權發飯店 (已結業)

兩個人九點幾黎食，佢話想黎嘛，嘻嘻~~~~黎開餐時咁0岩做緊識法代言人0既大結居。叫左菠蘿雞絲炒飯、蘿白牛腩煲、西檸煎軟雞同凍檸樂。牛腩幾un，其他都唔錯。下次想再試其他。

我住柴灣, 1個月去1次左右. 除夕夜上去食飯, 點咗糯米飯, 無セ味;淡茂茂咁. 我聖誕節到”潮樓”食糯米飯勁正. 另外蜜糖骨咁上下嘅餸, 豬肉又un. 西蘭花炒花枝, 啲西蘭花好硬呀! 整體有點失望.

老豆媽子約左叔叔嬸嬸食晚飯, 我見外賣飯盒我就買得多, 住咁耐都冇去過呢間食晚飯.真係唔駛行三分鐘就到, 老豆和叔叔一早爭位搵位.坐定定, 未齊人就叫定野先.羊腩煲, 大班兩味, 咕嚕肉, 蒜蓉豆苗, 椒腐唐生菜, 菜膽雞.羊腩煲又係用爐heat 住滾滾下, 個汁我覺得冇增輝/小菜王咁好, 但羊肉腍汁入哂味, 叔叔卻嫌羊肉過腍.大班兩味一碟係炒西芹, 一碟係班頭炸左再同蒜頭煮, 大班新鮮, 兩碟我喜歡炒果碟, 有d菜好吃點.咕嚕肉雖然等人到凍左, 但吃下去仍脆口, 汁唔會太多張住個口, 菠蘿大大件, 呢味掂呀!蒜蓉豆苗中規中矩, 椒腐唐生菜煮很入味但唔咸, 我們冇叫白飯一樣吃到冇得剩.菜膽雞芥菜唔苦, 雞唔算有雞味, 而且肥左d, 但勝在滑一滑.要埋紅酒都係五百多少少, 每人幾十蚊抵到爛, 仲要返屋企冇口喝勁飲水, 抵讚!論抵食好味, 我覺得可能仲好過容記小菜王.侍應服務好, 又講得笑.後記:話時話支七十八蚊Merlot cheap cheap 地都飲過.

東區有兩間權發, 我多數去西灣河呢間食晏, 因為東大街嗰邊無點心.午市碟頭飯多數唔駛$30, 小菜跟飯多數三十零, 超大碟, 第二度好難搵到. 小菜炒得夠鑊氣, 捧場客多食物流轉快夠新鮮, 物超所值! (佢地午市亦有平價海鮮, 三十零蚊既盲曹、黃花、(魚立)魚等, 清蒸、豉汁蒸、煎封都得. 絕對食得過.)點心方面, 蝦餃、燒賣、雞扎都好好食. 蓮蓉飽我差不多每次必叫! 如果可以磨到點九, 仲可以大中小點一律八蚊添!當然, 俾街坊價就唔可以要求六星級酒店質素, 但係權發算係實而不華, 質素中上既超值之選!

我都幫襯過呢間幾次。小菜價錢其實唔平，不過分量好大，如果同老婆去，兩個人真係好難叫，叫兩味想加個例湯都驚食唔哂，所以最好都係一班人。佢多數好熱，應該係即叫即整，所以出菜都幾慢，不過好食都冇乜所謂。

我相信係大排檔都食唔到囉, 話說有一個星期六晚一行十五人去食, 都係食左七百幾蚊呀, 我仲諗住要九百幾蚊, 但係左o的咩呢, 先黎冬瓜盅, 因為好快就會冇, 蒜香雞一隻, 西蘭花炒蝦球, 金銀旦現菜, 生炒骨, 憫斑尾, 雲吞雞等等, 當然仲有最正既芒果布甸啦, 可能多女仔呀, 所以唔駛叫咁多送掛, 但我真係覺得好抵食囉, 又汽水又啤酒, 所以次次有咩大事要慶祝都係去依喥食。為一唔好係人手太少啦, 咁個個都好有禮貌, 服務好好架啦。

"街妨價錢，一級水準"這間分店有早茶同埋下午茶，六點後樓下有外賣，好多人會買。我推介既椒鹽九肚魚，大碟夾抵食。

班朋友揀左年初三赤口團拜，屋主今年唔煮飯，我o地浩浩蕩蕩搭了幾個站叮叮落o黎食。筲箕灣個間幾年前試過，水準都好得。幸好我o地訂左位，8點半去到仍然有不少人在門口等，場面好虛冚。可能我o地晏左，羊腩煲、芥蘭菜芯豆苗、海鮮雜菜煲都沽清。一坐底我已立即點加大生炒骨，上台時我o地嫌不是加大，後來個待應好好幫我o地加多碟，即是前後兩碟中生炒骨。又係有水準的一間，甜酸味皆有，炸得夠脆但粉又唔厚，而配料的菠蘿比一般又大件。蒜香雞-皮脆肉滑，但欠缺雞味，幸好有蒜香味補救。海蔘花膠鵝掌翼-真材實料、用料十足，而D掌翼夠入味，唔會硬同韌。香酥荔芋鴨-要了全隻份量都幾大，新鮮熱辣炸起，外層酥皮夠香脆，我鍾意佢芋蓉較多鴨肉較少，不過真係一件起兩件止，因為都好溜。蝦仁炒蛋-好少見到用咁大隻蝦來炒蛋，蝦肉爽兼彈牙，而蛋炒得滑唔會老。蒜蓉炒西蘭花-雖然係一味好簡單的小菜，但佢用爆香左的蒜蓉去炒，所以特別有香蒜味。生炒糯米飯、琵琶豆腐、豆豉鯪魚油墨菜都唔錯。整體來講，每樣都好夠份量大大碟，而且又夠鑊氣。我o地12個人食左咁多樣野都係830蚊咋，真係抵到爛，好過自已係屋企煮。

等個親戚回港食餐飯, 結果班機delay, 餐飯九點半先開, 已經餓到有點傻。西灣河呢個時間選擇唔多, 以貨色對價錢比例, 權發原屬不錯的選擇, 不過今晚食到的真係好失望。"椒鹽九肚魚" - 或者係香口關係, 魚肉幾滑. "薑荵霸王雞" - 雞算滑, 不過無咩雞味, 同以前比較差好多."炆頭腩" - 咸得離譜, 個汁水汪汪的. "西籣花吊片" - 西籣花好硬, 好似拖一拖水就上碟咁, 不過吊片好味.怪不得近來行經該店少見了有人等位吃晚飯了。

因為離西灣河地鐵站只係兩分鐘路程(By editor : amended, thx!)

如果你唔介意同人搭檯食飯, 呢度係好好的地方! 記住假期一定要早d 去等位!

值得一試,especially dinner for family, dishes are big enough for whole family, food is very nice however it is not easy to get the tabel at weekned evening.