樂湯雞麵館 (登龍街) (已結業)

依間「樂湯雞麵館」其實已經食過幾次，但見佢最近出左個二人餐就走去試下，二人套餐，每人都係大約$120，有飯，有菜，有小食，又可以自己揀半隻雞，都幾抵食同埋都食得飽。招牌「花膠雞湯翅」唔洗多講，一上碟就見到個砂煲不斷出煙，新鮮滾熱辣，聞落香噴噴。本身自己好中意佢地既花膠雞湯，因為飲落真係好濃味，但又唔會令你口渴，啲雞肉仲要滑嘟嘟，花膠又大大舊，仲要有啲金華火腿絲，所以仲有陣咸香味。友人係第一次食都讚不絕口😋另外小食有「醉豬手」同「麻辣手撕雞海蜇」揀，但友人唔食辣既關係又想食海蜇，問侍應姐姐可唔可以走辣，侍應姐姐好好人咁話幫我地整👍🏻而個小食好香麻油，雖然係細碟左少少，唔夠喉。飯方面係「香菇飯」，個人覺得幾香口又唔會太濕或者太淋，友人唔中意食菇都將個飯食曬。所以推介大家要黎試，仲要加入埋做會員儲分，儲夠可以換半隻花膠雞🤤個人評分（滿分為5）味道：😉😉😉😉😉環境：😉😉😉員工友善度：😉😉😉😉😉CP值：😉😉😉😉😉

近半年因為身體緣故，自己都開始健康飲食，呢間餐廳標榜湯底是無味精，亦可選擇少鹽少糖。上個月試過一次，砂鍋花膠雞湯翅。覺得可以值得再次回頭。可惜今次大大中伏今次試吃桃膠雪耳椰子雞，及再次吃蟲草花杞子翡翠苗。我落餐時候已要求，少鹽少糖，店員祇是口述order，叫收坐銀機嘅同事入單。我聽見沒有嗌少鹽少糖，已經即刻自己嗌出來補鑊。可能椰子雞湯底係一早煑定，衹是純粹翻熱湯底，再加另外煮熟嘅雞，及桃膠雪耳。所以上菜時候，雞油明顯黐響雞肉附近，湯底比較白。我自己慢慢挑起雞油與及起雞皮。由於桃膠同埋雪耳比較碎，一定要用湯殼，所以喝咗少少湯。怎知道吃飽之後半小時內，已經不停覺得口渴，1個小時以內，已經飲咗超過1公升水 冇落味精，點解會令人咁口渴哩？究竟落咗啲乜嘢哩？百思不得其解。睇返張單，亦冇特別標明是少鹽少糖。如果真係做唔到嘅話，點解要喺餐牌上寫呢？

今日同阿妹去咗銅鑼灣阿妹推介呢間落湯雞，我都係第一次試，佢個鮑心翅套餐168😍又幾抵食，有一個金湯花膠翅，有個海參冬菇鮑魚瑤柱浸魚肚，有個鮑魚汁海味仲有個太白醉雞，另外叫咗個花膠雞湯魚翅飯都係$88啲湯好夠味，魚肚夠淋，雞件有少少鞋金湯花膠翅都幾張口，鮑汁撈飯粒粒分明，但啲飯好硬海味一品煲，全部都比較淡味，唔夠入味最抵食係花膠雞湯魚翅飯💗💗💗💗💗個湯好飲又夠大份同埋啲湯夠熱😊😊正行過不妨一試

今日叫咗一個砂鍋龍王雲吞雞，味道都可以但份量太少，只有二件雲吞同埋三件雞，另外一個就係砂鍋餃孑雞，但糸泥錯左，職員就寫咗花膠雞，經過一輪爭議后，然後補返兩隻餃子俾我哋，我哋問佢點解圖片係四隻，佢竟然話因為圖片唔反映現實，大家自己唸…

前日同老公、奶奶、阿仔去左銅鑼灣行街，行完時代廣場後就過左去登龍街搵地方食晚飯，最後簡左間老少咸宜都啱食既《樂湯雞麵館》(之前佐敦食過)，原來銅鑼灣都有分店，入店後睇完餐牌當然叫返個招牌菜式砂鍋花膠雞湯翅la，另外order左以下食品: -花鵰醉豬手-口水豬手-鹽水雞腎-鮑參翅肚餐(1人份量)等左陣幾款小食同個砂鍋花膠雞湯翅都送到上枱，兩款豬手都好味而且拆哂骨好易入口又啖啖肉， 啱哂我呢啲懶人同埋老人家， 老公都話雞腎好入味好好食， 至於個雞煲翅就只能形容～翅多～花膠正～雞滑👍🏻😋好正👍🏻另外個鮑參翅肚餐材料都好豐富，有好多貴價嘅食材，特別個鮑魚同海參炆得好入味同夠淋身，金湯翅同樣出色，呢個套餐完全畀到我一個富豪級嘅享受👍🏻👍🏻，現場眼見呢間樂湯雞都幾受歡迎，都有好多人嚟堂食同買外賣，待應都幾忙碌，但仍然保持倒殷勤服務，抵讚👍🏻，如果下次想食雞湯翅一定要搵返《樂湯雞》先😋😋

Lee間啲湯飯真係好好食😋 之前外賣已經食過兩次。而且每次都係食藥膳湯飯 🥰🥰🥰今次第一次堂食！ 排隊排左10分鐘，就入到去。我哋兩個人入去食試左新餐牌上面個<一人豪華餐> •有個南瓜湯底真係好濃郁🥰👍🏻 好飲•有個飯仔 感覺好似荷葉飯🥰•有個 醉雞~ 味道好清 •仲有迷你佛跳牆 鮑魚花膠海參另外叫多左個麻辣雞絲刀削麵👍🏻👍🏻中意食麻辣既朋友 可以一試 麻辣適中 不過如果少少辣都食唔到既朋友，就未必啱你，因為佢個種麻辣嘅口感，食完都會有少少麻痹舌頭👅

他们在佐敦有分店，经常要在店外轮候入内，吃过几次都不失水准。前几天偶然在登龙街见到这店，就走进去吃晚饭，现在他们菜式的花款多了不少，除了常吃的不砂锅汤，还有米饭和出前一丁。由于喜欢喝他们的汤，便点了一份砂锅。第一次点砂锅桃胶雪燕椰子鸡汤，上桌时汤还是滚的。除了椰子和鸡，里面放了一些碎桃胶。汤确是好喝，椰子味浓，而且很清甜，令砂锅内的刀削面更入味，几块鸡件只是配角。来这里主要是喝他们的汤，确是美味。

前日同Friend行完銅鑼灣走左去登龍街附近搵食，其實好耐都冇去登龍街，原來已經轉變咗好大，唔再係一啲舊式嘅大排檔同打冷舖，新開咗好多唔同種類嘅食店，行咗一大半之後竟然俾我發現，原來銅鑼灣都有一間樂湯雞，之前喺佐敦食過唔錯，所以我即刻截停班Friend就入咗去落湯雞食晚飯，店員好快安排入座，因為我之前食過，所以今餐就由我發板點嘢食，叫咗：1)鹽水雞腎 2)醉豬手(兩份) 3)砂鍋花膠雞湯翅(半隻) 4)鮑參翅肚餐(期間限定)，落單後小食好快送上，雞腎同豬手一樣入味爽脆，豬手起哂骨食落啖啖骨膠原好滋味，喺炎夏食呢啲凍凍哋又有酒香嘅小食真係非常之享受，個花膠雞湯翅好足料，魚翅份量多雞肉嫩滑真係冇得彈，個個Friend爭住食早知就叫夠一隻la，鮑參翅肚餐內就有：金湯花膠翅、太白醉雞、海味一品鍋(鮑魚、海參、花膠、瑤柱同花菇)同鮑汁海味飯，呢啲咁尊貴嘅食譜竟然可以喺落湯雞都有得食而且價錢唔貴，總結呢餐食物質素高，店員服務又殷勤，每人都係百幾蚊就食到咁多嘢，我啲Friend都大讚呢間樂湯雞真材實料真係冇介紹錯ar

🇭🇰樂湯雞麵館 ·呢間我之前食過佢佐敦嗰間嘅外賣嘅 我覺得佢個湯真係好好飲 今次堂食佢係真係成個砂鍋咁樣上 望到都開心🥰🥰·砂鍋龍皇雲吞雞刀削麵$88 l 時菜$10今次個湯依然好正 佢係好濃雞味得黎完全唔會油膩 而且我地飲曬成兜都唔會頸渴🤤🤤佢入邊雞嘅份量都幾多 而且佢啲雞好嫩 佢啲雲吞都超大粒 入面係真係有原隻開咗邊嘅蝦 我個朋友仔話超彈牙🦐之後佢豬肉餡嘅部份都好食嘅 佢個刀削麵我自己就覺得偏淋咗少少 唔算話好有咬口咁🤭之後推介大家好似我哋咁樣加個菜 因為佢個菜索晒所有雞湯超入味😋·涼拌雞絲海蜇$56我自己幾鍾意佢個調味 佢個麻油味超香 而且份量都幾多😌佢個海蜇口感唔錯 配埋啲青瓜絲超級開胃 係個雞絲稍為柴咗少少🙊🤣·📍銅鑼灣登龍街41-51號地舖📍佐敦庇利金街61號地舖

最近天氣很冷🥶最啱就係食熱騰騰既食物👍🏻前陣子行街時，見到一間名字幾盞鬼的鋪頭「樂湯雞」，望入店內，人人都點了一個出哂蒸氣的鍋麵，睇到都流晒口水🤤所以想都不用想就直接排隊了😆-這間餐廳的桌椅用上較深色的木，碗碟上也能找到古式的花、草、雞等等的圖案，和他們供應的中式食物相吻合👍🏻餐廳最有名的是砂鍋系列，可以配飯或各式粉麵😋另外也有多款特色小食、冷盤和菜，價錢不太貴，份量多，性價比超高👍🏻-1️⃣砂鍋花膠雞湯翅（半隻）$198這個花膠雞湯翅真是非常抵食和真材實料，砂鍋內都是密密麻麻的材料🤩花膠很大塊，沒有黑點，整塊雪白，超重膠質🤤魚翅份量雖然唔多，但都是完整一少片，不是翅頭翅尾👍🏻隱藏在魚肚下是半隻雞，肉質嫩滑美味😋而重點是整個湯頭，濃縮了每種食材的精華，金黃而入味，非常香濃，讚👍🏻-2️⃣砂鍋姬松茸瑤柱響螺雞（配米線）$88要數第二個必點的莫過於這個姬松茸瑤柱響螺雞，因為給我非常大驚喜🤩首先店家用的姬松茸是絕不手軟，小小的一個鍋竟用了多顆，而且多粒瑤柱、響螺和雞件也能將湯頭變得更鮮甜😋不論配麵或飯來吃，都會是非常美味😋-3️⃣醉豬手 $56豬手雪白，沒有毛，店家清洗得很乾淨👍🏻豬手經長期醃製在冰凍的

今日係銅鑼灣係街行到好攰，發覺年紀大真係身子弱呢個時間就俾我見到呢間花膠雞湯諗都唔諗就決定入去補補佢！招牌花膠雞湯之外，仲有一丁食好多選擇！招牌砂鍋花膠雞湯翅用砂鍋上，熱辣辣入面好足料有好大份雞花膠都唔係得一两舊，有成3,4舊好有誠意！雞肉嫩滑入味而雞湯非常濃郁已經係白色既狀態完全係飲唔停口配上刀削麵係一絕！XO醬龍皇雲吞好大粒！見到嚇左一跳咬落啖啖肉，有完隻蝦係入面非常足料配上xo醬好惹味推薦！

今日放工同左同事黎食晏主打無加味精既雞湯餐單主要係湯品、湯麵、撈麵同小食而飯類就只有一種我地要左一份尖椒皮蛋同紅油花膠魚翅餃做小食一份有5大顆，皮薄肉多，好足料我今日好想食飯，所以就要左餐單上唯一一款：至尊鮑魚雞大碗飯加左15蚊配雞湯，湯頭都幾黏口，味道都清甜而炆飯上面仲有入味既鮑魚添而朋友就要左一份砂鍋雲吞雞配刀削麵一鍋咁上真係特別吸引，朋友仲share jor一粒雲吞俾我添飯/麵仲可以加八蚊配上豆漿或者汽水架

係隔離食完日本菜唔夠飽，行過見到個雞湯好似好正，就入去試吓。坐位有啲迫，但明白香港地寸金尺土，舖租又貴，所以絕對係可以接受。樓面姐姐服務好好，都好詳細介紹下啲湯。我同朋友一人點一個麵，我要米線，朋友要刀削麵，平時唔鍾意食刀削麵嘅我，竟然覺得好好味，而我個米線我覺得啲麵質好滑。我唔食雞，所以比晒啲雞朋友食，佢話好滑。個湯底又係好好味，沙鍋上，熱到不頂了，最鍾意就係啖湯熱辣辣。最正係食完之後，成晚都無口乾，證明絕無味精。真心覺得好好食掛住食唔記得照相😂

今日唔想食得咁熱氣又想食D有湯嘅野所以揀左間係登龍街嘅餐廳其實之前已經食過堂食冬天食熱辣辣砂鍋湯飯好正🍲 今日就試下外賣自取睇下個質素有無保持到水準🧐今次叫左個砂鍋花膠雞湯翅配飯$88配多個時菜加$10首先個雞份量感覺比堂食少白烚雞味道無咩特別戲肉緊係花膠魚翅湯花膠份量都可以有4-5舊不過唔太入味可能因為佢標榜冇落味精所以個湯都好清淡最後飲曬都唔會話好”Kok”喉額外加嘅小唐菜佢放埋落個湯到環保♻️慳返個兜不過加$10份下次唔會加😝總結如果係想食佢招牌砂鍋湯飯建議都係堂食會滋味啲始終外賣做唔到個熱湯飯效果而且外賣得撈麵有優惠如果同一個價錢($98)就寧願坐低慢慢享受

銅鑼灣登龍街有一間專門吃砂鍋雞湯的餐廳，在疫情下依然大排長龍。餐廳面積大概可以坐20多人，上菜的時間也很快，所以就算趕時間也足夠喝碗湯呢～砂鍋花膠雞湯翅就是他們的招牌菜，我當然要試一試，他們標榜沒有加入味精，吃起來的確是原汁原味，湯清亮不混濁，鮮香無異味，雞肉鮮嫩，而且還有滿滿的魚翅和花膠排，十分足料。另外點了一個XO醬招牌雙寶拌麵，口味有一點點辣，XO醬用作拌麵非常惹味，另外他的雙寶：龍王雲吞(鮮蝦雲吞）/花膠魚翅餃也十分足料，基本上餡料差點都要撐破餃子皮了，吃起來每一口都是滿滿的餡料，讚！