樂湯雞麵館 x 火鍋 (西洋菜南街) (已結業)

雞湯淡而無味， 魚翅少之又少。最服伏係職員誤導我們。我叫了個二人套餐.，問職員特飲幾錢，職員答跟餐加12元。點知原來二人套餐是要比正價28蚊元一杯。比左錢才發覺， 再問佢，佢話下次再請返你飲，對唔住都冇聲，又冇退錢, 真係有被騙的感覺。

行過始創附近，有個嬸嬸派傳單，我同朋友見到個menu覺得幾吸引，於是上去試一試原來除左食麵，仲有得打邊爐不過我趕住開工，最後同朋友點左一set二人餐，樣樣都有唔洗煩全個餐第一主角，花膠雞湯翅冇諗過真係落咁多花膠，翅，呢d食材，好似唔洗成本咁湯底好味，鮮甜之後到濃湯豆苗，湯底靚，豆苗好味唔覺有草腥味涼拌海蜇，幾好味鮑汁香菇飯，呢個真係有d驚喜個飯好香菇味如果有得encore我都想叫，不過散叫可能好貴冇再叫話梅甘桔特飲，第一次飲，雖然有d貴，但味道好正好開胃埋單300有找，去酒樓食都唔止la

1. 小食少少加，無蓋蓋住，衞生差🤮🤮2. 海鮮併盤：貨不對版，同介紹和相不同，比埋便野人食，來到話師父話事比咩，一早唔講🤬🤬3. 留單：原來無落單，等左一個鍾其他野都未到，問職員，個個都唔理，只話等下，走左，無氣，連單都唔睇有無落，最後火再埋單走人。😡😡4. 味道差，樣樣濃味偏鹹。🤢🤢5. 叫左三樣野埋單九百幾，醬油原來無折另外計。🤯😭6. 服務差：埋單比左支付寶比錢發現無九折，同佢講經理先話全部員工新人，唔好玩啦，收銀都新人，擺明偷偷曾人唔知計多人錢😤偏人～～之後叫佢還錢，經理大大聲咁話比張cupon $100我地咁就算，唔會偏我地咁少錢，我話唔得我要現金，佢話退唔到，仲話留電話再聯絡我地，點知晚晚打去追錢，完全無人聯絡，經理態度愈來愈差，日日拖我地，又無主動回我地，日日偏我明天回，搞到我愈火，一個星期後晚上我打去，佢唔聽我地講野，仲罵我地不偷大聲講野唔比我地講野，講到自己無錯，耳都聾，仲火過我地串到呢，問佢點解唔係全單九折，佢先改口講醬油唔計，不停大聲講唔比我地講，請問咩服務態度，經理可以做成咁，無經驗趕客走，講野可以大聲個客，想打人咁既語氣，好彩係電話，多多藉口又講大話，相信唔

今日去試下一間最近新開既火爐店, 未食野就先食下裝修先啦, 我都幾欣賞火爐店既裝修, 以”雞”為主題既裝修, 店入面牆上掛左有十一隻(大概)雞既畫,每隻雞都有唔同神情, 食食下野都好似俾佢地睥住甘, 幾有趣, 我諗係店主想俾人打卡,呃LIKE用既.座位大部份以卡位為主既, 因為打邊爐都係長時期作戰, 所以坐落都舒服, 開始點餐LU, 我地點左個招牌花膠魚翅雞鍋湯底, 招牌就係搏佢穩陣D啦, 同埋我係想試下個湯底係米真係無味精, 所以等到一滾起個湯, 就即刻飲番碗先,坦白講個湯底係幾清甜既, 同埋飲完隔左一陣, 又無好口乾既感覺, 值得試下既.我地四個人食, 點左牛摩皇拚盤, 本地手切肥牛 (叫甘多牛, 因為我地都係牛摩皇, 無牛不歡), 個牛摩皇拚盤砌得幾靚,廚師都應該砌得幾辛苦下, 我地仲叫左個自家製丸餃拚盤, 食餃食丸都係食自家製既新鮮同好食, 結果都無令我地失望, 另外叫左田園菜藍, 即炸響羚, 蜂巢豆腐 (呢D火爐必備野), 蜂巢豆腐要錄耐D, 吸晒D雞湯先食, 堅正……最後埋單一人三百幾,都算抵同滿足.

又去呢度打邊爐，呢度最好係4、5點就可以打邊爐，啱晒我D時間，仲有9折優惠！今次叫左個桃膠雪燕椰子雞煲，個湯超好飲，我忍唔住飲左4碗😝😝😝，個煲仲要勁多桃膠同雪燕，食極都有，個響鈴係上次店員推介話即叫即炸，所以今次叫來試吓，店員放低碟響鈴已經好香，配埋呢個椰子雞湯真係超正個海鮮拼盤D海鮮好新鮮，有半條海𩶘，5隻蝦，4隻貴妃蚌，馬刀貝、蟶子、鮑魚、元貝各有2隻$488，其實都唔貴，因為真係超新鮮超正，特別D蝦，超好食，元貝超厚肉，貴妃蚌同馬刀貝都好鮮甜，另外個手打蝦丸都好正好彈牙，不過個手切牛就有D蘇蘇地！呢間嘢真心誠意推介😋😋😋😋

之前食過樂湯雞嘅湯麵，知道佢哋喺太子開咗火鍋店，朋友話去試吓！湯底好味，有最少8件花膠同半隻雞😋 店員會先分湯俾大家，我地4個人每人飲到2碗！之後再加水打邊爐！牛肉同牛丸都唔錯，但太肚餓冇影相

尋日收工同同事行過太子，見到樂湯雞新開張，仲有9折優惠，於是決定上去試試......餐廳面積比佐敦同銅鑼灣大，仲有火鍋可以食不過天氣熱，所以決定食返雞湯麵新店有話梅柑橘梳打水，幾特別，酸酸地好開胃醉豬手入味，水準同舊分店差唔多，同事都話正雞湯麵都係，上枱熱辣辣，我勁鐘意個湯底湯底好濃，仲好味過鴻福堂竹絲雞湯包overall呢個價錢貴過大家樂大快活，但絕對對得住個quality同份量，自己煮都未必煮到呢個水準

我都有去過佢嘅銅鑼灣同埋佐敦嘅麵店食佢嘅養生雞湯面。早幾日行過原來佢開咗間全新嘅店喺太子，近我😆😆原來佢六點後可以選擇食火鍋定係食雞湯麵。咁我當然試下火鍋。關咗個湯底呢，全部都係養生為主。咁就啱晒我。我選子桃膠雪燕椰子雞，個雞底湯真係奶白既色，有好香的椰子味。個店員幫我哋放咗啲雞入啲湯度之後，首先同我哋嗶湯先品嚐。真係老火湯，又濃又香，飲左3碗，雞肉也滑身另外我點左幾樣野手切本地肥牛半份雲吞拼盤二人海鮮拼盤油麥菜其實想試佢個新鮮鵝腸同埋黑柏葉，但已經太飽。要下次。食物方面，唔知係咪真係新開張嘅關係，真係好新鮮同足料。最令我驚喜係嗰個龍王雲吞，應該比乒乓波咁大粒，入邊有隻好大嘅蝦，好鮮味。本地手切牛也非常濃味，當然同A4和牛不能相提並論，但可能吸收左嗰個雞湯之後非常濃郁。中途店員分別幫我加左幾次湯及換碟，加既係濃湯唔係水。所以繼續飲湯希望keep住水準，我會再幫襯。