樂湯雞麵館 (登龍街) (已結業)

夜晚行完時代廣場，朋友想食湯麵類，諗起小學同學IG story post過嘅樂湯雞。本身睇OpenRice誤以為樂湯雞夠鐘截單關門，但登龍街多食肆，所以照行過去，點知發現仲做緊生意就入去試試啦⋯門口嘅姨姨好好招呼，比人感覺有禮貌，我同朋友坐低之後都主動埋黎介紹，而且介紹完就行開由得客人慢慢再思考，唔會好急趕或好有壓力⋯係疫情下習慣買野食時都盡量加下飲品，幫襯多啲食肆，當我叫完砂鍋花膠雞湯翅之後想叫多杯野飲，個姨姨都友善地勸我飲完湯唔夠先再加我同朋友都係叫砂鍋花膠雞湯翅配米粉。真係出晒煙咁上菜，食時要睇熱！- 湯清清地但有雞味，雞件附近有雞油但唔會成個湯好油冧冧，我會用湯沖散雞油再飲。- 翅幾好食，花膠諗起前排大澳食嘅魚肚，有肉、大塊、略腥，但接受到。- 我嘅雞件屬於雞胸，但唔柴，朋友嘅係雞翼雞髀，但我同朋友都唔慣食雞皮。成碗食完已經好飽下，有啲懷疑隔離枱點解仲叫到小食😂我女仔食唔到底，盡量食都係有剩少少⋯當晚飲完湯，我同朋友都無特別覺得口渴。再者，我本身屬於濕熱毒會過敏，夏天落雨或太曬都會過敏，而雞湯一般都比較燥/上火，所以基本上唔飲得，一飲完基本上即時會痕/腫，就算即日無事訓醒都會出

早幾個月第一次同朋友食已經非常失望。今日老公唔知食咩就走左去買話試下，點知仲難食。鮑魚雞飯$88-雞好鞋，罐頭鮑魚仔，連本身撈左汁既飯都可以係乾。花膠雞湯翅米線$88-更加不知所謂，雞一樣係鞋口，湯完全冇味，請問係唔記得落鹽嗎？花膠在哪？完全見唔到喎。絕不會有第三次！！！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

離 哂 譜！ 離 哂 譜！離 哂 譜！花 膠 雞 湯 翅 米 線 裡 面 竟 然 有 鐵 線！無錯！係 鐵 線！如 果 食 咗 落 肚 個 後 果 真 係 不 堪 設 想！依 家 晚 市 都 開 唔 到，食 物 質 素 唔 係 應 該 做 好 啲 咩？ 店 員 見 到 鐵 線 一 啲 都 唔 覺 得 驚 訝，唔 好 意 思 一 聲 都 冇，只 係 話 換 個 碗 比 我，我 真 係 唔 敢 再 食 亦 都 冇 心 情 去 食 囉！ 哇 大 佬！食 鐵 線 喎！樂 湯 雞 越 做 越 差，今 日 食 果 陣 D 花 膠 已 經 少 到 搵 唔 到，仲 要 加 料 鐵 線，請 我 都 唔 會 再 去！👎🏻👎🏻👎🏻🤬🤬🤬

到銅鑼灣行街，陪朋友試了這間麵館，出名食雞湯的料理！🍲砂鍋龍皇雲吞雞刀削麵雲吞極之大粒，比平時的大一倍，包著分量十足的原隻蝦仁，加上豬肉的餡料，鮮味十足。刀削麵厚薄適中，有嚼口！用砂鍋上枱，比較能保持湯的溫度，冬天食感覺很好！.🍲藥膳醉雞刀削麵湯底味道濃厚，愈食愈有藥材的甘甜味，醉雞嫩滑有雞味，都有去骨處理，非常貼心。推薦喜歡藥膳湯的人去試試，絕對不會失望！.以上的餐都可以選擇米粉、粉絲或者飯等等，而砂鍋系列尤其出色！

淡黃色嘅湯係砂鍋澎湃翻滾，湯面泛有少許雞油。黃澄澄既雞件色澤感覺鮮美，上面鋪有少許粉紅既火腿絲。依家天氣有少少涼，最啱就係食啲滾熱辣嘅嘢食喇！Lunch time 黎樂湯雞麵館，嘆番個砂鍋花膠雞刀削麵。$78 餸料有幾塊連皮雞肉，兩塊花膠，刀削麵既分量還可以。飲埋個湯就一定飽啲同唔怕凍喇，但用砂鍋真係好滾熱辣，食個時要小心辣嘴同淥親個口。有啲美食真係要喺餐廳享用，好似呢個砂鍋花膠雞刀削麵要堂食先得，如果選擇外賣，絕對係完全兩回事黎。

呢排天氣轉冷，好想飲湯補下身，專登過嚟呢度試下，睇落好似好正咁😁。職員介紹下，order 左藥膳醉雞刀削麵 $72，聲稱不含味精，就咁睇湯底好似幾濃咁，不過真係食落又唔太突出，味道有D淡，好奇怪，明明見到湯底有好多藥材既材料，但又無咩味道，唔知係唔係咁啱lunch時間，啱啱煲未出味？反而醉雞味道還可以，雞都幾嫩滑，淡淡酒香，雞比湯底出色😋。另外唔太喜歡呢款刀削麵，太淋，無咩口感，無左應有既咬口😅。整體不過不失，但不至於會掛住嘅味道🤭。唔係經過開，未必會專登過嚟食。

📍樂湯雞麵館 @ 銅鑼灣ღ 藥膳醉雞刀削麵 $72ღ 砂鍋花膠雞米線 $78ღ 砂鍋龍皇雲吞雞粉絲 $88ღ 涼拌雞絲海蜇 $58ღ 蟲草花杞子浸翡翠苗 $42經過登龍街想平平地食個快飯就入咗去醉雞同埋其他小食都普通 正常味道～建議大家要叫佢嘅砂鍋系列 真係出色啲😂湯底會濃郁啲 加上用砂鍋裝感覺好似有風味啲🤣雞肉質地都滑 但真係無話特別好味/有記憶點～個菜就認真麻麻 好硬又有好大草青味☹️回頭指數😼2/5（普通較頹選擇(๑╹ω╹๑ )

今日經過見到，都睇過open rice好似都有唔少好評。價錢算抵食，份量夠，但係真係好口渴🤨一定有味精。另外嗌咗個萵筍，味道麻麻同埋唔係好新鮮嘅感覺⋯⋯應該冇下次

今次去咗銅鑼灣呢一間雞煲翅，係因為實在太耐冇去過澳門，應該係話因為去唔到澳門，所以好想食好耐冇食過嘅譚家翅。諗住試吓呢一間，睇吓搵唔搵得返，嗰隻味道。一入嚟，要講嘅係座位，會比較逼夾。擺袋嘅位都冇，所以如果諗住嚟食，最好行裝比較輕便，咁你會食得舒服啲。侍應都比較忙，但盡量都關顧每個客人嘅需要，例如要碗或者要水咁，問佢哋都真係隔一陣會比到你。今次有個一周年套餐，侍應推介，我哋叫咗一個一人份量，再另加其他。因為我想話要傑啲嘅湯底，佢哋介紹套餐入邊個湯底會適合我，但味道有啲出乎與其係南瓜湯底味都有少少魚翅嘅鮮味但係唔係想像中嘅金華火腿。已套餐入邊嘅海味煲，個汁正常嘅，但覺得入面啲海參同花膠唔算話好入味。鮑汁撈飯都唔錯。但另外叫嘅砂鍋雞保翅，就正正係想要嘅金華火腿味啦。不過就係唔夠傑身姐。

呢間想黎好耐，但夏天唔太適合食，呢排日日落雨，涼左小小，即刻嚟食。叫左醉雞刀削麵同砂鍋雲呑雞。先講醉雞，雞完全無酒味，要靠自己去浸一浸底下既汁先有味。雞皮都仲彈既，但切到好薄，幾乎無肉。唔合格刀削麵係藥膳湯底，酒味亦不重，所以應該叫藥膳刀削麵配凍雞(附醉雞汁)。湯底有藥膳味，但無太大特色，麵質ok，唔食唔可惜。剛合格吧然後砂鍋雲呑雞，湯底如用作飲用的話，略咸，飲完之後好口渴。雲呑大粒，無驚喜，如配津白較好，雞肉又係無乜，好薄。專門食雞飲湯黎講完全唔合格。服務方面，還可以，建議唔好咁快食完，我地35分鐘食完，想坐一坐，侍應收左兩次野，想趕人走咁。兩個人食完都完全唔飽，如果都係想試，建議食lunch好了。

今天帶老媽去 東區覆診 離開時已經七時了 去銅鑼灣吃個 滾動滾動的 砂鍋花膠雞湯翅 🐥🐥還記起幾年前 有次去了廣州 渡週末 當晚到了一家連鎖店叫 香港聚強佛跳牆 佛跳牆外 還有滾動滾動熱燙 上桌的 港味石鍋翅 價格亦相宜 當時感慨為何 香港沒有這種 經濟抵食的 鮑參翅肚店 高級餐館也不是 人人吃得起 原來 不知不覺地 已落地生根了 而且還經營得當 捧場客多 👏👏點了份 鮑參翅肚 一人餐太白醉雞 🐔🐔鮑汁海味飯 🍚🍚海味一品㷛 🦪🦪金湯花膠翅 🦈🦈另外散點了砂鍋花膠雞湯翅 跟白飯 🐣🐣迷你海味雜菜㷛 🥦🥦醉豬手 🐖🐖 所有熱葷 上桌都是 滾動滾動的 很有效果 🥘🥘無唸過 每款食物 如花膠 魚翅 雞件 份量亦不少 難怪食客 絡繹不絕 雖然食物品質 未算精緻 但絕對 可說美味 以及這裡 價格便宜 絕對收貨 💰💰員工服務態度 相當好 有禮貌 工作勤快 值得俾 Like 👍👍👍

2021年8月20日 晴今日出銅鑼灣食花膠雞同行街本來openrice 睇完係諗住食佢ge 米線, 點知佢有個二人餐 $238 幾抵喎鮑汁瑤柱冬菇飯 - 飯夠乾身, 有幾片冬菇, 食落好香, 唔錯麻辣雞絲海蜇 - 海蜇夠爽夠辣夠麻, 正雲腿浸娃娃菜 - 清清地, 個菜好甜, 上湯都好好飲砂鍋花膠雞湯翅 - 上桌個陣熱辣辣, 雞湯味濃而家味道arm arm 好, 超級多花膠同翅, 雞都好滑, 好好食真係好大舊食到好開心好滿足, 食食下餐廳已經坐滿曬人, 好彩我地早入座唔洗等

銅鑼灣登龍街出名多嘢食～時間大概1400左右.吾洗排隊等位避開左附近上班一族放飯時間.由於疫情關係我就好少出街食飯.細細個我就好鍾意飲湯.所以就入左黎試下佢個花膠雞湯飯.環境較為狹窄.建議吾好拎住太多嘢入嚟會冇位放！整體嚟講湯底吾錯飲落都幾足料.湯4/5星，啲雞吾知係咪因為用嚟煲湯.偏乾3/5星，花膠吾入味小失望.但都幾軟身3/5星。以$78嚟講可以食到咁養生都算吾錯.會再試下其他嘢食，回頭指數3/5星。

登龍街簡直美食雲集 好多好出名嘅餐廳所以一到lunch hour都超多打工仔 周圍都排隊依間樂湯雞麵館起近街尾 竟然唔洗等位入面都好多枱 所以容量大啲餐牌主要食唔同款嘅雞同麵食最出名就應該係佢啲滋保雞湯 花膠 魚翅 桃膠 雪燕 等所以選擇甚多 麵都可以揀米缐 刀削麵 粉絲 米粉 或者飯見好多人叫花膠雞湯 咁我就要試吓啦🥘砂鍋花膠雞刀削麵 ($78)上菜嗰時熱辣辣 出晒煙 大家小心唔好掂到個煲已經聞到好香嘅雞湯底味刀削麵份量唔太多 我一個女仔食覺得少咗啲😀而且有啲失望係佢嘅麵質麻麻哋 完全唔彈牙 冇煙韌口感…同超市買壽桃牌刀削麵差唔多可能就係自家製同入貨嘅分別至於雞件 都多嘅 有6件明顯用新鮮原隻雞整 連皮連骨可以見到雞油 食落有雞味可惜係唔夠多肉 啲肉又比較鞋☹️大部份骨 唔太好食花膠就好足料 成兩大片 食落好有質感 唔錯👍🏻部份有啲爽口添最後講下湯底 湯底就幾出色嘅味道清得嚟有雞味 食得出冇味精所以食完唔口渴 食完有陣好滋潤好保嘅感覺😂-味道上就冇相像中好食 尤其麵同雞失色 只係湯底好環境一般 入面裝修有啲中式 用木枱櫈 但係枱之間有啲近服務唔錯 幾有禮貌 走嗰陣仲話下次見🙈CP值一般

今天草子話想食湯麵，但又不可以太濃味 太油於是諗爆頭, 睇到樂湯雞的食物照又幾吸引，於是揀左去樂湯雞。砂鍋花膠雞湯翅米線由於砂鍋上，所以非常熱辣辣花膠都算淋，不過雞湯真係好清淡，或者真係真材實料，無咩味精.雞件浸左落滾湯，食落真係"鞋"左少少，又老左少少砂鍋龍皇雲吞雞+刀削麵雞湯都是好清淡路線，雲吞好大粒，咬落啖啖都係肉，都足料，不過食完無咩一試難忘或好味~整體真是一般般原本以為呢個湯底會一試難忘，食完難免有點失望