權發飯店 (已結業)

隔左幾個月再次幫襯，一樣係甘好味：金牌蒜香雞 ($98半隻)：雞肉嫩滑，蒜香野味香濃。豉汁南瓜炆雞 ($70)：原本唸住豉汁南瓜夾起黎會怪怪地，但老闆推介我地試下，估唔到又真係幾夾味，南瓜 “粉甜”，雞亦好入味。蒜茸牛仔骨 ($70)：牛仔骨肉唸，炒得好有 “火侯”，但無咩蒜茸香。金銀蛋莧菜 ($65)：呢碟菜好難會煮得難食……腿茸琵琶豆腐 ($70)：最有驚喜既菜式！外脆內軟，豆腐調味得好香！脆皮BB鴿 ($55兩隻)：較為遜色，無咩特別，味道也一般。呢度每碟菜既份量都好足，呢個價錢唔算貴，最適合一大班人聚餐。