樂天經典 (奧海城二期)

營業中

休息中

好耐冇帶公公婆婆去食飯喇，帶佢地食飯最緊要係坐得舒服，今次渣車黎到奧海城，見到樂天入面好似環境唔錯就入去試試。望門面以為係中菜，但原來係馬來西亞新加坡菜!首先叫左花雕蟹，有酒香味既蛋白十分好味，蟹肉好實好多，300幾蚊黎講係合理價錢!然後仲叫左魚香老鼠粉煲(細)，想不到細都咁大份! 好驚喜! 老鼠粉其實即係銀針粉，係馬拉名菜，係吉隆坡試過，估唔到呢到個味仲正D tim! 有好香既冬姑味，夠咸，我一個人都食左一半咁濟哈!婆婆鐘意食甜野，呢個扣肉包係專登為佢而點! 甜甜地既汁加埋好林既扣肉，送呢個白饅頭真係好夾! 第一次食!另外仲點左金銀蛋浸時蔬，又係好大份，仲有好多豬肉，好似食緊咸蛋肉餅咁!銀雪魚好高質!炸到好香脆再配上甜是油，好開胃!酸辣滑雞乾撈米線個酸辣汁比想像中辣，非常惹味!三色桂花斑蘭糕，婆婆平時去飲茶最鐘意叫桂花糕，今次仲有埋椰汁同斑蘭，一次滿足3個願望呀! 好滿意的一餐!

之前去the sky 睇戲黎過食dinner, 記憶中佢地喇沙唔錯. 今次又黎睇戲，時間較上次充裕所以多叫左幾個菜前菜仍舊係炆得甜腍栗子花生. 茶黎講，香片有點偏淡老鼠粉煲$108推薦菜式，中間有隻幾靚蛋黃. 一邊個sauce 原以為係豬油，原來係帶甜酸味醬，mix 埋覺得唔太夾. 青芥末蝦球$138又一道推介料理，之前見過有人贊話好食，而我呢個wasabi 迷當然唔可以錯過. 價錢黎講只有5隻蝦左右覺得偏貴. 味道同預想差不多，炸過蝦球同wasabi mayonnaise幾match，唔會好嗆鼻. 不過快點食好點，放耐有點膩喇沙海鮮米線$78，物價通脹，比起上次黎已經貴左$10，但plating hea 左不少菜料少左，如果唔係個碗靚加乘，個樣都幾頹，所有菜沉於湯中，隻蛋都係我畢上黎. 所幸味道無點變，湯式仍算不錯三杯鴕鳥肉煲 $118炒香過幾惹味，其實食唔出係鴕鳥肉，無特別味道，感覺同豬肉差不多. 特別係落左點香茅一齊煮，所以又有點泰國風味，幾下飯砂煲黃酒雞 $96紹酒香味好重，個雞酒湯底幾香，入口暖入胃，感覺幾滋補，不過飲多幾啖好似都會醉所以只少呷左幾口雞肉如果再嫩滑d 會更好

奧海城一向不乏美食之選，呢間樂天經典將南洋菜同中菜嘅特色共冶一爐，絕對值得推介。首先有呢客薑蔥鴕鳥肉，鴕鳥肉同牛肉嘅口感差唔多，都係非常嫩口易咀嚼，而且加上薑蔥等配料有穫氣去抄，上檯時香噴噴，而且非常惹味，送飯一流！呢道黃金鹹蛋蝦球賣相夠晒吸引，用上鹹蛋碎抄大大隻嘅蝦球，入口當然有鹹蛋嘅鹹香味，而且蝦球彈牙而無雜質，選料上乘，價錢又唔貴！最後有呢個砂煲花菇西蘭花扣海參，夠晒名貴！以鮑汁去烹調，跟海參，花膠等食材非常匹配，入味非常！而海參炆得夠軟淋，花膠充滿滿滿嘅肉膠原，滋潤而又惹味，強烈推介必點呢道菜。

平時會食晚飯，味道在OC黎講中上，係貴左d。今日(2018-8-11)見到星期六下午茶有半價就去食個米線，坐台人食晒我個米線都未到，聽到店員同其他食客講等多5分鐘就有，我都免得要佢重覆再講自願等，結果其他食客都有了，我就問下店員我最早叫，幾時有米線呢咁，店員話去追但再冇回覆。過左10分鐘我又叫佢追佢又重覆，由於全家都食完了，我食順氣都飽了，其他食客都食完了，我就直接出去問究竟有冇同可否取消，結果話幫我睇都係冇左影。於是我第4次出去就直接話埋單，佢先話幫我取消，全程用左45-60分鐘，我要去買麥記醫肚。正價食可能好d。

其實除了西餐外，中菜我都頗喜歡吃. 想起很久沒來過樂天經典，就趁媽媽生日，來到這裡吃頓豐富的午餐~ 西洋菜蜜與百香果 ($28) 冰凍又解暑的西洋菜蜜，味道清甜，最適合怕熱又經常喉嚨痛的我享用了! 手工海鮮白玉磚 ($65) 一客10件的白玉磚，外層炸得金黃，外脆內軟，質感好像吃琵琶豆腐的，可配上沙律醬同吃~ 蒜香紅海蜇頭 ($75) 酸中帶少辣的海哲頭，爽口惹味; 底下也有不少鮮嫩的青瓜，可以清清味蕾! 阿婆苦瓜炒蛋 ($63) 很多人小時候都不愛吃苦瓜的，要到成年才喜歡吃~ 不過我從13,14歲就開始吃苦瓜，也不覺它特別難吃，也可能我內心早已是一個成年人吧! 苦瓜爽脆甘苦，配上炒蛋來煮，油份不多，是一道健康的家常菜~ 金絲麥片蝦球 ($138) 到新加坡旅遊必吃的麥皮蝦，來到樂天經典都能品嚐到，而且更是已去殼的蝦仁，享用更方便. 蝦球爽口且大大粒，配上甜甜的麥片來弄製，每人吃3件也絕不過份! 老鼠粉煲 ($108) 老鼠粉也就是銀針粉，配料有不少蝦仁、冬菇粒以及生蛋，把雞蛋混和後更添香滑; 調味剛剛好，淡淡的味道幾合我口味; 也可配上檸檬鹹

出街食飯因為有時人小，就唔可以叫咁多款餸食，但係呢到大部分小菜都有分細中大size，所以就可以跟返自己人數叫，幾方便。小菜水準中規中矩，但呢個價錢來講係呢個世代算係高水準之說。當中既炒蟹更加可以說是抵食（$398），炒蟹方法有幾款選擇，今日就選擇左黑椒炒，蟹身飽滿，肉夠實淨，而且火候控制好，生熟剛好，黑椒味夠香，帶一點點辣。非常唔錯，單一道炒蟹我覺得已經有回頭之意。喇沙也是非常不錯，午餐的話可以來一碗。

今日係奧海城同屋企人行完街見肚餓就黎左呢間樂天經典食晚飯。一路行入去見到地方都幾大，坐得幾舒服，睇完menu先知原來係食南洋菜，幾得意，平時都好少食南洋菜，好快我哋就叫到成枱都係餸啦！前菜係栗子花生，好食呀，栗子好甜，肚餓到食碟栗子都比我清咗！- 招牌扣肉包（必食）扣肉同包係分開上嘅，就唔會令包索晒d汁搞到淋晒。厚厚的扣肉，好入味，亦都好鬆軟，入口即溶嘅感覺，食咗呢個已經滿足緊太肚餓嘅我。- 砂煲花菇西蘭花扣海參好大舊嘅花菇同海參都炆到好入味，撈飯一流！海參亦保留爽口嘅口感，用砂煲可以將溫度keep得耐啲，唔會話好快攤凍。- 手工海鮮白玉磚外脆內軟嘅感覺，外表有啲似蘿蔔糕，但入面原來係好滑嘅豆腐，好鬆軟，一唔覺意就食咗好多舊！- 花鵰雞油蒸蟹淡淡嘅花彫酒味，大大隻蟹仲有好多蟹膏tim阿，我的至愛！肉質鮮嫩，啖啖肉！- 四大天王(秋葵，甜豆，四季豆，茄子) 呢碟賣相好療癒，因為每種菜都切到一條條咁，四季豆係令我好驚喜，因為係好清甜，連我妹妹平時唔鍾意食菜都好鍾意食呢碟四季豆！

是晚工作完後同老公到奧海城食dinner老公提議再次到樂天經典！上次食過一次他們的黃金磅蟹，令我們久久未能忘記！店員有禮地安排我們內進後會問我們飲香片還是普洱，我們當然選擇了香片！首先我們點了南洋馬拉盞通菜(細/$75)通菜被炒得非常入味！配上馬拉盞的煮法令整碟通菜變得非常惹味！阿婆苦瓜炒蛋亦是必食之選！($63)苦瓜不但一點也沒苦澀味，配上炒得合到好處而且香口！配上白飯很是完美！重頭戲來了！是我們的最愛黃金焗蟹($368)非常足料而且充滿咸蛋香！是日晚餐十分滿足！埋單也才六百元多點！仲有泊車優惠！超正！

今次已經係第3次嚟樂天經典食晚飯，之前叫樂天客棧，唔知點解要改名?我好鍾意食中菜，哩度啲菜式中式得嚟又有啲特別，而且環境舒適，枱與枱嘅距離唔會太迫，坐得好舒服。今餐食咗每次嚟都必食嘅冰鎮苦瓜，味道甘甘哋，再滴埋桂花蜜一齊食，有一種很清新嘅感覺，而且好似飲緊台灣嘅蜜蜂苦瓜汁。食中餐又點少得飲湯?今次飲嘅螺頭湯無上次咁濃，但味道仍然唔錯，同埋每次我一起身想畢湯嘅時候，侍應們都好主動過嚟幫我畢湯，抵讚!芥末蝦蝦今次第一次食，味道同預期一樣，就是芥末蜜糖醬炒蝦球，味道OK。扣肉包其實就是類似台灣的刈包，麵包軟綿綿的，扣肉甜甜哋咸咸哋，幾好味。四大天王(包括茄子、豆角、秋葵、荷蘭豆)我開頭以為係涼拌，點知原來係熱，醬汁濃咗dd，如果味道淡少少更好。酥炸豬肉蝦棗，一咬落去外層炸得好鬆化，豬肉同蝦肉打得好扎實，而且食落應該係有啲芋頭喺裡面，真係幾好味。每次嚟哩度食都唔會失望，保持到水準!

昨晚和弟婦撇下弟弟吃晚飯，順道聊聊弟弟的八卦。弟婦從未正式吃過新加坡菜，除了喇沙湯海鮮湯米線外，其他菜式都未試過。想吃正宗的星馬菜，過江龍樂天經典絕對是表表者。酥炸豬肉蝦棗炸得金黃酥脆，將豬肉，馬蹄，蝦肉混合再手打製成。豬肉新鮮無比，蝦肉極為彈牙，配著獨製的醬汁吃非常協調，當然樸實簡單直接吃亦不錯。砂煲花菇西蘭花扣海參層層疊放入砂煲後以文火慢熬，用料實在滿滿的一砂煲料滿足我們的肚皮。海參口感相當有彈性，花菇飽滿肉厚，燜汁包覆海參與冬菇十分夠味。西蘭花也適時發揮蔬菜的特性，吸飽濃濃的醬汁，美味非常。沙律排骨事先去掉骨頭，令食客吃得方便，不用啃骨。之後再拿去油炸至香脆，沾上酸酸甜甜的沙律醬，瞬間胃口大開。沙律排骨肉嫩多汁不油膩，不禁令人驚呼炸排骨也可以不膩味。古早魚香老鼠粉挺特別的，我與弟婦也是第一次吃，不免有點好奇。店員先把鹹魚檸檬汁倒入老鼠粉裡，之後把鮮蛋拌入當中，撒上蔥花。老鼠粉配料甚為豐盛，既有蝦隻，亦有肉碎，冬菇，菜脯粒，椰菜花，湯頭之鮮美不在話下，豐美的海味加上滑溜溜的老鼠粉，甚具風味。吃星馬菜怎會不吃「經典」喇沙海鮮米線，樂天經典的喇沙米線甚有特色，除有一般蝦肉，蟹柳海鮮配料

今日同咗屋企人嚟樂天食晚飯，原本約咗7點半，不過早到咗少少餐廳職員都俾我哋入去。我地睇左餐牌就叫老鼠粉煲、招牌扣肉包、手工海鮮白玉磚、花雕雞油蒸蟹同金銀蛋浸時蔬，所有有分大小嘅菜式我哋都係叫「中」，夠4－5人食，家姐仲叫咗杯檸檬薏米水添。先嚟招牌扣肉包，因為係每件計嘅，所以我哋叫咗4件，每一件嘅扣肉都好厚身，啲包要趁熱食呀，凍晒就會硬架啦！可以隨個人喜好加入生菜同芫茜。食落好飽肚，1個人食1個其實都有啲滯，不過扣肉就真係好好食，肥瘦適中，唔會好韌，亦唔會過咸。手工海鮮白玉磚，望落似煎蘿蔔糕，食落感覺原來都有啲似，但實質係豆腐嚟嘅，可以配埋沙律醬一齊食。金銀蛋浸時蔬，幾足料！皮蛋同鹹蛋唔會切得太碎，有啲咬口。老鼠粉煲係我最鍾意嘅一道菜，其實係銀針粉嚟，食落鹹魚味幾重，仲有啲海鮮，一齊食好好食。質感唔係湯個種液體，而係更加稠身嘅。花雕雞油蒸蟹，賣相幾唔錯，但係食落唔係話好鮮甜。蟹殼都幾易剝嘅，未至於啖啖肉，但係整體每人都滿足咗食蟹嘅慾望。職員都好貼心俾埋圍裙、膠手套同蟹拑我哋。檸檬薏米水，薏米都好多。

美味東南亞餐廳@大角嘴奧海城My families and I went to a restaurant called "Paradise Classic" (樂天經典) located in Shop UG09, UG/F, Olympian City 2, 18 Hoi Ting Road, Tai Kok Tsui大角咀海庭道18號奧海城二期UG樓UG09號舖.Tbe restaurant specialises in Nanyang style Chinese cuisine(南洋特式中國菜).The restaurant is decorated in modern Chinese style with warm colour wooden panelsand Chinese porcelain ornaments."Classic Signature Roasted Chicken"金牌脆皮燒雞HKD$168/ half 半隻The skin is golden crispy.Super delish!!!!..The meat is moist and tender.No

是日尖子蝦棗癮發作, 來到他的愛店樂天經典. 平日晚上八時多到達, 場內八成滿, 很旺場呢! 店內地方很大, 裝修偏向西式路線. 被安排坐在大卡位, 空間感十足, 坐得非常舒適. 看看menu, 尖子已鎖定目標, 點選了酥炸豬肉蝦棗(HK$68), 沙律排骨(S)(HK$88), 龍虎燴(海鮮湯)(HK$468)侍應先送上酥炸豬肉蝦棗, 賣相不錯, 好像很香脆似的. 試一口, 新鮮炸起, 入口熱騰騰. 外層香脆酥化, 內裏的豬肉和蝦夠入味, 也算juicy, 不會乾乾的. 整體沒有過分油膩, 尖子表示滿意.沙律排骨, 有大中細size可選, 自由度很高, 讚! 排骨口感夠淋, 加上沙律醬酸酸甜甜, 很開胃, 也不錯. 龍虎燴(海鮮湯), 筆者和尖子也不太嗜辣, 點選了海鮮湯底, 這樣也好, 能夠嚐到海鮮本身的鮮味. 龍虎燴材料非常豐富, 有蟹, 大蝦, 魷魚, 蜆, 鱸魚片和米線. 蟹特別新鮮, 味道鮮甜, 最欣賞蟹鉗的部分, 啖啖肉, 很滿足. 其次蜆也很出色, 口感嫩滑, 味道鮮甜, 沒有沙. 米線吸收了海鮮的精華, 也很美味. 很豐盛的一夜.

依間真心推介，無論我有無心情都好，我都會食佢。首先，講下，最現實嘅嘢，價錢方面，佢係一個最吸引之一*半價*(仼何粥粉麵飯）時間彈性，11:30-5:00左右啦我試過4:00入坐都有得食逢一到五，免餐前小食，星期六日，就會有埋小食，小食幾十蚊，就豪俾佢啦，幾個人先share一個。入正題，野食好多野揀，有辣有唔辣，我最推介係喇沙海鮮米線，好食過某大新加坡餐廳。另外，當我病嘅時候，都會去食，佢有一個海鮮湯米線，佢個魚湯好清甜，夠晒清淡之餘又好味，感覺好有益。而最驚喜之處就係，每一碗都起碼有兩塊魚肉，魚肉又厚實，一定唔係魚片粥嗰啲咁簿，一定出自靚魚。用嘅係真材實料，無論你想食乜佢都有。例如老人家，又有茶飲，男人嘅又有飯食，女仔又有清甜涼茶，最緊要健康。仲有老鼠粉，又有蟹食，基本野雞冀，茶乜都有，價錢可觀。

「樂天客棧」又改了名，現在叫「樂天經典」，舖頭裝潢沒大變，同樣主打南洋菜。南洋菜底子裡藏着中菜的烹調技巧，加上香料，成為別樹一格的菜式。 睇大台民初劇，經常話「賣豬仔去南洋」，當時該帶應有頗多華人。 咁查實南洋在邊呢？其實是馬來西亞、新加坡至泰國一帶地區。當時華人在此聚居、打工、經商，帶著家鄉菜和口味，配合當地氣候，揉合成中國南方與當地 crossover 的特有飲食文化。 「老鼠粉」， 是古早南洋菜其中一款菜， 大馬當地超常見，源自客家菜。因為兩端比較尖， 客家人覺得它似老鼠條尾， 就乾脆叫它「老鼠粉」，香港就多數叫它「銀針粉」等等。 「老鼠粉煲」(大煲) 相比平時一直食的銀針粉，它顯得更為扁長。湯粉形式是瓦煲上枱，加入生蛋汁滾成一煲。湯汁稠杰，有點似芡汁，滾起嘩啦嘩啦的，就這樣吃。 坊間食到南洋風味「老鼠粉」的好像不算多，我覺得尤其適合沒胃口的悶熱日子，想吃濕口的，又嫌粉麵太悶，算是一個新點子。 「菜香鐵板豆腐」(大) 豆腐放在燒熱的鐵板上，舖上薄薄一層蛋汁，瞬間變熟， 再淋滷肉，一鑊熟的感覺。 「手工海鮮白玉磚」 白玉指的該是豆腐，質地更札實，似椒鹽炸「海鮮蘿蔔糕