樂天經典 (已結業)

位置尖沙咀既樂天經典，距離地鐵站遠，好適合帶埋屋企人一齊食。打開餐牌嘅第一頁，就係樂天經典主打既幾款蟹既菜式。有黃金焗螃蟹，龍虎燴同花雕雞油蒸螃蟹等等既特色菜，而我地最後就選擇左星洲黑胡椒螃蟹。一上枱，一陣黑胡椒嘅香氣撲面而來。店員會準備好手套及食蟹既工具，係唔整污糟雙手嘅情況下享用美食。螃蟹🦀️充滿黑胡椒既辣勁，濃而不嗆喉，蟹肉鮮嫩美味，且鑊氣十足，每一口都食到黑胡椒嘅滋味。螃蟹絕對係啖啖肉！雖然收到黑胡椒嘅影響，食到嘴唇微微發燙，但仍然忍唔住一口接一口。呢度嘅海鮮咁出名，絕對唔可以俾佢停。我哋嗌咗一份細份嘅黃金蝦球，蝦球表面係滿滿嘅鹹蛋黃，香氣滿溢。古法蒸魚，魚肉香滑，生熟度岩岩好。豉油為呢條魚再加分，撈飯食一流！金銀蛋莧菜，皮蛋出色，莧菜軟稔入味。甜品係椰汁西米露。熱騰騰既芝麻湯圓為今餐作結。

一睇樂天經典呢4個字，心諗都係食點心小籠包呢d原來我錯 果間係皇朝😂 同樂天經典係唔同！經OpenRice 訂位， 指定時段有七折，好抵！食之前已經喺電話到預留左肉蟹，目標就係食黑胡椒蟹！一入到去，安排卡位，坐得舒服！ 2個人嗌左蟹之餘，再嗌左2個小菜(咕嚕肉&炒通菜)+1個點心(扣肉包)!!上菜快，最期待既黑胡椒蟹登場！拍得住我喺新加坡食到既一樣，小小辣好惹味！小菜一樣出色，色香味齊！扣肉包超正！入口即溶！真係估唔到咁出色！折完都係hkd500多d！抵到爆！一定會再食！

我係愛好西餐嘅人～但食得多西餐，有時都會悶🤔想食番亞洲菜，感受番同我地最貼近嘅文化精髓💋.所以呢日就同閨蜜去左#Yahoo熱搜餐廳大賞 嘅✨ #樂天經典 ✨試下唔同嘅 #經典南洋風味 🤤唔好以為我睇落身型瘦削就食唔到多野😂只要唔食澱粉質🍚我食得多過男仔🙈望唔望到我地兩個人叫到成枱都係？我係做包底果個🙌🏻🤤樣樣清曬冇浪費架一齊黎睇下我地叫左啲咩啦💋.👸🏻瑪姬兒與閨蜜的二人大食菜單😂🔺小食及菜餚🔺1️⃣金牌脆皮燒雞🐔半隻（$178）閨蜜同我一樣，十級鍾意食雞❤️所以叫左呢度招牌嘅脆皮燒雞🤤佢嘅外皮香脆金黄，雞肉好Juicy，絕對唔係整定/翻熱做到嘅效果‼️平時我好少會連皮食，但今次我都要破例食埋😋佢地選用嘅雞脂肪含量同雞肉嘅比例勻稱，皮下脂肪唔多，令到塊皮食唔會太油膩👍🏻伴碟仲有彩色蝦片，最後先食都仲好脆（sharp sharp聲），而且炸嘅火喉恰到好處，唔會太淋淋💓2️⃣金絲麥片蝦球🍤細（$155）呢個真係見到張相都好想試，就算我食蝦會敏感，塊面會出紅粒粒都痕，都決定博一博（要食唔要靚的概念😂，觀眾切勿模仿‼️）其實都淨係敢食一舊，唔敢食多，所以呢一舊我真係慢慢咀嚼，嗒得好認真😂第一啖食佢個質感：蝦球

今日我帶左朋友去一間尖沙咀的餐廳,地點幾便利就腳,這間樂天經典係一間個人都算喜歡既新派中菜廳😉,環境靚、食物質素高、種類多，推介既有龍虎燴,古早魚香老鼠粉,金牌脆皮燒雞等等,總體環境不錯,地方坐落舒服💑,聊天談心是不錯的地方~.*花雕蒸蟹透着花雕的甘醇酒香,蟹味後勁更香,而以花雕酒加蛋白來蒸那種鮮味完全保留,而蟹身啖啖肉重身😸*蒜香海蜇頭海蜇頭色澤鮮亮，清脆爽口，味道鮮美，調味偏酸香辣,但有青瓜平衡返剛剛好😊*脆炸美人魚炸的美人魚塊又香又脆,甜度很足,食完頓時十分開胃😉*海鮮皇炒飯粒粒分明的米飯,吃落既分明又軟綿,蝦仁帶子蟹子鮮美的味道與飯粒完美融入😍*五香乾撈米線平時大家都係食湯米線,我就較喜歡米線乾撈的食法,平時配湯嘅米線都幾彈牙，撈完之後更加彈牙，而且唔會出現變「稔」嘅情況，夠爽夠乾身*三色桂花班蘭糕三色桂花班蘭糕甜度主要靠椰香的甜帶出,有南洋的特色，桂花及班蘭的十分清新感,賣相也十分漂亮👍作為甜品,甜而不膩🆒👍.同埋午市及宵夜時段單點餐牌有68折呢🌟（12-3pm & 9:30pm-01:00am)🎉

一間價錢合理懷舊菜主打的餐廳！本人推介老鼠粉及扒豆腐！環境光猛、衞生潔淨！而且同樂天皇朝份屬姊妹公司，又可以點埋「皇朝」的小籠包，這點能帶给食客多一個選擇之剩，還可以品嚐懷舊菜式！

同男朋友一齊放假，突然好想食中菜😋於是去左尖沙咀樂天經典😋地點位於加拿芬廣場2樓，非常易搵。黎到先知同樂天皇朝係同一層，即刻令我諗起八色小籠包🤣🤣🤣不過樂天經典就主打南洋中菜，等我試下先。我地兩個都係「食得」之人， 兩個人叫左好多野食下😂😂😂淮山杞子螺肉湯第一個上桌， 對於少飲湯水既我地，見到咁大煲湯覺得好興奮。————距話係3-5人份量的，我地每人3碗，剛剛好🥰料足好飲👍🏼👍🏼👍🏼👍🏼我地飲左少少就好快有其他野上桌，服務員怕我地既湯變凍，於是幫我地加熱返， 都幾細心。沙律排骨唔係我叫既😂係我男朋友話幾年冇食過，突然想食。呢個就冇咩特別， 食落就如其名😂不過就佩服距落完沙律後，食落都仲係脆口。馬拉盞炒通菜呢個我幾鐘意食😋唔會好油。食落辣辣地，幾惹味。😍黑胡椒蟹😍期待超久的，一打開Menu，第一頁就見到黑胡椒蟹，即刻心心眼。佢有唔同嘅份量俾你選擇，細、中、大。 我地2個人嘛，簡左中份量。如果多d人黎食，就可以叫大😍——————中份量兩人食剛剛好呀，我仲嫌唔夠喉。距炒得好香，食落又超惹味的，蟹肉幾鮮甜，唔錯。最後的黑椒汁，我有用嚟送飯😂最後，客家豆醬黃花魚肉質幾嫩口。加埋d豆同豉油汁一起送

一直都係樂天常客，價錢合理，份量又足選擇也多難得跟朋友過來附近，便跟他上黎吃個晚餐，好彩提早上黎，不然便沒有位一直想試蟹看蟹的大細而分成大中小星洲黑胡椒炒蟹(中)店內必吃首選，幾乎每枱都會點炒蟹炒得乾身，肉質夠紮實，黑胡椒汁又夠入味，很鮮味椒鹽香酥鮮淮山外皮炸得香脆，食起來又唔會太油膩泰式海鮮炒米粉細份份量也不少，米粉炒得乾身，帶點青檸汁香味，很惹味金銀蛋浸時蔬總要食點蔬菜，配上皮蛋鹹蛋同吃，更滋味

晚上在尖沙咀，看完電影之後找地方吃甜品，途經尖沙咀的樂天經典，看到樓下的廣告寫著晚上入座有六八折，便入去點了甜品。一行二人，分別叫了楊枝甘露和酸柑香茅凍不知道和六八折時段將貨就價有沒有關係。似乎這兩道甜品很難和樂天的高水準中菜相提並論。楊枝甘露得甜，沒有太多水果，感覺在喝糖水沒有清新的感覺。酸柑香矛凍，賣相還算不錯，但簡單點說，其實就是一杯Jelly... 所以如果要吃甜品，下次還是會選擇傳統的糖水舖。

餐廳名雖然有"經典"兩個字，但內裏一d都唔經典，仲好新潮，主色以白色和啡色，每張枱都係用雲石枱，至於服務方面店員亦有好禮貌和笑容。龍虎燴($468)，選擇左香辣湯，不會太辣，材料方面非常豐富，有肉蟹/蝦/蜆/魷魚/魚肉，仲有一鍋米線，我覺得好抵食，肉蟹好正，大大隻蟹鉗又啖啖肉，魚肉亦去左骨，食得放心。金絲麥片蝦球(S)($155)，蝦好大隻，而且彈牙，確係用料新鮮，哩到菜係新加坡名菜，味道帶甜。金銀蛋浸時蔬(M)($132)，一定要食返d蔬菜，菠菜加皮蛋一齊煮又幾好食。荔枝咕嚕肉(M)($143)，平時都鐘意食咕嚕肉，加左少少荔枝味，又幾特別，而且煮得好鬆脆。

環境有氣派，樓底高，座位相隔空間寬敞，而且大枱都有好多張足夠坐6位客人，12位客人的話仲可以坐一圍枱，有梅紅色靚靚既櫈茶壼用左金色，高貴又美觀招牌扣肉包$26，扣肉煮得好淋好入味，一半肥一半瘦，用個包夾住一齊食可以消解肥膩感海鮮皇炒飯$147 (M)，飯炒至粒粒分明，而且用左新鮮帶子/魚籽/鮮蝦，食落好滑好彈牙菜香鐵板豆腐$108 (S)，細size仍然好大件豆腐，好滑，d汁唔好浪費用黎撈飯食一樣好惹味花菇雲耳蒸生魚片$162 (M)，湯汁聞到好香花鵰酒味，魚肉啖啖肉去晒骨，雲耳和冬菇雖然係配菜，但索左酒既味道，都好好食青芥末蝦球$155 (S)，約有5隻蝦，每隻都好大隻，爽口彈牙，芥末醬應該係自家調製過，再加上魚籽增加口感層次，用左少少醬同樣用黎撈飯食，效果都唔錯

非常意外地同姊姊妹妹沒有預約剛好一桌麻雀又那麼巧四個去食晏 。首先我們說明不開茶慳回10$一個因為午餐貨真價實地送熱湯和涼茶且送的是熱啦啦的羅漢果茶以及檸檬薏米水非常好只加12$一碟幾條菜心裝修優雅寧靜湯極熱涼瓜黃大豆少少排骨雞腳全部超標準的林和熱肉鬆豆腐最特別正方大大一塊豆腐煎香上澆一個豐富菇粒肉鬆的汁賣相又好嫩滑不大咸其他菜都太咸太濃味不過好抵食因為很過飯茘枝咕嚕肉則可惜太甜可能想人客食到茘枝汁味但很讚賞店鋪的用心如此豐富的餐只是68$一個已加一

之前喺星加坡旅行完返嚟，喺金沙城Sands入邊有間樂天王朝，細問之下原來樂天集團喺星加坡嗰度都有分店，呢個王朝真係犀利越開越多，今次約埋幾個好友去尖沙咀樂天經典試吓。據我所知，樂天集團有好多唔同類型嘅分店，樂天經典主要係食星加坡菜加粵菜，其實都有啲fusion。講真星加坡菜其實唔係好出色，數得出有邊幾樣出名嘅食品，例如海南雞、胡椒蟹，因為我去星加坡嗰幾日食嚟食去都係呢幾款。不過樂天經典菜式甚多，而且融合埋中菜，可以有好多選擇，今次黎必食係胡椒蟹，朋友食過話似足星加坡風味，香香辣辣，好惹味，一上枱已經哇一聲，肉蟹大大隻，而且好飽肉，胡椒蟹最緊要用護照同香料，夠火後先炒得好香，我哋連汁都撈埋呀，，如果出邊食嘅話肯定過$600 ，但呢度食就唔使，算幾經濟呢，其實佢菜單上邊仲有另外一款海鮮湯，不過我哋人唔多所以叫唔到。小菜同前菜方面有個煎釀豆腐同埋海蜇頭都做得好好。除咗胡椒蟹之外，我哋叫咗個狗仔粉都做得好出色，狗仔粉係用相高湯肉碎，真係好食到不得了，湯底香濃，狗仔粉咁經典嘅菜式唔係成日食得到，黎呢度一定要叫呀！特別一提呢度嘅菜式可以點半分或者全分，人多或者人少都適合，唔使浪費晒，又可以叫多幾款

認識這間2018年係尖咀新開的餐廳，係一位同事無意中介紹的，坐落係尖咀鬧市的2樓，旺中帶靜。上次因爲太趕時間關係，而它的即叫即蒸的「花菇雲耳蒸魚柳」要等15分鐘，所以緣慳一面了😭😭😭😭今次終於有時間靜靜的等候魚柳的大駕光臨。 不得不介紹這裏的午市套餐，低至$48，有湯、飯、主菜及餐飲，實在是尖咀打工一族的恩物🥰🥰🥰邊等邊飲湯，不知不覺主菜已到。「花菇雲耳蒸魚柳」除了花菇、雲耳外，亦有紅棗做配料，魚柳軟滑、花菇有咬口、魚汁咸淡適中、恰到好處、味道一流😋😋😋用魚汁撈飯，魚的鮮甜味融入米飯中，啖啖飯香魚香，不禁叫一聲yummy 😍😍

第一次來，13人的生日聚餐，有大圓台非常好，因為試過在其他餐廳得長台好難傾計。菜式有分大中小碟，適合三五知己或一大班人食。點的全是家常菜，味道很好👍🏻招牌鐵板豆腐最好食

同好耐冇見既朋友食飯，佢地話試下呢間，今日星期一，唔多人，我地三個人，定排坐卡位，好舒服。我地叫左一個小食，三個餸，一個炒米粉，最後食埋一個糖水，好滿足！小食係炸魚仔，甜甜辣辣，有啲似泰國買返黎既手信，我個人就唔多喜歡，食剩三分一。小菜有什菜煲，好夠味，黃酒雞煲，好正，同埋駝鳥肉煲，都好食，但所有餸都有啲偏鹹(個人認為)。另外仲有一個泰式海鮮炒米粉，辣辣地，好好味。我地食完飯，繼續坐係度吹水，之後再叫埋個糖水，椰汁西米露湯圓，我至愛既糖水之一，好食。整體既野食都ok, 而且佢地好多小菜都有大，中，細選擇，人少既可以選擇細既，又唔驚份量太多食唔晒，又可以試多啲款，佢地咁既安排幾好，有機會可以再黎。