樂湯雞麵館 (登龍街) (已結業)

無味精確係賣點吸左我入黎，原本擔心無味精會淡 mat mat. 食完有驚喜！最近生酮飲食，今餐走碳水，辣油係脂肪。至尊雞湯，好足料啊! 雞湯满满骨膠原口感，所有材料都大大件。真心正！(鮑魚，海口，花膠，魚赐，花姑，瑶柱，雞腳)麻辣花膠豬红韭菜偏辣少麻，花膠大大片，有4-5片。豬红好食無腥味，仲有微甜。同嫩囗的韭菜係绝配！呢個我個人覺得必食喔麻辣海参原本想叫鴨舌，可惜停售，咁就叫左呢個。脆囗青瓜加爽囗海参，酸辣餐前小吃，都唔錯。海味雜菜煲，雖然迷你版，但不欺場。上枱時，仲係 rolling bubbles!! 粉絲係爽口的(話説粉絲其實係有真假之分)，雜菜有㡬款，金華火腿絲吊味，加左幾粒車厘茄少少酸，味道更豐富。呢個我湯都飲埋，清哂成煲！oh my fat 食完後，完全冇囗渴！估唔到無味精都可以咁好味，肯定同fd再回頭

**樂湯雞麵館(登龍街)**之前聽過朋友介紹話呢間刀削麵幾好食,呢日就拉埋老公黎陪我試門口就聽到店員推廣呢度係無味精唔洗等位,同老公一人一個麵,可以選擇會熱鍋上或者普通麵碗上一心要影相既我當然用鍋上啦 , 不過真係好驚辣親,因為上台既時候仲見到D湯滾緊小食叫左個醉豬手HKD56 ,酒味好重,幾好味,豬皮唔會淋滋滋,份量都唔算少!欣賞!!花膠雞湯刀削麵 HKD88 , 花膠吸唔到湯味,可能分開煮無用雞湯,而湯底都無話有膠質不過如果用呢個價錢食到花膠雞湯麵已經算唔錯桃膠雪燕椰子雞刀削麵 hkd78 ; 的確有齊哂所有材料,女生必點,聽到名都覺得好養顏湯底就偏淡味,可能因為無味精掛XO醬龍皇雲吞,不過不失,好大粒,入面既肉質過於死實

登龍街美食眾多 換畫嘅速度都超級快之前見佢太子都有分店 一直都想試但係冇時間 直到後尾結左業都未食到 點知嚟到登龍街見到有 睇落應該開咗一兩年左右 終於有機會一嚐花膠雞湯翅不得不讚嘅係舖頭嘅店員超級有禮貌 正值肺炎 一入舖頭就會主動拎搓手液俾你 又會問你需唔需要紙巾 好多時候一間餐廳嘅體驗 店員嘅待人接物都係好重要嘅一環 呢一間餐廳依一環就已經滿分💯砂鍋花膠雞湯翅刀削麵 $98加配小棠菜一份 $10終於食到一直都想食嘅花膠雞湯翅湯頭濃郁 刀削麵彈牙 今次食到雞上脾位 肉質爽滑 花膠份量好大方 應該食左四五舊作為一個湯怪 真係好鍾意食有得飲晒碗湯嘅麵 成碗飲晒都唔口乾 值得一讚👍🏻涼拌雞絲海蜇 $56調味適中 海蜇有咬口 青瓜蘿蔔絲爽口 作為開胃菜真係唔錯但係份量真係偏少 估唔到黎到係一個碗仔咁大既份量🥲

一直都想試吓呢間餐廳，見佢個餐牌用料名貴，但價錢平民去到見餐廳入邊坐滿人，所以選擇外賣自取我嗌左個花膠雞湯翅(淨湯)入面嘅材料有花膠，魚翅，魚唇同金華火腿因外賣關係，拎到返屋企嗰陣已經凍咗要叮翻熱佢，試咗一啖雞湯，果然與眾不同，清甜得來雞湯味相當濃郁魚翅嘅份量唔多，花膠就有兩大舊，口感一流，感覺好似好滋補仲有嗌左個口水雞配刀削麵，外賣會將刀削麵同湯係分開裝的，所以我特登試咗個湯底先發覺個雞湯係一樣㗎，只係冇咗啲材料，味道一樣咁濃郁刀削麵有口感，份量充足，口水雞亦相當嫩滑，辣度可以接受，感覺今餐十分滋補

人在 銅鑼灣-登龍街 , 行過路過 , 見到這間 "樂湯雞麵館" 感覺頗特別的 , 便入去一嚐究竟 ~砂鍋花膠雞 (米線) : 原個砂鍋上枱 , 熱辣辣又夠睇頭 , 先呷口湯 , 湯頭味道濃郁帶鹹鮮 , 花膠份量多 , 亦夠厚身 , 滑嫩夠入味 ; 雞件厚肉 , 滑嫩入味 , 雞有雞味 , 加上滑滑的米線 , 真材實料 , 讚 ~花鵰醉豬手 : 是道冷盤小吃 , 豬手夠酒香味 , 咬落帶有嚼勁 , 好咬口 ; 伴隨的蟲草花 , 非常好吃 ~紅油花膠魚翅餃 : 朋友點的食物 , 嗅到是頗香的 ; 筆者曾經承諾 "一翅不食" 因此沒有進食 , 所以不作評論 , 但據友人所說 , 是很好吃的 ~砂鍋桃膠雪燕椰子鷄 (米線) : 朋友點的食物 , 我嚐了一口湯 , 味道既濃郁又感到溫和滋潤 , 椰香四溢 , 很不錯 ~本篇完 ~

話說最近都多出街食飯，所以比娘親訓話咗幾句，出街食飯多味精唔健康！ 今次終於冇比人話了，因為呢度主打滋補湯水，無味精雞湯湯底，仲加入花膠、魚翅等等食材，而且價格親民好抵食！ 餐廳環境衛生乾淨！ 點了2款店員推薦的湯品，另加2個小食。 至尊珍品雞湯 呢個湯好豐富，有鮑魚、海參、魚翅、花膠、瑤柱、冬菇、雞腳，先飲啖湯， 好濃郁雞味，鮑魚好高質，食得出炆咗好耐，好稔，濃濃海味嘅味道！魚翅爽爽地，花膠大塊又厚身，食完都覺得皮膚靚咗又滑咗！仲有非常大條又厚嘅海參，夠晒滋補！花參藥膳醉雞 滋陰養血粉麵餐 有粉面飯可以揀，我哋揀咗可以掛湯嘅刀削麵！藥膳湯好暖胃！花雕醉雞好入味，花雕酒好香，雞皮爽口，雞肉嫩滑！推薦！椒香拌柏葉 好香花椒味，麻味非常足，牛柏葉好爽口，好刺激醒胃嘅小食！紅油花膠魚翅餃 魚翅餃好大隻，好足料，有蝦、豬肉、木耳絲等等，加上香辣的紅油，滿足！

在樂湯雞吃了砂鍋桃膠雪燕椰子雞配刀削麵，再升級要左份魚翅包and細魚皮，桃膠骨膠原非常豐富精緻足料！湯頭香甜清新，濃濃既椰子餘韻！食唔都唔會 feel到口乾，而且標榜無味精，所以幾健康，非常吸引！成鍋都勁多料！魚翅一疏疏！口感爽脆，刀削麵質感好有質感，吸哂湯頭既清香！感覺好正。至尊鮑魚雞大碗飯配鮑汁瑤柱冬菇飯！雞件夠哂滑而且雞味幾濃，有隻鮑魚仔，質感qq彈彈，個飯充滿著鮑汁冬菇既香味！夠濃郁入味！成件事好 match!!小食海中寶，有大量既元貝，蝦，魷魚做主角！幾鮮味又清香！幾有食潮洲打冷海鮮既感覺！正呀

路過樂湯雞見像様，決定入去晚餐，點了一碗至尊珍品雞湯，相當大碗，料甚足，有鮑魚花膠海參雞腳，最重要啖湯，色調老火，味道濃郁，滋味雞湯，平時外出工作為多，飲碗無味精湯很重要。另點鮑汁瑤柱冬菇飯，有色飯非常香，名符其實鮑汁瑤柱煮，$28，雖然細細碗，配合大碗湯夠食。與同伴分享XO醬龍皇雲吞及紅油花膠魚翅餃，雲吞裏面粒蝦真的大只，而且有肉香，XO醬帶出味道。同伴點的藥膳醉雞刀削麵看來亦得，吃了件雞，很滑，汁有濃厚酒香。價錢合理

復活節假期最後一日，同囡囡出銅鑼灣行街，去咗佢好鍾意嘅餐廳樂湯雞食lunch ，樂湯雞主打養生嘅雞湯，健康美味。我哋兩個都最鍾意呢度嘅至尊鮑魚雞大碗飯， 飯底係鮑汁瑤柱冬菇飯，每粒飯都索曬鮑魚嘅香味，淨係食飯都令人食指大動👍👍大碗飯份量好多，一定飽飽。 餸菜方面，有好滑嘅雞，一隻鮑魚同埋小棠菜。雞肉好嫩滑，超好味。另外加15蚊有細雞湯，雞湯清甜，加20蚊就有藥膳湯。我好鍾意藥膳湯，感覺養生。冷盤小食係涼拌雞絲海蜇，海蜇爽口，調味酸酸甜甜好開胃。

鮑，參，翅，花膠，點會唔心動，以平民價錢招來，點止心動，簡直要行動。銅鑼灣呢間店舖，看似平平，原來有珍饈百味。至尊珍品雞湯 $98鮑魚，海參，花膠，瑤柱，魚翅，冬菇，雞腳味道濃厚的湯底，潤喉滋補，還有漿口感，好好飲。花膠，海參有爽口感。魚翅，雞腳有嚼口。真材實料，一百元左右，抵！紅油花膠魚翅餃 $46以為好辣，其實只是少辣，惹味！皮薄，餡料多，粒粒包得又實又大。每食一粒，感覺飽足！藥膳雞腳 $52微微的散發著藥材香氣。有嚼勁，充滿骨膠原。小食必選。

一直幫襯開太子分店，現在銅鑼灣在登龍街開分店，真是一大喜訊非常喜歡這裡的雞湯，鮮味，不加味精，好好飲，配搭米粉一絕，吸湯掛湯，米粉夠彈牙，每次都唔夠食，因為太好食了第一次來的話可以試砂鍋花膠雞湯翅，有齊所有配料，翅是真翅，貨真價實。至於雞真的很嫩滑，放在非常滾燙的熱湯上也不會很快變老和鞋口，而花膠份量亦十足，又厚又大塊，雖然只是普通貨色，不過都煮得軟腍入味，大力推介另一樣必點的一定是魚翅餃，好大粒，餡料澎湃，有木耳絲魚翅和肉，好有口感，推介給大家

話說有次同朋友食飯講開佢好鍾意食麵，於是就問我銅鑼灣登龍街附近有咩推介，咁我就幫佢上網睇下，咁我就話不如帶佢試吓樂湯雞，因為之前都試過買外賣返屋企食，咁就幾咗朋友嚟食。點咗砂鍋花膠雞湯翅配米線、砂鍋花膠魚翅餃配飯、蟲草花杞子浸翡翠苗、麻辣花膠豬紅韭菜同埋辣椒伴百葉。平時食開嘅翡翠苗會有陣草青味，但呢到可能用咗上湯浸住，一D草青味都無啱哂我口味，而個花膠豬紅都好入味，百葉又好爽口。去到主角，花膠雞湯真係好香湯，完全無味精，根本唔使擔心飲完會口渴，雖然都飽飽地，但都忍唔住要飲埋個湯。兩個人食咁多嘢都只係$326，鍾意飲湯&食麵食米線嘅人千祈唔好錯過！

晚市堂食終於放寬。唔洗自煮或者外賣。銅鑼灣街頭終於唔係死城咁。行走於登龍街上，間間堂食都可以直入唔洗等，食肆要捱過呢關，都要大家多啲消費。見店員最落力招客係呢間，就入黎。比舊時白楊街舊店光猛多了，店員年輕左一截，服務亦殷勤得多。主膽一定會叫花膠雞煲翅。要半隻雞先食得過癮。見有新產品香辣花膠豬紅，就加多個。本身想加齋米粉。店員問試唔試吓撈刀削麵，咁就留多個XO醬海三絲撈。兩人晚餐，足夠得很。花膠雞煲翅實屬冇得輸之作。在火腿既加持下湯濃味鮮，雞肉剛好不過火。花膠同翅仔焗得夠身。香辣花膠豬紅有驚喜。豬紅係小時候車仔面既有味豬紅。花膠比沙爆豬皮高級點。撈刀削麵呢。海蜇絲同海參絲加強左口感上既效果，如果XO醬落得在慷慨啲會更好。食到咁上下先發覺原來三味都有花膠。今餐真係骨膠原滿滿da。聽日起身皮膚應該好似剝殼雞蛋咁滑

今晚同女友去銅鑼灣行街，大家都肚餓想食晚飯，平時食開茶記/放題/打邊爐，都覺得悶，我地係網上搵到一間主打無味精雞湯湯底*樂湯雞麵館*，決家試試餐廳乾淨企理食物選擇多，而且唔貴，大眾化價錢至尊鮑魚雞大碗飯先到，大大份，雞有雞味，新鮮冇雪藏味，肉質嫩滑，鮑魚算大件，味道幾濃唔錯。主角出場，雪燕椰子雞，雞湯好好飲，真係冇味精，用砂煲裝住，熱辣辣，火喉十足，雪燕都幾多，絕不欺場，刀削麵彈牙，口感十足娃娃菜清甜爽脆，清清地幾好花膠魚翅餃紮實飽滿，配上紅油刺激味蕾，食慾大增，而且蝦味夠濃，配上魚翅，口感十足埋單食左$262，唔收加一，我地食到好飽，抵食過放題/打邊爐，如果大家覺得放題/打邊爐悶，可以試下這間中菜

今年冬天感覺好像特別寒冷，說實，每當氣溫下降，我總會想到吃火鍋，不過最近疫情關係，吃火鍋還是可免則免，所以今日選擇吃砂鍋。不要以為砂鍋普通，其實是雞湯翅砂窩。「樂湯雞麵館」位於佐敦庇利金街，主打真材實料，食物絕無添加味精，非常健康。餐牌上有各式各樣的菜式選擇，當然最吸睛還是砂鍋系列。先點了兩款小食，分別是陳年花鵰酒豬手及涼拌雞絲海蜇。陳年花鵰酒豬手豬手份量非常多，幾乎放滿碟子，而豬皮手口感爽口彈牙，豬皮乾淨，膠原感極重，入口帶有淡淡陳年花鵰酒香，讚。涼拌雞絲海蜇海蜇的份量同樣是極多，口感清爽，帶有麻油重味，配上雞絲及紅蘿蔔絲，令層次感變得更豐富。砂鍋花膠雞湯翅(轉雞脾)配刀削麵砂鍋送上來時，已經有陣陣的雞香味道傳來，湯頭鮮甜品帶有濃郁雞味，我多加了點錢轉為雞脾，入口啖啖肉，口感嫩滑細緻，一點都不粗鞋，魚翅雖然份量不多，但口感爽彈，配上口感煙韌的刀削麵，誠意推介!砂鍋花膠雞湯翅(轉雞脾)配白飯朋友點的砂鍋和我的是一模一樣，只是由刀削麵變成白飯，再多加了龍皇雲吞，送上來時直接將白飯倒入砂鍋內，即時變成泡飯，而花膠更加是厚厚的一大片，吸收了滿滿雞湯精華，感覺份外滋味~