權發飯店 (已結業)

要等位架, 等左一陣啦.要享受餐廳環境既人, 呢度恐怕唔岩喇.四個人, 叫左以下東西(正確名稱不太記得):川芎百芷魚頭煲- 味道香濃, 啖湯好飲, 魚頭份量ok.荔芋帶子- 圓碌碌一個波, 好似都有十件八件, 份量都幾大, 其實好似茶樓點心果種芋角咁, 不過裡面包左粒帶子, 帶子都大粒, 好味~~ 不過會有d油膩, 少食多滋味.煎藕餅- 又係有8-10塊, 唔太記得, 每塊都幾大, 蓮藕好爽, 都ok, 但印象不太深刻馬拉盞炒通菜- 掂呀, 呢個最好食, 好鮮味, d菜又嫩, 有d半乾既蝦仔落去炒, 好香.我食完野都唔覺要飲好多水, 味精標準合格, 真功夫~ 聽朋友講話蟹鉗都好食, 下次要試下先~

太座一向不喜歡平民化食店，星期六中午偶然行過東大街，好辛苦至拉佢上食。叫兩個$30午市套餐，生炒骨同咖喱牛腩，例湯好足料又夠濃，白飯份量大，一個人食唔哂。先講生炒骨，個汁好味但D排骨就淋，咖喱牛腩就正到暈，個咖喱汁十分好味，牛腩又夠淋，將D汁撈飯，結果兩碗飯食晒，飽到連晚飯食唔落。

yesterday night have dinner here. because is monday night, so is not as crowded as weekends!we arrive at 7:45 pm, need to wait for a while, but is ok , since not too busy . we had:Lobster - Garlie Steam $128 for 3 small ones.OK ah.. very nice.. size ok ... and also very freshvegetables:fresh and is a big dish.... ok alsoblack pepper sauce pork legthe sauce is soooo nice.. and the pork is tender, not fat at allSalad spare ribsvery nice, unlike other restaurants, they just put salad sauce on the

今日幫阿a慶祝生日,黎到呢間佢地成日去的飯店,阿m之前都訂左位,7:30,我地7:15到左,但負責收錢的那個肥女人,叫我地等等.我地都諗住未到7:30,咪等下先羅,不過上到去,真係全院滿座,點知等左半個鐘7:45都未等到,連最遲黎的阿t, 阿a 同大肚婆都黎埋,都未有位,卒之我都忍唔住問個侍應,佢已經第二次叫我地等一陣,我都好興咁話,咁使咩訂位姐,個個黎到羅位羅跟住有枱走,但係只可以俾到五人坐的枱,但我地有七個人,大家係咪覺得真係坐唔得舒服,我都好唔滿意,佢叫我地等隔離個張,由於附近的地方都好迫,所以唯有等一陣,都過左十五分鐘,以為個張稍為大些的枱會走,因為我地見到佢地俾哂錢,但係就向度分番錢,仲要向度每人食一個自己帶黎的橙,真係頂佢唔順,明知咁多人向度等位,就返去先至食啦,好彩隔離張大多些少的枱走,咪同個老闆講,話調個張枱,個個伙計都好似各有特色叫菜時,香辣炒什菇大蝦(叫個伙計落單,但個伙計話唔可以走辣喎,我心諗點解唔得,跟住個伙計話試下同廚師講,點知都係辣的,但都算多料)炸蟹鉗(都算大大件,熱辣辣)家鄉煎藕餅(但就咁將一塊藕餅舖些豬肉落去,味邊一般,有些凍)咕嚕肉(汁料都算唔錯,最

At last we have dinner here tonight. Although we live near this restaurant, but this is only the first time that we visit this restaurant. This is becasue this restaurant is always full. We can't make telephone booking since we only have 4 ppl, therefore we have to wait for a long time, so we give up. Tonight we arrive there are 6:00pm, and we can have a seat!!! After we've beeen seated, the ppl which came after us have to wait la. Anyway... dinner for tonight we ordered:1. Veg. with chi

1-12-2006　＠ｖ＠尋晚我地三位美女gathering，黎咗權發，我地分別都食咗ｎ咁多次，都係覺得好抵食，日日都唔收加一，ｄ野食又大大碟．雖然係好嘈雜，又好多煙幕，都係喇喇臨食完走人，未到七點已經滿座．我地叫咗三樣野：－A. 有錢佬炒飯－蝦，瑤柱，菜，蛋白炒飯，好夠味哩．B. 炸蟹鉗－啖啖肉，好有口感，掂．C. 辣雜菌炒蝦仁－西芹，雜菌類，鮮蝦炒埋一碟，好可口，已叫師傅整少辣，都係好辣，在口腔中沸騰．

奉止黐餐的一餐,就算黐,也要有所付出,筲箕灣,十個人,中菜,大約$100一位,邊間好?)我仲使講,當然係權發,年前同妳吃過,你失憶呀?)月前與麵包眾人聚餐,點菜方面大約點回上次吃過的.總之,唔要班翅.綜合多人的意見,大致上差不多,全部上次吃過.除卻一味生蠔煲.在吃蠔頻頻中招的今天,我們一於話之你.在最危險的時期,做最危險的事情,反而最安全,沙士時期,照樣唔帶口罩,又唔見我有事?很多菜式上次食評已提過,大致上差不多一樣有水準,鮑魚雞粒竹筒飯,粒粒充滿鮑汁香.個個吃過不停.生蠔煲的生蠔,沒有爆到乾如蠔豉,吃落也很juicy.另一味惹人爭先恐後的,就是圖中的芝士大蝦伊麵.底下索晒芝士味的伊麵底,不消一會搶清光.電視機上,正是首播的肥田喜事,席上有人話胡杏兒係港版Bridget Jones,論氣質,性格,點都無Renee演活Bridget的傻勁,我又覺得佢只係港版蒼井空.席上無人知其人係何方神聖,當我發up風.呵呵.

成日都會經過呢間飯店, 但係一直都無乜意欲入去食飯, 咁岩細佬生日, 又係要上0黎呢個website look look 0既時候. 由於發覺近期跑馬地銖記水準有0的下降, 又想搵間近近地, 見到權發0的comment 又唔錯, 所以決定0黎呢度試下.6個人叫左6個餸如下:-1. 炸蟹拑- 嘩, 好大隻, 彈牙同好味(記得係細細個去飲0既時候先可以食到0既蟹拑, 突然間鈎起0的童年回憶)2. 鍋貼小棠菜- 用蝦膠加小棠菜炸成, 外層幾香口, 內層有蝦膠0既彈牙同小棠菜0既清甜, 幾好3. 蜜糖膳片- 好味過銖記喎4. 咸魚雞粒茄子煲- 味道適中, 唔太咸, 送飯幾好味5. 菜膽菜- 0的雞都幾滑6. 薑蔥生蠔- 0的蠔都幾大隻, 幾鮮味呢餐飯炸野都佔左一半, 但係大家都覺得食物炸得香口但又唔油膩, 其他菜又唔太咸而且都幾大碟, Daddy都好鍾意. 而價錢都好合理, 400蚊度, Waiter叔叔同0的經理都好好服務同招呼, 下次會再0黎

常常來的. 因為真係好食同好抵, 抵在唔收菜芥同加一.不過要預左等位. 地方不大要上樓梯. 都幾迫的. 權發另一出名的地方是大碟, 所以都預左要提供盒給客人拎走吃剩的食物. 除筲箕灣外, 權發在西環, 西灣河, 北角都有分店. 這晚四個人吃了海鮮雜菜煲, 砂碢雲吞雞(有爐, 所以熱熱的), 之前都試過, 大大煲, 很足料, 還點了南乳脆膳. 第一次食, 醬和炸膳是分開的, 炸得剛好, 不會太肥. 下次再試其它餸.

(19/7)蒜香雞上的炸蝦片，猶如雜扒餐的那條腸，綠葉的角色，反而是整道菜的首選，為的是那小時的回憶，急著要那蝦片。而那蒜香雞，味道過咸，肉質有少許韌口；芝士牛油焗大蝦，是芝士或牛油也不重要，最重要是你可以想像的味道，去酒家吃的芝士焗龍蝦味道及汁料，標準味道，標準水準，沒有失望；炸蟹鉗，即炸的自然香脆，蟹肉算是合格，爽口彈牙；xo醬爆田雞，不錯，田雞肉不會過熟，味道恰到好處；而那鹹豬手煲，整煲是很濃厚的醬汁，略嫌偏鹹，只是喜歡豬手的軟肉；紅紅綠綠的菜色不能盡錄，只是認為水準是合理，價格相宜。

工作關係, 依家成日要到東大街. 下午個餐牌通常都係30拎蚊, 今日擇左沙嗲肥牛金菇煲, 仲送一湯碗大飯, 無加一, 有例湯, 有電視睇, 都係$30幾蚊, 真係好抵!

很久很久以前來這裡試過，但一直都沒有試過第二次；早前和朋友說起，他們都有意思來試試，所以便約了一起來。因知道這裡的菜，碟頭都幾大，所以第一段唔敢叫太多，但我實在太底估大家的食力，最後還是要追加多幾個菜才夠食，真利害。叫了太多菜，只想說說自已最喜歡的三道菜，包括：生炒骨、炸蟹鉗和鹹豬手煲。生炒骨- 酸甜味唔會過濃，雖則唔算太脆，但口感也不差，菠蘿係新鮮貨，所以很清甜。炸蟹鉗- 蝦肉新鮮彈牙又爽口，新鮮炸起就上，實在係高水準的貨色。鹹豬手煲- 豬手煲得好入味，如用來送飯，相信會更加好味，淨食味道就比較偏濃了點。埋單時看見價錢，真係有點唔相信，這樣平，每人一百元都不到。超值！多謝爐兄和小頭帶來的佳釀，人多晚飯，實在太開心又好叫菜！期望下一次聚會的到來。

小型食友飯局：先謝才女C 的轉介，南兄的邀請，包兄的籌備、點菜和酒水，還有頭兄、爐兄的美酒。是晚的菜式真是多得眼花瞭亂：XO醬爆田雞煲、黃金（鹹蛋）蝦球、火腩蒜子扣大班翅、竹筒鮑魚雞粒飯、蒜香雞（配蝦片）、芝士牛油焗大蝦（伊麵底）、馬拉盞通菜...後補椒鹽鮮魷、咕嚕肉和鹹魚粒炒白菜仔。中廉價的菜色，吃得甚豐；當然，跟同類型較佳的食肆- 尤其是蓮香樓- 一比，便比下去了。當然，食友著眼的，是把酒言歡的時間：各位才女、兄台、伉儷，幸會。觥籌交錯...可憾小妹酒力不勝，食力不繼，再加埋腎虧（？），呷了杯cidre 便臉泛紅暈...失禮。（還有，新機上手，閃光燈不受控制，要是起初令大大家不適，不好意思）

事緣麵包之前問我,今周有無飯開?本來想叫人開飯之前,麵包繼續發揮其效率高之本色.在東大街權發擺下一圍.之前我兩間心水,唯有推到下次再算.權發此勢力,已經由此老店,伸到去西環吉席街,月前曾去西環店.有不錯的評價.詳情請參考回之前的食評.新店亦空降在北角七姊妹道.住在北角的子民有福了.東大街老店已去過好幾次,但上一次去,已係好幾年之前的舊事.今日重臨,人面全非,身邊人,已變成一眾食友.有例牌的靚女C,才女G,近日人氣Blog王麵包,溫文爾雅的D先生,亦有新晉文化界才女Q,已少蒲頭的行為藝術家J先生等等.呢個陣容,用球隊去比諭,又覺得似係華倫西亞,多蒙特,阿積士,些路迪,甚至係列斯聯......點菜不用操心,但第一道菜,竟是馬拉盞通菜.丈八金剛,摸不著頭腦.XO醬爆田雞煲,很惹味,田雞肉也算幾嫩,爆得幾入味,不過如果自稱自己係Bluebood如王子就唔好吃喇,吃罷包你王子變田雞.黃金蝦球,頗爽口,咸香的蛋黃,面頭的飛魚子,雙重口感.竹筒鮑魚雞粒飯很出色,鮑汁完全滲進每粒米飯當中.粒粒分明,吃到唔停口.上次在蓮香樓吃罷個超必級數炆班翅後,今次再下一城,來個火腩蒜子扣大班翅.味道就差好幾皮了,肉

同bf兩個人去食dinner,點了1)蒜蓉炒莧菜2)避風塘炒蝦(本來去呢間店係為左食蒜蓉開邊蝦,點知佢話冇晒大蝦,整唔到,我又唔想白灼,最後自創左避風塘炒蝦,一試廚師手勢)蒜蓉炒莧菜好大碟,本來覺得三十幾蚊食個菜有d唔抵, 但係一上台, 嘩~~又大碟,食落又超正~乜都抵返晒~!!避風塘炒蝦都幾辣, 不過都係超好味~~雖然好辣,但係都要頂硬上食晒佢,因為實在太太太好味啦!!加多個白飯,兩個人食d攬住個肚出去都係100蚊多d~食中菜黎講,呢間野水準好過酒樓!!係環境唔及酒樓咁高級~