樂天經典 (奧海城二期)

營業中

休息中

今晚屋企人request要食呢間 屋企人開到聲  緊係要食餐好嫁喇其實之前都同朋友過黎食過  印象中都唔錯所以異話不說就應承左乾貝菜膽燉竹湯燉湯幾時都係我既最愛 去親呢度食我都會叫返個湯湯雖然有擺肉去煲  但係一d都唔油膩樓面姐姐仲好好幫我地"畢"埋d湯渣出黎蒜蓉炒西蘭花我地叫左個中size 4個人食 份量已經好足夠菜香鐵板豆腐呢個豆腐係我要求既  記得上次同朋友食 個個都話好味所以今次都想叫返個同屋企人食鐵板上  非常野味豆腐其實味道有少少似玉子豆腐配合埋少少醬汁   撈飯食真心絕佳配搭揚州炒飯揾咩去撈飯？我地就特登叫左個揚州炒飯中size已經足夠4個人食   足料  有鑊氣 有哂傳統風味黑胡椒蟹可以話係今晚既焦點對上一次食已經係係新加坡既時候個晚隻胡椒蟹好味既程度湧哂上心頭今晚決定再叫一隻一放上枱 絕對係色香味俱全黑胡椒味濃 個個都食到停唔倒驚整到d汁落衫？ 唔洗擔心 樂天個度有塊類似圍裙既幫你擋住苦瓜排骨呢排有d熱氣 食返個苦瓜清清熱好d有屋人煮既味道 排骨都算幾入味檸檬薏米水楊枝甘露食過唔止一次 老老實實係幾高質好少地方可以食到咁濃郁既楊枝甘露大家食完主菜 都幾

有別於一般嘅中菜館，呢間裝修較為簡約新穎，冇傳統茶樓嘅擺設同架子，感覺舒適同一般茶樓一樣，一黎到就有脆卜卜既花生同中國茶打頭陣跟住點左小食，有黃金鹹蛋蝦球(小) $138蝦球大概有一個乒乓波嘅大細，點個細size都有六舊，鹹蛋同蝦球炒起上嚟都好香，但絕對唔膩。有泰式炭燒豬頸肉(小) $88燒得皮脆肉嫩，上菜時仍有餘溫，搭配泰式甜酸醬進食一流！仲有酥炸豬肉蝦棗(小)$68即係豬肉同蝦搓成丸狀的炸物，咬落都好彈牙，肉丸來講都幾新穎，值得一試之後叫咗個海鮮皇炒飯(小)$96材料方面有魚子、蝦、帶子，各種配料嘅份量十分充足，啖啖都有好多嘅海鮮落肚。炒飯都炒得幾乾身，食完都冇太油膩嘅感覺，正！之後仲有滑子菇素炒麵線(小)$88材料方面都有好幾種菇同蘿蔔，份量同飯一樣都好充足亦都好惹味，但略嫌有點油膩。總括而言，雖然小食每樣都叫咗細size ，但估唔到細size嘅份量都好多;飯同面就更加唔使講，水準同份量兼備，絕對抵食。侍應服務都好有禮，上菜速度都好快。大多菜式都分有大中細三個size，符合各種食客嘅需要，十分體貼！好想試下佢d蟹，今次未有機會，唯有下次再黎過啦～～

昨天到奥海城探朋友，之後在商場找地方吃晚飯，忽然見到呢間南洋菜館，覺得幾特別，就入內吃晚飯。可能時間尚早，菜館顯得清靜， 不過一到七點左右，就已經滿堂賓客。餐館面積寬敞，環境舒適，枱與枱之間空間頗寬闊，不會像時下酒樓般擠迫，如果想要舒舒服服進餐的話，這裡確是一個非常合適的地方。剛坐下，侍應就奉上餐前小食和茗茶，茶壺用的是銅製懷舊茶壺，很特別。要讚的是餐前小食一點也不馬虎 ~ 是栗子和花生，都炆得非常入味。白胡椒排骨豬肚湯用玉竹、胡椒粒煲老雞、豬肚、雞腳、赤肉、排骨， 啲湯帶少少胡椒辣味，但不嗆喉，而且燉得很夠火候，非常濃郁。沙煲豆腐蝦球蝦球大隻又爽脆，豆腐外皮炸得香口，內裏非常滑溜，用沙煲上菜，比較存熱，冬天吃就更滋味了。花菇雲耳蒸鱸魚片鱸魚很新鮮，除花菇雲耳外，仲有片片紅棗，配比較味淡嘅鱸魚，增加香味之餘，亦添加甜味。金銀蛋浸時蔬時蔬用上嫩菠菜， 加上肉碎，皮蛋、鹹蛋和雞蛋，用上湯煮，特點是加了鹹蛋也不會太鹹，這道菜比一般酒樓做得健康。我覺得這菜廳的食物都比較清淡，不會太鹹， 是注重健康人士的首選。

今日與朋友飯局，他們唔想吃中菜，於是選咗間南洋風味嘅餐館，叫樂天經典。未到7點門前已有客人排隊入坐。進入館內，圓枱方枱齊備，地方整齊寬敞。 餐牌上四款蟹好吸引，但大家怕辣，於是點咗款花雕煎蟹，聞到少許酒香味，整隻蟹真的好巨大，加埋雞油配合水蛋齊蒸，蟹肉鮮甜肥厚，慢慢折壳食蟹肉，再食蟹汁蛋，真的滋味冇窮。招牌扣肉飽，五花腩肥瘦均勻，配合幾香嘅醬汁，個飽仲喺籠仔煎，非常軟滑，夾住塊腩肉齊吃，肉汁浸晒出來，但又唔油膩膩，估唔到好吃到不得了。老鼠粉都幾特別，有蝦，肉碎， 菜花， 冬菇粒，菜脯粒 ，加埋蛋汁，原煲上枱，好食之餘，吃到尾仲熱。值得一試。金銀蛋時波菜係一般餐廳嘅菜式 ，勝在味道還可以。甜品叫咗三色糕，有椰汁糕， 杞子桂花糕及班蘭糕，唔太甜， 一次過食到三款糕點，真係滿足晒喜歡食甜品嘅人士。

和家人用膳多數都會選擇中菜，奧海城的樂天經典主打傳統南洋菜，用餐環境寬敞，氣氛舒適，樂天集團旗下吃過幾次都保持到水準，質素很有保證入座後店員就奉上茶水和餐前小食花生栗子。餐牌內有很多選擇，因主打南洋風味，星馬泰、印尼、廣東等等各地區的料理口味都幾乎可以在這裡滿足到，而且很捧的是大部分主菜都可以選擇大中小的份量，可以按人數和食量自行調整。前菜點了香口酥脆的手工蝦棗，外層的炸漿輕盈金黃，食起來毫不油膩裡面的蝦仁泥帶肉香，熱辣辣的咬下去真的滿口滋味，集香脆、鮮香、爽口於一身這裡必點的菜式就是黑胡椒蟹，算是招牌的經典菜，蟹身超級厚肉！配合特製醬料和黑胡椒一起炒，鑊氣十足，醬汁完全的覆蓋包裹著蟹身，胡椒香氣迫人肥美的蟹肉很嫩很鮮甜！ ！另一新加坡名菜麥片蝦球金黃的蝦球外層是鹹甜俱備的脆脆麥片，口感層次特別，外脆內嫩很好吃！這道古早魚香老鼠粉煲很有特色，餡料相當豐富老鼠粉即是平常吃的銀針粉，加上鹹魚和生雞蛋拌勻來吃，味道香濃惹味，足足吃了兩大碗才罷休甜點選了賣相精緻的三色桂花斑蘭糕一層是杞子桂花、一層是班蘭、一層是椰奶，一次過嚐盡三種風味，味道清香甜入心

早兩個月去完銅鑼灣樂天皇朝晚膳，對佢嘅服務、菜式都念念不忘性價比極高，自此之後，對於呢一個集團嘅其他餐廳都感到興趣。爸爸媽媽鍾意食中菜，所以決定唔好令佢哋咁辛苦，今晚唔一齊出街食飯，帶佢哋嚟咗奧海城嘅樂天王朝集團旗下令一間中菜-「樂天經典」。相比樂天皇朝，佢嘅菜式比較平民化，又有少少南洋風味菜式。.餐廳門口其實唔係好大，我哋都搵左一陣，其實佢就係food court上面。不過入面面積其實都幾大。三個人叫咗6樣餸：香酥淮山、是日燉湯、苦瓜炒蛋、雲耳蒸鱸魚片、金銀蛋時蔬同埋蒜香排骨米線.未上菜之前，食住前菜先-糖漬栗子.是日靚湯 $48天天不同嘅湯，呢一日係燉雞湯，用上咗好似鼎嘅器皿盛載靚湯。第一口飲落去鮮甜美味，有極多嘅湯渣，除咗雞肉，仲有大嚿瘦肉、少量瑤柱、菜片等等。相信煲咗好耐，肉骨完全分離，骨仲腍到咬得爛。家常味道嘅湯，令到我哋呢啲每日都返唔到屋企食飯嘅打工仔，增添一份窩心！.香酥淮山 $55外皮金黃香脆，包裹着新鮮爽口嘅鮮淮山！佢嘅酥炸外皮同一般炸物有啲分別，帶有少少煙韌嘅口感，配埋炸蒜同埋蔥，有少少似避風塘風情，香濃惹味！淮山爽口，咬斷嘅時候都會有微微嘅「卜」一聲。.苦瓜炒蛋

本身唔多鍾意食中菜，但呢間真係幾好食。叫左黃金咸蛋蝦球，炒得幾香同幾飽肚。呢個蝦棗有啲似肉丸，不過係將蝦肉同豬肉溝埋一齊，估唔到又幾好食，而且有咬口。呢個泰式炭燒豬頸肉可以話冇得頂，皮脆肉嫩，好正！最後仲叫咗個素炒麵，雖然幾惹味，但比較油膩，食完有啲滯

黎自新加坡既樂天系列既餐廳，而我地今次黎呢間係主打南洋菜，睇佢地餐牌先知原來佢地既南洋菜係結合左南洋既食材，香料 同埋 煮食既方法~!咁姐係食咩?唔講咁多，去相喇黎到會先上一客小食係有憫過既花生 同埋 栗子，咸咸地+上栗子既甜味，幾好食嫁<3 而且一客小食份量都唔小好爽口既半透明海蜇 同埋 青瓜，由酸酸甜甜既醬汁+上小小辣椒 同 蒜粒，特別香口呢個招牌扣肉包對於我地黎講都好邪惡... ...呢個菜式係黎自客家，有包、紅燒扣肉、芫荽 同 生菜，唔會好厚實既包加上入口即融既五花腩，真係...好惹味呀!!!由特製既醬汁煮呢個五花腩，經唔知幾多重功夫，時間 同 心機。先會食到呢個一D都唔膩但口感好豐富既扣肉包但我地都係一件起兩件止...要留肚食其他手工豆腐外層好香，入面好滑溜，加上香口美味既菜圃、肉碎 同 係底既滑溜煎蛋，十分美味！滑溜既豆腐+上爽口既菜脯，軟硬口感一齊黎。仲可以選手微辣 / 唔辣。微辣已經好惹味，杰身既醬汁，叫埋個飯黎食就岩岩好~!呢個喇沙又香又濃又厚身，我地真係好中意，配上有嚼勁既米線同椰香十足既喇沙，仲有足料既海鮮，正呀!又鮮又嫩既銀鱈魚，肉質幾滑溜，出面煎得幾香

同老公突然想食新加坡餐，更掛住當地嘅黑胡椒炒蟹，所以打去訂位。當晚滿坐，大多係家庭聚餐，比較嘈。職員俾咗張4人圓枱俾我地，但原來可以訂卡位，大家下次識做啦～餐廳有好多食物選擇，有家常餸，有東南亞菜式，仲有大中小份量選擇，好貼心我地叫咗星洲黑胡椒螃蟹($348)。新鮮，蟹鉗蟹身啖啖肉又多汁，黑胡椒偏辣惹味。好想下次試埋佢其他味~黃金蝦球(小)($138)。蝦仁大隻爽口，一碟有6隻，每隻起碼要咬3啖先食得曬，黃金起沙唔會太咸三杯鴕鳥肉煲(小)($118)。有咸香，最讚係啲薑蔥，吸曬啲汁，可以送幾碗飯。馬來風光(小)($75)。其實係辣醬炒通菜。通菜切短，方便挾食。臘味炒飯(小)($88)。充滿油香，足料總結係，炒蟹一絕! 樣樣餸都好味。又可以自己揀餸菜大小，不論情侶閏蜜家庭聚會都實搵到啱你嘅配搭~

一直都對樂天皇朝嗰個七色小籠包嘖嘖稱奇，樂天嘅師傅總係充滿創作靈感，總係能夠將經典既中菜改頭換面，既保持住中菜嘅傳統，又能夠喺其中加入一啲新嘅元素。今次嘅樂天經典亦都唔例外，柔合咗中菜與及南洋嘅風味，同一間餐廳，既有正宗喇沙，又有吱吱聲嘅魚香茄子煲，唔係度度都搵得到。呢輪天氣熱辣辣，餐廳亦都順應氣候推出咗清爽凍茶系列，揀咗蘋果荔枝凍茶，蘋果用咗清爽嘅青蘋果，酸酸地同呢期當造嘅荔枝好夾，鍾意透心涼嘅朋友不妨一試。星洲泰式鳳爪，初時以為呢個鳳爪會唔會同星洲炒米扯上關係，係有少少㗎哩味嘅呢?呢個鳳爪有少少似平時喺泰國餐廳食既泰式鳳爪，不過廚師巧妙地將我地中式既子薑融入當中，有少少皮蛋酸薑嘅意味，係創新得嚟又非常和諧嘅一道。酸辣素羹，呢一個酸辣素羹就好似酸辣湯一樣，係正宗嘅上海味道，霎時間將你由泰國帶到返嚟上海，盛載素羹嘅器皿神奇地將最後一啖素羹都保持住辣口嘅溫度，作為湯羹，夠熱都係相當重要既一環。四大天王，四大天王即係秋葵，甜豆，四季豆同埋茄子，廚師將秋葵，四季豆同茄子切段，四大天王排列得整整齊齊，醬汁相信用咗泰式雞醬嚟做base，酸酸甜甜，十分開胃，估唔到雞醬唔一定係配炸野，同呢四蔬都相當

難得放假就同家人去咗奧海城食廣東菜，佢哋最近推出多款蟹不同食法我就點了花雕雞油蒸螃蟹，蒸出嚟好香花雕酒味，食落蟹身新鮮實肉，加咗雞油去蒸更滋味，配埋水蛋撈飯食一流三杯鴕鳥肉煲鴕鳥肉原來係咁正，可能用咗三杯醬去煮成個餸，出嚟效果真係唔錯，食落肉質幾嫩又夠哂惹味星洲醬蒸大魚頭成個魚頭勁大個，仲非常新鮮添啊，魚肉質地幾鮮嫩，想講個秘製星洲醬更出色，令整個魚更惹味，個魚汁一樣可以瘋狂撈飯食另外佢有幾款甜品都好正，椰汁湯丸要食喔

老爸老媽去了旅行，回港特地約了他們去樂天經典，一家人好好的食番餐。我們各就各位，七點約定港鐵奧運站集合。樂天經典我從未吃過，見網上及朋友口碑都不錯，所以蠻有信心的一早book定枱，一嚐這間以蟹@誘惑作招徠嘅食府。一進場我已經心服口服了，服務員笑臉迎人，整體環境優雅舒適，一坐下已經可以一睹樂天這個銅製茶壺，明亮的餐具排放整齊，餐前小點亦非常骨子，一切都是賞心悅目呢天氣咁熱，冰鎮苦瓜係大熱之選，特別在桂花蜜糖，桂花香蜜糖甜，令爽脆的涼瓜生色不少，大讚呀👍非常文藝的名字，白玉即是豆腐，可以想像清淡的豆腐配合鮮甜的蝦膠，還有紅蘿蔔粒，馬蹄粒，木耳碎等，確係非常巧手的一道菜，味覺多重享受，咬落香口又清新舒爽，絕不油膩，老幼皆宜招牌扣肉包， 懂得烹調的，都知道扣肉是一道費時烹調的心機菜，不帶肥油便沒有肉香，愛他的大愛，戒口怕膩的定會被嚇壞，這一點食店非常體貼，扣肉包可以逐件下單，稱得上是招牌，味道毋庸置疑，好味菜如其名，龍虎燴集合了原隻肉蟹，海蝦，鮮魚肉，鮮魷，白蜆，所有海上鮮味共冶一爐，加埋米線索盡所有精華，食材既新鮮又豐富，好味到不得了，我們不斷地吸啜手指，各人都吃得津津有味，一輪美食，牒牒精

第一次食經典，樂天皇朝就食無數！蟹有幾個選擇，例如龍虎燴之海鮮湯包括蝦 魷魚 花蛤 鱸魚 青蟹海鮮外，仲有京蔥 香芹 花菇絲蔬菜。當然唔少得澱粉質 米線啦。但佢suggest2-4人份量，今次得2人。南洋菜一定有黑椒蟹，點少得依樣呀？！好想食！隔離枱食勁香勁濃勁正既味！好野味咁呀！但感冒未清。就擇左花雕雞油蒸螃蟹 $368花雕，正！螃蟹約有1.2斤既，有份量保證。著好巾 手套就開始啦，細心既樂天！花雕未行到枱，就有少少酒香味啦。上枱顏色橙紅，等一下就會全白啦，哈哈，拆肉！肉質鮮美配花雕蛋，可惜花雕味不濃，不過但蛋配花雕滑，用蛋黃第一次見。最重要係蟹肉......蟹肉有份量，殼脆肉嫩！係勁殼，蟹夾卡卡聲起肉！蟹肉好足份量，無沙，處理得唔錯！原條蟹肉，一口過就係爽！苦瓜排骨 $88 (S)可選辣or不辣苦瓜大塊，真苦！媽咪說咪靚囉，無改造！有豆豉 蔥 薑炒應該去左點甘味嫁啦，為清熱加油！排骨有大有細，得2人食，唔會過多肉。排骨最重要有骨先可有點骨髓感！排骨肉質香豆豉味，有咬口，好強豬味，特別軟骨位置。喇唦湯滑雞米線 $73南洋風味點少得喇唦喎！有咖哩汁調味就帶辣味，個湯底好地道新加坡風味，

早幾日同屋企人飯眾, 又去左我地既飯堂樂天經典阿爸一睇完餐牌就話要叫鐵板豆腐嘩, 一上菜, 炸炸聲, 原來個豆腐係一大塊仲有D秘製肉醬係上面食落好香口, 送飯都得第2樣叫左個黑胡椒蟹阿媽係蟹迷, 見到咁大隻已經好開心不過黑胡椒對佢黎講有少少辣隻蟹都幾多肉下老豆叫左個楊洲炒飯，份量都OK既, 料都多不過3個人可能每人一碗半到啦都夠乾身, 唔錯的另外叫左個老鼠粉一大煲, 3個人一定食到好飽佢有DD南洋味, 阿媽反而唔係好OK但我就覺我幾好味, 食左好多碗今餐都唔錯

位於奧海城地段，店內環境不俗，坐位設計亦算舒適，但服務員質素未見水準。每當進入店舖，入坐後當選擇好食物後，無論高級或普通職員，往往沒有人注意到客人舉手示意幫忙落單。直至入坐人數跟店內職員當值人數足夠後，才會有人前來落單。這幾次光顧我留意到他們大致的服務模式會是這樣，如果人數不夠，無論手舉了多久亦沒有被人理會，這樣的服務質素真的令人失望。