幾蚊嗰晚例湯唔記得全名，只係記得有雪耳、木瓜同唐排，湯係一煲煲原煲煮嘅，湯料多到係嚇親你，個 waiter 『畢』起 d 湯渣之後，煲湯即刻少咗 1/5，可想而知係有幾多料，冇味精湯好有住家 feel，三個人要一小煲都係 $48一家三口三個餸一個湯加埋 2 罐汽水，送甜品，埋單都係 $300 左右，仲要食唔哂將蟹鉗同墨魚餅包番屋企再食 tim

因為要就番朋友仔係太古番通宵，所以黎左呢度食晚飯：古法羊腩煲配生菜 ($118)：個汁好香，配合起羊肉唔會太騷或蓋晒羊肉的味道！羊肉炆得唔太腍或太實肉！荔茸香酥帶子 ($78)：荔茸軟棉棉好香，加埋又薄又酥化既外皮，perfect match！但食完一件就有點濟濟地。蟹肉扒豆苗 ($88)：蟹肉獻汁傑左 D，豆苗好嫩，整體都 OK。金牌蒜香雞 (半隻$90)：係店員介紹既，話係新鮮雞整。皮薄香脆、雞肉入味香滑、極之好味！法國紅酒牛肋條 ($85)：非常野味，牛肋條腍身。椒鹽瀨尿蝦 (兩大條共$231)：朋友們覺得肉質較腍身，但我就覺得 ok，但相比以上既菜式就差左 D。呢度每碟菜都好大碟，呢個價錢和甘好質素，好抵食！

衰在係要搭檯o者,其他野都真係唔錯晚餐比之前貴左少少:就係加左一推介: xx炒帶子(好新鮮) 紅酒牛肋骨(又多又有水準) 蜜汁鱔(份量少,但外脆內香軟,真係好好食^^)

有次睇openrice搵地方食飯, 見到這店好多人都話好食. 有次經過見到好多人排哂隊等位, 心諗如果吾好食, 點會咁多人肯side 時間等咁耐. 所以真的要去試一下. 今晚好彩早一步到, 坐低後就開始多人, 企哂0係度等位了. 所以大家吾好諗住平日吾洗訂位啊, 呢間飯店真係好多人去食架.我們帶左支紅酒去, 吾洗收開瓶費的, 真好啊!! 見到蝦好似不錯, 叫左蒜蓉蒸中蝦, 清炒豆苗, 椒鹽鮮魷. 見到介紹辣酒煮巨蜆, 個圖畫幾靚咁, 所以叫了一個試下.豆苗最先上, 好大碟, 絕對係其他酒樓兩碟咁大. 菜不多油, 好好味. 椒鹽鮮魷值得推介, 好鬆化, 一點不會韌. 辣酒煮巨蜆, 有幾隻有沙, 汁夠辣, 但蜆本身不太入味. 不過奇怪的係個汁加左咖哩汁的. 吾通辣酒即係辣咖哩汁? 但係個味吾錯. 最後係蒸蝦. 味道很好, 好濃味. 但係中蝦不夠大隻, 所以肉質有少許嫌吾夠實淨, 吾夠爽口.所有菜式都大碟, 抵食又好味. 最後仲有甜品送. 今晚係西米露, 嫌吾夠熱. 不過其他一切都很好. 仲免茶介免加一添, 真係好抵架

即係話，你會唔會有少少雞蛋裹挑骨頭呢?你話快子污糟，佢地都比左水你，係預你去洗，佢地細心知道你可能覺得污糟，咁樣都仲話態度唔好?我自己都去過，我就冇出現你ge情況喎，會唔會，係你自己要求過份地高?即係要求高唔係唔好，需唔需要比埋木快子你呢?問尔要唔要糖水，都係待應細心，你話佢覺得你中左招先問你要唔要糖水，會唔會係你自己諗歪左呢?本人去食過，好食，真係好食，服務態度冇乜話特別好等別差。

我吾係好明啦我叉吾多每個week黎3..4次講真我又吾覺有幾叉牙第1佢冇茶$冇加一第2佢好多菜色第3佢d服務其實都吾叉佢咁多人去都冇話要逼你幾時走佢d伙計都幾好會同你打個招呼吾係間間酒樓d伙計都會咁吾傾都起碼有笑吾會黑口黑面我食左咁多次每一次d伙計都會同我笑打個招呼我就覺得佢幾好佢衛生其實都好好佢仲會有濕紙比你都有諗過你冇帶tissue既問題行樓梯其實都幾好平時ｄ公公婆婆冇點做運動一早黎飲茶行多幾步仲有佢ｄ野食味道吾叉如果吾係點會開到第５間分點呢價錢又平真係抵食!!本人推介

很久沒到權發飯店食飯, 發現每碟菜式的份量少了, 亦沒有以前咁好味.我叫了腊味糯米飯, 生汁大蝦球, 蒸白鱔, 京都肉排.燸米飯無味生汁大蝦球每次都食, 份量少了二分一.豉汁蒸白鱔無豉汁味下次都係諗下先再去......