樂天經典 (奧海城二期)

營業中

休息中

樂天經典 (奧海城) (大角咀)同朋友去左奧海城到行街食飯，經過入左呢間中餐廳食飯，第一次嚟覺得好大好靚🥰❤️娘惹咖哩雞🍛🍗 $98咖喱煮得好好，唔會太甜，唔算辣，啱哂我呢啲食唔到辣既人食🥰每舊雞都好幾大舊，又入味又鮮嫩☺️送飯係一流既！沙拉排骨🍖 $98醬都幾多，每舊都炸到金黃色😚耐無食真係覺得人間美食🤣酸酸甜甜好開胃，夏天太熱食下酸甜野都會易啲入口，好食❤️馬來風光🥬 $80呢碟其實係馬拉盞通菜黎，菜唔算太辣，但係又夠惹味😋而且啲菜嘅質感亦都幾好，夠爽，唔會太淋❤️如果想叫菜嘅朋友建議試下😍蘋果與荔枝🍹$32第一次見呢個組合，好似幾得意就試下🤣估唔到蘋果同荔枝又配合得幾好，蘋果嘅清甜同荔枝嘅香融合埋一齊，好正😍茶位$20小食花生 $15白飯 $16放假同屋企人一家嚟食飯飲茶都好唔錯❤️野食好食又高質，環境坐得舒服，推薦！地址：大角咀海庭道18號奧海城二期UG樓UG09號舖整體評分：5/5味道：5/5環境：5/5抵食：4/5

幾年前食過一次呢間餐廳，多年後去左附近搵朋友，見都仲係到，就再食。佢一開始有碟前菜，係花生栗子，炆得勁淋勁入味，我好鐘意食，鐘意到未影相已經食晒！甜酸生魚片，幾鐘意佢真係啖啖肉，唔會成舊都係炸粉，醬汁酸酸甜甜又開胃又送飯。叫左碗白胡椒豬肚湯，胡椒味好重，當日撞正落雨，飲完好暖胃！香酥南乳正花肉，炸到香脆，肥瘦相間，勁邪惡。三杯牛肉煲，好多香葉同薑片，牛肉醃到好入味，一定要送飯食。仲叫左個刈包試吓，佢就係一塊腩肉加片生菜，我覺得加返d 酸菜調吓味會好d。

呢間樂天經典幫襯過無數次，因為晏晝粉麵長期5折🤣。晚市就真係第一次黎食。晚市就叫左D平時無半價既小菜食。前菜係栗子花生，好腍好入味！海南雞黎到已經賣哂😫。呀婆蕃茄炒蛋甜酸岩剛剛好，略嫌個芡杰左少少😌。四大天王超惹味既一道菜，有齊秋葵、甜豆四季豆同茄子，酸酸甜甜，配飯岩哂。手剁馬友鹹魚馬蹄蒸肉餅件鹹魚望落細細舊，但真係好香同好夠味！肉餅加咗馬蹄口感即刻升華咗。砂煲黃酒雞酒味好濃，一上枱就聞到，飲左幾啖湯，好正！呢到勝在可以叫小/中/大size，岩哂我地呢D兩口子黎食飯，可以試多幾味餸😊。

樂天皇朝上海菜就食得多，樂天經典係一間具南洋特色嘅中菜館，一直都好想來試吓，今日趁過嚟奧海城做野，做完野有啲餓，順便過嚟食晚飯，裝修好高級時尚，樓底高，卡位闊落，坐得好舒服，打開menu好多菜式，主打東南亞x粵菜星泰鳳爪$78開胃冷盤唔少得呢款經典無骨鳳爪，味道偏甜，又有啲酸辣，好啱嗰種嗜辣又唔係好食得辣嘅朋友手工海鮮白玉磚$68份量唔少，賣相精緻，餡料豐富，有魚肉，雲耳，紅蘿蔔，豆腐，感覺好健康，外皮咬落煙韌又香口，值得一試三杯牛肉煲（小）$138雖然叫咗最小嘅份量，但牛肉俾得唔少，一上枱聞到好大浸薑味，薑片切得好薄，好考廚師刀功，炸過後好香脆，我未試過食咁多薑，牛肉炒得好淋好惹味，送白飯一流四大天王$80所謂四大天王係指：茄子，秋葵，四季豆，甜豆，淋上甜辣醬汁，估唔到別有一番風味整體來講，菜式好特別創新，係家常小菜嘅再昇華，水滾茶靚，環境冇得彈，下次再帶多啲朋友來試埋佢地嘅其他菜式

成日見人出post食樂天小籠包，連胃妹都叫大胃食吓，但始終一次都冇食過大角咀呢間樂天，竟然係食星洲美食，又幾得意喎入去開壺香片，坐定定等食先唔知蝦棗係咩，以為係蝦仁鑲嵌喺紅棗入面原來係豬肉蓉同蝦蓉溝埋，再炸到金脆食落口感似炸牛肉球，回頭率極高一直唔太喜歡老鼠粉嗰種粉粉地嘅質感，不過見幾多好評，就試吓真係令大胃刮胃相看，老鼠粉超彈牙，撈勻湯底同生蛋，唔會好鹹，好溫和加少少柑桔汁，唔帶酸味，反而有種清香盪氣蒸魚係好平凡，但加上古法二字，就忍唔住一試。黄花魚肉質嫩滑，滑到夾唔起，要用匙羹幫手，簡單調味突顯魚嘅鮮香好耐冇食夾饃，仲要係包住扣肉，唔怕肥嘅大胃自然會嗌夾包蒸得好綿，自己將塊肉夾入去，夾埋塊生菜，肉香滿滿但又中和油膩三色桂花班蘭糕聞所未聞，但睇個樣就知，係好花功夫嘅甜品，賣相出眾，味道真係有三種層次，同時又溝得埋，神級

又返咗嚟曾經每天都在呢區出入嘅地方，今日經開過，又約個老友飲啖茶食個包先😂😂😂😂😂————————又係一個環境舒適、地方闊落的好地方，吃得舒適，自在享受。—————————🐷招牌扣肉包：必屹的一個招牌菜……👍熱辣辣的包…..😋熱辣辣的扣肉炆得夠火候又夠味👍——————————-🐷秘製燒汁排骨王：又是一道自家秘製醬汁的排骨，咬落軟熟香滑，肉質嫩口，味道勁正，又是停不了的吃，份量還分了大中小，叫一碟小的都已經這麼足料👍———————————🐟客家豆醬黃花魚：黃花魚蒸得時間恰當，滑溜無比，又甜又嫩的肉質，我的自愛……..魚🐟—————————🍝星洲福建炒麵：足料的海鮮🦐🦪，蝦和蜆的海鮮甜美，滲入了在炒麵上更加甜，又有燒腩仔的香，又加入了韮菜蛋花肉碎………等等配料，零舍清甜好吃😋——————————經典菜式.食得滋味又舒適😋其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

屋企人鍾意食中餐，於是帶咗屋企人去食新加坡菜，同中菜菜式好相似，而且又有一番風味。今日係星期一餐廳都接近滿座，服務員好快就安排咗我哋坐卡位，坐得好舒服位置有寬躺。本身想試吓佢個冰鎮苦瓜，不過今日賣晒，於是叫咗其他特色招呼菜，扣肉包有啲似我細個食開饅頭夾肥豬肉，扣肉就冇咁肥，而且佢加咗塊生菜，味道豐富啲。另外仲叫咗鐵板豆腐，拎嚟送飯就一流。仲有個老鼠粉，味道幾特別，服務員仲會幫手將啲檸檬鹹魚同煲老鼠粉攪勻，兩個人食細份都太多，如果3-4個人都差吾多。

原來樂天除咗有上海菜，亦都有好特色嘅中菜，就是奧海城的樂天經典。餐廳的menu都好多菜式，我今日就揀了食三杯牛肉煲、滑肉米線湯及扣肉米線湯。三杯牛肉煲，上枱經已聞到很香的薑香味，裏面有很多經炸過的薑片，還有香葉及紅椒，牛肉切得較薄，入口有薑的香辣，好香口及好入味！滑肉米線湯面有豬肉丸外，還有豆腐、小棠菜 、海苔、雲耳及豆腐，味道是微辣，豬肉丸細細粒，但份量都頗多，大約有8粒，肉丸頗新鮮，和著濃濃的湯食，感覺很鮮味。豆腐非常嫩滑，更增加了整個米線的爽滑口感。扣肉米線湯，也是微辣，裏面有兩件頗大件的扣肉，肥瘦相間，炆得又軟又腍，皮和肉咬落去感覺融為一體，軟腍油香的~~甜品本來要楊枝甘露，但侍應話今晚無，所以要了三色桂花班蘭糕，其實桂花糕食過好多，桂花三色班蘭糕就第一次食，上枱見到三色班蘭糕真是好靚，靚到捨不得食，就好像一幅色彩斑斕的圖畫，三色桂花班蘭糕好香甜，煙靭軟滑，不但美，且食得香甜。

放假去咗奧海城見到有間樂天經典原來係樂天集團既新加坡餐廳，之前食過樂天皇朝都唔錯。今日食吓呢個新加坡菜先。坐底睇吓個menu 見到呢個黃金蝦球好吸引😍黃金蝦球嘩好大舊蝦肉，原來呢個黃金蝦球係配埋鹹蛋黃，黃金既意思即係鹹蛋黃。好味呀，外面脆卜卜蝦肉彈牙爽口，配咗鹹蛋黃好正。好香口。手工海鮮白玉磚呢個白玉磚Ho ho mei 炸得好乾身入面有豆腐蘿蔔木耳同蝦Bland 碎晒點埋個沙律醬仲好食。椒鹽香酥鮮淮山香噴噴既椒鹽味食落真係好惹味😋咬落鮮淮山好鮮味。三色桂花班蘭糕三色係有桂花班蘭同椰子將三種材料做出嚟食落好清甜。好味道😋

Lunch time去奧海城搵好嘢食，今次就嚟到樂天經典，我地兩個人叫左1款前菜、2款小炒同1碗米線。見到menu原來仲有黑胡椒炒蟹，非常吸引，下次有機會一定再叫😌-椒鹽香酥鮮淮山炸淮山我都係第一次食，原來同椒鹽味道又幾夾喎！淮山出面嘅炸粉唔會太厚，炸得香脆可口唔太油膩，椒鹽味道適中唔會太咸，份量就算兩至三個人分享到夠食。-喇沙海鮮米線估唔到呢度有得叫喇沙米線，我地揀左海鮮喇沙，材料有魚肉、蝦肉、豆卜、雞蛋等，好足料。喇沙湯底非常濃郁有濃郁椰漿味，米線份量都好足料😋-荔枝咕嚕肉除左平時咕嚕肉都會有嘅菠蘿之外，裡面仲加左原粒荔枝肉呀，估唔到清香嘅荔枝同咕嚕肉咁夾，個人覺得相比菠蘿，荔枝味道更加夾呀😋 醬汁味道酸甜適中，咕嚕肉炸得香脆可口，食落非常開胃，果然係必叫菜式👍🏻-四大天王裡面有茄子、秋葵、四季豆、荷蘭豆，一次過就可以食四款蔬菜🥬 醬汁好惹味，炒得好有鑊氣送飯一流呀🍚

呢排日日都落大雨, 係商場食飯就最好LA奧海城既選擇都幾多, 我同朋友揀左樂天經典, 呢間食中菜同新加坡菜既餐廳餐廳環境相當唔錯, 地方夠大, 座位與座位既距離都幾闊食物方面, 有好多款特色既小食, 仲有海鮮, 見到炒蟹都好想食, 但得兩個人, 唯有下次先食, 仲有呢度既食物大多數都有大中小選擇我地叫左:例湯: 今日既例湯係胡椒豬肚湯, 用個小燉盅上枱, 好好飲, 好有老火湯既味道喇沙海鮮摻摻: 識食新加坡野梗係要食摻摻, 可以食到油面同米粉兩種面既口感, 喇沙夠濃味, 入面既海鮮都相當足料泰式海鮮炒米: 呢個鑊氣好足, 炒米唔會油膩, 上面既海鮮, 蝦同魷魚都夠爽口, 份量仲好多添 金銀蛋浸時蔬: 食左咁多野, 要食下菜中和下, 佢個菜煮得唔會太淋, 應該既煮好就即刻上枱今日呢餐朋友同我都相當滿意

《樂天經典》無論食幾多次我都幾鍾意，位於奧運站港鐵上蓋，服務、食物、環境三方面都係唔錯的選擇，性價比高適合一班朋友或是家人相聚的好地方。餐牌上的種類繁多，不過應該是更改了少許食物或價錢。還記得星期一至五下午茶時段更會有半價優惠，萬勿錯過。黃金炸魚皮 $78小食通常都是冷盤或是炸物，今次選了黃金炸魚皮估不到有所驚喜。香脆的魚皮炸至金黃色脆，添上咸蛋黃更加惹味。古早魚香老鼠粉煲 $128期待已久的老鼠粉煲，每次前來都會單點。原煲奉上保持其餘溫並有蛋花與魚香共融，份量十足又滋味·值得推介。三杯牛肉煲 $138三杯雞大家就食得多，三杯牛肉第一次食估不到有所驚喜。牛肉味道恰到好處，另外薑片切成薄片炸至香口，相當脆口又惹味。馬來風光 $78新加坡及馬來西亞味道有馬拉盞炒通菜，有少許辣椒更加惹味。招牌酸桔香茅凍 $32甜品極力推介招牌酸桔香茅凍，夏日炎炎有果凍又清新並有酸桔非常開胃又透心涼。清心丸綠豆爽 $32久違了清心丸綠豆爽，綠豆清熟配上清心丸滿有煙韌口感不錯。

朋友住奧運，約左近近地係奧海城食飯。一直都想試下樂天經典既胡椒蟹，可惜同行朋友唔食得海鮮，今次就嗌餸食飯先啦！依度既環境好舒服，6點幾到未係太多人，有闊落既卡位坐，枱舆枱之間隔得疏，樓底又高，整體感覺私隱度高。坐低後好快有熱茶同小食上抬，小食係滷水花生，甜甜咸咸食住黎睇 MENU 又幾好。招牌扣肉包麵包熱辣辣，質感軟熟，扣肉好厚兼肥瘦相間，味道甘香肥美，夾埋生菜齊食中和番油膩感， 作為小食同朋友 share 一半岩岩好！客家豆醬黃花魚黄花魚表面金黃有光澤，好新鮮！入口有魚鮮味，肉質細嫩。加上普寧豆醬，更顯鮮味而且唔膩。手剁咸魚馬蹄蒸肉餅依個肉餅雖然簡單家常，但條真係好好味。咸魚梅香，咸香無比，伴飯一流！另有好多粒粒馬蹄增添口感，肉餅用人手剁果然口感最好，彈牙滑身。唯一覺得肉餅薄左d，如果厚番d就 perfect！ 依個真條撈兩碗白飯都得呀~最後叫左兩個甜品 share,清心丸綠豆爽熱辣辣，清心丸煙un, 啖啖都有馬蹄粒，口感豐富，唔會過甜，不錯。酸甘香茅凍香茅凍滑嘟嘟咁sir 入個口度，香茅味道清香，微微酸味清新解膩。飲埋啖茶埋單，每人都係200左右，食得舒適，服務又好，讚👍🏻

奧海城2期,搵食之旅,過到黎奧海城大把好野食今次黎到樂天經典,以前都食過尖沙咀店,而家只剩呢間今期餐牌優惠,龍蝦湯海鮮飯,有蜆有蝦有肉碎,超大碗龍蝦湯鮮濃順口,蝦油味重,蜆肉,蝦肉份量也不少夠1.5人 SHARE食,仲有脆米加埋入去食,口感更豐富另外必推介食上湯金銀蛋菜,個湯咸鮮味重拎黎拌下飯一樣咁好食另外個心私心最愛厚切燒汁排骨豬扒,每種菜式也有大中細SIZE2人食S碼就夠,呢份係中SIZE所以接近有十件豬扒,厚身鬆軟,燒汁帶點甜香肉汁拌飯食一流,個人最愛就係呢2道小菜平均消費$200/一個人#樂天經典 (奧海城) #奧海城 #消費券優惠 #樂天皇朝 大角咀海庭道18號奧海城二期UG樓UG09號舖

講到樂天集團既美食，我之前喺CNY 時喺公司order 過到會之後就不停驅使老公無論係飲茶定係同一大班朋友食飯都要不妨一試,而且menu 上個星州黑椒蟹真係吸引到爆！搬到大角咀後，我同老公都經常會去奧海城2期食野買野，而發現大角咀都有樂天集團既美食！因為又唔係好似喺公司咁一齊食party set, 所以職員都用心介招人氣既排骨皇- 當然無失望既係啖啖肉得黎又juicy,不過覺得如果個排骨王可以再多多少少汁去同個海鮮王炒飯做配搭就係perfect match了！