樂湯雞麵館 x 火鍋 (西洋菜南街) (已結業)

適逢天氣時冷時熱，一定要食返餐滋養一下子，好好調理身子，迎接生活上的不同挑戰，於是今天趁著假期便到了太子一間主打滋養雞煲翅火鍋的餐廳「樂湯雞麵館 x 火鍋 」品嚐一邨至Chill晚餐！餐廳裝修簡約，座位寬敞！店員亦殷勤有禮。我們一行2人惠顧了以下菜式：1️⃣湯底 花膠魚翅雞煲翅一整鍋金黃色的湯底，內裏有半隻雞，魚翅及花膠，飲落啲湯非常滋味潤喉，好似阿媽靚湯，記住飲多幾碗先再加湯打邊爐！而店員好窩心，見你飲到咁上下，會將半隻雞拎入廚房叫師傅砍開，方便大家去品嚐！2️⃣麻辣雞絲海蜇無雞不歡既我當然小食都唔放過雞啦，雞絲盡吸麻辣汁，呢個辣味啱啱好，加埋海蜇既爽脆！3️⃣Prime牛小排 （半份）切成長形油花滿滿既牛小排佈滿整隻碟上，牛肉厚薄剛好，放入煲裏面淥一淥就食得，牛肉味濃，肉汁滿滿！4️⃣花膠魚翅餃拼手打墨魚丸打邊爐點小得叫丸同餃，今次食咗墨魚丸同魚翅餃，全部都非常新鮮，墨魚丸非常彈牙，沖滿墨魚既鮮味，另外魚翅餃非常飽滿，皮薄餡靚, 即刻令你食指大動！5️⃣ 紫菜響鈴即叫即炸既紫菜響鈴，新鮮熱辣辣唔點湯食脆卜卜，點埋雞湯食又有另一番風味！6️⃣經典刀削麵呢度仲有揀煙韌彈牙既刀削麵，掛住濃郁既雞湯汁，令你一口

樂湯雞都有得打邊爐？餐廳張紙寫住「日日飲湯身體健康」樂湯雞麵館 一向以花膠雞湯翅配多款麵線而聞名！位於太子係全新旗艦店～～ 將馳名嘅幾款湯麵線變奏版，做湯底打邊爐店員先會詢問打邊爐定晚飯～火鍋就會供應Diy 醬汁 每位$22桃膠雪燕椰子雞鍋 $298奶白色嘅椰子雞湯底，有桃膠、雪燕、椰子條同杞子非常滋潤養顏！另配雞肉份量幾多啖啖肉～Prime 牛小排 $198肉質嫩滑有油香～～龍皇雲吞 $48/3粒 （半份）超大粒，蝦肉非常爽彈！手打蝦丸 $38/3粒 （半份）蝦味夠濃，口感唔係屬於彈牙果種！刀削麵$38拌勻自制醬汁，正！原味即炸響鈴 $58 新鮮即炸，多重口感！麻辣手撕雞海蜇麻辣味夠，但其他調味可以再濃郁d~~~話梅柑桔特飲 $28相對兩杯中較甜左少少～青檸梳打特飲 $28味道同泰國菜飲到嘅一樣！

✨至尊鮑魚大碗飯有一隻鮑魚，算大隻，好腍。仲五至六件雞，都幾滑。白飯加上鮑魚都幾好味。不過呢個份量要90幾蚊，又真係貴左啲。 ✨醉豬手味道還好，酒味算濃，豬手都腍。不過同樣地，呢個份量要70幾蚊，唔係咁抵。✨蟲草花杞子浸翡翠苗唯一一個覺得份量足既菜😅清甜爽口，不錯。

今個星期過得特別漫長，終於到左weekend可以放假休息下啦，約左朋友去太子行街shopping，行到攰攰地搵個地方坐低食個lunch，經過呢間樂湯雞麵館幾吸引，而且假日仲有set menu，價錢非常親民，一於坐低試下先~🌟蔥油雞大碗飯 ($68)店員見我地第一次黎，推介我地試下呢個蔥油雞大碗飯，用既係菜飯底，配上自家調配既蔥油，邪惡之餘又夠惹味，雞件有我最愛既雞翼同雞髀，超正，午市套餐仲跟埋一碗無味精雞湯同罐裝汽水添，性價比超高🌟砂鍋花膠雞湯翅 ($92)佢地既砂鍋雞湯翅都係必點item之一，超足料，湯底非常鮮甜，仲有超大片既花膠，最啱我地OL們補充骨膠原，雞件份量都唔少，兩個人share一齊食就最開心🌟花膠魚翅餃 ($48)小食方面佢地都有好多選擇，我同朋友唔食得辣但又想試下佢地既紅油花膠魚翅餃，好彩店員亦好細心將紅油另上，魚翅餃望落非常飽滿，皮薄餡靚，正

經過太子，見到呢間有抵食午市套餐，又有晚市火鍋，而且個名都幾有趣，本身都鍾意食砂鍋雲吞雞嘅鯊仔，決定同大家試吓呢間~🐔 砂鍋龍皇雲吞雞配米線 $92雲吞有兩大粒，而且入面非常足料，有原隻鮮蝦，米線偏滑身掛湯，湯底充滿雲吞同雞嘅鮮味，清清地幾好味，唔會有雞粉扮雞湯。🐔 口水雞配白飯 $68午市套餐包罐裝汽水或指定飲品，而且配無味精雞湯同三款小食任食，其中包括佢哋自家製嘅韓式泡菜，性價比都幾高，略嫌口水雞肉質硬咗少少，但整體味道都幾好。🐔 Wasabi雞絲海蜇 $56呢個口感真係幾特別，爽口彈牙嘅海蜇，配上新鮮嘅雞絲，再配上辛辣嘅Wasabi，味道辣辣地、幾惹味，除咗Wasabi之外，仲有麻辣汁，加上配料蘿蔔絲青瓜絲，口感幾有層次。

餐廳座位舒適，平日都算多人，大家黎之前最好book定位🤗今次黎食火鍋，醬油$22/位湯底揀咗招牌花膠魚翅雞鍋$338，飲完湯先開始打邊爐，個湯真係超正，好足料好夠味，真係要飲多幾碗👍🏻飲完湯後，侍應會安排廚房將半隻雞斬件，隻雞好肥美，雞肉香滑，唔會韌Prime牛小排(半份)$198份量剛好夠兩個人食，牛肉唔會太薄，肉味香濃，口感嫩滑手打墨魚丸3粒$38咬落好彈滑，冇腥味，但得一試油墨菜$38菜都算新鮮嫩口，近菜心啲位比較鮮甜鴨血$48呢個好抵食，有好多塊，點上醬油食就更滋味自家製圓肉菊花露$48飲落好清新，味道唔會太甜，好抵飲可樂$14係細樽裝可樂，比罐裝更多汽

近排要食得清少少，所以搵黎這間食花膠雞湯翅的餐廳！餐廳位於太子始創中心對面，下午時間係食飯同湯麵，晚上時間就食火鍋！今次中午時間黎到，有提供假日午市套餐，亦可以係餐牌上揀選！鮮沙薑雞配白飯，沙薑雞可以加$10轉雞脾，沙薑雞味道咸香，雞肉嫩滑juicy，仲配有無味精雞湯，雞湯味道亦好鮮甜！假日套餐廳亦包有汽水或菊花茶，亦可以加$10轉做咖啡或茶！砂鍋花膠雞湯翅，雞湯翅可以選要白飯、米線、米粉、刀削麵，我就揀了米線！雞湯翅連米線一齊上，雞湯非常鮮甜，雞件份量都幾多，雞肉嫩滑多汁！花膠都幾大塊，而翅的份量亦唔少！米線能夠掛湯，食落美味！花雕醉豬手，豬手的花雕味都幾濃，豬手口感爽口，不會好硬，整體味道同口感都唔錯！Wasabi海蜇手撕雞，手撕雞的芥末味剛剛好，不會好嗆鼻，口感爽身，有種清新的感覺！

一年四季都可以打邊爐同朋友去左太子樂湯雞麵館x火鍋之前已經食過佢地湯麵今次再試下佢地既火鍋ꔐ佛跳牆湯底上枱好震撼，食材豐富足料店員會先分湯，每人都有花膠鮑魚海參花菇一人一份唔洗爭鮮甜無味精既靚湯，一定要飲多兩啖店員會將雞肉取回斬件，雞肉嫩滑唔洗點醬都好好食ꔐ牛摩皇拼盤擺盤好精緻，一朵朵牛肉花每款牛份量都好多，夠4個人食用有最近好流行既牛白肉，不過最正當然係和牛ꔐ招牌丸餃拼盤店員話叫步步高升拼盤丸類同餃類都係自家製作每樣都十分有水準花膠魚翅餃、龍皇雲吞、韭菜餃、和牛芝士餃手打墨魚丸、蝦丸每粒餃都好飽滿，每粒脹卜卜花膠魚翅餃好有特式，龍皇蝦肉有口感韭菜同肉比例岩岩好而手打丸好彈牙ꔐ和牛芝士餃 Encore左其中既和牛芝士餃肉汁非常充足，和牛脂香十足ꔐ紫菜響鈴 輕輕一浸，吸收哂雞湯精華 ꔐ經典刀削麵ꔐ麻辣一口花膠 花膠切成小塊，拌以涼拌香辣汁幾開胃惹味ꔐ自家圓肉杞子菊花露 一勺分到6-8杯左右，飲得出係自家煲製

位於太子既樂湯雞麵館 x 火鍋原來太子分店除左粉麵· 仲有打邊爐架！一入餐廳就會被一排以雞做主題既壁畫吸引真係畫得栩栩如生♡麻辣一口花膠 第一次食涼拌花膠· 香香辣辣配軟腍花膠♡佛跳牆湯底一上枱真係嘩·豐富足料又矜貴既湯底除左雞肉·有超厚花膠｜原條海參｜花菇｜鮑魚｜乾瑤貝滾起後店員會幫忙分湯再處理雞而矜貴食材人人有份·唔需要保持矜持扮禮讓實行要食湯底食飽而湯底好濃稠·滿滿骨膠原即刻要飲多兩碗！主角之一既雞肉係慢慢雞湯浸熟·所以非常嫩滑而且好有雞味！♡ 牛摩皇拼盤A4和牛｜牛白肉｜牛小排｜牛舌｜五花子店家好有花思·將牛肉捲成花既模樣師傅處理得好好· 唔會成朵花痴實哂A4和牛油花剛好唔會太膩牛舌雖然薄切但每塊都好長身·口感彈牙牛小排軟腍·肉香最濃♡ 自家製招牌丸餃拼盤丸餃都係店家自家製龍皇雲吞｜花膠魚翅餃｜韭菜餃｜和牛芝士餃手打墨魚丸｜蝦丸最鍾意係龍皇雲吞餃·大大隻蝦肉爽嫩有咬口而蝦丸同墨魚丸都非常彈牙· 私心覺得墨魚香更勝一籌♡ 和牛芝士餃 朋友忍唔住加點既和牛餃咬開要小心· 會爆汁架！飽滿大大隻·芝士味唔重而牛肉脂香十足♡ 紫菜響鈴 新鮮炸起超邪惡·配靚湯一流！ ♡ 經

今日同媽咪出嚟太子行吓街，行之前醫下肚先🤭我媽咪唔食牛，佢又唔鍾意食飯，所以揀左呢間🐓樂湯雞麵館x火鍋🐓店鋪已黃色為主體，牆身有好多隻雞圖畫🤓🐓，地方大樓底高，座得好舒服，呢到啲店員勁好禮貌👍🏻佢呢度嘅午市套餐重好抵食，全部都係$58咋🫣有湯有飯/麵，午餐時段重會有任食自助小食供應☺︎︎每日三款，天天不同☺︎︎附近返工嘅朋友，以後又多一個選擇啦😋🐓🐓🐓🐓🐓🐓🐓🐓🐓🐓🐓🐓🐓🐓🐓我地今日自助小食有酸蘿蔔，涼拌蓮藕同麻辣雞翼尖，啲酸蘿蔔真係好正，大大粒醃得好入味😋👍🏻餐前食一流，麻辣雞翼尖香香辣辣好惹味蔥油雞大碗飯配無味精雞湯碗飯真係好大碗，我都食唔晒，啲雞好滑好嫩😋重好多蔥添，碗湯真係冇味精架，飲完唔會口乾👍🏻鮑汁花膠冬菇撈刀削麵我媽咪食到讚不絕口😍冬菇同花膠都係大大舊勁厚身，兩樣都炆得勁淋勁入味，口感一流，刀削麵彈牙煙韌，超讚👍🏻花膠雞湯翅呢個翅$68咋😱有花膠，魚翅，金華火腿，啲花膠好大塊，個湯超好飲😋唔會過咸，同埋冇味精👍🏻超加分雲腿浸娃娃菜我媽最鍾意食菜，所以一定要叫菜比佢食，娃娃菜大大棵，用雲腿浸，清得來又夠味，好岩我地兩母女👍🏻飲品套餐會送汽水同指定飲品，我地叫左凍奶茶同咖啡都係加$1

🐔 太子火鍋店抵食午市套餐較早前為大家介紹過位於太子的「樂湯雞麵館x火鍋」晚市高質火鍋，當時留意到餐廳午市有小菜套餐，午市套餐由$68起，襯假日要好好一試。口水雞配白飯及無味精雞湯 $68午市套餐包小菜、飯及無味精雞湯，這次加$1轉菜飯，感覺更營養均衡。口水雞辣度適中，醬油中有點花生碎，香味出眾，雞肉嫩滑，送飯一流。奶白色的無味精雞湯，入口濃郁卻不膩，喝後不會感到口乾，大愛。涼拌蒿筍$ 34有被驚喜到了🤩 涼拌蒿筍片入口爽脆冰凍，醬汁充滿麻油及蒜蓉香氣，顯得格外清甜。麻辣一口花膠 $54一口花膠份量不少，煙煙韌韌十分Q彈。花膠麻辣辣度適中，容易入口。🔸小總結：餐廳舒適寬敞，店員主動好客，午市套餐性價比極高，值得一試。👅 味道：4.6/5💰CP值：4.8/5🕴🏻服務：4.9/5🔰餐廳環境：4.7/5👀回頭率：4.7/5🍽 餐廳：樂湯雞麵館x火鍋🌐地址: 太子西洋菜南街218-220號生發大廈2樓🐮 #cowing吃在太子#foodie #hkfoodie #hongkongfoodie #852food #852foodie #foodstagram #hkfood #hkfoodbl

樂湯雞🦃🐓媽咪帶我食好西系列😂😂媽咪一直都話想食花膠雞花膠雞，今次就去試試😎🦃🐓🦃 砂鍋花膠雞湯翅$92媽咪介紹，我就決定跟佢🙂都好足料，我個個仲係雞髀位嚟，花膠都好大塊🥰🥰魚翅都足料，仲有金華火腿，湯係足料，無味料，雞都啖啖肉，無雪藏味。養生一流，食完即刻勁暖身。位置坐卡位，超闊落，又舒服。又多一個養生地點🥳🥳

不嬲都有寫開，不過第一次去太子店店面闊落好坐，係暗左d同焗左d叫返平時食開的花膠雞刀削麵最鐘意刀削麵麵質夠滑雞湯夠熱夠濃冬天食暖笠笠另外仲叫左兩款小食，醋香雲耳同埋沙薑豬手兩樣都不過不失，可以叫做多味餸啦

同朋友聚餐 其中一位朋友食過話都幾好 咁就拍板啦 一出𨋢就見到好醒神嘅裝飾 呢度出名濃雞湯 梗係要試 一致都叫花膠雞濃湯刀削麵 湯夠濃 雞咸咗少少 刀削麵係三色 食唔出係咩味 因為雞湯好濃好夠味 成碗麵份量係好足 花膠好厚身 有3件 雞都有五至六件 配埋特飲 100蚊 我覺得幾ok 我哋晏食 差唔多下午2點 食到最後得返我哋一檯客 員工全程都好有禮貌 到我哋走仲同我哋講拜拜 我同朋友都話會再嚟食

不如大小平貴，間間都話限時，想坐低慢慢嘆下傾下計都難，幸好有樂湯雞。上次試咗湯麵，湯濃雞滑，仲有多種配搭，刀削麵極力推介。今次 encore 再試火鍋，食火鍋除咗食物質素及湯底，座位寬落都好重，否則叫多兩碟已無位擺。樂湯雞位同位之間有足夠空間，唔會郁啲就係同隔離枱互撞。卡位張枱夠哂大，可以碟碟上哂枱，想食咩就食咩，唔駛迫住食完一碟先換另碟。職員有禮，自動自覺幫你加湯。叫咗果花膠雞湯，職員仲提我哋先飲碗湯再開始打邊爐，湯底半隻雞仲會𢳂起幫我哋切好再上碟，唔駛我哋係鍋度手撕咁輪盡。打邊爐，牛就係必須，我哋揀咗隱陣嘅牛小排，有些少嚼口；雲吞夠大粒，餡料夠豐富；蝦滑墨魚滑夠鮮味。不得不試嘅新鮮炸起響鈴，真係好脆。其他都係火鍋常叫食物，唯獨無海鮮，當晚連魚類都無貨，有啲可惜。我哋由7點坐度10點幾，職員都無表現過不滿或者想催你走（上次食麵都一樣）。相比得坊間，有啲明明都無客，都堅持90分鐘趕你走，或者一食完就即刻收枱叫你埋單，想飲多啖水都阻住佢收工。