權發飯店 (已結業)

第一次都係朋友介紹去食, 一行四人, 叫左炸蟹鉗, 秘製豬頸肉, 招牌鷄, 黃金蝦, 最後都仲要叫埋芒果布甸. 終於食到要抱住個肚走. 埋單都係$350.-有找....好抵呀....我之後再去多幾次...每次都食得好滿意咁埋單~~ 真係至正之選!!

今次阿J同媽咪&細佬吃晚飯,其實我都會去東大街食飯,但每次都係經過權發,知道有呢間酒樓但無去幫襯,之前同事提開權發,加上再睇食評後,發覺評價不錯,一於同屋企人黎試食。今次點左4款小菜,包括:蒜香雞:味道不錯,炸得好脆好乾身,好香蒜味,仲有蝦片做伴菜,幾好炸蟹鉗(4隻):好好味,蝦肉好彈牙,食落嗒嗒肉,再加酸甜醬汁,好味沙鍋魚頭煲:上菜時嚇左一跳,例牌成個jumbo size,入面好多料,總之份量十足,味道賣相亦不俗竹筒飯:有鱆魚粒,鮑魚粒,雞粒,感覺似食福建炒飯,份量亦非常之多,最好搵多幾個人share個度仲有飯後糖水,兼不收茶錢加一,所以真係非常抵食,唯一就係要行一條幾高既樓梯先上到去,可能同老人家黎佢地就未必咁方便,同埋地方比較細,有少許迫既感覺,不過我下次一定會再去食過!

相信o係東區住既人認識權發好普遍，不過我有個朋友住o係葵涌，竟然都會去呢度食飯，真諗唔到佢咁神通廣大。d野好唔好食唔使我去評，因為只要你去過，相信你唔會彈佢既野食。地方、環境雖然唔可以說得上是好，張張大圓枱都幾迫，不過令呢個「大飯堂」更熱鬧呢！值得一讚既係佢既服務，反過來說與一般呢酒樓、飯店既伙計，佢地既服務、態度十分好。我最喜歡權發的是- 價錢合理，大部份好抵食- 唔收加一(雖然都係一個lumpsum)- 食物好食而維持高水準- 份量足，物超所值- 可以帶紅酒去開(唔另收錢) (不過我覺得人地開門做生意，幫襯下酒水係應該既)如果你係講求「食」而言，相信權發係一個好選擇。好多街坊都當左佢係飯堂喇！推介既菜式- 炸蟹鉗(最少叫4隻)- 蒜榕開邊蝦(市價/ 約$120-140不等)- 黃金蝦球- 鮑魚一品煲- 沙拉骨- 蟹肉羹(其他湯羹都好正、足料)- 斑腩、斑翅(喜歡魚骨的話)- 蒜香雞好似除左10人以上+用套餐先可以訂枱；我通常都係6點去食頭輪，唔使等嘛~

唔駛講,得我試晒所有餸再寫.因為樣樣都煮得好好味.但最緊要多人去先試,因為碟碟都好大.

我食過數次了,覺得小菜做得很好,又大碟,又多選擇,都算抵食,前數天我又再幫親,我地七點多到,都已坐左八成枱啦,之後來的要等位呀,我地食左個南瓜翅,黃金蝦,同魚腐煲,好食,好多料,食極都仲有呀,我見個個係個食評都係讚"權發",無人話佢唔好的,好勁呀,我會繼續支持支持,你地都要呀

星期日嚟呢到食晚飯，六點未夠已經全場爆滿。本來想叫炆班尾但沒有；終於叫了幾個小菜和蒸了一條老虎班($288)。小菜有肉碎浸菜、竽頭扣肉、燒汁鴕鳥肉同荷塘豆腐。各樣菜式份量十足，味道唔錯，都幾撚手。老虎班火候唔錯，但魚本身質地麻麻。下次嚟都係試番一ｄ店中名菜好似炸蟹鉗咁，見到枱枱都嗌都應該唔錯。

雖然地方細細,但d野大大碟....個冬瓜盅要預訂ga~~如果唔係實無ga!!

果日爺爺生日.一行八人訂左檯~ 做孫女既我打算孝敬下老人家~ 請爺爺婆婆親戚同男朋友仔擦番餐!賀一賀爺爺大壽!不過八個人先可以留檯, 開頭都差d因為唔夠人, 要拎籌而唔去架喇... 但因為之前響呢度叫過外賣, 又幾好食啵, 而且又岩岩好夠人, 所以就book左8點!8點黎到.. 好多人呀..@o@.. 不過我地都要等10分鐘左右先有檯... 仲要我打電話同佢講要房.. 雖然話盡量..但都無房.. 不過唔緊要啦.. 因為佢地真係好多人...我之前已經諗左, 不過有d臨時改左.. 有9樣~長長久久嘛!:1)黑椒德國鹹豬手2)豉汁蒸大鱔(原本係:椒鹽九肚魚)3)薑蔥炒羔蟹(原本係:沙爹粉絲羔蟹煲)4)黃金大蝦5)蒜蓉豆苗(原本係:棣絲腐乳生菜)6)咖喱牛腩7)蒜香吊燒雞一隻8)粟米魚肚羹9)壽包一打1)黑椒德國鹹豬手- 呢個真係幾好味! 又惹味! d豬手好稔身! 好香好重黑椒味, 少少辣~2)豉汁蒸大鱔(原本係:椒鹽九肚魚)- 我就覺得好普通.. 同埋有d腥, 不過我爺爺就話唔係好覺腥.3)薑蔥炒羔蟹(原本係:沙爹粉絲羔蟹煲)- 我舅母又話要薑蔥, 但自己又唔食!我覺得如果係沙爹會更好味囉!

呢間野晚晚都有人等位, 真係好鬼好生意, 但佢地既小菜真係確實一流呀!椒鹽鱔片- (而家仲食到) 呢個必食, 炸到好香, 好好味, 我唔太鍾意食魚都鍾意食佢, 仲大大碟.黑椒豬手- 炆到好稔, 好入味, 望落好肥美, 食左一啖就忍唔到口會再食多啖, 唔錯唔錯.水煮大蜆- 勝在夠大碟, 六個人食都夠分, 又無沙, 掂.炒聖子- 都正呀, 雖然細細隻, 但都好好味.沙爹金菇肥牛煲- 麻麻, 沙嗲味唔夠濃, 牛肉硬左少少, 應該煮耐左.

三個人好努力吃但仍然有剩:1. 蒜茸妙莧菜一大碟。2. 黃金蝦球一碟有十幾隻, 大大隻的蝦球被好多的醎旦黃包住,下面有西蘭花墊底, 炒得好乾爽沒有大大滴黃油滲出來。3. 魚腐煲裡面有十幾件炸豆腐咁大的魚腐, 還有冬菇片和草菇粒, 湯呈奶白色有點油浮面, 味道像醎魚豆腐湯。飯後送冰糖雪耳糖水, 每碗有一大塊雪耳, 幾清甜。九點前大啤$15一支, 九點後$8一支。

禽晚同老公兩個人去試下, 叫左大班兩味(炒班球加紅燒頭腩) 同蒜香雞,加枝啤酒, 埋單$230, 叫做抵食啦, D野大大碟, 兩個人根本食唔哂, 於是要打包.試個三樣野都幾好味, 又唔貴, 下次再去試下其他野.

尋晚一行三人, 到這裡食飯, 今次係我第一次來這裡.這裡的裝修好"up dup", 或許食物水準才是賣點.Order左蒜香雞, 北菇海蔘花膠, 蟹鉗, 琵琶豆腐同蟹子海鮮炒飯. 我覺得以上五款菜式都水準不俗, 幾有鑊氣. 每款食物都超大碟, 三個人根本食唔晒, 要打包拎走.另外有人話呢度招呼唔好, 但我覺得尋晚都ok.埋單$315, 但考慮到這是五個人的份量, 所以我認為只須平均$70一位.總括而言, 非常滿意.

Where are you?I'. waiting your suggestion.Oh! Oh! Oh!CEN

小炒大大碟，價錢又唔貴，最經典係紅繞石班尾，現在已暫停供應。午飯時人頭湧湧，班腩飯、乾炒牛河更是大部份人既心頭好，間中光顧都是不錯的選擇。

呢個時勢好難搵到d唔使加一及茶芥的食肆, 起碼有數得計, 唔會失預算, d食物仲大大碟, 味道都唔錯, 交足貨, 仲有個芒果布丁都係$30一大盤!