橫綱

營業中

休息中

尋日路過油麻地, 見唔算多人, 就去排隊, 排左半個鐘就有得入以前的橫崗, 最出名是自家"R"的豬骨湯底, 但尋日食的, 絕對只有係豬骨味精湯既咸, 沒有了原本的甜.... 越食越口渴, 最後, 第一次沒把湯底全飲掉便走....日本師傅走了(被炒了?), 現在的小師傅做的面也"拿西"了, 一次過整5, 6碗面, 落餸的速度也慢了, 到有的食的時候, 面已開始變"林"名聲大了, 現在客似雲來, 還記得三年前第一次到橫崗, 9時的黃金時間也不用等位, 面, 小食, 湯底都是一流, 現在的橫崗.... 真的令我太失望, 希望佢地唔會因為多人的原因令質素再變差

我地兩個人沉日夜晚8點半左右去到期待己久的橫綱,跟想像中﹑傳說中所講一樣‥去到好多人.令左等位紙是"36號"但店員剛剛叫的號碼是"17號"=_="呆了‥我地兩個行開了半個鐘,回來聽no.都只是"28號"‥最終9點半左右先入到去‥鋪內位子大概只有二十人左右‥一眼睇哂‥店員個個都好親切..但meun上只有20多樣拉麵和飯.沒有壽司選擇‥只有飯團="=我地滿心期待openrice會員們推介的牛肉.於是二話不說叫左牛肉小食! 捧餃子.味肉拉麵﹑香蔥拉麵.牛肉小食,味道OK! 但個人覺得要配白飯/拉麵會好味D.捧餃子,本身應該好味的!但‥師傅煎得過火了‥食落有一陣""味‥又失望了‥味肉拉麵,肉是老的‥(汗) 湯底好味.但食到最尾又好似濃左少少...香蔥拉麵,幾特別,但一定要配拉麵食,如果唔係都幾辣.好艱辛咁食完碗拉麵﹑埋單,店員又好親切咁送多2張擦擦卡俾我地‥一張$5,一張$10既現金券‥多謝哂..我諗我地都唔會再去幫親咖啦‥多謝收睇。

先幾日帶左台灣朋友同gf黎尼度食拉面...依舊要拎籌等好耐...冇計..座位有限..等左一個鐘左右先入到去..叫左兩個九州拉面..其中一個轉牛肉...同一個辣味味噌牛肉拉面...仲有兩個細飯..(鰻魚同麻婆豆腐)以前食橫綱..一定會將叉燒轉做牛肉..因為佢d叉燒硬左d又冇乜味...但過左咁耐再食番...進步左..."林"番..但都係冇乜味九州湯底keep到水準...好濃好甜好好味..女朋友仲話好似好食過以前tim...台灣朋友都話好耐冇食過咁好味ge拉面...排隊等都係值架

我可有一陣子沒去過了原因是因為其中一位員工的態度實在叫人難頂我光顧食肆我原則是:坐得擠不要緊, 因為有好吃的;吃的一般也不要緊, 因為有好的服務員;可連服務也攪不好, 這店就沒有再讓我光顧的理由了相信好多食開既人都認得果位"老臣子", 係一位女士大家都知間鋪唔係大, 附近既人講咩基本上可以聽得一清二楚果位"老臣子"居然可以係繁忙時間當住咁多客既面前同"新丁"係度數某某某客人既不是我都明白有D客人可能係麻煩D但係話晒都係做服務行業, 係米應該俾返D應有既態度尼? 你要呻都唔係當住咁多客人面前下嘛?再加上"老臣子"招呼客人既態度認真係不敢恭維, 連新丁都不如, 我諗老闆應該多D落場睇下, 同D STAFF做下思想教育, 餐廳旺場唔=啲客奉旨要受氣如果佢D員工態度仲係咁, 我諗我之後都唔係再去lu, 幾好食係假, 服務最重要

聽朋友講橫剛係十分出名的拉麵店,於是我自己入左去食個豬骨拉麵,再加多碟餃子!豬骨拉麵湯底真的不錯,配料方面,比較特別係用好似荷蘭豆嚟做配料,日本拉麵很少見,但味道配合得幾好!片假魚旦味道都好,通常是不好食的,但這店用的是上等貨呢!餃子都好好味!煎既火喉exect!

呢間舖長期都好多人排隊，即使平日都一樣，企係街度等都幾辛苦，好彩等左半個鐘就有位喇！因為舖位實在太細，難免要搭枱，仲要坐得好迫，你眼望我眼的確有點尷尬！呢次叫左九洲拉麵，香濃既豬骨湯加上彈牙有嚼勁既拉麵，味道出眾。而叉燒就偏肥，應該咁先叫正宗吧，因為我係日本食既都係咁。呢度既日本拉麵仲有得加底，唔怕肥可以落牛油添，果然同日本既一模一樣，難怪咁多人要等都要黎食啦！而且價錢唔貴，真係食得過！

鋪頭好細, 星期六的下午茶時間都要等半小時叫左叉燒拉麵同九州拉麵九州拉麵的豬骨湯底好濃, 但係過鹹, 飲落喉嚨唔係幾舒服。叉燒拉麵要左醬油湯底, 呢個就唔錯,麵質彈牙, 叉燒都好大塊係香港黎講, 呢間的拉麵算唔錯的了！

因為朋友介紹，所以到此一試。店鋪面積不大，而且人客多，以前經過都大排長龍，這次也不例外。點了一個橫綱拉麵(加大麵)，味道不錯，拉麵口感跟外面的不同，只是略嫌醬油湯底太少，兩口便喝清光。整體來說，待應態度親切，有效率，但坐位太迫，幾乎跟後面客人背貼背，沒有私隱可言。價錢亦非常合理，不另收加一，只是結帳時才發現加大麵原來要加$5，但侍應落單前沒有告訴我，MENU上亦沒有提及。

20/1(Sun) 睇完戲２點幾未食嘢，走去橫綱睇吓有冇運，一個人都要等成十張飛，足足等咗超過20mins終於有得搭檯．見個meun上面嘅開邊玉子好鬼吸引，就要了玉味拉麵係豬骨湯底嘅，原來set有碗mini size飯及飲品，咁我又貪心的要埋個韓式飯+凍檸水．雖然都係等咗幾耐先嚟碗麵，不過ｄ糖心蛋真係同meun個樣一樣咁正架，仲滑滑添，就乜都抵番晒．义燒係切粒嘅，仲有塊紫菜同菠菜及芽菜，再加ｄ七味粉，好味，好飲，食到咁上吓，個飯先到，連個碗都係熱辣辣的，個飯就嘛嘛地，有ｄｄ嘅泡菜呀牛肉呀菜呀咁，有ｄ似迷你石頭飯，隔離個咖哩牛肉知飯似乎得ｄ，其實唔點個飯就啱啱好，因為我已經好鬼飽．$56大元食得好鬼滿足．

(20/1/08)蔡瀾讚過最似日本味道的拉麵店,時常都有人龍。哎飛店員很有禮貌。八點一等到九點才有位。肉碎蛋飯$36,無乜特別。味玉拉麵,用上北海道無菌雞蛋,作鹵蛋,溏心正不特只,蛋白仲好滑,真係好驚喜!肉粒其實同日式义燒味道無分別,豬骨湯非常正!濃得來又無"口確"。煎餃子六隻,很多菜,看似無肉,但我咬到好多粒肥肉。面豉湯淺色d,感覺無咁味精,健康d。

星期二晚元旦日，6 時許來到，已見有好多人在門外等候，拿拿臨取飛輪候，過了約15 分鐘，人潮不斷湧現，心中暗自慶幸早來到，不然至少等上45 分鐘。過了20 分鐘，終終有位。一坐下，二話不說便點了屋台拉麵和香蔥拉麵，很快便有得吃。味道當然沒有怎樣變，只是今次那個香辣麵豉湯底略嫌偏辣，麵條也過腍，但整體尚算不錯。埋單$82，心覺奇怪，往時只需$70 多，翻看一下餐牌，始知香蔥拉麵由$36 加至$42，屋台便不清楚。加幅高達16 %，真的嚇我一跳。

見咁好食評.今日下午茶時間就同男朋友黎食.以為唔洗等.但可能今日係星期日啦.等左10分鐘先有位.間舖真係好細.所以師傅煮面既過程好清楚咁睇到曬.我叫左九州拉面.配料幾多.湯ok.但我覺得叉燒太瘦.咬落去比較硬.依度選擇唔太多.但都覺得佢\\\\\\\\\\\\\\\係一間有誠意既舖頭.staff既服務都幾好.如果各位想黎試.不妨tea time黎試左1次先.因為如果正餐\\\\\\\\\\\\\\\時間黎應該唔太值.

自從樓上舖冇咗之後,得翻呢間地方峽窄的地舖,每次要最愛的鰻魚傳說及九州拉麵,食物都係咁啦!但不知是不是他們日久沒有洗疏化關係,進食期間及之後,感覺到有蝨咬,一粒粒好痕呢!

今日去百老匯電影中心睇戲前去食,但係我就唔覺要排好耐隊,地方需然好細,但係都亁淨,九州拉面有义嬈,粟米,紫菜,筍同魚旦,料都幾多,面底幾有咬口,湯底都ok,比一般日式連鎖店好食好多.需然店仔細細又要等位,但係我次次去啲服務員態度都好友善,無黑面,反而有時等位時,見到啲人又要等食又要鬧,無人叫你等,你可以唔食即刻走,有時消費者都應該講吓道理.

第一次試黎間拉麵店叉燒拉麵+豆醬湯底$48 -配料好足，但麵質很差，感覺很普通，叉燒肉質可以啦九洲拉麵+醬油湯底$38 -醬油湯比較好味煎餃子$28 -料很足，但價錢比較貴總結: 不是咁特別，唔值得等咁耐去排隊