樂天經典

之前去“樂天皇朝”食過七色小籠包，食物同環境皆有質素，同一集團響加拿芬廣場二樓開設左另一間叫“樂天經典”，佢哋以新加坡菜式為主，有胡椒蟹、叻沙等美食為主。而且如果透過openrice訂位，午餐可享有68折優惠，非常抵食。首先點左每人一件招牌扣肉包，肥大肉厚既扣肉炆煮得又淋又入味，用熱辣辣蒸好既面包包住扣肉，中和左肉既肥膩，大啖大啖咬落去非常好味，每人一件剛剛好。跟住離一個鐵板豆腐，鐵板上碟保持熱度，豆腐配上類似魚香茄子既醬汁，帶點微辣非常惹味，而鐵板面有一層蛋做底，增加左餸菜既層次感，豆腐又滑，用離配合白飯一流。而細既蒜香排骨一碟有六件，每件都又厚又大舊，雖然十分厚，但肉質仍能保持鬆軟，而香蒜加上炸排骨，香口又好味。再加一碗海鮮叻沙米線，叻沙湯底又香又濃，材料有蟹柳等，十分好味，成碗連湯清曬。小食黃金炸魚皮係必食之選，每一塊炸魚皮片沾上蛋黃，魚皮又香又脆，配上咸蛋黃十分滋味。最後每人一碗糖水，楊枝金露柚子帶酸，芒果帶甜，而糖水質感夠濃厚，另外椰子西米露湯丸，香濃椰子香味，加兩粒芝麻湯丸，大滿足。餐廳裝修有格調，卡位坐得舒服，而家職員服務態度非常好，“樂天”果然係有水準。…查看更多

主打八色小籠包的樂天皇朝，一定唔陌生！相比這間樂天皇朝有出奇少少。創新中國南北菜式，包括點心、拉麵、小籠包以及中國八大菜系最經典的菜餚。在月中活動還吃到相當有特色的辣椒螃蟹的款式食品；亦是這裡最受歡迎👏🏻不過我同朋友都不太好所以點了其他。前菜（花生粟子）若果全部是粟子就好了，可見我將粟子食曬 $15 ，茶芥每位$10藥材走地雞湯原隻雞都可以食掉，一煲湯可分6碗飲。招牌扣肉包 HK$26/個呢度既扣肉唔會太肥膩, 而且好林又入味, 扣肉、生菜分開上, 食前將配料夾好即食, 麵包好鬆軟。皮脆肉嫩金牌燒雞 HKD $178雖然只點了半隻，但雞肉肉質嫩滑，加上燒雞是烤熟再淋油，因此比炸雞更能保留肉汁。西蘭花扣海參 唔會間間都食到嘅高級粵菜，海參非常爽彈，這味菜果然和味，冬菇炆得好香好軟熟，這味菜我認為必食，因為多數只出現在大酒樓😁👍女人補品無論幾飽都食得落肚，而且這款當菜類吃真不錯。樂天經典的另一特色是營業至凌晨一點，是深夜肚子餓時的消遣好地方！…查看更多

午膳時間想坐得舒服D，又想食中菜，樂天經典就係一個唔錯既選擇午市時段(12:00-3:00pm)單點餐牌仲有68折！樂天經典主打新加坡菜，餸菜份量有分大中細，好岩情侶或好友聚會，可以試多幾款唔同菜式。而且設有舒適卡位，岩哂慢慢坐，傾下計。前菜係炆栗子花生，夠淋身，好入味！臘味炒飯(細)炒飯夠乾身，粒粒分明，飯粒彈牙，金黃酥香～食落味道甘香，再配以臘腸、蔥花等，口感層次豐富，濕潤度剛好。金銀蛋浸時蔬(細)簡單加入鹹蛋、皮蛋作調味，除可增添層次，更惹味提鮮，菠菜味道鮮甜亦唔嚡口～香酥南乳五花肉(細)肉香濃郁，配以香酥南乳的製法，味道鹹香脆嫩，極之惹味～招牌扣肉包經過長時間燜煮既扣肉，香味四溢，肥瘦適中，口感極佳，夾於剛蒸起、非常軟熟既包，一口咬下去，令人回味無窮！手工海鮮白玉磚炸得香鬆脆口，豆腐鮮嫩白滑，配以沙律醬，口感清新～娘惹咖喱雞(細)咖喱香甜帶微辣，雞件口感香嫩又爽滑，濃濃既娘惹咖喱香鮮至極～楊枝金露西柚肉飽滿帶點微酸，芒果香甜加上西米露，口感豐富。…查看更多

之前係尖沙咀試過樂天皇朝，喜出望外。今日放工再同屋企人試埋佢隔離果間樂天經典。聚寶海鮮豆腐 中 ($192)豆腐好滑，仲有陣濃嘅酒味，湯入面嘅有海參同蝦，都幾驚喜。招牌扣肉包 （$88）肥美嘅扣肉配上香軟嘅麵包簡直天衣無縫，扣肉嘅肉汁鎖住咗係肉入面，一啖咬落去，肉汁溢出，扣肉非常之入味，果然夠哂經典。臘味炒飯 細 ($92）炒飯惹味得嚟又唔會太咸，飯入面都幾多臘腸，唔會太油膩，如果份量再多啲就不得了喇。三色桂花斑蘭糕（$45）桂花糕清新低甜、口感爽滑。斑蘭的獨特甜香加上桂花杞子的芬芳清香、椰奶的馥郁濃香，三者加埋令到味道更上一層樓，食完真係會齒頰留香。…查看更多

好難得可以出到尖沙咀行街，睇到呢間樂天經典食評唔錯，所以黎試下。我地呢晚6點就來到，因為早來所以餐廳未算多人，經理安排我一家三口坐卡位，坐位和環境都幾舒服。 今日點嘅菜都係就小朋友多，冇特別點海鮮，因為大部分都辣。首先係蒜蓉沙西蘭花$68，炒得夠淋，多蒜，夠香！ 泰式炭燒豬頸肉$88， 賣相靚，肉質柔軟不韌。 脆皮蝦醬雞翼$98，一碟8隻雞翼隻隻都肥嘟嘟，雞翼皮超級脆，蝦醬香口入味，小朋友食到唔停口！ 滑子菇素炒麵線$88， 好中意呢個炒麵，麵爽口，唔油膩，炒得條條分明，師傅炒得好！ 三色桂花班蘭糕$45，雖然飽飽地但好想食甜品，呢個班蘭糕造型好靚，層層分明，更吃得出椰汁、班蘭、桂花各層味道，唔太甜值得一試。 椰子西米露湯丸 $38，椰汁香甜，芝麻湯丸多饀煙韌，如果多些西米更正！整體食物有水準，服務有禮貼心，食物款式選擇多，可以有下次。…查看更多

屋企人聚會，之前係奧海城食尼間覺得唔錯～今次黎到尼間決定再食先！一坐低，店員就比前菜我地食～炆花生非常淋身又入味！娘惹咖喱雞 細 細size，左一點都唔細！大大碟咖喱雞，好多雞肉同薯仔！薯仔夠淋粉粉的👍但雞就一般～ 個咖哩汁都幾辣下🤭但好惹味，要來撈飯正食一流啊👍🏻早魚香老鼠粉煲 細細size又係大大煲😂好耐冇食銀針粉啦～用砂窩煲整真係第一次食！料多～有冬菇、肉碎、鮮蝦、冬菜、椰菜花，個湯煮得幾入味﹗三色桂花斑蘭糕淡淡的班蘭味，食落好清新，又唔會太甜！滿足～…查看更多

好耐無食過我至愛既樂天經典，最近社會氣氛好差，人流明顯少左。不過兩個人坐卡位勁闊落，可以靜靜地食野傾計其實都幾舒服。✨每次都好鍾意佢個餐前小吃，d花生同栗子炆到勁腍勁入味，個汁甜甜地真係好好食。✨海鮮皇炒飯（$98): 細size 既份量其實都幾多， 配料有蟹籽，蔥花，雞蛋，蝦同帶子～飯粒炒得乾身軟硬適中，蟹籽夠多每啖飯都脆卜卜，仲好香蔥花同雞蛋既味道。蝦肉同帶子都好爽彈，呢個飯清清地撈下餸都唔錯。✨花菇雲耳蒸生魚片（$108): 魚片有8舊，都幾厚肉，最鍾意佢啖啖肉無骨仲幾滑幾鮮味。雲耳同d 菇都加左紅棗去蒸，所以多左陣紅棗既香甜味，呢道菜係健康之選。✨青芥末蝦球（$155): 賣相黃黃綠綠幾colorful~個wasabi 沙律醬真係好正，食起上黎又唔會好辣。加埋面頭d 芒果肉同蟹籽甜甜酸酸，真係好開胃🤩。蝦肉夠爽口彈牙，炸粉又唔會太厚，呢個係我今晚最鍾意既菜式。✨砂窩黃酒雞（$96): 個窩勁熱，熱到咋渣聲～先飲下啖汁，有雞味得黎有酒香👍🏻 個雞都有淡淡既酒香，不過唔會太搶， 肉質仲幾嫩滑，呢個中size 兩個人都食得晒。…查看更多

金色同藍色主調嘅組合配搭，餐廳嘅裝修給人一種華麗嘅感覺，其門面光鮮整潔，而座位亦好闊落，樂天經典係主打南洋中菜。小吃花生和栗子好軟腍，餣得好入味！古早魚香老鼠粉煲  古早魚香老鼠粉煲係以瓦鍋上，保持熱度，另配有桔仔油嘅醬料。 老鼠粉即係銀針粉，入口好滑。待應會在上枱後加入桔仔油，連同生雞蛋再撈均，蛋可以增加香滑度。食材好豐富，有鮮蝦、冬菇、菜甫同椰菜花等。最驚喜嘅係醬料，加了之後帶點酸味同本身鹹魚香味，提升味道層次。金牌脆皮燒雞燒雞份量足夠，外表燒得金黃色，雞皮夠薄，食落好脆皮，而雞肉好有雞味，嫩滑且肉汁豐富。而蝦片脆卜卜，都幾好食。菜香鐵板豆腐豆腐好厚身，外層焦香，內層好滑，而底層係由蛋漿而鋪成，防止豆腐過燶。豆腐上面鋪著由菜心、冬菇、榨菜、肉碎等組成嘅醬汁，食落非常惹味！金銀蛋浸時蔬上湯好清甜，而菜係好新鮮好嫩，鹹蛋同皮蛋味都幾突出，好吃又健康，份量亦都好足夠。南北杏羅漢果茶真材實料，好濃味，好甘香清甜，飲完喉嚨好舒服，清熱解毒。檸檬薏米水檸檬清香，微微酸帶少甜，感覺幾清新同健康，好清潤。…查看更多

較早替姨姨買了些海味，打算約她吃飯，順道拿給她。我問姨姨想去那裡吃，她答樂天經典，之前吃過兩次都不錯，且每次總有驚喜之處，她相信這次亦不例外。我們回想起我們一次都沒在吃過雞的菜式，今次一於試試蝦醬雞中翅。雖然我們點的是小份蝦醬雞中翅，但足足有八件呢，非常豐富。蝦醬雞中翅吃起來有著卡嗞卡嗞的聲響，酥脆的雞皮帶蝦醬鹹鮮，使雞中翅更為滋味，雞肉柔嫩多汁，十分討喜。香酥南乳五花肉亦沒有令我們失望，色澤漂亮不油膩，視覺一大享受。南乳五花肉外層酥酥的，極之可口，南乳香氣撲鼻，五花肉軟嫩得很，嚼感層次多變，教人回味無窮。泰式海鮮炒米粉表面看似無色無味，不過把米粉放進口，卻禾稈冚珍珠，米粉有著陣陣馬拉盞的惹味，還有快炒的香氣，挑動大家的食慾。米粉炒得乾爽，用料不手軟，使用大量蝦仁，魷魚熱炒米粉，大滿足。花菇雲耳蒸生魚片極為清新，喜愛吃蒸魚的會滿喜歡這蒸生魚片。生魚片挺鮮嫩的，有蒸過魚的都知道蒸煮火候控制十分重要，廚師拿捏恰到好處，花菇肥厚，雲耳順口，太讚吧。辣子蝦球橘色醬汁酸酸辣辣，超級開胃，然後醬汁再混入蛋花，打造順滑的質感。蝦球肥美碩大，比乒乓球還要大，蝦肉彈勁十足，好不唰嘴，讓人停不了口。…查看更多

尖沙咀想搵間坐得舒服既地方 同屋企人食中菜就諗起 樂天經典。地方光猛闊落又近地鐵站。 侍應們都好友善 叫菜嘅時候都有畀到意見。打開菜單見到好多經典菜色,亦都當然有好多新加坡菜。例如:胡椒蟹 ,老鼠粉蒜香紅海蜇頭 $78海蜇頭夠爽 加埋青瓜好清爽 亦都 醃得好入味 作為餐前小食 唔錯香酥南乳五花肉 $88見到餐牌就已經即係mark 定先 ,因為之前 食過南乳製嘅肉類,知道原來係好夾。 果然係好香 , 內脆外軟。白胡椒豬肚湯 $178胡椒豬肚湯呢啲咁多功夫既菜色梗係要出去飲, 胡椒味好夠但係又唔會搶曬個湯底味。豬肚亦都唔蘇, 好足料,4個人起碼飲到兩碗有多。薑蔥爆生魚片 $177冇骨既肉就哂啱我食,啖啖肉 。薑蔥爆好惹味 , 魚肉亦都唔會鞋。蒜香鐵板豆腐 $162同老人家一齊食飯就叫啲佢哋都啱食嘅餸。豆腐感覺係自家製,玉子豆腐既感覺。 豆腐菜式一向都比較清淡 ,但加埋鐵版蒜香 又係新食法。金銀蛋浸時蔬$132時蔬夠新鮮 無渣 同埋好大碟。如果四人可能叫個小既都夠。揚州炒飯$88因為有屋企人想食飯但係又想試下個喇沙 所以就叫咗個細嘅 ,都炒得好乾身呀。喇沙滑雞雞米線 $75比起個飯我更加推薦呢個喇沙滑雞米線, 可能因為係新加坡菜館,喇沙做得好出色 ,椰香味,小辣 湯底夠濃有少少鮮味。總括來講 做到水準 又坐得舒服 服務又好 👍👍…查看更多

妹妹今天正日生日，我們一家約咗在位置方便嘅樂天經典尖沙咀分店。樂天皇朝食過幾次，樂天經典就第一次嚟食。其實這裡都幾啱家庭聚會，因為佢係將經典嘅中菜，融入南洋的風味，就算老人家都啱食。餐廳嘅裝飾好清新舒適，我們獲安排坐在四人卡位。前菜係花生同栗子，味道不俗，喜歡栗子同花生都炆得夠淋。我們點了青芥末蝦球，蝦球炸得香脆，面頭有些washabi，好開胃。福建雞丁燴飯，乾身嘅炒飯上面，再淋上美味嘅芡汁，濕潤美味。黑胡椒蟹好入味，肉質新鮮，每一口都是濃濃的胡椒香。我同妹妹都鍾意食魚，所以叫咗兩個魚嘅菜式，有古法蒸黃花魚，同油浸鱈魚。喜歡黃花魚肉質夠嫩，火候適中。鱈魚就好鮮甜 ，炸得金黃香脆。甜品都好抵食，桂花斑藍糕45元一碟有六嚿，大大嚿。甜品有三層，最頂層係桂花糕，中間嗰層係斑蘭味，底層係椰汁味，賣相靚又有創意。…查看更多

今日既生日飯，有家人為我慶祝，要照顧到媽媽既口味，都係想揀啲中式菜食，見到位於加拿芬廣場既《樂天經典》話主打「南洋風味中式菜餚」，啲菜式係由中國人食譜再加入南洋食材和香料演化出來，幾特別甘，一行四人一於試下。好鐘意食蟹嘅我，生日梗要食豪啲。我揀左星洲黑胡椒蟹😍🦀🦀。胡椒蟹一放低，香濃惹味的黑胡椒，香氣撲鼻，跟蟹一拍即合，蟹肉新鮮夠甜，滋味十足。魚蝦蟹都比我地叫哂，青芥末蝦球，古法蒸黃花魚同油浸銀鱈魚。全部都好新鮮，個蝦我從來都未食過呢個做法架。👍菜叫左四大天王同腐乳空心菜，我特別推介四大天王，呢碟菜有四季豆，荷蘭豆，茄子同秋葵，個醬汁好開胃惹味。叫多個飯飽肚啲，福建雞丁燴飯，叫個細size，都幾大碟。甜品我地叫左三色桂花班蘭糕，賣相相當吸引，班蘭、椰汁、桂花三個味相當夾，糕好清甜，我自己一個食左三件。🤣🤣…查看更多

尋日晏晝系尖沙咀想食中菜😝但係又想搵一個寧靜嘅地方坐低食嘢🤔之前有食過樂天王朝都覺得佢哋嘅水準唔錯👍🏻所以最後就決定去食樂天經典la✨✨✨✨✨✨✨✨✨✨✨✨揚州炒飯 $88（S) 🍚炒飯夠乾身👍🏻又有蝦同叉燒材料都好豐富🤣金銀蛋時蔬 $88 （S) 🥬🥚金銀蛋即係雞蛋、鹹蛋、皮蛋咁啱嗰日嘅時蔬係菠菜食落唔會嚡口呢一點係非常之值得讚😌👍🏻油浸鱈魚 $156 （S) 🐟本身以為係煎魚點知原來係炸魚😝不過都唔會好油膩魚比較薄嘅地方更會炸得好香脆添🤤黃金蝦球 $155 （S) 🦐雖然嗌咗細份但都有六舊蝦球🦐🦐🦐🦐🦐🦐肉質好爽口醬汁亦都做得非常之出色😋楊枝甘露 $38 🥭食完正餐梗係要食埋甜品啦呢度嘅楊枝甘露好杰身唔會話齋甜反而有少少creamy嘅感覺推薦🥰✨✨✨✨✨✨✨✨✨✨總括而言我覺得呢間野係唔錯嘅👏🏻因為好多菜式分咗 S, M, L即使兩個人都可以去嗌細份食咁就唔會話兩碟野就飽得滯啦…查看更多

樂天集團多年前以特色小籠包打進香港人的胃口，做得風山水起，最近幾年開始經營新品牌樂天經典，主要做南洋懷舊mix中菜的菜式，使用南亞風調味料，配搭中式材料，煮出古早味南洋菜。尖沙咀店裡裝潢漂亮高雅，西式傢具設計，高貴大方，真的不錯。「星洲黑胡椒螃蟹」聽說是品牌的招牌菜式，所以首先嚐嚐它，選了大的，是一隻1斤重大肉蟹，肉厚又重份量，落黑胡椒炒香，黑胡椒很香，不會嗆喉，蟹肉一梳梳的，口感彈牙爽口，蟹肉鮮甜，不油膩，已預先碎殼，方便大家，更加吮指回味。「辣椒螃蟹配炸刀切小饅頭」這道蟹同樣出色，由辣椒湯浸着大肉蟹，賣相特別，有不少蟹膏，蟹味濃郁，小饅頭金黃香脆，沾上蟹膏辣椒湯後超好吃，令人吃不停口。「砂煲花菇西蘭花扣海參」原條海參爽滑，花菇入味，西蘭花切得較細，較軟容易入口。服務標準，如果能更快幫食客更換新碗碟，對吃蟹的人來說會更好。…查看更多

最近係youtube📱睇左條介紹新加坡嘅片, 搞到心思思想食新加坡菜🙈, 上網見到E間餐廳嘅野食唔錯, 今晚就同埋男朋友一齊試下😋 一坐底就已經有碟餐前小食, 竟然係……熱嫁😯🤔, 入面有大大粒嘅花生🥜同粟子🌰, 味道唔錯😋 我地兩個都有少少肚餓🙊所以就點左一杯野飲🍹, 三個小食, 一煲燉湯🥣, 兩碟小菜同一碗麵🍜接骨木花蜜瓜茶🍹接骨木花嘅清香加埋蜜瓜🍈嘅甜, 味道配搭方面幾夾而且幾特別!😊椒鹽香酥鮮淮山炸淮山口感酥脆, 加埋適量嘅椒鹽, 味道唔錯而且唔算太油膩! 雖然係用左炸嘅方法, 但淮山食落口一d都唔乾, 仍然保留左淮山原有嘅質感😋蒜香紅海蜇頭蒜蓉, 辣椒🌶同醋嘅比例做得相當之好👏🏻, 酸中帶甜, 海蜇頭肉質厚實爽脆有嚼勁, 入面仲有青瓜🥒口感清爽, 非常開胃, 極度推介!!😋👍🏻👍🏻冰鎮苦瓜配桂花蜜糖🍯`苦瓜'花🌷賣相精緻, 中間放住碎冰做冰鎮, 清涼爽口嘅苦瓜切得非常薄, 蘸上清香嘅桂花蜜糖, 食落去苦中帶甜, 味道清新, 意想不到地夾, 有驚喜, 值得一試!👍🏻淮山杞子螺頭湯🥣 燉湯嘅份量幾多, 約有3至5人份量😊 湯汁色澤清澈, 香氣濃郁, 味道鮮而不膩, 飲落去係啖啖精華嘅味道!金牌脆皮燒雞🐔 (半隻)燒雞皮脆肉厚而且嫩滑唔乾, 加埋辣椒醬, 正!四大天王🥬🍆 (Small)四大天王包括有四季豆, 秋葵, 茄子🍆同甜豆。四款蔬菜加埋微辣嘅肉燥拌炒, 口感清脆而且非常入味滑雞乾撈米線🍜(少辣🌶)乾撈米線份量幾多, 雞肉鮮嫩, 米線質地柔軟不易斷開, 唔錯!總結: 食物味道同賣相唔錯, 環境舒服, 上菜速度幾快!👍🏻😊…查看更多