樓下冰室

營業中

休息中

今日去荃灣荃華街附近見到好有特色門面 叫樓下冰室 鋪頭名又幾得意咁入到去既裝修真係好有舊香港既設計 好岩打卡人仕去影下相咁下午茶set價錢都係同區內差唔多 都好低食咁叫左個咖喱豬扒飯 個咖喱味偏向港式味道 豬扒份量都好多 正咁另外叫左啦口水雞 依一樣真係估唔到咁好食 味道好地道川味 不過就唔太辣 d 雞都好嫩滑 又大份下午茶緊係唔小得瑞士汁雞髀 個個香港人下午茶最愛雞脾又大份 又真係好入味另外就點多咗一個芝士焗西蘭花 如果再多d 芝士就岩晒我依d 重口味人士咁加$10有咁大杯特飲真係低分別有紅豆冰加阿華田脆脆

今日早咗起身，所以就落樓下食早餐，今日想食番茄湯底，所以首選一定係樓下冰室，最鍾意佢個炒滑蛋，好重蛋香之餘仲好滑。塊牛油多士都好好味，都落得幾多牛油同埋幾脆，你個番茄叉燒麵，酸酸甜甜咁好好味。

荃灣好多嘢食，但係今日心思思，好想食下冰室，心目中有幾間冰室想食，但係到最後都係決定食樓下冰室，一來抵食夾大件，二來佢嘅懷舊風繼續一樣吸引到我。外面望入去真係好似八九十年代嘅冰室。雖然裝修風格比較懷舊，但係食物嘅種類都好多，除咗傳統嘅冰室食物外，仲有一啲比較適合現代人食嘅快餐。叫咗個台式滷肉雞扒飯，分量多不在話下，味道濃郁，台式肉醬香味濃，雞扒煎得好香脆，配合埋肉鬆一齊食，可口。另外叫咗個番茄湯上海麵，配牛肉同埋一隻瑞士汁雞髀，蕃茄濃湯超多蕃茄肉，牛肉偏淋，滑板超滑溜。瑞士汁雞髀個瑞士汁香甜，唔似得出邊嗰啲汁好鹹，雞髀肉鮮嫩多汁。

呢間餐廳喺荃灣開咗好耐一直都未有機會幫襯，行開呢度終於有機會嚟食！✨吉列豬扒沙律吉列豬扒超級厚，而且豬扒好鬆軟！吉列炸粉好薄！而且一啲都唔油膩😋😋😋沙律就係正宗茶記沙律！夠晒多沙律醬！✨超級厚蛋治真係唔係講笑！啲蛋多到一啖都咬唔晒！啱晒打卡之餘而且啲蛋都幾滑同埋有牛乳嘅香味🤪🤪🤪✨瑞士雞髀🍗、沙律佩丹麥多士丹麥多士即叫即整！熱辣辣超正！瑞士雞髀🍗係呢間餐廳最出名嘅食物之一！果然冇令我失望！瑞士雞髀啲顏色夠晒深色！而且雞髀入邊仲有肉汁同埋鮮嫩可口😍😍😍😍✨三併番茄麵(自家製叉燒、鮮牛肉、素食）覺得揀呢三樣餸都幾好食，冇一樣野係伏！最好食嘅係鮮牛肉！因為鮮牛肉夠晒滑而且冇咩筋！自家製叉燒係半肥瘦叉燒，肉質都幾淋！素食就包括有鮮菌、粟米粒、腐皮同埋一啲蔬菜🥬！嘢飲選擇幾多！叫咗咸檸檬蜜同檸七！爽呀🤟🏻🤟🏻

《樓下冰室》荃灣🍅我都好耐無去過「樓下冰室🍅」，路德圍喺邊實在太唔好坐，而新舖這邊位置又唔太就腳，所以好耐無去🥲咁岩今日要去大窩口做野😅咁就有機會比我喇🥰地方比較闊，樓底高所以都食得舒服，質素一如既往既“好食”，絕對無失望💖＜焗豬扒飯＞$58 💖豬扒厚身夠淋，而且醃得夠味😛炒飯底係要大力讚，粒粒分明就乾身，有好多蛋去炒，口感同味道都一流😎＜樓下精選＞$50蕃茄牛肉通粉，配牛乳滑蛋同牛油多士😋超濃蕃茄湯甜酸度剛剛好，牛肉雖然多但口感一般，醃過籠無哂口感😪多士正常，滑蛋夠滑身🤪好食

行完超市逢星期三減價日，就過黎食埋野六點半前仲有下午茶到樓下冰室一定要吃瑞士雞脾配沙律 加$10轉紅豆冰紅豆冰大大杯，紅豆餡多，好味大大隻雞髀肉質很嫩，瑞士汁又入味重點係可以斬件上，方便食！沙律一盒份量都唔少，好多水果，不錯蠔仔肉碎泡飯大大碗，除左有粒粒飽滿蠔仔外，仲有唔少墨魚仔粒，好好咬口成碗泡飯都好鮮味，有驚喜！口水雞 可選米線或白飯口水雞唔會好辣，雞件都幾嫩口，配埋米線食幾過癮雜菇娃娃菜娃娃菜份量好多，雞湯好清甜，足夠兩個人一齊食

搵食途中比一間充滿懷舊的冰室吸引咗，餐廳內與愛的裝修都有香港懷舊嘅特色。當然要叫推介嘅蕃茄濃湯通粉配牛乳滑蛋，湯底濃郁帶微酸，內有蕃茄蓉，而且滑蛋很嫩滑。配搭小食揀咗一份麻辣炸雞件，一口炸雞件，帶少少麻味，不會太辣。另一個招牌菜係瑞士汁雞髀，雞髀肉質很嫩，瑞士汁很入味，值得推介。嚟到懷舊餐廳緊係要食菠蘿油。麵包微暖，牛油厚切，一啖菠蘿包一啖牛油簡直係絕配👍🏻另外叫左一份口水雞（例牌$60），可選麵或白飯。個人認為口水雞有一點點辣，辣得有點過癮，雞件很嫩，值得推介。德國什腸$36，有三款唔同種類的腸。忌廉紅豆冰，好邪惡嘅配搭，飲完呢杯紅豆冰真係要做運動😂華田脆脆，飲之前我會撈一撈，撈勻晒啲華田脆脆，好正牙🤤話梅柑桔蜜（熱），天氣開始涼涼地，飲番杯熱嘢即刻暖晒。

中午1-2pm同同事去食飯，1315去拎位唔洗等，即入，入到去坐位算舒適，落單同上菜速度都好快， 5分鐘之內就有得食，我諗佢應該係一早整好曬。叫咗一個煎蛋免治嘔同埋咖喱牛腩飯，個免治牛只係平兩蚊，但啲肉就少到喊出嚟😭仲慘過大學時食嘅頹飯。而個咖喱牛腩比較瘦，不過份量夠多👍🏻所以同事分咗兩嚿俾我食，都勉強夠飽嘅。味道：3.6/5環境：4/5服務：4/5上菜速度：5/5

近呢半年食多左好多茶餐廳，但通常都無話印象好深刻，呢間係例外😍😍😍特色蕃茄濃湯通粉配牛乳炒蛋 + 火腿奄列配蒜蓉多士 ($50)：首先一上枱，個份量係驚人黎形容😂 淨係碗通粉都已經係我平時lunch嘅份量🙈🙈蕃茄係好清甜嘅湯底，加埋超級滑嘅牛乳炒蛋，已經無得輸！ 至於火腿奄列，如果我知道佢咁大份，我應該會嗌其他野😂😂 其實佢都好好味，但係我成餐就食咗好多蛋🤪 蒜蓉多士用咗丹麥多士，甜甜地，冇平時茶記啲包咁乾，食下食下就唔小心食晒😚雖然講到成份真係好大份，但係實在太高質，所以我都食剩唔係太多😂😂 $50咁高質，絕對會再回頭！👍🏻👍🏻👍🏻👍🏻👍🏻

搵食途中比門口既裝修同「蕃茄湯·瑞士雞髀專門店」幾隻大字吸引左入去食😍入到黎既裝修都勁懷舊feel，好多舊式既廣告牌蕃茄濃湯通粉配招牌瑞士雞髀 🐔$52話明專門店，咁緊係一定要試佢地既招聘菜啦蕃茄湯好濃，幾”杰”身，多蕃茄粒，食落微酸，另外配有炒滑蛋瑞士雞髀可以斬件上勁好，食起上黎方便好多雞髀肉質勁嫩滑，瑞士汁好入味，唔太甜，必點👍🏻招牌厚切豬扒煎雙蛋飯配秘製香蔥豉油汁 🐷$48份量大，豬扒肉質厚實，但容易咬開，另外幾喜歡蔥油豉油汁撈飯，食落香口惹味😋忌廉紅豆冰 $32忌廉山十分之邪惡，食落係雲呢拿味，紅豆餡多新鮮菠蘿冰 🍍$26好解渴，菠蘿肉多，好清甜西多士🥪$25入面係粗粒花生醬餡，食落有咬口，不過唔係太夠熱食完就自己拎張單去「哩度埋單」埋單😂另外要讚下啲員工好好禮貌，同埋做野快手👍🏻

荃灣大窩口Aeon自裝修完，比以前更好行😜宜家去親荃灣行街都會行埋過去咁好就腳地對面荃薈商場有間冰室，眼見裝修好特別，座位又闊落，決定入去一試餐廳內打卡位，傳統霓虹燈招牌，路牌等等因為兩個女仔都係愛甜，對主食唔大興趣，所以今餐小食當正餐👏🏼👏🏼👏🏼唯一既主食*咖喱牛腩飯咖哩汁少辣幾惹味，牛腩份量都多，而且夠淋最緊要有有2舊薯仔🥔（不能夠無）必點既瑞士汁雞脾🍗好大一隻滷得好入味，雞脾肉又嫩，咬完一啖又hi下d汁食菠蘿油出場啦😍 （一上枱食左先）熱辣辣嘅菠蘿包加埋片凍牛油有冰火感覺 雞湯浸什菇娃娃菜雞湯好清甜呀😍娃娃菜份量都多，如果配埋有粉絲就正啦😂飲品就叫左特飲（當甜品）忌廉紅豆冰同阿華田脆脆 真係好大杯兩杯都好好飲，紅豆冰幾重花奶味 阿華田好濃味 正💪🏼

呢間都算係附近嘅街坊飯堂，我都周不時會走嚟食。食物水準發揮平均，係快靚正之選～蕃茄濃湯通粉配牛乳炒蛋+瑞士雞翼$50蕃茄濃湯入面有好多新鮮蕃茄，茄蓉湯底濃郁，酸酸甜甜好開胃，食到停唔到口～牛乳炒蛋又滑又嫩，口感一流！瑞士雞翼有兩大隻雞全翼，超多瑞士汁，適合重口味人士，我咬一啖再拎返落去游水點汁，一啖一滋味～金牌咖喱雞扒飯$52雞扒皮脆肉嫩，咖喱汁香濃，仲有咖喱薯仔，忍唔住就用啲汁撈晒啲白飯食晒。焗芝士西蘭花🥦$38新鮮熱辣，西蘭花上面滿佈濃濃嘅粟米芝士，實在好邪惡～紅豆冰$22（跟餐+$11）紅豆軟硬適中，份量唔少，係必點嘅冰室飲品～真係肥都要飲。華田脆脆$22（跟餐+$11）有華田脆脆鋪面，華田味勁濃郁，口感豐富，一試難忘。

到樓下冰室一定要吃它的茄通和瑞士雞系列，晚市一如既往的人流多，大約等了一陣子，荃薈這邊鋪位比較大，個人比較喜歡這邊。特色番茄濃湯通粉配牛乳炒蛋 - $50質地濃淍的蕃茄湯有一粒粒茄肉，充滿酸甜感非常開胃；細粒的通粉軟硬適中；牛乳炒蛋帶點濕潤感，好軟綿滑溜；13款可自選1款，當然選擇招牌瑞士雞脾，雞皮滷得深啡色好入味，甜度適中又有少少香料味，啖啖肉好嫩滑。吉列豬扒配厚切牛乳炒蛋治及票米什果沙律 - $53吉列豬扒炸得乾爽酥脆不油膩，入口鬆脆多汁；三文治裡面的厚切炒蛋夠香夠滑，大滿足；票米什果沙律拌勻沙律醬好清新可口。瑞士雞翼(3隻) - $38同樣滷得好入味，雞皮帶點亮澤，足足有三隻全翼。雞湯浸汁菇娃娃菜 - $38細嫩潤滑甘甜的娃娃菜大約有兩棵，份量比想像中多，雞湯好清甜。綠椰冰 +$11也頗多的去衣綠豆蓉，入口綿密帶甜，椰奶充滿椰香頗順滑。華田脆脆 +$11濃郁的華田味不在話下，鋪面的華田脆脆又脆又有點黏牙，頗特別。

今次又來到樓下冰室食飯，除咗必定食嘅瑞士滷水雞髀之外，今次仲試咗其他新野。今次仲叫咗半隻口水雞，口水雞上邊除咗平時會加花生之外，呢間餐廳仲加咗啲零食嘅粟米脆筒，非常之特別。頭先想講嘅係雞肉非常之嫩滑，烹調時間恰到好處，啲肉滑得來但係啲骨唔會有血水，主導啱啱熟就拎上嚟。而佢個醬汁亦都非常惹味，唔會太鹹亦都唔會太辣，啱晒我呢啲唔係好食得辣但係又想食辣嘅人。另外仲叫咗一碗蠔仔肉碎粥，佢嘅質素拍得住潮州打冷舖頭，好真材實料有好多蠔肉同埋肉碎，味道亦都唔錯。

我係俾佢嘅裝修同香味吸引咗入去嘅🙃朝早食咗個小蘋果就到4pm食呢個<<特式番茄濃湯通粉配牛乳炒蛋配招牌瑞士雞髀>>($50)飽到晚餐都唔使食😳因為佢碗通粉大到有八成滿!隻碗都有我塊面咁大😂番茄湯底超濃郁! 撈到勁多番茄粒!不過我覺得佢係有落茄膏嘅😌Any肥，我鍾意佢有得揀正常同細中大辣!小辣已經超惹味🤤炒滑蛋好滑，但我唔太鍾意佢放埋落個湯入面！可能因為我叫咗辣湯底啦~所以蓋過晒炒蛋嘅蛋味同牛奶味😣雞髀亦都唔細!睇吓個比例就估到🙈鹹甜適中仲要非常入味，聞到好香嘅八角味👍🏻肉嫩易切易咬唔嚡口😋