影片
更多
2006-07-20
16 瀏覽
事緣麵包之前問我,今周有無飯開?本來想叫人開飯之前,麵包繼續發揮其效率高之本色.在東大街權發擺下一圍.之前我兩間心水,唯有推到下次再算.權發此勢力,已經由此老店,伸到去西環吉席街,月前曾去西環店.有不錯的評價.詳情請參考回之前的食評.新店亦空降在北角七姊妹道.住在北角的子民有福了.東大街老店已去過好幾次,但上一次去,已係好幾年之前的舊事.今日重臨,人面全非,身邊人,已變成一眾食友.有例牌的靚女C,才女G,近日人氣Blog王麵包,溫文爾雅的D先生,亦有新晉文化界才女Q,已少蒲頭的行為藝術家J先生等等.呢個陣容,用球隊去比諭,又覺得似係華倫西亞,多蒙特,阿積士,些路迪,甚至係列斯聯......點菜不用操心,但第一道菜,竟是馬拉盞通菜.丈八金剛,摸不著頭腦.XO醬爆田雞煲,很惹味,田雞肉也算幾嫩,爆得幾入味,不過如果自稱自己係Bluebood如王子就唔好吃喇,吃罷包你王子變田雞.黃金蝦球,頗爽口,咸香的蛋黃,面頭的飛魚子,雙重口感.竹筒鮑魚雞粒飯很出色,鮑汁完全滲進每粒米飯當中.粒粒分明,吃到唔停口.上次在蓮香樓吃罷個超必級數炆班翅後,今次再下一城,來個火腩蒜子扣大班翅.味道就差好幾皮了,肉
權發此勢力,已經由此老店,伸到去西環吉席街,月前曾去西環店.有不錯的評價.詳情請參考回之前的食評.新店亦空降在北角七姊妹道.住在北角的子民有福了.
東大街老店已去過好幾次,但上一次去,已係好幾年之前的舊事.今日重臨,人面全非,身邊人,已變成一眾食友.有例牌的靚女C,才女G,近日人氣Blog王麵包,溫文爾雅的D先生,亦有新晉文化界才女Q,已少蒲頭的行為藝術家J先生等等.呢個陣容,用球隊去比諭,又覺得似係華倫西亞,多蒙特,阿積士,些路迪,甚至係列斯聯......
點菜不用操心,但第一道菜,竟是馬拉盞通菜.丈八金剛,摸不著頭腦.
XO醬爆田雞煲,很惹味,田雞肉也算幾嫩,爆得幾入味,不過如果自稱自己係Bluebood如王子就唔好吃喇,吃罷包你王子變田雞.黃金蝦球,頗爽口,咸香的蛋黃,面頭的飛魚子,雙重口感.竹筒鮑魚雞粒飯很出色,鮑汁完全滲進每粒米飯當中.粒粒分明,吃到唔停口.
上次在蓮香樓吃罷個超必級數炆班翅後,今次再下一城,來個火腩蒜子扣大班翅.味道就差好幾皮了,肉質鞋口,無甚味道.有點失望.
蒜香雞也做得皮脆肉嫩,圍邊的蝦片全無味道,吃罷感覺,非常空虛.芝士牛油焗大蝦,唔叫龍蝦,也沒有大不了.大蝦經過芝士洗禮之後,也能吃得出芝士焗龍蝦的感覺來,當然我係對底下的伊麵,更加見獵心起.炸蟹鉗,啖啖肉,同西環店一樣高水準.
去到這時,已經要再追加菜式,椒鹽鮮魷,質感過硬,生炒骨,呢味無吃過.不能評論.
是夜多謝麵包兄,小頭,同爐兄的佳釀.令到呢場賽事,更加高漲.再加上數支大啤,飲到隔離個行為藝術家睇住電視上的劉亦菲,照樣不省人事.
每次在權發埋單的一刻,永遠興奮到嘩嘩聲.無他,食物有水準,消費低廉.今次擺明食七咁食,都係一千銀左右.你話點會無可能未去食之前,聽到個名已經興奮?
呢間連鎖,吃得過,吃得過,值得去鋤.
張貼
