樂湯雞麵館 (登龍街) (已結業)

🍴麻辣海哲雞絲撈刀削麵78 蚊🌶️🐤蘿蔔青瓜絲🥒🥕 加上芝麻點綴 海哲同雞肉夠足料海哲夠粗身爽口 雞肉 係粗身既雞絲 雞味香 麻辣味十分入面 同麵好 match . 刀削麵 麵身爽口 厚度適中 又夠滑🍜同海哲同雞肉 perfect match💪🏻🍴至尊鮑魚雞大碗飯 78 蚊🐤 熱辣辣既飯底係鮑汁瑤柱冬菇飯底🍄 鮑魚汁味香 瑤柱令到飯更有口感 飯粒分明 鮑魚夠彈牙 醃得入味 而雞肉嫩滑 就算雞胸口感都唔錯 充滿雞香味 😃加15 蚊配細雞湯雞湯一上枱熱辣辣已聞到好香雞味 飲落去有好濃郁既雞香味 夠香甜 唔會肥膩 正🐤🍴蟲草花杞子浸翡翠苗 42 蚊🌿食落去感覺唔到味精 湯好香蟲草花同苗既菜香味 飲幾啖都仲得🙂 翡翠苗 夠新鮮爽口 清新 好味🍴口水尖椒皮蛋32 蚊🌶️皮蛋足料切得好靚 上面有 d薑葱青紅椒絲調味 増加清新度 凍食既皮蛋夠香滑 蛋皇口感好 加埋麻辣汁夠香濃夠惹味👍🏻🍴口水豬手 56 蚊🐖🌶️凍食既豬手 一隻手切成幾件 夠爽口 肥膏位都整得夠彈牙👍🏻 少少花生點綴 口水汁帶少少沙沙口感 辣椒夠麻辣 好味Score 平均分< 8/10>Taste 味道：👍🏻👍🏻👍🏻👍🏻P

有人辭官歸故里，有人漏夜趕科場，形容登龍街的食肆貼切不過，這家「樂湯雞」在此是新開的，但在己方集團已是第三間分店。疫情肆虐下勇氣可加，果然有實力，招牌花膠雞湯翅濃甜足料無味精，浄湯$62、包主食$88，非常親民！另一款必吃是$88 的大碗飯，喜歡它用鮑汁瑤柱冬菇飯底，滋味開胃，雞髀鮑魚青菜鋪滿飯面，性價比高！ 三頁紙的菜單，主菜淨吃全部都是雞，砂鍋、口水、藥膳或沙薑調製皆有，$300以下一只雞不進取。同時可配粉面飯，一人吃，$100可找數。 我們二人開胃吃，五款食品皆滿意。 花膠雞湯翅 $62 花膠雞湯翅先到，淺黃色的湯頭，望落已覺膠質豐富。 以小羹攪攪，找到大片花膠，軟硬度適中，不過腍不過硬，咬口唔錯亦掛汁。 魚翅不多難得真的有，縱使魚翅花膠不可能是上乘貨，但貨式相比想像中好！ 雞湯香甜不膩，一碗分量足2人，真材實料，返家不渴確實無味精。 大碗飯 $88女士來說，絕對是二人份量，飯餸皆慷慨，無需加錢是雞脾，肉滑皮爽，而且味香，調味不俗。 鮑魚仔細細隻柔韌入味，喜歡有味飯底，以鮑汁瑤柱冬菇煮過，淨吃飯都得，不過同伴覺得有點油膩。 藥膳醉雞髀刀削麵花膠魚翅餃 $92相比之下，藥膳雞湯味道

現在都是偶爾才出街吃晚飯，所以想吃點有益健康的！這天下班後到銅鑼灣買點東西，買完趕緊找地方吃晚飯，見到登龍街開了樂湯雞，主要是吃雞的，進補一下也不錯！未到七點也差不多坐滿食客，幾有人氣的！真的很多雞菜式！我們各點了一個餐，加8蚊有野飲，我點了一杯豆漿！砂鍋雞湯花膠翅來到時「咋咋」聲，熱辣辣，雞湯香噴噴！清甜的雞湯，裏面非常足料，有魚翅、花膠，還有雞件，花膠厚厚的，很有口感，$88性價比真的超高！雞好滑，還有一梳梳的爽口魚翅，今次真是「魚翅撈飯」！不得了！藥膳醉雞套餐都可以配米線、米粉、粉絲、刀削麵和白飯，朋友選了米線！醉雞充滿酒香！凍食又另一番滋味！藥膳湯很濃，感覺很健康！再點了蟲草花杞子翡翠苗，新鮮的菜苗，清湯浸不油膩！再點了2個小食。紅油花膠魚翅餃和麻辣雞腎，魚翅餃好大隻，滿滿的餡料，有木耳絲、花膠絲等等！麻辣雞腎麻味好香，雞腎好爽口，開胃！

好耐無出街食飯喇！間唔時都想出去抖下氣，所以今日收左工就喺附近搵間餐廳食飯～見到呢間餐廳個名幾得意就試下啦～都有唔少選擇喎！好多野都想食呀！花多眼亂添～～最後都點左唔少野～麻辣海參～呢個真係第一次食～好少見麻辣海參啊～好香麻辣味，海參都夠淋，少少辣啦～呢個口水豬手幾好，無骨架，啖啖肉好方便，呢個都係少少辣，仲多左花椒八角既香味，唔錯～至尊鮑魚雞大碗飯～呢個係店員推介既，都無介紹錯啊，仲有鮑魚雞汁冬菇飯底～一個女仔應該食唔晒一碗～抵食啊～仲點左個藥膳醉雞刀削麵，好香藥材味仲加左紅棗柱圓所以甜甜地～醉雞都好香花雕味，雞肉都嫩滑，好味喎～蟲草花杞子浸翡翠苗～呢個都幾大碟，清清地，都幾好～依家試業期間仲有九折～見到好多人點砂鍋花膠雞湯翅似好好味，下次要試下先～

囡囡最愛食花膠同鮑魚，今晚帶佢去一個好地方，啱曬佢口味，就係登龍街嘅樂湯雞 ，餐廳主打花膠雞湯😋位置方便，好易搵，餐廳座位亦好舒適。我哋點咗呢度嘅招牌至尊鮑魚雞大碗飯，份量真係好巨型，上面有雞，一隻鮑魚，雞肉超滑，好好味，連飯都好食過人，有鮑汁味㗎。另外加15蚊就可以有一碗細雞湯，幾抵食。 另外再叫一個淨花膠雞湯翅，裏面好足料。仲叫咗雲腿浸娃娃菜，同涼伴一口花膠， 充滿麻油味，膠質豐富，好養顏❤️❤️

花膠名付其實是養顏美食，那黏黏的骨膠原，令人陶醉。最近發現登籠街進駐了一間主打雞湯，花膠...麵館，趁機今晚收得早，速速去試了。砂鍋花膠雞湯翅配米缐湯底鮮味盡出，可謂真材實料。花膠件數不少啊！入口滑溜，花膠那骨膠原溶入湯底，另湯底更顯濃稠。雞是主角之一，咪以為放湯後肉質嚡口，卻滑嫩無比。另追加了花膠魚翅餃，餃皮相當薄，餡料有嚼口，好味。這個湯鍋食後非常暖和，秋冬時份會是個竉兒。陳年花雕醉豬手己去除骨，方便食用。入口微微的酒香非常誘惑，每啖都有彈性，正！

晚市終於都可以堂食，今晚同好友經過登龍街，見到間新開既餐廳，就一於試下。我地叫左一個一人餐 - (鮑參翅肚餐)再加砂鍋姬松茸瑤柱響螺雞、海味雜菜煲~鮑參翅肚餐包括：金湯花膠翅、海味一品煲、太白醉雞、鮑汁海味飯～金湯花膠翅唔知係咪比錯，佢比左個南瓜湯我地，不過呢個餐其他野就比得岩，所以我同朋友就冇追問。海味一品煲入面有鮑魚、海參、花腸、瑤柱、花菇，呢個唔錯，好鮮好香又有咬口感～太白醉雞好白滑、醉雞味濃、雞肉嫩滑！鮑汁海味飯好香，炒到粒粒分明又乾身，唔錯！砂鍋姬松茸瑤柱響螺雞熱辣辣呈上，底下揀左刀削麵，有咬口感；而入面既雞好滑又淡淡肉，瑤柱響螺都唔少，真係唔錯！海味雜菜煲都真材實料，入面有花腸、海參、金菇、小棠菜、西蘭花、粉絲，食得清淡又健康。OVERALL 都唔錯,價錢又唔貴, 值得一試~

今晚臨近收鋪買左碗雞湯粉絲外賣(因為附近好多都打晒洋)拎到番屋企 一打開盒雞一陣怪味湧出嚟心諗應該冇野嘅 輕輕食左2啖係臭 苦 餿!!!!!!!!!!由鋪頭到屋企 最多一個鐘車程分明係本身就壞左臭雞原來係咁嘅味! 我真係未聞/食過。。。p.s. 店員好熱情 環境好企理(可能新開)個雞湯又唔覺壞左, 估你唔到竟然賣壞雞第一次寫食評因為實在接受唔到個招牌菜竟然係壞嘅!嗰陣臭餿味實在太難忘!

I noticed this little restaurant a few weeks ago but it wasn't meal time so i made a point to try it one day soon, and that was today. I had this hot pot of chicken soup with wonton, adding vermicelli in it. It was very yummy and satisfying, and the soup came out boiling hot, which was impressive!! I was by myself so I could not eat too much.Definitely going back soon!!

終於可以有晚巿，開放到九點，立刻把握時間補下先點了個砂鍋花膠雞刀削麵！花膠大過我隻肥厚手掌，有 2片，大大片，正！食完覺得自己靚左雞好滑好滑堅滑，好有雞味，不過咸少少會更好！要 encore ! 下次試藥膳服務超好

呢間小店我都食過幾次，估唔到喺銅鑼灣都開咗新店。新店呢件係走中國風，簡單嘅裝修同埋光猛嘅鋪面，都坐得好舒服。佢都多咗好多唔同嘅選擇同埋小食。由於天氣太熱，所以今次我選擇佢嘅砂鍋雞。我同朋友分別揀咗兩款。分別係最豬手配藥膳湯刀削麵，同埋佢新出嘅鮑魚雞大碗飯。佢標榜嘅冇味精，真係好吸引原汁原味。食完都冇口乾，湯料裏面中標唔到當歸淮山杞子圓肉，真係好好味😋另外佢嗰個大碗飯，佢個飯底係有香菇炒飯，估唔到佢咁大碗。雞嘅份量都唔少。我相信一個飯都足夠兩個人食。好滿足呀，飽到都食唔到其他小食。唯有下次再試下啦！

今天去開銅鑼灣，肚餓自然走進登龍街這條變身食街。發現這間樂湯雞，被這間門面貼了很多雞湯的食品圖吸引進入去一試。知道有砂鍋雲吞雞湯麵自然不放過點了一碗配刀削麵。價錢$78不算平。另外還點了至尊鮑魚雞大碗飯$88及小吃陳年花鵰醉豬手$56。砂鍋麵上台仍滾著有著濃濃的雞湯味道，湯料配有幾件切雞和雲吞味道不錯。而朋友仔的大碗飯反而有驚喜，大碗飯是配冬菇、雞湯來著很入味。大碗飯應該夠男士們飽肚的。唯一有失望地方是醉豬手，很細份，平日食的豬手再斬開幾細件不抵的價錢。醉味不夠沒有驚喜不點也吧！。環境尚算舒適桌面夠大坐得有空間感。服務不錯侍應很有禮貌。餐廳還有其他招牌如雞湯翅等。喜歡雲吞雞的朋友仔可以試試。