檀島咖啡餅店 (軒尼詩道)

營業中

休息中

閒來一個下午，因為一件小差遣到了灣仔鐵路站附近，在回公司的路上經過馳名的檀島，就冒名再試試這兒的馳名蛋撻。其實蛋撻出唔出名，最重要是識得去宣傳，周圍大大小小的麵包店，都有不俗的出品，沒有話邊一間比不上邊一間。馳名，只不過是常常被雜誌宣傳為什麼十大蛋撻而令人人追捧而已，而另一間馳名蛋撻也因為沾了一名肥鬼佬既光而令國內外人讚好。所以，馳名這兩字，只是虛名，而這一個虛名就是令到蛋撻可以賣$3.50一隻而又人人排長龍，不介意價錢去買的虛名力量。我也是為了這一個虛名，另一方面亦的確很久沒有食過檀島的蛋撻，貴也要整一盒回公司，與同事們其共享。這蛋撻是酥皮的蛋撻，皮酥就會比較易碎，所以要小心翼翼的食，檀島的蛋撻，黃心比較甜，而且也有好香的蛋味，不過，我食得多公司樓下的餅店蛋撻，於味道上，這檀島出品也不算是太過出眾，馳名蛋撻，的確只是虛名。是好味的，但大家不妨試試屋企樓下麵包店的出品，不會差太遠的。

舊式茶餐廳污污糟糟, 服務粗粗鲁鲁但係佢D嘢好食, 星期六下午四點半都要搭台, 人哋唔自在喎真正嘅酥皮蛋撻好味好味好好味蛋滑滑, 蛋味濃, 多層酥皮=鬆脆令我甘心去食呢個超肥嘅蛋撻火腿絲炒公仔麵幾好吖, 公仔麵彈牙好多嘢都燶燶哋=鑊氣加埋佢哋嘅辣酱好似兒時街邊嘅豉油皇炒麵揾咗好耐啦, 好l味!!!好味好味好好味

Initially I wanted to get the egg tarts but they looked pale and oily.Then I opted for the curry beef puff.The entrance of this restaurant looks like a circus.★☆★☆★☆★☆★☆★☆★☆★☆★☆★☆★☆★Curry beef puff:The puff pastry was too thick and oily.The beef was slightly spicy and the curry taste was just right, however the beef was chewy.★☆★☆★☆★☆★☆★☆★☆★☆★☆★☆★☆★

「檀島」是港島區數一數二的老牌茶餐廳，最出名的是「蛋撻」。湊巧在灣仔上 briefing，路過吃個午餐。環境是一貫茶餐廳格局，衛生情況一般，服務生爽快有禮。跟餐的忌廉湯，比較稀身，cream 味薄弱，更沒有配料。午餐 A 的龍利柳尚算新鮮，但意粉的份量少得令人驚訝 醬汁是百搭的洋蔥汁，整個意粉感覺很「行貨」就是了。第一次吃 $7 一隻的蛋撻，但令人非常失望。外層酥皮鬆化，蛋心卻近乎是白色，可見含蛋量之少。超群芳叔的 $4 曲奇皮黃心蛋撻，比「檀島」的好吃一百倍啊 「檀島」的蛋撻根本不值這個價錢，可能太多人慕名而去，所以唔憂做吧

今天晚上黎左檀島食宵夜, 檀島既裝潢真係好有風情,好能夠代表香港,所以"月滿軒尼斯"都係度取景,係收銀哥度都貼左電影既海報點左常餐,有沙爹牛肉麵,煎蛋,腸仔同餐包鐘意有餐包呢個選項,皆因好多茶餐廳淨係可以揀多士但質素屬一般水平沙爹牛肉麵有點失望, 味道偏咸,而且冇咩沙爹既香味麵亦好淋,好似發左水咁但奶茶都幾香滑,唔錯最鐘意係佢個酥皮蛋撻,當然夜晚唔會奢望有熱辣辣既蛋撻,但係凍左既情況都幾好食酥皮層數夠多,蛋亦算很香,不錯消費: $50左右

真的好久好久沒有吃檀島的鎮店酥皮蛋撻了。是日趁有空檔在灣仔一帶蹓躂，吃過麵條及甜食後，在離開與太座及小友會合之前，還是忍不住花多點腳程，來到這老店買半打拿走....買回家打開盒時，看見一個個黃澄澄的蛋撻，吸引力實是太大。管不了在此之前已吃了不少的東西，又按捺不住拿了一個張嘴便咬....拿上手已是被攤涼了的蛋撻，食起來的滋味自然是差了不少。嚐得出酥皮仍是像從前的鬆化，酥皮層數仍然很多很夠flaky；只是好像蛋漿味道是調得比較甜了些，因而吃不出甚麼蛋香來....由於太甜的關係，吃一個後已經很膩滯。其他的，還是留給其他人試吧....

呢間野真係連影相都唔想, 食個早餐都可以令到我咁唔LIKE佢, 真係好野~首先, 態度.....唔得, 成日好似睇你唔到咁, 話說我地係"搭枱"既, 咁叫左D野啦, D伙計問都唔問就擺低D野成枱咁多人, 就算叫D野一樣, 有D叫先有D叫後, 都唔知邊個打邊個, 攪到我地係第一個order, 但最後一個食 好啦, 到食個方面........叫左個B餐 "牛油餐包+ 腸仔火腿煎蛋+凍奶茶"應該冇問題啦, 咁簡單既野, 但係, 個隻煎蛋.....嘩, 爛哂兼熟哂.......可以係話"一餅野", 以為人人都係咁?錯啦, 係得我碟係咁 有冇攪錯呀, 咁都可以上枱??!!因為我唔想浪費食物, 我冇叫佢地換, 如果我叫換, 我相信佢地會掉左去OR換俾第2個囉~所以基於咁既食物質數同服務態度, 我相信我唔會再幫襯堂食兼要煮既野, 頂多只會外買蛋撻~

不是不喜歡連鎖式的麵包店，但往往食多少都是空空洞洞的。還是一些老餅店來得「實在」、 有質感，吃麵包， 應該是可以充飢的。 叫來一個簡單的香蔥火腿包，由它的重量，你大可已感受和那些如風的連鎖店不同：那是麵粉和牛油帶來的份量。而材料碎碎的，每一口都吃到蔥和火腿。沒有靠芝士做招來，亦沒有以材料作賣弄；麵包 - 從來都是由麵粉和牛油做起

這日要到灣仔辦點事，早餐一於就在這區食吧。出了港鐵近近地選了去以蛋撻、咖啡出名的檀島食份'醒晨早餐'，點了A餐，多士炒雙蛋，沙爹牛肉通粉和熱咖啡，$28。多士雖然熱辣辣，但吃起來太乾。炒雙蛋其實較像煎蛋，於我想像中有很大落差呢，失望。沙爹牛肉味道偏咸兼缺少了沙爹的香，牛肉的肉質和通粉都太淋。吃得不太滿足的早餐，好在最後杯咖啡對板，很濃咖啡香，喝起來的確醒晨，好喝。

每日食麥皮同麵包做早餐，真係幾厭，所以有時早起身，都會去食下茶餐廳。而我嘅至愛當然係灣仔檀島喇。通常都係食通粉餐，味道冇咩特別，但食慣咗就好有街坊味道，最鍾意係個餐包，上枱個包仲係熱嘅，塗上牛油然後溶化，好食，好過一般茶餐廳凍餐包渣唔到牛油。而且佢沖嘅茶都俾一般茶餐廳嘅濃，除咗奶茶咖啡好飲，其他如華田同好立克都沖得好夠味。通粉餐$26，比一般茶餐廳都貴$3-4，但我仍會繼續支持嘅！

今日係灣仔行完exhibition, 攰攰地去左搵茶記食, 其實想食金鳳都係又唔想行咁遠,所以食左呢間, 入到去都ok大, 平時都係食佢d蛋撻好似甜左d..但佢個皮係酥皮, 好鬆好厚, D蛋好似少左D, 唔夠豐富..另外, 原來最低消費要17蚊..但佢係咁叫我地食32蚊果個西多+野飲套餐心諗個野飲都成7蚊- -所以單叫左西多算.其實都唔錯食..佢個西多食落去唔太油..但有D怪油味咁..咬落去佢表面好明顯係沉過蛋漿再炸.所以份面係好鬆軟但唔夠熱..熱番D..夾心入面有D有醬有D又冇咁..但總算黎講係好食既間唔中食好啦..因為好肥佢d包好似都唔錯..下次可以試下..但貴係貴左D~

兩個人去食晚飯, 見到門口價目表發現都比一般茶餐廳貴, ok啦, 都去試吓。時間大約夜晚9點, 小貓三四隻 , 又似係收咗爐, 叫咗兩個飯, 分別係咖哩牛腩飯$45 + 黑椒雞扒飯$45, 點知侍應話無雞扒, 响佢建議下咗轉豬扒。兩碟飯上枱得三成熱, 黑椒豬扒飯變成蒜容豬扒飯!! 大佬如果無黑椒, 係咪應該先同客講聲!? 咁Creative不如唔好比餐牌我嗌嘢啦!!豬扒硬到唔識形容, 凍, 仲要無味!! 碟飯淡而無味唔知食緊乜!大佬! 既然要賣埋茶餐廳嘢, 比返應有水準出嚟得唔得!? 煮得咁難食仲夠膽賣咁貴! 不如淨係賣蛋撻啦! 賣乜茶餐!?真係好難食!! 絕對無下次!!

本來仲以為係咩老字號，今日都係第一次幫親點知原來不知所謂，無樣野掂，不論係員工食物家係環境首先講食物叫左2個晚餐一個星洲米，加3杯凍檸賓落完單先見到一杯$22，仲以為係跟餐加$4，問侍應，點知佢講一句："晚餐唔係餐喎"，之後就走左去，有無搞錯？如果晚餐唔算係餐，咁你間餐廳都應該唔算係餐廳都算了，點知來到凍檸賓上面塊檸檬仲有D獲撈係度既，仲有飲落根本係一杯糖水，仲好意思收人$22第2樣野：叉燒炒蛋，咁簡單既野都可以整到超級難食叉燒好似雪左成個星期咁，又硬又無味好似食肉乾蛋就炒到水旺旺咁，無文無味，蛋都未炒得好你學人開餐廳，知唔知個醜字點寫?第3樣野：咖喱牛腩，我都唔多講了，仲差過大快活大家樂美心，我洗咩比$48去食你?咖喱無咖喱味，又唔辣，得個咸字牛腩無腩，得幾舊咬極都唔爛既野，我食左二十幾年野都分唔清個幾舊係唔係牛肉跟餐菜心：凍既，又係唔知放左幾耐，但個蠔油唔錯囉，哈仲有個星洲米，又係無味既，仲要色都唔上，D 粉好多都仲係白色既茶水：一陣"縮味"，叫人點飲之後講下員工，態度差不但之，仲挑逗D 客人點為知挑逗呢?見到對面個女仔叫埋單點知個侍應話："啊~呢D係貼士黎架?比成一百蚊貼士~黎黎

上午又要到灣仔分公司囉文件下午成點多鐘離開，就在附近搵食嚟到都好多人，同一個人搭抬見到餐牌上寫住午餐只有一款燴牛肉（跟飯或意粉）於是就求其叫咗一份跟意粉餐飲要一杯咖啡好快好快全部一齊到仲快過我去佐敦澳洲牛奶先講果個忌兼湯先第一啖飲落去夠熱，夠濃但係成大陣奶味，又淡好似好杰既麵粉水加奶就係第一啖就係果一啖之後我放棄咗個湯跟住食果個燴牛肉意粉牛肉十分淋，但完全無肉味仲有個汁都吾知乜汁蠔油汁又吾似，話佢係茄汁又吾甜蒜蓉汁又無蒜蓉味，古靈精怪而且囉出嚟一啲香味都無果個意粉本身又無乜味而且唔夠爽身，稍為淋了少少成份餐真係麻麻唯一係杯咖啡都仲飲得吓唉！乜宜家咁失水準呀呢度地方都夠大服務普普通通

下午3點3，最好嘆個下午茶。這日就來了灣仔檀島，不過吃的不是這裡有名的酥皮蛋撻，而是很久沒吃過的夾心西多士，配杯檀島咖啡，下午茶價$32。原來這裡下午茶餐的選擇都頗多，由多士、三文治、粉麵到炒粉麵都有，價格亦很便宜，大都是三十多元一份。這日人客不太多，坐得都幾舒服。員工服務一般，可算醒目快手。其實平時我在茶餐廳一般會喝奶茶或映，但既然這裡是'檀島咖啡'，便喝杯咖啡。咖啡幾香，不過我還是較愛意式咖啡。夾心西多士被蛋漿包著炸得香脆熱辣辣，花生醬夾心，加上溶了的牛油和糖醬，美味！只要能說服自己暫且忘掉甚麼高熱量、高卡，這份下午茶是吃得津津有味的。