影片
更多
2018-06-26
871 瀏覽
一直都對樂天皇朝嗰個七色小籠包嘖嘖稱奇，樂天嘅師傅總係充滿創作靈感，總係能夠將經典既中菜改頭換面，既保持住中菜嘅傳統，又能夠喺其中加入一啲新嘅元素。今次嘅樂天經典亦都唔例外，柔合咗中菜與及南洋嘅風味，同一間餐廳，既有正宗喇沙，又有吱吱聲嘅魚香茄子煲，唔係度度都搵得到。呢輪天氣熱辣辣，餐廳亦都順應氣候推出咗清爽凍茶系列，揀咗蘋果荔枝凍茶，蘋果用咗清爽嘅青蘋果，酸酸地同呢期當造嘅荔枝好夾，鍾意透心涼嘅朋友不妨一試。星洲泰式鳳爪，初時以為呢個鳳爪會唔會同星洲炒米扯上關係，係有少少㗎哩味嘅呢?呢個鳳爪有少少似平時喺泰國餐廳食既泰式鳳爪，不過廚師巧妙地將我地中式既子薑融入當中，有少少皮蛋酸薑嘅意味，係創新得嚟又非常和諧嘅一道。酸辣素羹，呢一個酸辣素羹就好似酸辣湯一樣，係正宗嘅上海味道，霎時間將你由泰國帶到返嚟上海，盛載素羹嘅器皿神奇地將最後一啖素羹都保持住辣口嘅溫度，作為湯羹，夠熱都係相當重要既一環。四大天王，四大天王即係秋葵，甜豆，四季豆同埋茄子，廚師將秋葵，四季豆同茄子切段，四大天王排列得整整齊齊，醬汁相信用咗泰式雞醬嚟做base，酸酸甜甜，十分開胃，估唔到雞醬唔一定係配炸野，同呢四蔬都相當
一直都對樂天皇朝嗰個七色小籠包嘖嘖稱奇，樂天嘅師傅總係充滿創作靈感，總係能夠將經典既中菜改頭換面，既保持住中菜嘅傳統，又能夠喺其中加入一啲新嘅元素。今次嘅樂天經典亦都唔例外，柔合咗中菜與及南洋嘅風味，同一間餐廳，既有正宗喇沙，又有吱吱聲嘅魚香茄子煲，唔係度度都搵得到。
呢輪天氣熱辣辣，餐廳亦都順應氣候推出咗清爽凍茶系列，揀咗蘋果荔枝凍茶，蘋果用咗清爽嘅青蘋果，酸酸地同呢期當造嘅荔枝好夾，鍾意透心涼嘅朋友不妨一試。
星洲泰式鳳爪，初時以為呢個鳳爪會唔會同星洲炒米扯上關係，係有少少㗎哩味嘅呢?呢個鳳爪有少少似平時喺泰國餐廳食既泰式鳳爪，不過廚師巧妙地將我地中式既子薑融入當中，有少少皮蛋酸薑嘅意味，係創新得嚟又非常和諧嘅一道。
酸辣素羹，呢一個酸辣素羹就好似酸辣湯一樣，係正宗嘅上海味道，霎時間將你由泰國帶到返嚟上海，盛載素羹嘅器皿神奇地將最後一啖素羹都保持住辣口嘅溫度，作為湯羹，夠熱都係相當重要既一環。
四大天王，四大天王即係秋葵，甜豆，四季豆同埋茄子，廚師將秋葵，四季豆同茄子切段，四大天王排列得整整齊齊，醬汁相信用咗泰式雞醬嚟做base，酸酸甜甜，十分開胃，估唔到雞醬唔一定係配炸野，同呢四蔬都相當之夾。
手工蝦棗，唔好睇呢個手工蝦棗其貌不揚，其實係非常咁好食，豬肉先被五香粉洗禮，再配以啖啖肉嘅鮮蝦，夾埋脆卜卜嘅外皮，基本上唔使點點野已經夠哂好食，若然再點埋隨附有少少蜜糖味嘅醬汁，絕對係如虎添翼。
喇沙滑雞米線，侍應姐姐一放低碗喇沙已經有陣陣嘅椰香味撲鼻而嚟，先呷一口湯底，味道濃香正宗，雞肉亦都係嫩滑到離地，唯一要挑剔嘅係如果啲米線再爽身少少，相信會更加好食。
漁香茄子煲(小)，最鍾意呢度個餐牌，部分食物份量都有得揀大中小，我個人心多多，毫無懸念所有野都會揀小，咁就可以試多幾個唔同嘅菜式啦；漁香茄子煲濃油赤醬，極富大排檔嘅風味，愛嚟送飯送酒都絕對一流。
三色桂花班蘭糕，作為餐廳嘅招牌甜品，呢個三色糕都相當特別，三色糕總共有三層，分別係桂花糕，班蘭糕同埋椰汁糕，每一層都random地排列，賣相十分精緻，桂花嘅清香，配埋椰香同埋唔係度度都有得食嘅班蘭，十分對味。
張貼
