樂天經典 (已結業)

同好耐冇見既朋友食飯，佢地話試下呢間，今日星期一，唔多人，我地三個人，定排坐卡位，好舒服。我地叫左一個小食，三個餸，一個炒米粉，最後食埋一個糖水，好滿足！小食係炸魚仔，甜甜辣辣，有啲似泰國買返黎既手信，我個人就唔多喜歡，食剩三分一。小菜有什菜煲，好夠味，黃酒雞煲，好正，同埋駝鳥肉煲，都好食，但所有餸都有啲偏鹹(個人認為)。另外仲有一個泰式海鮮炒米粉，辣辣地，好好味。我地食完飯，繼續坐係度吹水，之後再叫埋個糖水，椰汁西米露湯圓，我至愛既糖水之一，好食。整體既野食都ok, 而且佢地好多小菜都有大，中，細選擇，人少既可以選擇細既，又唔驚份量太多食唔晒，又可以試多啲款，佢地咁既安排幾好，有機會可以再黎。