樂天經典 (奧海城二期)

營業中

休息中

好耐之前同朋友食過呢間位於奧海城嘅中菜餐廳，當時印象都唔錯，前幾日又行開奥海城，就同朋友再幫襯下🥢一飲到去店員就幫我地開左壺茶同放低左餐前小食。佢地嘅餐前小食味道都唔錯，係煮熟左嘅花生同栗子，係正式上菜前可以過下口癮。✨招牌扣肉包（$32）見唔少人推介佢地嘅扣肉包，我地就叫黎試下。微甜嘅白饅頭包住肥瘦相間嘅紅燒肉，饅頭嘅甜味中和左紅燒肉嘅肥膩感，味道都唔錯。✨排骨王（$98）呢款排骨王就相對冇咩驚喜，唔太特別。✨砂煲天麻黃酒雞（$98）呢個砂煲黃酒雞上枱嘅時候仲係熱到起泡，非常新鮮，食落有淡淡嘅藥材香，味道唔錯😋✨臘味炒飯（$95）最後呢個臘味炒飯都幾足料而且有鍋氣，都值得一試。

今日約左個朋友係奧海城食晏然後上佢屋企探BB😍作為中菜愛好者既我地，好快就決定黎試下呢間南洋菜～⭐️酸辣素羮 💰5️⃣2️⃣朋友鍾意食酸辣湯但就好唔中意豬紅，呢個素羮岩晒佢😂雖然變左素但都絕對足料👍酸辣味平衡得岩岩好，開胃一流～❤️海鮮皇炒飯(小) 💰9️⃣8️⃣呢個係餐牌特別推薦嘅菜式，賣相吸引😀炒飯粒粒分明有鑊氣，蝦肉爽口彈牙，帶子鮮味突出，搭配魚子嘅口感，果然係色香味俱全！💯⭐️酸甜生魚片(小) 💰1️⃣1️⃣2️⃣酸酸甜甜一向都係我好愛既菜式😍今次用咗生魚片而唔係一般嘅龍脷柳，口感更加結實👍 加埋呢個汁實在太好送飯😋❤️馬來風光(小) 💰8️⃣0️⃣用上馬來西亞出名既參巴醬去炒，食到蝦醬既鮮味但唔會過鹹，帶微微既辣，非常香口惹味！😇原本想試埋呢個咁靚既三色糕做結尾但實在太飽🙈 留返下次再黎食！😁

樂天經典呢間連鎖店其中一間位大角咀奧海城，奧運站一出行一兩分鐘就係，好方便。當我以為佢係食上海菜小籠包，其實原來佢係食新加坡菜，出名胡椒蟹，不過今日趕時間就無食蟹，下次一定要黎試下，因為佢有套餐好抵食。今日叫左啲普通菜，但都煮到好有屋企既味道。米線佢加左啲爆香左既蔥頭油，加落米線到食，非常香，所以就算係素菜米線，味道一樣整到好豐富。聚寶海鮮豆腐好特別，估唔到係咁大個豆腐，加左好多汁同海鮮粒，用黎送飯係一流。

開飯上訂的外賣自取，說是半個鐘能取，時間到了app上也顯示可以取餐，但去到餐廳發現根本沒有我的餐！！！服務員也不說為什麼沒出餐，也不說還要等多久，就讓人一直等到出餐！！！而且付了錢的訂單沒辦法取消，也沒地方投訴，只能傻子一樣等出餐，最後等了一個鐘才拿到我的外賣明明中間有很多通過外賣軟件叫餐的單出的很快啊！難道就因為外賣自取有discount就這麼差別對待嗎？？？那麼不想做的話就不要做外賣自取啊！非常生氣！！！！！！！

我地要左細份既黑胡椒螃蟹🦀️ 細份已經有一隻大蟹，兩個人share 剛剛好~ 隻蟹好新鮮厚肉，而黑椒汁好惹味，又唔會太辣💕 蟹殼已經拍好哂，仲有埋手套濕紙巾鉗等等，啱哂用手食🤤✺ 星洲黑胡椒螃蟹以為老鼠粉煲係乾炒，原來類似湯羮咁🤣 入面有蝦、冬菇絲、豬肉同椰菜花等等~ 撈埋上面住蛋，食落更加滑溜，鮮甜味濃❣️✺ 古早魚香老鼠粉煲私心推薦椒鹽香酥鮮淮山💕 炸到好香脆之外，加埋惹味椒鹽調味，香口到食唔停😆✺ 椒鹽香酥鮮淮山最後用酸柑香茅凍做結尾~酸酸甜甜好清新，最啱解膩❣️就算食到好飽都輕鬆KO😆✺ 招牌酸柑香茅凍✺ 蒜香紅海蜇頭✺ 菜香鐵板豆腐✺ 馬來風光

中菜1️⃣香酥南乳五花肉比較乾，脆嘅得果兩舊，又冇汁比人點。南乳味唔會太重💰HKD$882️⃣招牌扣肉包太讚👍🏻扣肉好淋，又唔會太肥😋配埋生菜，扣肉都好大舊好厚身👍🏻👍🏻💰HKD$26一件3️⃣南洋參巴空心菜依個菜都係必食呀🥰有少少辣但唔會搶左個味，汁都好夠👍🏻💰HKD$684️⃣泰式海鮮炒米（中）辣辣地，炒得好香，中份量已經好大碟😍但濕左d💰HKD$1325️⃣金牌脆皮燒雞依個就唔好食啦，雞骨好多，又唔係好脆，肉質唔係好滑。斬得又唔靚😾💰HKD$1786️⃣菜香鐵板豆腐😛豆腐超滑，配埋特製汁𤏪飯一流，超開胃😜💰HKD$987️⃣柑香茅凍有點奇怪的味道，個人認為太甜，同埋食多幾淡就唔想食了💰HKD$36

禁晚市的關係, 提早午市做節, 雖然早一星期訂位, 但人流明顯少了很多今天點了櫻花蝦四季豆秘製燒汁排骨王臘味炒飯金牌脆皮燒雞盅湯：准山杞子螺頭湯糖水：椰子西米露湯丸小菜賣相不錯, 四季豆份量很多, 蒜蓉櫻花蝦炒得很香, 排骨王醬汁很濃郁, 排骨大大舊啖啖肉, 燒雞外脆內嫩配上卜卜脆的蝦片, 今日臘味炒飯炒得較乾身, 配料很足, 一盅湯足夠3-5位飲用, 清甜滋潤, 糖水不得不讚, 椰汁很香滑又濃配上芝麻湯丸很滿足這間餐廳可以選擇S、M、L份量, 非常貼心, 可以因應自己人數而點, 小菜多選擇, 店舖坐位寬敞舒適, 適合聚會餐廳

今期主打新加坡螃蟹美食, 多款不同烹調方法蟹菜色, 還有冬日煲仔小菜系列我們點了必吃首選星洲黑胡椒螃蟹（中）臘味炒飯（中）金牌脆皮燒雞金薯蜜椒牛柳粒煲啫啫芥蘭臘味煲黑胡椒螃蟹新鮮啖啖肉只有少少辣, 但非常惹味, 必吃之選👍🏻, 臘味炒飯略嫌不夠乾身, 燒雞外脆內嫩配上卜卜脆的蝦片, 冬日煲仔小菜點了兩款, 熱辣辣味道不錯整體很好, 座位夠寬敞坐得很舒適, 小菜款式比較多, 可選擇份量, 這個加了分, 服務都不錯, 值得推介

-樂天經典🦀用一日兩餐星馬野 令自己好似去左新加玻咁😂中意食老鼠粉既我 2餐都嗌黎食無難度 仲順便可以比較一下有咩唔同！夜晚去左食樂天經典 已經好耐冇黎食記得以前食果陣係覺得幾好味✨二人蟹宴套餐（$498）🦀星洲黑胡椒螃蟹有驚喜！ 原隻螃蟹好新鮮 🦀 有少少蟹膏添同埋可以成個蟹鉗完整地拆出黎 ✨厚肉多汁 啖啖肉又鮮甜 加埋大量黑椒好惹味呢個真係好食到舔手指🤤🥣古早魚香老鼠粉煲入面有香菇蝦 滑蛋 椰菜花 豬肉 老鼠粉仲有陣陣既鹹魚香 味道濃郁 配合埋檸檬汁 令味道層次提升~如果份量再多啲仲好 有啲唔夠喉~🍤星馬特色拼盤總共有四款炸物： 酥炸豬肉蝦棗 / 炸得好酥脆 食到粒粒蝦肉椒鹽香酥鮮淮山/ 炸得外脆內嫩 香口好味手工海鮮白玉磚 / 初初以為係豆腐但其實係一堆海鮮攪勻而成幾有鮮香味蝦醬雞中翼/ 有蝦醬就一定冇得輸🤤🥬馬來風光其實就係馬拉盞炒通菜 鹹香爽口✨🍮招牌酸柑香茅凍幾中意呢個有香茅同酸柑既組合酸甜得黎好清新 解膩好味🤤

每次去新加坡🇸🇬都一定要食胡椒蟹😋 去唔到旅行都可以喺香港食到。經過奧海城，就發現呢間主打新加坡🇸🇬螃蟹菜式🤩🤩 平日夜晚都人潮擁擁。 點咗佢嘅二人蟹宴套餐，有小食拼盤、蟹、小菜、湯粉及甜品，只係$498 都幾抵食星馬特色拼盤有酥炸豬肉蝦棗，椒鹽香酥鮮淮山、手工海鲜白玉磚、蝦醬雞中翼，我都未試過🤩四款炸物各有特色，炸豬肉蝦棗味道香爽鬆脆，蝦飲鮮甜；椒鹽淮山香口惹味，外脆內嫩；海鮮白玉磚，我最初以為係豆腐🤣，原來份量十足嘅海鮮，唔怪之得味道特別鮮香有口星洲黑胡椒螃蟹原隻螃蟹🦀️，肉厚多汁，黑椒嘅香辣加添蟹肉嘅鮮甜，而且更惹味，諗起都想再食呀～～～馬來風光就係馬拉盞炒通菜，鹹香十足，通常爽甜古早魚香老鼠粉煲超級鍾意呢煲，材料滿滿，有蝦、豬肉、椰菜花、滑蛋、老鼠粉（銀針粉）等，熱騰騰🔥嘅煲，食落暖笠笠，加上味道香濃又唔會過重，銀針粉又彈牙。招牌酸柑香茅凍原本以為係飲品😂 其實係甜品，味道非常清新爽滑，食到停唔到口口

奥海城呢個地方對上去已經就系上年了呢間樂天經典朋友話夜晚去食過星加坡炒辣蟹好好食叫我同佢一齊去食午餐 睇吓晏晝有啲咩正野一行四人book左一點 可能係lunch time都幾多人完全爆場坐低之後店員會問我哋飲咩茶 有水仙同普洱揀喺大大份Menu入邊 我哋order左幾款嘢食share.🥢招牌扣肉包可能食慣咗爸爸煮嘅紅燒肉 🤩偏甜嘅口味我會比較鍾意呢份扣肉如果可以再甜啲就更好🥢星泰鳳爪同我哋食開一般嘅鳳爪味道 有啲唔同 明顯比較淡比起食開嘅唔夠酸辣甜 唔夠開胃🥢荔枝咕嚕肉打開Menu覺得呢款幾特別 因為平時都係見到菠蘿咕嚕肉荔枝咕嚕肉諗住覺得都會幾 fresh就試吓 點知！荔枝肉得兩粒？😫咁貴咩？雖然真係好甜好甜 不過三粒有啲少而咕嚕肉就係一般食到嘅嗰種味道 炸到脆卜卜 份量都算幾多🥢金薯蜜椒牛柳粒煲用上熱辣辣既鍋上菜😍冬天最岩呢到用左金薯代替薯仔🥔甜味更出 配上軟林林嘅牛柳粒👍🏼調味亦都岩岩 我幾中意😍😍🥢楊州炒飯味道上同一般既炒飯差唔多 就系平常食到既味道🤪🥢泰式海鮮炒米粉好香口 真系有種東南亞風味🤩 同朋友都覺得好香呢個米粉值得再回頭👍🏼😍

好耐無食過馬拉菜,喺openrice見到樂天經典依家做緊晚市辣椒蟹二人餐,好似幾吸引,$5XX有辣椒蟹食,好抵呀二人餐除咗有辣椒蟹,仲有一個小食拼盤,馬拉盞,老鼠粉同埋甜品小食拼盤:有炸准山,炸雞翼,炸豆腐同肉餅咁的野,全部炸物都熱辣辣上菜,表面都好香脆馬拉盞通菜:好香好入味,但又唔會太咸老鼠粉配檸檬汁:超大一鍋,入面的配菜好豐富,有冬菇,椰菜花,蝦米,雞肉等等,食落口感好滑溜,酸酸地好開胃辣椒蟹配炸饅頭: 蟹本身都幾大隻,蟹肉好實淨,好鮮甜,而個醬汁都似新加坡,加咗茄汁同蛋花,點炸饅頭食真係一流最後甜品,係檸檬香茅啫喱,已經飽到食唔落了

之前堂食過，點了芥末蝦球還不錯，所以今次試試外賣小份的芥末蝦球等其他菜。拆開外賣直接傻眼，12x一份的芥末蝦球居然只有6顆小小的蝦仁⋯⋯2x一顆蝦仁wtf不推薦點這家外賣的海鮮

絕對冇hea你嘅$500埋到單啲螃蟹套餐🦀食得多西餐日本嘢，間唔中都想試吓其他菜式，路過見到樂天呢個有蟹嘅套餐只係$500左右，好似好抵食所以就試吓星馬特色拼盤：酥炸豬肉蝦棗 - 類似肉丸，調味唔錯椒鹽香酥鮮淮山 - 點埋辣蟹個醬汁超夾🤤手工海鮮白玉磚 - feel到有啲海鮮嘅鮮味，推👍🏻蝦醬雞中翼 - 正常好味嘅炸雞翼，蝦醬味較淡辣椒螃蟹配炸刀切小饅頭🦀呢個一上台勁大份，隻蟹有兩隻手掌咁大，個蟹鉗亦都好巨型，配埋個辣醬一齊食勁惹味又啖啖肉，淨係嗰醬都可以撈幾碗飯，真心幾推薦👍🏻👍🏻馬來風光正常馬拉盞炒通菜，同樣幾好下飯🍚古早魚香老鼠粉煲呢個老鼠粉睇落成碗粥咁，食落都幾香濃嘅魚香味，不過佢加咗少少檸檬汁，味道上有dd唔夾，介意嘅話可以上枱時叫侍應唔好落檸檬汁招牌酸柑香茅凍鍾意香茅或者薑味嘅會覺得唔錯，友人鍾意，我就普通😬

點樣食推介✨⭐️新加坡菜 x 粵菜⭐️⭐️大角咀中菜⭐️樂天經典地址：大角咀海庭道18號奧海城二期UG樓UG09號舖🍖娘惹咖喱雞 (小) $98 (7.1/10)依款新加坡咖哩係比較辣同惹味💦，超級啱啱撈飯食，鹹甜適中，d薯仔都好入味，雞肉份量偏多，仲多過d薯仔😂，好抵嗌👍🏻🍖金薯蜜椒牛柳粒煲 $148 (7.8/10)平時已經係黑椒薯仔牛柳粒fans嘅我好鍾意依款煲仔小菜！店家用左勁甜嘅蕃薯去代替薯仔，而牛柳都用蜜糖去炒所以都係甜甜地咁🤣，今次係甜甜combo，螞蟻人表示勁好食🤤，成煲野都勁有鑊氣🍖星洲泰式鳳爪 $68 (6.8/10)依個星洲版嘅泰式鳳爪就稍微太過甜，變左糖漿鳳爪🤣，比較啱送飯食🍖金銀蛋浸菠菜 $88 (7.5/10)每次食小炒都會忍唔住嗌嘅菜式😬，鹹蛋同皮蛋真係絕配，加埋菠菜d葉會索曬佢地d精華，真係一流🤤回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）