樂天經典 (奧海城二期)

營業中

休息中

阿媽舊曆生日去食飯, 之前同表姐食過一次樂天經典佢念念不忘今次就特登同佢去再食多次慶祝啦!第一味就叫左個黑胡椒蟹成隻蟹上真係好大隻啊!餐廳提供左手套比我地, BABA就幫我地拆哂D蟹肉啊!!黑胡椒味有少少重, 遮左少少蟹既鮮味不過肉質好新鮮!!之後叫左個黃金咸強蝦球, 叫左(小)SIZE!都有5,6隻蝦, 好大粒, 咸強黃包住哂D蝦肉係我個人最愛既菜之後叫左個揚洲炒飯, BABA最愛, 好大碟~材料好足, 都算乾身, 唔錯唔錯之後叫左個燉湯白胡椒排骨豬肚湯一壺都分到4,5碗, 白胡椒味好重, 但都好易入口BABA仲食埋D湯渣TIM另外我地叫左羅漢果茶同薏米水一個清熱一個美顏~呢餐都仲係好好食~ 下次一定會再黎

收工約左朋友在奧海城食飯，之前食過旺角的樂天皇朝不錯，今天決定試下樂天經典。朋友比較喜歡食肉，故我們選了冰鎮苦瓜配桂花蜜糖以及椒鹽香酥鮮淮山作前菜。冰鎮苦瓜配上桂花蜜糖，想不到口味如此清新，很適合夏天很有消暑的感覺。我特別喜歡椒鹽香酥鮮淮山，新鮮淮山有豐富的營養價值，對胃部及穩定血糖都很有幫助，想不到用上椒鹽來煮，外脆內軟，非常可口，我一個人吃了大半碟。主菜我們點了家鄉滷元蹄，半肥瘦的元蹄分量十足。柔軟而充滿膠質的肥肉入口即溶，十分嫩滑，瘦肉的部份也非常入味，送飯一流。

一行8大3小黎樂天經典同媽咪慶祝生日，點左多款小菜（但唔記得左d名😅）整體十分美味，又坐得舒服，服務都不錯。不過因為自己買左蛋糕，所以今次未有機會試甜品。埋單唔使$1200，媽咪都話抵食👍🏻

花雕雞油蒸螃蟹🦀($348) 約700g的螃蟹拆好一件件，浸在花雕雞油中，啖啖蟹肉尚算鮮美，加上墊底的雞油和花雕酒，味道香甜，酒味不濃，反倒能吃到蟹原本的鮮味😊蝦醬雞翼(細$88)每隻雞翼都好大！熱騰騰的雞翼炸得外皮香脆，咬開肉汁豐盈，非常好食！😍唯一不足是雞肉調味略嫌不足，但加上具蝦醬鹹香的脆皮一起吃，即使待涼了再吃依然美味。招牌扣肉包🐷(每件$23)同樣是必點的(I’m biased because I love all pork belly dishes hahaaa)🤤豬腩肉質地肥瘦相間，認識我的人都知道我愛吃扣肉，再加上非常軟熟的包，真的好，好，食呀😭這個價錢吃pork belly bun真的超值。菜香鐵板豆腐 (細$98)炸豆腐配上菜心肉碎醬，味道過鹹，一定要伴上大大碗飯🍚可skip味道 ⭐⭐⭐1/2服務 ⭐⭐⭐環境 ⭐⭐⭐1/2價錢 ⭐⭐⭐1/2📍 樂天經典🍚大角咀奧海城二期UG樓UG09號舖

我同老公都係超級蟹迷，今日老公就帶我黎到奧海城嘅樂天經典。樂天經典充滿南洋風味，讓食客可享受懷舊風格的美食。店員非常有禮安排我們到坐位後奉上前菜。前菜內含栗子和花生等，非常好吃。茗茶方面則點了壽眉。第一道我們點了蝦醬雞中翼(Small/$88)雖然是細份但份量一點也不小，有八隻雞翼。雞翼十分惹味而且充滿蝦醬的香味，還有炸得非常香脆！樂天經典非常出名的是蟹，啱曬蟹迷的我們！樂天經典的蟹有不同的煮法，是次我們就點了黃金焗蟹螃($348)。黃金焗蟹非常香口！蛋黃的金香不但沒只留在蟹殻的表層，更是深入蟹肉內！非常難得和好吃！最後也點了一道最愛的魚香茄子煲。魚香茄子煲非常地道。以上美食配上白飯甚是一流！是日晚餐二人也是600元多點點，價錢不過不失，但蟹類是強烈推薦！

今日同男朋友去左奧海城行街，行到夜晚肚餓，見到間樂天經典主打新加坡菜同中式小菜，見到餐牌好多野都好吸引，見到有S size比較岩兩個人食，可以食多幾款，所以叫左成枱都係野食，前菜主菜都叫左兩三款。蒜香紅海蜇頭，蒜味不太重，海蜇爽口，適合做前菜不過。每日靚湯，每人叫了一個，應該是餐牌上隨機一款，是花膠湯，不是坊間的味精湯，少飲湯水的朋友可以一試，每款都有藥材配搭，非常滋補。泰式炭燒豬豬頸肉，皮脆肉嫩，油而不膩。蒜香炒西蘭花，西蘭花炒完不油膩，配合炸蒜，食起來非常可口手工海鮮白玉磚，S分量都比較多，非常抵食，入口不太油膩比較有驚喜，內餡打到起膠彈牙！黃金咸蛋蝦球，蝦球都是大大隻鮮蝦，入口充滿咸蛋香味，蝦球爽口，炸過後更加香口。酸甜鱸魚片，平時少食鱸魚既朋友可以試下，魚塊大小適中，連皮炸過後入口爽脆，酸酸甜甜非常惹味。臘味炒飯，口感比較似臘味飯，不會太咸。今餐主角是這隻黑胡椒蟹，胡椒味充足不會太辣，蟹亦十分足兩，開殻後，蟹肉亦十分鮮甜，與胡椒味相輔相成！最後叫了楊枝甘露，西柚不太苦，芒果亦都好甜，非常滿意！最尾見到張單都覺得我地兩個好crazy，兩個人可以食咁多野，要捧住個肚走🤣可以叫埋三五

今晚全家食飯係奧海城搵左間食南洋餐既見有我最愛食既黑胡椒蟹，就入左去食。黑胡椒味重，炒得好香口惹味，但又可以帶出蟹既鮮味扣肉包，食落唔油膩，但又好juicy。荔枝咕嚕肉，咕嚕肉係脆身的，唔會炒會就變稔左，值得一讚。菜膽竹笙雞腳湯，湯好清同好甜，而且足料，有一大碟湯渣。蟹籽海鮮炒飯，飯炒得好香好鬆散，粒粒分明，唔會好濕，仲有幾隻大蝦。海鮮喇沙，湯底好濃，但有點辣，海鮮料都好足。西米露湯圓，好香，唔會太甜，仲配有兩粒芝麻湯圓。幾好食既南洋餐

成班朋友gathering 就梗係食小菜啦喺奧海城就有一間裝修豪華嘅小菜館想食好耐 難得成班朋友齊人就梗係去食啦我哋叫咗個蒜香紅海蜇頭海蜇酸酸地而且好爽 唔錯唔錯然後嚟咗個手工海鮮白玉磚嘩呢個勁好食 啲豆腐同海鮮磨埋一齊 再整成一嚿嚿磚去炸 口感一流仲有個黃金鹹蛋蝦球 幾好唔會太油而且有淡淡的鹹香之後主角終於出場 就係黑胡椒蟹估唔到黑胡椒同蟹係咁夾 好香而且辣辣地刺激味蕾 十分欣賞之後再叫左個臘味炒飯雖然只係叫咗個細嘅 但份量都十分之多最後仲叫咗個楊枝甘露做甜品 估唔到仲出色過好多坊間嘅甜品舖

樂天經典是一間以南洋風味和經典中菜為主打的餐館。 在此食客能享盡懷舊風格的美食。其裝潢簡約整潔，座位寛敝舒適。打開菜牌，以蟹作為推介的菜色非常吸晴; 而且部分菜式還有大中小份量可供選擇，真的很細心。黑胡椒蟹  $348好大隻的星洲黑胡椒螃蟹啊！ 看見啖啖肉已流曬口水 。肉質鮮甜結實而彈牙，蟹㟛滑嫩，加上惹味的黑胡椒溶入係蟹肉之間， 惹味得來亦唔會太辣，真是齒頰留香。青芥末蝦球  $138以芥辣配蝦球，原來很match，爽口、辛辣、好吃！甜酸鱸魚片  $108賣相與平時菠蘿咕嚕肉相似，只是把鱸魚取替豬肉。點知竟然有驚喜😲 魚片外層脆漿唔厚🤩，絕對唔係出面食嗰種白雪雪既魚柳; 醬汁甜酸恰到好處。鯪魚炒油麥菜  $75錂魚份量比較小，不過油麥菜幾嫩，可惜太油。加上豆豉、紅椒，好簡單既一個菜，味道唔錯。

朋友都知我鐘意食蟹，所以有得食蟹一定會預我一齊去。 今晚就去左樂天經典，話新出左幾款蟹既菜式，每隻都有1.2斤左右。 黃金焗螃蟹 348元好似飽經風沙既蟹，表面沙沙，食落口好有蛋黃香。 呢隻蟹非常足兩!好多肉，口感香甜鮮。 花雕雞油蒸螃蟹 348元望落普普通通既蒸蟹底底既係用花雕雕油蒸既蛋入口好香酒味但唔會過濃蛋質好滑螃蟹味道同之前一隻有好大對比，清甜帶微微酒香，肉質比較結實，嚐到蟹鮮味。 前者惹味，後者鮮味，2種蟹我都喜歡。 辣子蝦球 138元有蟹亦都點了道蝦唔想拆殼我地點了道瑕球大大粒又爽口有點刺激的微辣，實在唔錯。 馬來風光 113元一餐飯總要吃點菜肉碎炒成的通心菜菜形是纖細那種，易吃又有肉汁滋味，幾大碟都吃得下。三色桂花斑蘭糕 38元最後是我一直喜歡的甜品清香又不膩，沒有過份甜，大愛。這間餐廳份量都很適中，有大中小碟選擇，即使人不多，也可以吃到岩份量的菜式。味道亦不會過濃，是私心喜歡的地方。

講到黑胡椒炒蟹要在香港找到一間具水準真的不容易，一係是不夠香，一係是不夠辣，今晚終於找到合我胃口，令我心滿意足的，就是坐落於奧海城內的樂天經典。黑胡椒炒蟹一出場已氣勢十足，大約一至二公斤重，比起我的手掌還要大喔！陣陣辛辣味己傳入嗅覺裡，那惹味程度非常吸睛，己急不及待載上提供的膠手套，方便食用。肉蟹炸過後與醬汁糊椒同炒，用了多種食材，入味非常，濃稠辛香，每一口都十分惹味，那種帶麻的辣味在口中縈繞著久久不散。啖啖肉香，滿足！滿足！另一經典菜是砂煲天麻黃酒雞，砂煲蓋一開，滿室都是酒香。黃酒煮雞是屬於客家菜，據說有補氣、補腎作用。特別加入天麻等藥材，令它更為養生。雞件己完完全全吸盡精華，味道香甜、口感鮮嫩，好味！酸甜鱸魚片非常開胃的一道菜，魚肉滑溜，面層的粉漿不多一也不少，恰到好處。其他配菜有菠蘿，椒和洋蔥，炒得入味，勁讚！我天生是否外省人呢？每次見到酸辣湯一定要試。今次的並沒有加入肉類，純粹是酸辣素羮，材料好多，夠酸夠辣，不知是否混入了陳醋，特別香甜，至愛！最後不少得甜品，楊枝甘露金黃色的造型非常吸睛。質感好濃稠，芒果茸好甜美，心心眼現了。整體水準不錯，論環境，食物和服務，真的值得推介。

前幾天過來奧海城工作，同事們話去樂天食完晚飯先返去！其實很多年前都有來過樂天，記憶所及這裡好像沒什麼大改變，今晚就等我懷緬下吧！這裡地方非常寬敞， 裝潢簡約整潔， 坐位空間很大而且舒服， 是一家南洋中菜的餐廳。Menu打開第一頁就是 ”蟹之惑”，共有四款選擇，見到已經流口水，而我們就選了 ”黃金焗螃蟹”！一放上枱已經聞到蟹味同蛋黃味香氣交集！可見每件蟹都被那咸蛋黃覆蓋住，黃金色，好靚！每食一啖蟹都可以食到蟹既鮮同濃郁的蛋黃味道，好入味而且咸味剛好，蟹好厚肉，每咬一啖都好有口感，好滿足！蟹上還放有芫荽，食完這麼濃味的蟹再食少少芫荽，可減低那份油膩感！店員還會提供手套同蟹鉗給我們，等我們可以又容易又乾淨咁食蟹！淮山杞子鮮螺頭湯個湯真係好足料，有淮山、杞子、鮮螺頭 (切片)、排骨、老雞同雞腳等等等！份量都OK， 每人可以飲到1.5碗左右 (以四人去計)。啖湯好清甜，唔止個湯正，用黎煲湯的料， 螺頭、排骨、老雞同雞腳同樣入味，煮到好淋， 好鮮甜， 真想再飲多幾碗～荔枝咕嚕肉 (細)咕嚕肉肉質好淋，外表就像一顆荔枝！每顆咕嚕肉都充分地掛了醬汁，醬汁酸酸甜甜，還有果香的味道，配料的青椒，紅椒幾爽口

最近係奧海城行完街, 準備揾間餐廳食DINNER. 經過樂天門口, 朋友竟然就俾其中一枱食客枱上果碟大蟹大大吸引住. 作為鍾意食蟹的佢, 當然強烈要求一定要入去叫返一隻黎食啦! 揀左一輪, 終於揀左碟 “花雕雞油蒸蟹 (約1.2斤)”  隻蟹果然非常吸引! 顏色橙紅, 大大隻好足秤, 仲有淡淡酒香飄逸, 未食只睇已經口水都流埋出黎~ 蟹肉又厚又爽口彈牙, 簡直係啖啖肉. 味道非常之鮮甜, 仲帶有淡淡的酒香, 簡直令人回味無窮!  蟹鉗又大又厚肉, 正正!!  蟹蓋內的蟹膏都唔少, 味道甘香~  而係底層的蛋白加左雞油同花雕酒, 顏色金金黃黃好吸引. 口感滑嘟嘟, 好似食緊豆腐花咁, 味道清甜中帶有淡淡的酒味. 荔枝咕嚕肉  咕噜肉外層有少少脆, 裡面啲肉都幾嫩, 肉汁豐富, 圓碌碌細細粒好似荔枝咁, 一啖一粒. 食起来味道酸酸甜甜咁, 混合着淡淡的荔枝 和 菠蘿 的果香味. 古早魚香老鼠粉煲 我非常鍾意食呢到的 “老鼠粉”, 一食便愛上！其實老鼠粉即係我地叫的 “銀針粉”, 口感滑嘟嘟Q彈Q彈咁. 用瓦鍋裝住的古早魚香老鼠粉, 湯底甜美, 香氣十足. 加上配料如蝦仁、肉碎、冬菇粒、蔥

今晚收工一家人去左奧海城行街順便食飯以前成日黎奧海城而家一年都黎唔到一次發現有間幾特別既南洋中菜館就諗住試下 味道都幾唔錯頭盤要左溏心皮蛋皮蛋幾爽口開胃要左兩個扣肉包share食扣肉肥瘦適中食落幾juicy又唔會韌必點既喇沙海鮮米線辣得黎好開胃椰汁味同辣味各佔一半Perfect match叫左干貝菜膽竹笙燉湯真材實料有排骨有雞腳飲落都幾清甜竹笙食落索索聲 夠爽口最重要既黑胡椒蟹超級大隻黑胡椒炒得好香食落好惹味停唔到口荔枝咕嚕肉酸酸甜甜呢啲天氣食就最好咕嚕肉肉質鮮嫩充滿酸甜醬既味道而且真係有荔枝肉落去炒好食！海鮮皇炒飯炒得乾身 而且飯粒粒粒分明裡面仲有好多蝦、帶子、魚籽性價比幾高最後甜品要左兩款三色桂花班蘭糕好重椰汁味椰子西米露湯圓椰汁同樣好出色西米同芝蔴湯圓都好大粒食完好滿足

呢度係我同屋企人打躉嘅地方，因為有乾淨而且坐得好舒服價錢都唔使好貴。同埋佢餐牌都幾多元化有得揀唔同嘅大細。啱晒屋企人。椒鹽香酥鮮淮山，你一個係必點因為佢外皮炸得好脆但係入邊嘅淮山唔會乾，出邊嘅椒鹽好夠味配合埋一邊淮山嘅味道非常開胃。 脆皮蝦醬雞，小朋友指定要食，出邊超級脆但係入邊保持到佢嘅雞嘅味道蝦醬嘅味道亦都唔會搶晒。最緊要佢大大隻，小朋友食得最開心。三杯鴕鳥肉，必定必定必定要點嘅一道菜，上面嘅薑佢炸咗可以配合埋鴕鳥肉非常非常之嫩，之前出面都食過但係好鞋口，不過呢道就真係好鬼死正。砂煲花菇西蘭花扣海參，冬菇超大粒同埋啲海參都好入味，下邊有啲西蘭花所以唔會太濃長輩都啱食。麥片蝦球，有驚喜上面啲麥皮好香，而且啲蝦好大粒配埋啲麥皮估唔到咁架平時麥皮都係朝頭早食早餐去食，下次都試吓係屋企咁樣煮。淮山杞子摞頭湯，店員會係我地面前不喜左湯入邊嘅了所以都真係見到入面超多材料，味道清清地都幾好味。金銀蛋浸時蔬，雖然賣相唔係咁靚，但係床係底嘅菜苗都幾好味而且好新鮮唔會太老。配合埋適量嘅金銀蛋。重頭戲！！黃金炒蟹，超鍾意食鹹蛋黃，上面嘅係超級滿足到自己嘅慾望，雖然感覺好高膽固醇但係啲蟹非常新鮮呢碟我簡直