檀島咖啡餅店 (軒尼詩道)

營業中

休息中

檀島vs泰昌檀島一响出名旦撻，但近年泰昌興起，排隊人龍不再。 這旦撻是傳統酥皮，一咬下去，酥皮很薄，十分鬆化；旦漿呈半固體狀，很滑溜，十分香甜，有旦香，由於撻皮薄，相對地，每一口都充滿旦漿，十分滋味； 相對泰昌的是牛油曲奇皮，撻皮厚DD，富牛油味，口感和檀島有所不同，而旦漿則比較固體，旦香無咁明顯。估唔到的驚喜是沙翁咁好食！一如小時候在酒樓點的冰花旦球，表面沾滿沙糖， 一咬：非常鬆軟，又有D脆口，裏面充滿氣孔， ，一陣濃濃的旦香，正呀！現在賣沙翁的地方，已經越來越越少，有得賣而又咁好食的，就更加少了！推介！

於檀島食碎肉芝士薯條餐。等咗5分鐘有得食。個凍飲點咗杯凍奶茶。個賣相好正。杯奶茶唔算好甜。個薯條好脆。食到有好重芝士味。但係個份量好細。男人個肚真係唔夠食。埋單要$48。 真係唔抵食。

和老公吃個梳乎下午茶！到佐敦上課，下午茶休息時間，在附近逛了逛。以前也常常聽檀，未試過便進店試。下午茶來說，也算是多選擇！叫了個蛋tart 丶常餐、及豬扒意粉蛋tart:普通，沒有什麼驚喜常餐：沙爹牛肉通，餐包，蛋，OK豬扒意粉：豬扒在上枱時也有油炸的聲音，good，👍!不過，番茄汁太酸了Ps.我們另外在店門外買了一個豬仔包（芝麻包）$7，實心的！很飽肚！可以作為第二天的早餐吃！good👍

去會展睇演唱會，貪就腳走左入黎，諗住是但食少少野，叫左個羅漢上素同一碟揚州炒飯。唉…炒飯凍既，少少鑊氣都冇，淡而無味。所謂羅漢上素，同碟炒雜菜冇分別。連最出名既奶茶都冇茶味， certified.

從來都無寫過食評，但呢間嘢簡直係一絕！唔寫唔得！同同事難得去灣仔食lunch, 本來食韓國嘢，但係因為太多人就轉場過隔離檀島。見無乜人又即刻有位，就是但試下啦。坐底就知道"Lai" 嘢。成間餐廳已經唔滿，d伙記仲要扮睇你唔到。揚手成一至兩分鐘先有人理你。叫左個常餐：沙爹牛煎蛋撈米粉$42，凍檸茶$3。效率快事關無乜人，但令人咋舌。碗米粉細到不堪！同事見到我個餐就話：「我覺得你一定唔飽咯！」細都唔緊要，成碗嘢仲要凍嘅！食完仲要無飽肚嘅感覺！我自問自己係細食嘅人，我可以話唔飽就真係好離譜！味道就ok only.....總結：服務態度差 - 失敗！碗粉太細碗 - 失敗！唔會再去！

突然好想食旦撻飲奶茶，路經灣仔，記得有一間檀島，叫左一個旦撻一杯奶茶，$29。旦撻係酥皮，唔係啱啱出爐，只算麻麻，奶茶好澀。但閒日四點都有5成滿，好熱鬧，好香港茶記既氣氛。

諗住去美食展前食一食個午餐地鐵一出 諗住食茶餐廳 就見到呢間兩個人 一個食常餐 一個快餐常餐A牛油餐包 好細心加了牛油在中間但牛油太細個 不是每啖都有牛油腸仔煎蛋 應該係廚師腸 但有些少咸煎蛋係太陽蛋 中間係非常流心的蛋黃沙爹牛肉米粉 湯底全味精湯 沒有味道沙爹牛肉份量ok 冇會太少佢個碗底有水 所以會痴實台 不好的是 當食完想搬開 內裡湯會倒出飲品 熱利賓納 是日快餐 真係有點快 2分鐘上到白菌忌廉湯 不是希的湯 是溝到剛剛好的不會有pat pat既未溶粉末火腿扒燒雞飯 份量大但燒雞呢！？變左炸雞脾 配上濃郁燒汁 這的燒汁我就覺一般餐飲凍奶茶做完結

一心以為這間與中環那間檀島是同一集團，食物質素與餐牌應該是一樣，但原來我太天真。之前在中環檀島吃過令我非常回味的「吉烈豬扒薯條沙律」，一心和弟弟來到灣仔這間檀島encore，怎知原來一切與中環那間是沒關係的（老闆同不同我不知，我是說食物質素與餐牌罷）首先這裡並沒有「吉烈豬扒薯條沙律」茶餐，我仍然對「吉烈豬扒」死心不息，所以「吉烈豬扒烏冬」照殺^^不過完全不是中環那回事，首先我個人覺得，似乎炸的東西，不應配湯類食物吧，它們分開上，已非常細心。吉烈豬扒方面並沒有中環般出色，無論厚度和油炸度都比中環略遜一疇，烏冬出奇地淡，好像沒味道一樣。另外，弟弟叫了喇沙，這是一碗好睇唔好食既喇沙，睇落去好似好惹味，但事實又是沒味道的，超淡，顏色完全是呃人的。一次過餐廳，我絕不會再來。

早有聽聞呢間餐廳既蛋撻唔錯，今日剛好經過便決定一嚐究竟。坐下後便叫了一杯茶走及一個"極品"蛋撻，不消一會兩款食物都送到枱上。茶走茶味香醇，淡淡的煉奶香，實屬不錯。而蛋撻則不堪入目，令人大失所望。雖然蛋撻餡質感剛剛好，不太水也不太硬，但一咬下去，皮不酥，餡沒蛋香。而味道方面，就只有甜甜甜味，感覺上就好像吃下了數匙羹的砂糖。這所謂的蛋撻還要8元正一個，卻遠比我家附近的一般面包鋪的蛋撻還要差。總結，不會再光顧些店了。

很久沒有去灣仔的檀島咖啡, 今天專誠去幫襯, 大失所望, 點了最普通的常餐, 由餐飽到熱奶茶, 都不是熱的, 牛肉通粉, 真是牛肉還牛肉, 通粉還通粉, 連沙爹味都欠奉, 更受氣的是服務態度差, 求求其其, 明明熱奶茶杯, 放支長匙, 伙記又沒有禮貌, 不重視客人, 下次都是去那些要排隊的茶餐廳, 起碼食得開心一點.

服務失望，環境差，食物更差，都唔知道點解竟然會有咁多個好味道，唔通係打手?叫個菠蘿包，一pat野咁，又唔脆。蛋撻仲死，皮又唔脆，又無蛋味，連最出名的蛋撻都咁樣我想以後都好難再有機會幫襯

搬左入新界好少有機會食到檀島，行完動漫節見仲有時間就行去食番個下午茶餐先！餓左幾個鐘，一上台即刻食！個公仔麵係福麵，但係未夠“淋”， 但係個沙爹牛又幾好味wor! 咖啡好濃，正啊！下次想試蛋撻:-)

天氣非常熱的週末, 午餐已經Skipped所以下午茶來得比三點三還早點了蛋撻$8 和奶茶紅豆冰 $28$8 / 個蛋撻實在貴得有點過份, 不過今日好想, 好想, 好想吃蛋撻, 就敗一次比佢。蛋撻在焗盤上取出, 暖暖的, 酥皮一層一層鬆脆而不油膩, 蛋漿富蛋香甜度剛好,果然無期望反而讚左。見到都令小妹開心正正是大杯有壓場感的奶茶紅豆冰。奶茶沒有因冰而變淡, 茶味香濃奶夠滑加上夠腍又香甜的紅豆。一渴真是停唔到口, 正!

以前感覺檀島咖啡都算出名，我地去到灣仔諗食下午茶餐就諗起去呢間。星期日的下午頗冷清，我點了沙嗲牛肉拼剪蛋撈公仔面飲熱奶茶。沙嗲牛肉唔夠沙嗲汗，令面底食的時候頗乾身，奶茶水準也一般。本來想再叫埋蛋撻，但由於茶餐感覺嘛嘛，所以決定唔叫了。

今日喺灣仔做完社會服務,散水之後去搵飯食~由於唔係咁熟呢區,所以就喺大街附近搵食~經過呢間舖頭,原本冇諗過入去,點知見到佢門口牌寫住有馳名喇沙,就想唔住想入去一試~唔知係咪因為比晚飯時間少左少少,所以冇咩客人入面眼見到係一班年紀半百的哥仔...佢地好有中氣咁招呼我坐底坐底左就搵馳名喇沙的餐牌,就叫左個肥牛喇沙同點左份例牌油鷄肥牛喇沙 - 喇沙湯底好入味香而不辣~一飲就知係混水貨, 肥牛係打邊邊貨色,充份令我覺得我想得太多~!! 終於叫哥仔拎辣椒絲,哥仔話只有辣椒油,問我要唔要,..噢.~~~ 喇沙當然係要辣椒絲先似樣架LA!用辣椒油的話就更加失色了...最後為左加D辣,放棄左對喇沙的堅持...例牌油鷄 - 本來諗住要半隻,點知哥仔突然話半隻 $110,例牌夠我食咁話喎~我覺得佢係想話我知好貴,.叫我唔好食,所以我都順佢的意思叫左份例牌,真係好在哥仔的指示,油鷄例牌已經好有份量,而且仲好重口味~豉油可能平過鷄,所以師夫重手左好多油鷄件本身整得太熟 一D都唔嫩滑~D皮好似風乾左好耐有D乾身~PS 哥仔真係好重手~半碟鷄都唔夠居然比左半碗蔥油總括黎講...真係唔好咁易相信''招牌同馳名''呢